Sport

​Zbulohet lista e plotë e ekipit të Kosovës për Lojërat Mesdhetare

Ekipi përbëhet prej 39 sportistëve, 16 trajnerëve dhe tre gjyqtarëve.

Published

on

Komiteti Olimpik i Kosovës (KOK) ka prezantuar të hënën ekipin mesdhetar për Lojërat Mesdhetare Oran 2022, të cilat prej 25 qershor deri më 6 korrik do të mbahen në Oran të Algjerisë.

Ekipi në përbërje prej 39 sportistëve, 16 trajnerëve dhe tre gjyqtarëve, u prezantua në ceremoninë e organizuar në në Prishtinë, ku i pranishëm ishte edhe kryeministri Albin Kurti dhe ministri për Kulturë, Rini e Sport, Hajrullah Çeku.

Kampionia olimpike, Distria Krasniqi, u shpreh optimiste se këtë herë do të fitohen edhe më shumë medalje. Ajo kishte fituar të artën katër vjet më parë në LM Tarragona 2018.

Trajneri më i mirë i xhudos për vitin e kaluar, Driton Kuka, theksoi se krahasuar me katër vite më parë, këtë herë ka më shumë sportistë pretendentë për të fituar medalje.

Grupi i parë i ekipit niset sonte, ndërsa pjesa tjetër në ditët në vijim.

Lista e Kosovës për Lojërat Mesdhetare Oran 2022

Xhudo

Distria Krasniqi (-52 kg)

Akil Gjakova (-73 kg)

Loriana Kuka (-78 kg)

Laura Fazliu (-63 kg)

Flaka Loxha (-57 kg)

Erza Muminoviq (-48 kg)

Arbër Kullashi (-81 kg)

Shpati Zekaj (-100 kg)

Trajnerë: Driton Kuka dhe Majlinda Kelmendi

Boks

Donjeta Sadiku (-60 kg)

Bashkim Bajoku (-52 kg)

Shpetim Bajoku (-63 kg)

Patriot Behrami (-69 kg)

Lorent Murati (-57 kg)

Trajnerë: Besim Brahimi dhe Faton Xhakli

Mundje

Egzon Shala (-125 kg)

Alban Sopa (-74 kg)

Trajner: Sylejman Shala

Karate

Elhami Shabani (-75 kg)

Fortesa Orana (+68 kg)

Melos Gashi (-84 kg)

Albulenë Gërvalla (-55 kg)

Adelina Rama (-61 kg)

Trajner: Ylber Syla dhe Nazmi Gashi

Atletikë

Muhamet Ramadani (hedhje e gjylës)

Astrit Kryeziu (800 m.)

Gresa Bakraqi (3000 m.)

Alaudin Suma (hedhje e diskut)

Trajnerë: Shaban Ramadani dhe Bajram Duja

Not

Alush Telaku (flutur: 100m., 200m., 50m)

Vanesa Beka (bretk. 50m. dhe 100m.)

Trajner: Kujtim Kito

Shigjetari

Hazir Asllani (70m. ind)

Edi Dvorani (70m. ind)

Valmir Gllareva (70m. ind)

Trajner: Fehmi Bylykbashi

Shenjëtari Sportive

Nexhat Sahiti (10 m. pist. ajër)

Drilon Ibrahimi (10 m. pushk. ajër)

Trajner: Fehmi Berisha

Taekëondo

Arbër Azemi (-68 kg)

Arbër Bajra (-80 kg)

Trajner: Nuhi Gashi

Tenis

Vesa Gjinaj

Vullnet Tashi

Trajner: Jeton Hadërgjonaj

Pingpong

Fatih Karabaxhak

Kreshnik Mahmuti

Trajner: Dardan Imami

Gjimnastikë

Elvis Çitaku

Valëza Rama

Trajner: Abeliana Bregu dhe Besart Maqastena

Badminton

Rinor Gllareva

Trajner: Lulëzim Haziri

Gjyqtarë:

Latif Demolli (boks)

Fatmir Salhija (xhudo)

Besart Vitia (karate)

Sport

Xhaka i entuziazmuar për transferimin: Ka qenë një pritje e gjatë, por tani jam këtu dhe mezi po e pres!

Published

on

Granit Xhaka edhe zyrtarisht është bërë futbollist i Sunderlandit. Ai ka folur rreth përshtypjeve të tij rreth këtij transferimi.

Xhaka u shpreh i entuziazmuar për kapitullin e ri në “Stadium of Light”. “Jam shumë krenar që jam këtu,” tha Xhaka.

“Kur fola me klubin, u emocionova dhe ndjeva energjinë dhe mentalitetin që kanë të gjithë njerëzit dhe lojtarët. Është pikërisht ajo që doja dhe kam një ndjesi shumë të mirë”, deklaroi futbollisti me prejardhje nga Kosova.

32 vjeçari beson se është në momentin e duhur për të sjellë përvojën dhe cilësinë e tij në skuadër, duke theksuar rëndësinë që Sunderland të vazhdojë të ndërtojë mbi suksesin e arritur.

