Lajmet

​Vitia paralajmëron masa të reja anti-COVID

Publikuar

3 vjet më parë

më

Ministri i Shëndetësisë, Arben Vitia ka paralajmëruar se do të ndërmarrin masa të reja anti-COVID. Ai në seancën e sotme të Kuvendit të Kosovës, tha se sado që është lajm i mirë arritja e vaksinave, masat duhet të respektohen nga të gjithë qytetarët.

Vitia tha se me të marrë detyrën kanë intensifikuar punën për sigurimin e vaksinave të tjera, për çka tha se janë në rrugë të mirë dhe se kanë marrë konfirmime nga kompani të tjera. Ai tha se shpreson që shumë shpejt do të përfundojnë të gjitha procedurat dhe vaksinat të vijnë sa më shpejt.

“Sado që është lajm i mirë që po mbërrin vaksinat masat të cilat janë në fuqi dhe masat të cilat do të ndërmerren në ditët në vazhdim në raport me situatën në terren është shumë e rëndësishme që të respektohen nga të gjithë ne dhe nga qytetarët”, tha ai.

Ai i është përgjigjur edhe deputetit të PDK-së, Bekim Haxhiu, sa i përket planit të vaksinimit.

“Plani për vaksinim tani më veç është përpiluar edhe më herët, natyrisht fillon me punëtorët shëndetësorë ashtu siç janë informuar edhe qytetarët, kurse do të vazhdojë me personat mbi moshën 80-vjeçare dhe ne i kemi listat e këtyre personave. Janë diku rreth 30 mijë persona mbi moshën 80-vjeçare dhe natyrisht atyre nuk do t’iu kërkohet vetëm në platformë që të aplikojnë në platformën online, mirëpo do të kontaktohen dhe secili person mbi moshën 80-vjeçare sipas planit do ta marrë vaksinën në këtë kontingjent, duke vazhduar sipas këtij plani pastaj me moshat tjera në kontingjentet tjera që do të vijnë në vijim”, tha ai.

Kryeministri i Kosovës, Albin Kurti, në seancën e sotme të Kuvendit njoftoi se arsyeja pse e ka marrë i pari vaksinën antiCOVID, është për shkak të reputacionit të lënduar të vaksinës AstraZeneca në botë. E siç tha ai, po të ishte vaksina e Pfizerit apo Moderna, nuk do ta merrte.

Etiketa
Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

23 orë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

1 ditë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

2 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Lajmet

Komandanti i Gardës Kombëtare të Iowa-s po qëndron në Kosovë me ftesë të komandantit të FSK-së

Publikuar

2 ditë më parë

më

14 Qershor, 2024

nga

Me ftesë të veçantë të komandantit të Forcës së Sigurisë së Kosovës, gjenerallejtënant Bashkim Jashari, në Kosovë po qëndron komandanti i Gardës Kombëtare të Iowa-s, gjeneral major Stephen Osborn.

Ai është i shoqëruar nga rreshter majori komandues i Gardës Kombëtare të Iowa-s, Matthew Strasser dhe delegacioni përcjellës, të cilët janë mysafirë të KOMFSK-së në kuadër të aktiviteteve të 25-vjetorit të çlirimit të Kosovës.

Gjatë vizitës, Jashari priti në takim Osbornin ku e falënderoi për vizitën e delegacionit të tij dhe për bashkëpunimin e shkëlqyeshëm bilateral në mes të Forcës së Sigurisë së Kosovës dhe Gardës Kombëtare të Iowa-s.

Tutje, gjeneralët u pajtuan për zbatimin e planit të përbashkët të bashkëpunimit 2025-2026 mes GK Iowa dhe FSK-së.

Vazhdo të lexosh

Të kërkuara