

Shëndeti
Treguesit kryesorë se ju po hani shumë bukë
Published
4 years agoon
By
Betim GashiBuka nuk është problematike vetëm për shkak të kalorive, por edhe për shkak të karbohidrateve të përpunuara që shkaktojnë inflamacion të butë.
Ato mund të jenë shkaku i shumë problemeve shëndetësore, të cilat përfshijnë lodhje dhe konfuzion, si dhe dekoncentrim.
Një studim i kryer në 1.230 njerëz në moshë nga 70-89 vjeç tregoi se ata që hëngrën ushqimet më të pasura me karbohidrate kishin rrezikun më të lartë të zhvillimit të problemeve njohëse.
Për të parandaluar pasoja të mundshme negative, duhet t’i kushtoni vëmendje sinjaleve që trupi ynë na dërgon kur hamë shumë bukë.
Ju shtoni kile
Nëse numri në peshore rritet, kjo mund të nënkuptojë që ju akoma hani pak, veçanërisht nëse hani atë të bërë nga mielli i bardhë.
“Kur ju hani bukë, rritet mundësia që ju të hani ushqime të tjera jo të shëndetshme së bashku me bukën. Kjo pasi buka zakonisht kombinohet me mish të përpunuar dhe djathëra të yndyrshëm”, tha nutricionistja Trista Best.
Sipas një studimi të vitit 2014, individët që hanin dy ose më shumë racione bukë në ditë kishin ndjeshëm më shumë gjasa të bëhen obezë sesa ata me një ose më pak porcione bukë në javë.
Ju jeni gjithmonë të uritur
Nëse keni nevojë për bukë kur jeni të uritur, kjo mund t’i përkeqësojë gjërat.
“Shumica e llojeve të bukës rafinohen dhe kanë pak lëndë ushqyese. Kjo do të thotë që trupi juaj nuk regjistron që keni ngrënë diçka dhe nuk ndiheni të ngopur pasi keni konsumuar bukë. Vetëm rrit nivelin e sheqerit në gjak, gjë që ju bën edhe më të uritur”, tha nutricionistja Shana Husin.
Shpesh keni dhimbje stomaku
Edhe pse shumë njerëz mendojnë se buka me fibra është e mirë, jo të gjithë janë të tillë. Në disa lloje të bukës shtohen fibra si inulin dhe betaglucan, të cilat shoqërohen me dhimbje stomaku, fryrje dhe gazra kur konsumoni shumë prej tyre”, thotë nutricionistja Rachel Fine.
Nivelet e sheqerit po rriten
Nëse niveli i sheqerit në gjak rritet në nivelin jo më të shëndetshëm, buka mund të jetë përgjegjëse.
“Konsumimi i tepërt i bukës, veçanërisht i asaj së përpunuar, mund të çojë në procese inflamatore, të cilat mund të shkaktojnë rezistencë ndaj insulinës, një gjendje që zakonisht i paraprin diabetit”, thotë nutricionistja Heather Hanks.
Presioni i lartë i gjakut
Presioni i lartë i gjakut dhe konsumi i bukës janë më të lidhur nga sa mendojnë njerëzit. Sipas CDC amerikane, edhe konsumimi i një sasie të moderuar buke mund të shkaktojë një rritje të presionit të gjakut. Një studim nga viti 2018 tregoi se edhe një copë bukë në javë mund të shkaktojë një rritje të presionit të gjakut, shkruan Eat This Not That.
Shëndeti
Një shegë në ditë kundër infeksioneve të veshkave
Published
2 hours agoon
August 15, 2025By
UBT News
Infeksionet në veshka dhe ato në rrugët urinare janë të përhapura ndjeshëm.
Infeksionet nisin që nga veshkat e deri në traktin urinar duke u manifestuar me dhimbje, temperaturë dhe djegie. Problemet me infeksionet nuk duhen anashkaluar sepse i hapin rrugën problemeve të tjera që rëndojnë shëndetin.
Hapi i parë në rastin e këtyre infeksioneve është pirja e sa më shumë ujë dhe lëngje për të nxjerrë bakteret nga organizmi. Një nga lëngjet më të mira kundër këtyre infeksioneve është ai i shegës, i cili është i pasur me antioksidantë.
Vlerat shëndetësore të shegës
E pasur me vitaminë C dhe antioksidantë që luajnë rol thelbësor në parandalimin e akumulimit të baktereve në veshka dhe rrugët urinare. Vitamina C forcon imunitetin dhe e bën atë më të aftë të luftojë bakteret ndërsa antioksidantët eliminojnë toksinat. Një sistem i fortë ofron shërim më të shpejtë të infeksioneve.
Si të përdorni lëngun e shegës kundër infeksioneve?
Për shëndetin e veshkave dhe të traktit urinar, ekspertët rekomandojnë ngrënien e një shege ose pirjen e lëngut të saj çdo mbrëmje pas darkës. Pirja e rregullt e lëngut të shegës largon simptomat e infeksioneve dhe rezultatet vërehen shumë shpejt.