“Ne jemi kthyer aty ku klubi duhet të jetë, duam të qëndrojmë këtu për të shkruar historinë. Ndihem i gatshëm ta ndihmoj ekipin me përvojën time, por edhe me cilësinë time. Duhet ta gjejmë veten në fushë, por nuk mendoj se kjo do të jetë një problem i madh. Ka qenë një pritje e gjatë, por tani jam këtu dhe mezi po e pres.”

Përndryshe, futbollisti i Zvicrës do ta veshë fanellën me numrin e tij ikonik 34.

Continue Reading

Sport

Messi rikthehet me asistime vendimtare: Më duhet të luaj, jo të pushoj

Published

on

Lionel Messi tha se e pati të vështirë të gjente ritmin në pjesën e parë kundër Atlas të mërkurën në Chase Stadium, përpara se të jepte dy asistime në pjesën e dytë, përfshirë një për golin vendimtar, në fitoren 2-1 që hapi fushatën e Inter Miami CF në Leagues Cup.

Messi u rikthye në fushë pasi kreu pezullimin prej një ndeshjeje për mungesën në ndeshjen All-Star të MLS më 23 korrik dhe tha se, edhe pse pushimi mund t’u bëjë mirë disa lojtarëve, për të nuk është kështu.

“E vërteta është se ishte e vështirë që nuk luajta atë ditë. Edhe nëse [pushimi] duket më mirë, është më keq sepse më duhet të konkurroj,” tha Messi pas ndeshjes. “Fizikisht ndihem më mirë sa më shumë ndeshje të luaj dhe të futem në ritëm. Të shtunën nuk më lanë të konkurroj dhe e ndjeva këtë në pjesën e parë, por e rëndësishme është që fituam.”

Messi e ndoqi nga stoli barazimin e Inter Miami ndaj FC Cincinnati, për shkak të rregullit të ligës që thotë se çdo lojtar që mungon në All-Star Game pa miratim nuk mund të luajë në ndeshjen e radhës. Ai asistoi për Marcelo Weigandt në kohën shtesë për golin e fitores, i cili u anulua për pozicion jashtë loje, por u miratua nga VAR.

Messi ka shënuar ose asistuar në 21 nga 27 golat e fundit të Inter Miami në të gjitha garat, që nga 28 maji.

“Është një kompeticion i madh; një që gjithmonë konkurrojmë,” tha Messi. “Është provë e madhe për ne të përballemi me ekipet meksikane, formati ka ndryshuar, kështu që mund ta shijojmë dhe ta luajmë. Është një garë e shkëlqyer. [Fitorja] është e rëndësishme.

Ekipet amerikane nuk kishin fituar, dhe është e rëndësishme për ne të përfitojmë sepse konkurrojmë kundër njëri-tjetrit. Ndërkohë që luajmë kundër ekipeve meksikane, tabela është në anën tonë dhe duhet të shënojmë më shumë se të tjerët.”

 

 

 

 

Continue Reading

Sport

Arabia Saudite e rikthen interesimin për Lewandowskin, Barcelona e hapur për ta shitur

Published

on

Barcelona edhe një herë gjendet në situatë të vështirë sa i përket kufirit të pagave, nuk është aspak befasi që disa nga lojtarët e tyre po lidhen me një largim të mundshëm.

Më i fundit është Robert Lewandowski. 36-vjeçari ka edhe një vit të mbetur në kontratë, pasi arriti marrëveshje për zgjatjen e saj në pranverë, dhe deri tani ka theksuar se synon ta respektojë kontratën deri në fund.

Sipas Mundo Deportivo, Arabia Saudite ka treguar interesim për Lewandowskin. Që nga momenti kur Barcelona nisi të kishte probleme me kufirin e pagave, kjo temë është bërë e zakonshme, sulmuesi është lojtari më i paguar me Frenkie de Jong, dhe për shkak të moshës, nuk shihet si pjesë e planeve afatgjata.

Barcelona planifikon ta ketë Lewandowskin për sezonin e ardhshëm, ai do të jetë sulmuesi qendror titullar. Nëse Lewandowski kërkon të largohet, klubi nuk do ta ndalonte, por do të kërkonte shumë transferimi. Merkatoja e Arabisë Saudite nuk mbyllet deri më 23 shtator, shumë pas afatit të 1 shtatorit në Spanjë.

Me ardhjen e Marcus Rashford, Barcelona ka më shumë alternativa për qendrën e sulmit, pasi edhe Dani Olmo dhe Ferran Torres shihen si opsione për atë rol. Deklarata më e fundit nga vetë Lewandowski është se ai dëshiron të luajë për Barcelonën sezonin tjetër.

Ai ka thënë disa herë se ndjen se ka ende disa vite në nivelin më të lartë, dhe sezonin e kaluar ishte golashënuesi më i mirë i ekipit me 42 gola.

Për ta ndryshuar këtë situatë, Arabia Saudite do të duhet ta tundojë me një ofertë të jashtëzakonshme.

Continue Reading

Lajmet

Zyrtare: Felix transferohet nga Chelsea në Al-Nassr

Published

on

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Të kërkuara