Sport

Zyrtare, Lirim Kastrati bëhet me skuadër të re

Kastrati thotë se ka pasur oferta edhe nga klube të tjera.

Published

4 years ago

August 29, 2022

Betim Gashi

Klubi hungarez, Mol Fehervar ka njoftuar se ka nënshkruar me futbollistin e Kosovës, Lirim Kastratin me të cilin ka nënshkruar kontratë trevjeçare dhe do ta mbajë fanellën me numrin 10.

“Në bazë të marrëveshjes mes Legia Ëarszaëa dhe klubit tonë të hënën, Lirim Kastrati do të vazhdojë karrierën e tij me ne”, thuhet në njoftimin e klubit.

Ndërsa me këtë transferim u shpreh shumë i lumtur Kastrati, i cili bëri të ditur se ka pasur oferta edhe nga klube të tjera.

“Disa klube më janë afruar në periudhën e kaluar, por Vidi u tregua opsioni më i mirë në çdo aspekt. Para se të pranoja ofertën e klubit, fola me drejtorin sportiv István Sallói dhe trajnerin Michael Boris, dhe ishte shumë mirë që ata të dy donin që të transferohesha te Székesfehérvár. Një nga gjërat më të rëndësishme për një lojtar është të ndjejë besim. Përveç dy specialistëve kam folur edhe me ish-shokun tim të skuadrës, Myrto Uzuni, për futbollin hungarez dhe Vidin. Mendoj se kjo do të jetë një mundësi e mirë që të tregohem, qëllimi im i pazbuluar është të performoj në atë mënyrë që trajneri i Kosovës të llogarisë sërish tek unë, kam shumë besim se do të kemi një sezon të suksesshëm dhe me lojë të mirë, gola”, ka thënë Kastrati.

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

43 minutes ago

August 28, 2026

UBTNews

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Sport

Katër xhudistë të Kosovës në luftërat për medalje të bronztë në Taranto

Published

45 minutes ago

August 28, 2026

UBTNews

Kosova tashmë i ka katër xhudistë që do të luftojnë për medalje të bronztë në Lojërat Mesdhetare “Taranto 2026”.

Pas Akil Gjakovës, Dardan Cenës dhe Flaka Loxhës, mundësinë për të garuar për medalje e ka siguruar edhe Fatjona Kasapi.

Në repesazhin e kategorisë deri në 52 kilogramë, Kasapi e mposhti portugezen Maria Siderot me “Yuko”, duke siguruar kalimin në luftën për medaljen e bronztë.

Kështu, Kosova do të ketë katër mundësi për të fituar medalje të bronztë në xhudo gjatë ditës së sotme në Taranto.

D.L

Sport

Ilzer konfirmon mungesën e Asllanit në ndeshjen hapëse të Bundesligës

Published

1 hour ago

August 28, 2026

UBTNews

Fisnik Asllani nuk do të jetë i gatshëm për ndeshjen e parë të sezonit të ri në Bundesligën gjermane me Hoffenheimin.

Lajmin e ka konfirmuar të premten trajneri i skuadrës, Christian Ilzer, në konferencën për shtyp para ndeshjes me Kolnin.

“Fisit i duhet edhe pak kohë për të qenë plotësisht i gatshëm për skuadrën”, ka deklaruar Ilzer.

Sulmuesi 24-vjeçar i Kosovës i nisi me vonesë përgatitjet për sezonin e ri, për shkak të një problemi të lehtë në gju.

“Ai gradualisht do të marrë pjesë më shumë në stërvitje”, ka shtuar trajneri i Hoffenheimit.

Asllani gjatë kësaj vere ishte pranë transferimit te Leipzigu, por marrëveshja dështoi në momentet e fundit, raportohet për shkak të gjendjes së tij fizike. Më pas, në garë për shërbimet e tij u rikthye edhe Borussia Dortmundi, por e ardhmja e sulmuesit kosovar ende mbetet e paqartë.

Në sezonin e kaluar, Asllani ishte një prej lojtarëve më të spikatur të Hoffenheimit, duke realizuar 11 gola dhe 10 asistime në Bundesligë dhe Kupën e Gjermanisë.

Hoffenheimi e nis sezonin të shtunën, kur nga ora 15:30 përballet me Kolnin.

Në skuadrën e Hoffenheimit aktivizohen edhe dy futbollistë të tjerë me prejardhje kosovare, Leon Avdullahu dhe Albian Hajdari.

D.L