Mënyra të tjera për trajtimin e infeksioneve
Përveç shegës, njerëzit që preken shpesh nga infeksionet e rrugëve urinare mund të përdorin kura natyrale që ofrojnë një trajtim efikas të problemit.
Lëngu i limonit është një prej tyre, burim i pasur i vitaminës C dhe antioksidantësh që krijojnë një mjedis alkalin në organizëm. Lëngu i limonit pengon rritjen dhe zhvillimin e baktereve dhe nxit urinimin.
Ai nxit eliminimin e toksinave të rrezikshme nga trakti urinar.
Lëngu i boronicës së kuqe parandalon shumimin e baktereve të këqija të rrugëve urinare. Ajo eliminon toksinat dhe pengon rishfaqjen e infeksionit.
Shëndeti
Tre mënyra për të ulur tensionin e gjakut
Published
4 hours agoon
August 15, 2025By
UBT News
Tensioni i lartë i gjakut, i njohur si hipertensioni, prek rreth një të tretën e të rriturve në Mbretërinë e Bashkuar dhe është një ndër faktorët më të rrezikshëm për sulme në zemër dhe sëmundje të tjera të rënda shëndetësore. Ajo që e bën shqetësuese është fakti se shumë njerëz nuk janë të vetëdijshëm se vuajnë nga hipertensioni deri kur shfaqen komplikime të mëdha.
Një trend alarmues është rritja e rasteve të hipertensionit tek të rinjtë, fenomen që lidhet me stilin e jetesës sedentare, ushqimin jo të shëndetshëm dhe gjithashtu stresin kronik. Profesori Jacob George nga Universiteti i Dundee thekson se numri i pacientëve nën 30 vjeç me hipertension është dyfishuar gjatë 20 viteve të fundit, ku mbipesha është shkaku kryesor.
Lidhur me këtë dietologia Courtney Kassis ka ndarë disa këshilla praktike e natyrale për uljen e presionit të gjakut që kanë treguar efekt ek pacientët e saj
Këshilla natyrale për uljen e presionit të gjakut:
Kufizoni ushqimet e përpunuara dhe sheqernat e shtuara
Ushqimet e përpunuara, pijet e gazuara, buka dhe vaktet e gatshme kontribuojnë në rezistencë ndaj insulinës dhe inflamacion të përgjithshëm – faktorë që ndikojnë drejtpërdrejt në rritjen e presionit të gjakut.
Mbi 50% e ushqimeve që konsumohen në Britani janë ultra-të përpunuara, drithërat me shumë sheqer, darkat e gatshme, picat e ngrira, biskotat e çokollatat.
Hani më shumë ushqime natyrale dhe të plota
Përfshini në dietë perime jo niseshtore (si brokoli, spinaqi, sallatat), fruta me indeks të ulët glicemik (si manaferrat), arra dhe fara.
Këto ushqime janë të pasura me kalium, magnez e fibra – përbërës që ndihmojnë në rregullimin e presionit të gjakut. Ekspertët shëndetësorë të NHS-s në Britani japin rekomandime për të ngrënë 5 porcione fruta e perime çdo ditë. Këto mund të jenë të freskëta, të ngrira, të konservuara ose të thata.
Pjesa tjetër e dietës duhet të përfshijë karbohidrate të shëndetshme si orizi, patatet dhe makaronat, si dhe proteina nga peshku, mishi pa dhjamë, vezët, dhe produktet e bulmetit. Zëvendësoni kripën e zakonshme me kripë deti – por me kujdes.
Courtney rekomandon përdorimin e kripës së detit në vend të asaj të zakonshme, pasi ajo përmban minerale të dobishme.
Edhe kripa e detit ka përmbajtje të lartë natriumi. Konsumi i tepërt mund të shkaktojë tension të lartë të gjakut. Sipas NHS, të rriturit nuk duhet të konsumojnë më shumë se 6 gram kripë në ditë (rreth një lugë çaji në nivel).
Shëndeti
Këto shenjat tregojnë se se veshkat tuaja kanë nisur të dëmtohen
Published
5 hours agoon
August 15, 2025By
UBT News
Dy veshkat në trupin tuaj janë secila në madhësinë e grushtit dhe çdo ditë filtrojnë deri në 140 litra gjak. Veshkat janë të domosdoshme për mbajtjen e gjakut të pastër dhe për shumë funksione të tjera metabolike.
Ato parandalojnë grumbullimin e mbeturinave e lëngjeve shtesë në trup, mbajnë nivelet e elektroliteve të qëndrueshme dhe prodhojnë hormone që ndihmojnë në rregullimin e presionit të gjakut, prodhojnë qeliza të kuqe të gjakut e ndihmojnë në shëndetin e kockave.
