Kronika e zezë

​Tentoi të vriste vëllain, prokuroria kërkon një muaj paraburgim për të dyshuarin

Kanosja ka ndodhur përmes telefonit duke iu thënë se ‘do iu vras të gjithëve’, përfshirë edhe fëmijët e motrës së tij.

Publikuar

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit V.V., për shkak të dyshimit të bazuar se ka kryer veprat penale “Kanosje”, “Vrasje e rëndë në tentativë”, si dhe, “Mbajtja në pronësi, kontroll ose posedim të paautorizuar të armëve”.

Prokuroria njofton se, të martën, me qëllim të frikësimit dhe shkaktimit të ankthit, i pandehuri, seriozisht i kanos se do t’i privojë nga jeta anëtarët e familjes, përkatësisht nënën, babain, si dhe, motrën e tij. Kanosja ka ndodhur përmes telefonit duke iu thënë se ‘do iu vras të gjithëve’, përfshirë edhe fëmijët e motrës së tij.

Gjithashtu, po të martën, në Gjakovë, me dashje ka tentuar ta privojë nga jeta vëllain e tij, të dëmtuarin B.V., për shkak të problemeve të mëparshme, në lidhje me ndarjen e pasurisë.

I pandehuri V.V., paraprakisht kishte kërkuar të takohet me të dëmtuarin në zyrën e tij, e më pas duke e kanosur me fjalë, me armë zjarri gjuan disa herë në drejtim të këmbëve të dëmtuarit e pastaj i drejton armën në fytyrë, ku deri sa i pandehuri tenton ta ndërrojë karikatorin, i dëmtuari arrin të largohet nga vendi i ngjarjes dhe njofton policinë.

Si dhe, nga data e pavërtetuar deri me 22 qershor 2022, pa autorizim, ka mbajtur armë dhe municion në kundërshtim me ligjin e zbatueshëm lidhur me armët, ku të njëjtat i janë konfiskuar nga ana e policisë.

Prokurori i rastit ndaj të pandehurit V.V., ka kërkuar masën e paraburgimit në afat prej 30 ditësh.

I pandehuri, me urdhër të prokurorit gjendet në ndalim nga e marta.

Kronika e zezë

Ndërron jetë i aksidentuari në Graqanicë

Me urdhër të prokurorit trupi i pajetë i viktimës është dërguar në IML për obduksion.

Publikuar

nga

Gjatë ditës së djeshme viktima mashkull i cili ka qenë duke u trajtuar në QKUK si pasojë e lëndimeve të marra në aksident trafiku një ditë më parë ka ndërruar jetë.

Me urdhër të prokurorit trupi i pajetë i viktimës është dërguar në IML për obduksion. /UBTNews/

Vazhdo të lexosh

Kronika e zezë

​Ndërron jetë një nga të aksidentuarit në Gjakovë

Edhe pesë të lënduar po marrin trajtim mjekësor.

Publikuar

nga

Njëri nga të aksidentuarit e djeshëm në Gjakovë ka ndërruar jetë. Kjo është bërë e ditur nga Policia e Kosovës që tha se trupi i pajetë është dërguar në Institutin e Mjekësisë Ligjore.

Drejtuesi i një veture, nga pakujdesia, ka shkaktuar aksident me një autoambulancë e cila ka qenë duke i transportuar disa persona të lënduar nga një vetaksident.

Për pasojë, përpos njëri që ka ndërruar jetë, janë edhe pesë të lënduar të cilët po marrin trajtim mjekësor.

Policia ka arrestuar drejtuesin e mjetit si të dyshuar për aksidentin trafiku me pasoja fatale.

“Është arrestuar i dyshuari mashkull kosovar për shkak se derisa kishte qenë duke e drejtuar veturën, nga pakujdesia ka shkaktuar aksident me një autoambulancë e cila ka qenë duke i transportuar disa persona të lënduar nga një vetaksident. Si pasojë e aksidentit pesë persona të gjithë meshkuj kosovarë kanë pësuar lëndime trupore për të cilat kanë pranuar tretman mjekësor, ndërsa njëri nga të lënduarit ka ndërruar jetë , me vendim të prokurorit trupi i pajetë është dërguar në IML për obduksion, kurse i dyshuari që ka shkaktuar aksidentin me vendim të prokurorit, është dërguar në mbajtje”, njoftoi policia.

