Aktualitet

​Sulmi kibernetik në Australi, qeveria federale planifikon të marrë masa

O’Neil tha se kishte zhvilluar një takim me zyrtarë të shërbimeve sekrete.

Published

3 years ago

on

Pas një sulmi masiv kibernetik në rrjetin e madh telefonik australian “Optus”, që goditi të dhënat e 9,8 milionë qytetarëve, qeveria federale ka planifikuar marrjen e masave për të lejuar kompaninë të ndajë me bankat të dhënat e përdoruesve të prekur nga ky dhe sulme të tjera, në mënyrë që ato të marrin masa paraprake kundër mashtrimeve të mundshme.

Ministrja e Punëve të Brendshme, Clare O’Neil tha se kishte zhvilluar një takim me zyrtarë të shërbimeve sekrete.

“Departamenti i Sinjalit Australian të planifikojë masa në mënyrë që bankat dhe institucionet e tjera financiare të njoftohen menjëherë për shkelje të rëndësishme të të dhënave që prekin klientët e tyre. Kompanitë australiane duhet të bëjnë gjithçka që munden për të mbrojtur të dhënat e klientëve të tyre”.

Policia federale njoftoi se është në dijeni të raporteve se të dhënat e vjedhura dhe kredencialet e përdoruesve të “Optus” mund të shiten përmes një sërë platformash.

Ndërkohë, autoritetet po verifikojnë vërtetësinë e një postimi që kërcënon të shesë të dhëna në internet nëse “Optus” nuk paguan një shpërblim prej një milion dollarësh, raporton ANSA. 

Ndërsa shefi ekzekutiv i “Optus”, Kelly Bayer Rosmarin nuk pranoi të thoshte se kush ishte pas sulmit, si u ekzekutua ose sa llogari u rrezikuan sepse hetimet janë në vazhdim, por e përshkroi atë si një “numër të konsiderueshëm” që përfshin klientët aktualë dhe të mëparshëm.

Related Topics:
Continue Reading

Aktualitet

Sot vazhdon seanca e radhës në rastin e Liridona Ademajt

Published

14 seconds ago

on

September 22, 2025

By

E përditësuar:

08:20

Sot pritet të vazhdojë gjykimi në rastin e vrasjes së Liridona Ademajt. Kështu ka bërë të ditur vëllai i të ndjeres, Leonard Ademaj, i cili tha se seanca do të nisë nga ora 09:00, teksa i ka ftuar mediat që të jenë prezente.

Seanca e fundit në rastin e Liridona Ademajt ishte mbajtur më 14 korrik të këtij viti, ku pati dëshmuar pikërisht Leonard Ademaj, vëllai i të ndjerës.

Në fjalën e fundit me të përmbyllur dëshminë e tij, në rastin e vrasjes së motrës së tij Liridonës, ai kërkoi para trupit gjykues dënim kapital për dorasin.

Liridona Ademaj u vra më 29 nëntor të vitit 2023, në Bërnicë të Prishtinës.

Në mesin e të dyshuarve është edhe ish-bashkëshorti i saj, Naim Murseli. Ai akuzohet se i kishte premtuar Granit Plavës 30 mijë euro për ta kryer krimin e rëndë, ndërsa, i akuzuar tjetër për këtë rast është edhe Kushtrim Kokalla./S.K/EO/

Continue Reading

Aktualitet

Sot nis dëshminë në Hagë dëshmitari i tretë nga mbrojtja e Thaçit

Published

9 minutes ago

on

September 22, 2025

By

E përditësuar:

08:10

Pas dëshmisë së ish-ndihmëssekretarit amerikan të Shtetit, James Rubin dhe ish-këshilltarit ligjor të delegacionit të Kosovës gjatë negociatave në Rambuje, Paul Williams  sot do të dëgjohet edhe dëshmitari i tretë.

Në Dhomat e Specializuara të Kosovës në Hagë do të dëgjohet dëshmia e një britaniku, dëshmitar ky i thirrur nga mbrojtja e ish-presidentit Hashim Thaçi.

Seanca do të nis me fillim nga ora 09:00.

Mbrojtja e Thaçit dhe ish-krerëve të UÇK-së ka thirrur gjithsej 11 dëshmitarë përpara Dhomave të Specializuara në Hagë, të cilët do të paraqiten gjatë javëve në vijim.

Ndërsa dy të tjerë janë nga mbrojtja e Jakup Krasniqit, ndërsa mbrojtja e Kadri Veselit dhe Rexhep Selimti nuk ka ende të paraqitur dëshmitar./S.K/EO/

Continue Reading

Aktualitet

Parashikimi i motit

Published

20 minutes ago

on

September 22, 2025

By

Sot në Kosovë pritet të mbajë mot kryesisht me diell dhe vranësira të pjesshme prezente.

Sipas Institutit Hidrometeorologjik të Kosovës, temperaturat minimale do të sillen mes 7 dhe 11 gradë Celsius, ndërsa ato maksimale ndërmjet 26 dhe 31 gradë Celsius.

Do të fryjë erë kryesisht nga jugperëndimi, e lehtë deri mesatare./S.K/KP/

 

Continue Reading

Aktualitet

Vjeshta hyri, por temperaturat e larta vazhdojnë

Published

55 minutes ago

on

September 22, 2025

By

Dita e hënë pritet të jetë me mot me diell dhe vranësira të shpërndara.

Sipas IHMK temperaturat minimale do të sillen rreth 7 deri 11 gradë Celcius, kurse ato maksimale nga 26 deri 31 gradë Celcius.

Era do të fryejë nga jugperëndimi dhe do të jetë e lehtë deri mesatare.

Temperaturën më të lartë sot priten ta shënojnë Prizreni, Gjakova dhe Istogu me 31 gradë Celcius. /A.Z/UBT News/

Continue Reading

Të kërkuara