Është e rëndësishme të kuptoni dhe njihni simptomat e veshkave të dëmtuara që të parandaloni avancimin e sëmundjes
Shenjat më të zakonshme të dëmtimit të veshkave përfshijnë:
Ndryshime në urinim
Kur veshkat dëmtohen, ndryshimet në urinim mund të jenë shenjat e hershme. Urina juaj mund të jetë e shkumëzuar ose me flluska, mund të urinoni më shpesh ose në sasi më të mëdha. Urina juaj mund të përmbajë gjak ,ose mund të ndjeni vështirësi gjatë urinimit.
Ënjtje
Nëse veshkat tuaja nuk punojnë siç duhet, ata nuk do të heqin lëngun shtesë në trupin tuaj, gjë që mund të çojë në ënjtjen e këmbëve, fytyrës apo duarve.
Lodhje
Kur veshkat janë të shëndetshme, prodhojnë hormonin e quajtur eritropoietin. Ky hormon i tregon trupit të bëjë qeliza të kuqe të gjakut që transportojnë oksigjen. Veshkat e dëmtuara prodhojnë më pak EPO, kështu që ka më pak qeliza të kuqe të gjakut duke transportuar oksigjen. Muskujt dhe truri juaj lodhet më shpejt dhe kjo gjë mund të çojë në anemi.
Alergji lëkure
Nëse veshkat nuk heqin mbeturinat nga qarkullimi i gjakut, grumbullimi i tyre shkakton kruajtje të rëndë ose skuqje të lëkurës. Mbeturinat grumbullohen në gjak, duke bërë që lëkura të thahet dhe acarohet.
Shija metalike në gojë
Kur mbeturinat grumbullohen në gjak, shkaktojnë frymëmarrje të keqe dhe madje të ndryshojnë shijen e ushqimit. Nëse vëreni humbje të oreksit ose ndryshim në preferencat ushqimore, mund të jetë një shenjë e dëmtimit të veshkave. Mbeturinat mund të shkaktojnë gjithashtu të përziera dhe të vjella.
Aktualitet
Kardiologu Edis Demiri rrëfen një prej rasteve më sfiduese në karrierën e tij: Pacienti ishte në gjendje të rëndë, por gjithçka shkoi mirë
Published
9 hours agoon
August 15, 2025By
Driton Iseni
Gjatë episodit të podcastit “Shëndeti në rend të parë”, e mbështetur nga United Hospital, kardiologu invaziv, Edis Demiri ndau një prej rasteve më sfiduese në karrierën e tij, ku falë reagimit të shpejtë dhe profesionalizmit të ekipit mjekësor u shpëtua një jetë në rrezik të madh.
“Isha jashtë objektit të spitalit për një obligim zyrtar, kur më thirri një mjek nga urgjenca. Më tha se ka një pacient me infarkt akut në zemër dhe ka nevojë për trajtim të menjëhershëm”, rrëfen Demiri.
Ai tha se pacienti ishte një burrë 52-vjeçar, kurbetçar nga Holanda, i cili ishte në udhëtim me familjen e tij nëpër Ballkan.
Demiri tha se gjatë rrugës, në Kosovë, ai pësoi infarkt në zemër, duke hyrë në shok kardiogjenik.
“Gjendja ishte tejet serioze, familja e tij e tronditur dhe krejtësisht e papërgatitur. Ai ishte shoferi i kombit me të cilin udhëtonin, kështu që përgjegjësia mbi të ishte edhe më e madhe”, tregoi Demiri.
Falë intervenimit të shpejtë, siç tha Demiri pacienti u dërgua menjëherë në sallë ku iu hap arteria e mbyllur.
“Brenda dy-tre ditësh, pacienti u përmirësua dhe u lirua për në shtëpi. Ky rast ishte sfidues jo vetëm nga aspekti mjekësor, por edhe nga ai shoqëror. Është ndryshe kur dikush sëmuret në vendin ku jeton, dhe krejt tjetër kur ndodh kjo gjatë një udhëtimi, me gjithë familjen me vete”, përfundon Demiri.
Për më shumë ndiqni podcastin e plotë “Shëndeti në rend të parë”. /Telegrafi/

Sa ka ndryshuar pas 25 vitesh lokacioni ku u xhirua seriali ikonik “Teletubbies”?

Një shegë në ditë kundër infeksioneve të veshkave

Sezoni i ri në Superligë nis në fundjavë, ndeshje mjaft interesante na presin

Qendra Kinematografike e Kosovës emëron Këshillin e ri Profesional

Ndalohet nga policia, prishen pushimet e Leonardo DiCaprios në Ibiza

Microsoft u kërkon përdoruesve ta injorojnë përsëri këtë gabim

Zelensky dhe Macron bien dakord të takohen pas samitit Trump-Putin

Andi Zeqiri në kërkim të një skuadre të re, dëshiron largimin nga kampionati belg

Trump para se të nisej për në Alaska: Rreziqet janë të larta
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit