Automobilizëm elektrikë

​Tesla shënoi të ardhura rekord në tremujorin e fundit të vitit të kaluar

Tesla bëri të ditur bilancin për periudhën tetor-dhjetor të vitit 2022.

Publikuar

2 muaj më parë

më

Të ardhurat dhe fitimi neto i prodhuesit amerikan të automjeteve elektrike Tesla, arritën nivel rekord në tremujorin e fundit të vitit të kaluar me 24.3 miliardë dollarë, gjegjësisht 3.7 miliardë dollarë.

Tesla bëri të ditur bilancin për periudhën tetor-dhjetor të vitit 2022.

Sipas kësaj, të ardhurat e kompanisë në tremujorin e fundit të vitit të kaluar në krahasim me të njëjtën periudhë të vitit paraprak janë rritur me 37 për qind duke arritur në 24.3 miliardë dollarë. Kompania në çerekun e katërt të vitit 2021 realizoi 17.7 miliardë të ardhura.

Të ardhurat e Tesla-s që arritën në nivel rekord gjatë kësaj periudhe, tejkaluan edhe pritjet e tregut që ishin në nivelin 24.2 miliardë dollarë. Të ardhurat e kompanisë edhe gjatë gjithë 2022-shin shënuan rritje prej 51 për qind duke arritur në 81.5 miliardë dollarë transmeton Anadolu Agency.

Fitimi neto i kompanisë në çerekun e katërt të vitit të kaluar në krahasim me periudhën e njëjtë të vitit paraprak shënoi rritje prej 59 për qind duke arritur në 3.7 miliardë dollarë. Fitimi neto i “Tesla”-s në tremujorin e fundit të 2021 ishte 2.3 miliardë dollarë.

Në bazë vjetore, fitimi neto i kompanisë vitin e kaluar shënoi rritje dyfish duke arritur në 12.6 miliardë dollarë. Fitimet për aksion të kompanisë në çerekun e katër të 2021 ishte 0.68 dollarë ndërsa të njëjtën periudhë vitin e kaluar u rrit në 1.07 dollarë.

Tesla në vitin 2022 në shkallë globale dorëzoi 1.313.851 automjete. Gjithashtu edhe prodhimi i automjeteve në bazë vjetore në vitin 2022 u rrit me 47 për qind ndërsa me 40 për qind u rrit numri i automjeteve të dorëzuara.

Etiketa
Vazhdo të lexosh

Automobilizëm elektrikë

Volkswagen do të prodhojë bateri të automjeteve elektrike në Kanada

Ndërtimi i kësaj kompanie në Kanada do t’i ofrojë Volkswagenit qasje në subvencionet amerikane dhe kanadeze.

Publikuar

2 javë më parë

më

14 Mars, 2023

nga

Prodhuesi evropian i automjeteve, Volkswagen, njoftoi se kompania e saj e baterive PowerCo do të krijojë “gigafabrikën” e saj të parë jashtë shtetit për prodhimin e qelizave të baterive në St. Thomas në Ontarion jugperëndimore.

Prodhimi aktual është shtyrë për vitin 2027. Ndërtimi i kësaj kompanie në Kanada do t’i ofrojë Volkswagenit qasje në subvencionet amerikane dhe kanadeze.

Volkswagen megjithatë nuk ka dhënë shumë detaje në lidhje me planet e tij në Evropë mes shqetësimeve të vazhdueshme rreth subvencioneve të gjelbra të Uashingtonit.

Amerika e Veriut është zonë strategjike për Volkswagenin dhe kryeshefi ekzekutiv, Oliver Blume, tha se “strategjia e Amerikës së Veriut është prioritet kyç”./UBTNews/

Vazhdo të lexosh

Aktualitet

Hyundai në bisedime për të shitur fabrikën në Rusi

Marrëveshja mund të nënshkruhet në qershor.

Publikuar

3 javë më parë

më

9 Mars, 2023

nga

Mediat koreano-jugore raportuan se Hyundai Motor Co, e cila pezulloi operacionet marsin e kaluar, është në bisedime me një kompani kazake për të shitur fabrikën e saj prodhuese në Rusi.

Shumë fabrika në Rusi kanë pezulluar prodhimin për shkak të sanksioneve që kur Moska pushtoi Ukrainën vitin e kaluar.

Yonhap raportoi se negociatat për shitjen e fabrikës së Hyundai në Shën Petersburg te një kompani e lidhur me makina në Astana, Kazakistan janë në fazën përfundimtare, duke cituar një burim të paidentifikuar.

Marrëveshja mund të nënshkruhet në qershor, tha ai./UBTNews/

Vazhdo të lexosh

Automobilizëm elektrikë

Tesla ul çmimet në modelet e saj më të shtrenjta

Lajmi erdhi disa ditë pasi kryeshefi ekzekutiv, Elon Musk tha se uljet e fundit të çmimeve në modelet e tjera kanë nxitur kërkesën.

Publikuar

3 javë më parë

më

6 Mars, 2023

nga

Tesla ka ulur çmimet në dy modelet e automjeteve më të shtrenjta elektrike në Shtetet e Bashkuara të Amerikës, thuhet në njoftimin e kompanisë. Lajmi erdhi disa ditë pasi kryeshefi ekzekutiv, Elon Musk tha se uljet e fundit e çmimeve në modelet e tjera kanë nxitur kërkesën.

Uljet e çmimeve, vendimi i pestë i Tesla-s që nga fillimi i vitit, varionin nga 4% në versionin e performancës së Model S në 9% në Modelin X më të shtrenjtë.

Musk ka thënë gjatë muajve të fundit se Tesla do të fokusohet në uljen e çmimeve për të nxitur kërkesën dhe se pati sukses me uljen e çmimit të veturave./UBTNews/

Vazhdo të lexosh

Automobilizëm elektrikë

Tesla do të ndërtojë një fabrikë të re në Meksikë

Presidenti i Meksikës, Andres Manuel Lopez Obrador tha se fabrika do të ndërtohet në Monterrey.

Publikuar

3 javë më parë

më

5 Mars, 2023

nga

Tesla po planifikon të ndërtojë një fabrikë në Meksikë, duke u bashkuar me prodhuesit tjerë të makinave që po rrisin praninë e tyre në jug të kufirit të Shteteve të Bashkuara të Amerikës.

Presidenti i Meksikës, Andres Manuel Lopez Obrador tha se fabrika do të ndërtohet në Monterrey. Ky qytet është tri orë larg nga Teksasi.

Meksika kishte ngritur më parë shqetësime mbi atë se si kërkesat për ujë nga fabrika mund të ndikojnë në rajon. Por Lopez Obrador tha se Musk u zotua se nuk do të ketë shqetësime të tilla në të ardhmen.

Meksika po përpiqet të pozicionohet si fituese pasiqë tensionet mes Shteteve të Bashkuara të Amerikës dhe Kinës prishin zinxhirët tradicionalë të furnizimit.

Sipas Obrador, ky do të jetë një investim i konsiderueshëm dhe do të krijojë shumë vende pune.

Kjo do të jetë fabrika e tretë e Tesla-s jashtë SHBA-së, pasiqë ka hapur fabrika në Kinë dhe Gjermani gjatë viteve të fundit./UBTNews/

Vazhdo të lexosh

Të kërkuara