Vazhdo të lexosh

Kronika e zezë

​Kurti në homazhet për regjisoren Vjosa Berisha: Ka lënë trashëgimi të çmuar për kulturën tonë

Publikuar

nga

Kryeministri i Republikës së Kosovës, Albin Kurti, ka vendosur lule të freskëta dhe ka bërë homazhe para arkivolit të regjisores Vjosa Berisha, të vendosur në hollin e Teatrit Kombëtar të Kosovës.

Prishtina si kryeqytet i Republikës, artdashësit dhe mbarë qytetarët e vendit tonë, kanë mbetur pa një grua e cila me optimizmin, pozitivitetin e saj, por gjithashtu edhe me talentin e saj i dha shumë kulturës dhe artit te ne. Përfshirë këtu filmat në të cilët punoi dhe festivalin që e organizoi me emrin “PriFest” e i cili u bë një vend në të cilin ne takonim artistë e aktore të famshme nga bota, që edhe vizitonin Kosovën, por njëkohësisht edhe kontribuonin për vendin tonë që të futet në hartën e artit edhe kulturës botërore, tha kryeministri Kurti në deklarimin para mediave pas homazheve. Me dhembje e me mall, me pikëllim, por njëkohësisht edhe me krenari që e patëm e për kontributin që ka dhënë e do të jetojë me ne, e kujtojmë me shumë nderim artisten dhe producenten Vjosa Berisha“, tha ai.

Ndërsa në Librin e zisë, kryeministri shkroi: “Regjisore dhe producente, artiste dhe udhëheqëse e festivalit, Vjosa Berisha ka lënë trashëgimi të çmuar për kulturën tonë dhe brezat e ardhshëm. Gjysëm shekulli jetë që ia ka vlejtur sa një i tillë!”.

Vazhdo të lexosh

Kronika e zezë

​Përkujtohet regjisorja Vjosa Berisha

Nderime për Vjosa Berishën shprehu edhe kryetari i Komunës së Prishtinës, Përparim Rama.

Publikuar

nga

Familjarë, artistë dhe miq të shumtë përkujtuan sot regjisoren dhe producenten Vjosa Berisha.

Në ceremoninë përkujtimore të Berishës, u vlerësua angazhimi i saj për jetën kulturore në kryeqytet dhe Kosovë.

Fatos Berisha, bashkëshorti i së ndjerës, mes emocioneve, tha se Vjosa ka pasur shpirt luftarak, e cila nuk është dorëzuar asnjëherë para sfidave.

Gjithë ne që jemi këtu e kemi njohur Vjosën, shpirtin e saj luftarak. Ajo nuk është dorëzuar asnjëherë para sfidave. Nuk është dorëzuar as para kësaj sfide, siç tha shoku im në Londër, ‘mos të kishin qenë sfidat, Vjosa nuk do të kishte qenë e tillë’. Ajo edhe ndaj kësaj sfide nuk është dorëzuar”, tha ai.

Bashkëpunëtori më i afërt i të ndjerës, producenti Yll Uka tha se veprat kulturore të Vjosës do të jetojnë përgjithmonë.

Largimi i saj nga kjo jetë është humbje e madhe. Përkujtimi për të është i përhershëm dhe veprat e saj të mëdha do të jetojnë përgjithmonë”, tha ai.

Nderime për Vjosa Berishën shprehu edhe kryetari i Komunës së Prishtinës, Përparim Rama.

Prishtina dhe komuniteti artistik humbën një ikonë, një zë të fuqishëm, një producente të zellshme, një lidere në fushën e artit që me punën e saj të palodhshme e shtroi rrugën e suksesit për shumë gra dhe vajza në këtë vend”, tha Rama.

Ndërsa, Gentiana Pallaska, këshilltarja e ministrit të Kulturës, Rinisë dhe Sportit, Hajrullah Çeku, derisa lexoi letrën e tij, tha se Vjosa Berisha ka lënë prapa një trashëgimi të bujshme profesionale.

Vjosa ka lënë prapa një trashëgimi të bujshme profesionale në prodhim të filmave, programeve, dokumentarëve dhe fushave të ndryshme mediatike. Puna e saj e pandalshme në PRIFEST për të siguruar mbështetje për nismat filmike, të cilat përfunduan duke marrë çmime të panumërta në ekranet më të mëdha botërore”, deklaroi ajo.

Regjisorja dhe producentja, Vjosa Berisha, ndërroi jetë javën e kaluar, pas një sëmundje të rëndë.

Vazhdo të lexosh

Të kërkuara