Kulturë

​Ukraina nuk do të jetë nikoqir i këngës së Eurovizionit

EBU erdhi në përfundim se vendimi për zhvendosjen e ngjarjes në një shtet tjetër ishte marrë.

Published

on

Ukraina fitoi këtë vit konkursin në Torino të Italisë, por nuk do të jetë mikpritës i garës vitin e ardhshëm, pasi Unioni Evropian i Transmetuesve (EBU) njoftoi se shtëpia mediatike ukrainase UA: PBC nuk mund të garantonte sigurinë dhe performancën.

EBU tha sot se “e kupton plotësisht zhgënjimin”, porse vendimi bazohej në përgjegjësinë për sigurinë e të gjithë atyre që punojnë dhe marrin pjesë në ngjarje, “i cili planifikim duhet të fillojë menjëherë në vendin ku zhvillohet”, thuhet në raport.

“Të paktën 10.000 njerëz punojnë në Eurovision Song Contest, i cili përfshin staf dhe gazetarë. Pritet edhe ardhja e 30 mijë ndjekësve. Mirëqenia e tyre është shqetësimi ynë kryesor. Rregullat e Eurovizionit, për të cilat bien dakord të gjitha mediat, e bëjnë të qartë se një ngjarje mund të zhvendoset në rast të forcës madhore, siç është lufta aktuale”, tha EBU.

“Ne kemi marrë parasysh edhe komentin e sekretarit të Përgjithshëm të NATO-s, Jens Stoltenberg, i cili tha se lufta në Ukrainë mund të zgjasë me vite”, shtoi EBU.

EBU erdhi në përfundim se vendimi për zhvendosjen e ngjarjes në një shtet tjetër ishte marrë dhe se diskutimet ishin duke u zhvilluar për një vend të përshtatshëm për garën e ardhshme.

Magazinë

Jennifer Aniston rikthen Rachel-in e “Friends”-ave

Published

on

Jennifer Aniston, ikonë e padiskutueshme e stilit të flokëve (dhe e vetmja që me të drejtë mund të quhet mbretëresha e modelit “The Rachel”), sapo prezantoi një version të ri, modern dhe super të lezetshëm të prerjes që e bëri legjendë.

Po flasim për një “curve cut”, një stil i ri me shkallëzime të lehta që harkohen drejt fytyrës, duke krijuar një pamje natyrale, të rafinuar dhe sikur ke dalë nga sezoni 6 i “Friends”. Në një video të saj në Instagram, gjithë vëmendjen e morën flokët e Jenniferit.

Prerja më e re e Jen është përkufizimi i të dukurit yll pa shumë mundim: një kombinim mes një prerjeje “flutur” të zbutur dhe shtresave të lehta të stilit të viteve ’90-të. Me fjalë të tjera, nostalgji e kuruar me detaje. Më e mira e gjithë kësaj?

Ky model funksionon në çdo gjatësi dhe teksturë flokësh, nga gjatësia e shpatullave te flokët e gjatë dhe nuk ka nevojë për stilim të ndërlikuar. Nëse po kërkon një prerje të re dhe pa shumë nevojë për mirëmbajtje për verën 2025, Jennifer sapo ta dha idenë perfekte.

Continue Reading

Magazinë

Liam Neeson shet apartamentin luksoz në New York për mbi 10 milionë dollarë

Published

on

Nuk është vetëm suksesi në kinema që po i sjell fitime Liam Neeson këto ditë.

Aktori hollivudian, i cili sapo ka dalë në ekran me“The Naked Gun”, ka shitur së fundmi apartamentin e tij në New York City për plot 10.3 milionë dollarë. Lajmi u bë i ditur nga dokumentet zyrtare të qytetit dhe u raportua fillimisht nga New York Post, ndërsa PEOPLE konfirmoi gjithashtu transaksionin.

Bëhet fjalë për një super-apartament me 5 dhoma gjumi, 5 banjo, me sipërfaqe prej 4,524 metrash katrorë, kombinim i tre njësive banimi të bashkuara.

Prona u listua në treg në mars për 10.75 milionë dollarë, por përfundimisht u shit pak më lirë. Neeson dhe bashkëshortja e tij e ndjerë, aktorja Natasha Richardson, e kishin blerë apartamentin më 1999 për 3.9 milionë dollarë, duke realizuar kështu një fitim të konsiderueshëm pas më shumë se dy dekadash.

Shtëpia ndodhet në një nga zonat më prestigjioze të Manhatanit, vetëm një bllok larg Central Park. Dhomat ofrojnë pamje panoramike të parkut dhe lumit Hudson, kuzhinë të madhe me dritare të plota, dhomë familjare dhe një suitë master me spa private, dhomë për fëmijë dhe palestër personale.

Ndërtesa, siç pritej, është e pajisur me portier 24 orë, supermarket brenda kompleksit, pishinë dhe palestër moderne të markës Equinox, si dhe fushë basketbolli për rezidentët.

Continue Reading

Magazinë

Katy Perry ndal koncertin për fansen që humbi ndjenjat në krahët e saj

Published

on

Një moment emocional ndodhi gjatë koncertit të fundit të Katy Perry në Detroit, ku një fanse e vogël, McKenna, humbi ndjenjat sapo u ngjit në skenë për të kënduar me idhullin e saj.

Perry e ftoi nga shkallët më të larta të arenës, por emocionet ishin shumë të forta për vajzën, e cila u rrëzua në tokë para se kënga “The One That Got Away” të niste. Reagimi i këngëtares ishte prekës: ajo u ul pranë McKennës dhe i qëndroi afër deri në ardhjen e ndihmës.

“O Zot, lutemi për McKennën, që ajo të rikthehet më e fortë se kurrë”, u lut Katy në skenë, përpara se të siguronte publikun se vajza ishte jashtë rrezikut.

Ky nuk ishte incidenti i vetëm i muajit për Perry-n, vetëm pak ditë më parë, flutura mekanike ku po performonte ra disa metra mbi publik, duke shkaktuar panik. Fatmirësisht, gjithçka përfundoi mirë edhe atëherë.

Continue Reading

Magazinë

Tom Holland rikthehet në Skoci – xhiron SpiderMan-in në rrugët e Glasgout

Published

on

Aktori britanik, Tom Holland, është takuar me fansat në qendër të Glasgow gjatë xhirimeve të filmit më të ri të Marvel-it, “Spider-Man: Brand New Day”, që pritet të jetë kapitulli i ardhshëm në sagën e famshme të superheroit.

Xhirimet nisën të premten dhe pritet të zgjasin për dy javë, me rrugë të tëra të qytetit që janë transformuar për të imituar atmosferën e një qyteti amerikan.

Disa zona të Glasgout janë bllokuar për qarkullim, autoritetet paralajmëruan për ndërprerje e devijime të përkohshme, shkruan BBC. Holland u pa të dielën duke xhiruar një skenë aksioni me kostumin e Spider-Man, përpara se t’i afrohej një grupi fansash të mbledhur aty pranë.

Rreth 100 persona ndoqën momentet e xhirimit, aktori ndau disa çaste me ta jashtë kamerave. Ky është projekti i dytë që Tom xhiron në Skoci. Më herët, ai u pa në zona të ndryshme përreth Inverness dhe Moray për filmin “The Odyssey”, të drejtuar nga regjisori Christopher Nolan.

Glasgou është shndërruar në një nga destinacionet më të preferuara për filmat e mëdhenj të Hollywood-it.

Në vitet e fundit, qyteti ka shërbyer si sfond për filma si “The Flash”, “The Batman”, “Indiana Jones and the Dial of Destiny” dhe shumë të tjerë, duke zëvendësuar metropole si New York-u apo edhe Gotham City-n e famshëm.

Continue Reading

Të kërkuara