Sport

Vllaznia-Laçi, ndeshja e vetme në programin e Superligës së Shqipërisë

Published

6 years ago

February 5, 2021

Betim Gashi

Superliga e Shqipërisë vazhdon sot me një përballje interesante në kuadër të xhiros së 18-të. Vllaznia pret në shtëpi, në stadiumin “Loro Boriçi”, skuadrën e Laçit.

Vendi i parë do të përballet me vendin e tretë, ku skuadra e Vllaznisë ka rastin që të thellojë më shumë avantazhin me pikë ndaj vendit të dytë. Kurse një fitore e mundshme e Laçi-t, do t’i shihte ata të lëvizin nga pozita e tretë në të dytën.

Pas 17 xhirosh, Vllaznia gjendet në vendin e parë me 11 fitore, katër barazime dhe dy humbje, duke arkëtuar kështu 37 pikë.

Në anën tjetër, skuadra e Laçit pas 17 ndeshjesh, ka arritur të regjistrojë shtatë fitore, gjashtë barazime dhe katër humbje, duke u pozicionuar në vendin e tretë, me gjithsej 27 pikë, një më pak se vendi i dytë Partizani.

Programin e plotë të Superligës së Shqipërisë mund ta gjeni të bashkangjitur më poshtë.

18:00 Vllaznia (1) – Laçi (3) (Stadiumi Loro Boriçi)

Vendi

Akil Gjakova mbyll garën pa medalje në Abu Dhabi

Published

32 minutes ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

60 minutes ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/