Bota

​Stuhitë dhe moti i keq pushtojnë Shtetet e Bashkuara të Amerikës

Publikuar

Një stuhi e frikshme dimri dhe i ftohti i acartë kanë pushtuar mbarë Shtetet e Bashkuara, por Teksasi është ai që po i ndjen më shumë pasoja, ku energjia elektrike është shkëputur dhe miliona banorë kanë mbetur në errësirë prej ditësh tashmë. Sipas autoriteteve shtetërore, nga kufiri me Meksikën deri në Oklahoma e Houston, banorët po jetojnë në terr.

Zyrtarët e Teksasit thanë po ashtu se fajtore është kompania e shpërndarjes së energjisë e për këtë do të nisin hetimet. Por problemet me energjinë janë shoqëruar edhe me temperaturat më të ulëta rekord, që duket se do të vazhdojnë deri në fund të javës.

Mbi 21 milionë qytetarë apo thuajse 70% e popullsisë së Teksasit, po jetojnë pasojat e këtij dimri të rëndë.

Ndërkohë sipas shërbimit meteorologjik, stuhia e acartë po zhvendoset drejt lindjes, ndërsa parashikojnë se temperaturat do të rriten lehtë javën e ardhshme, edhe pse në shumë shtete do të mbeten përsëri nën temperaturat normale të dimrit.

Aktualitet

Inteligjenca e Ukrainës zbuloi fermën ruse të (ro)botëve që prodhonin lajme kundër vaksinimit

Shërbimi i Inteligjencës së Ukrainës kishte zbuluar dhe mbyllur rregullisht rrjete të tilla.

Publikuar

nga

Rusët projektuan një fermë të (ro)botëve si një mjet për të shpërndarë informacione të rreme midis përdoruesve të internetit të Ukrainës, të cilat synonin diskreditimin e autoriteteve ukrainase dhe prishjen e programit kombëtar të vaksinimit, thuhet në raportin e Shërbimit të Inteligjencës së Ukrainës, botuar më 17 shtator 2021.

Sipas këtij raporti, koordinatori dhe administratori i fermës së botëve të zbuluar ishte një person i gjinisë femër, banore në qytetin Dnipro të Ukrainës. Rusët i siguruan asaj të gjitha pajisjet dhe softuerin e nevojshëm të telekomunikimit dhe e konfiguruan atë nga distanca.

Gruaja vendosi pajisjen softuerike dhe harduerike në një apartament të marrë me qira për këtë rast. Duke përdorur pajisjen, ajo administronte më shumë se 5.000 llogari në Facebook, të cilat dyshohet se i përkisnin qytetarëve ukrainas, megjithëse ato në të vërtetë përdornin të dhëna personale të rreme.

Në baza të rregullta, rusët i dhanë administratorit të fermës histori të rreme për t’u rritur në rrjetet sociale. Për më tepër, asaj iu desh të krijonte në mënyrë aktive profile të reja të përdoruesve të rremë.

Zbulimi i aktiviteteve të një ferme ruse në qytetin Dnipro të Ukrainës, nuk është një incident i izoluar, pasi që Shërbimi i Inteligjencës së Ukrainës kishte zbuluar dhe mbyllur rregullisht rrjete të tilla.

Vazhdo të lexosh

Aktualitet

Stoltenberg kërkon unitet nga vendet e NATO-s pavarësisht mosmarrëveshjeve

Ai nuk ka anuar, por theksoi unitetin rreth qëllimeve kryesore të Aleancës.

Publikuar

nga

Sekretari i Përgjithshëm i NATO-s Jens Stoltenberg deklaroi dje në Nju Jork se anëtaret e Aleancës duhet të qëndrojnë të bashkuar pavarësisht mosmarrëveshjeve mbi përfundimin e kontratave për shitjen e nëndetëseve franceze në Australi si pjesë e partneritetit të ri strategjik midis SHBA-së, Britanisë dhe Australisë.

Stoltenberg tha se anëtaret e NATO-s nuk duhet të lejojnë që mosmarrëveshja midis Francës dhe Shteteve të Bashkuara dhe Britanisë së Madhe të çojë në një ndarje të përhershme.

Udhëheqësit e BE-së kanë mbështetur Francën në një mosmarrëveshje mbi vendimin e Australisë për të hequr dorë nga një marrëveshje me francezët për të blerë nëndetëse dhe për të nënshkruar një marrëveshje trepalëshe të sigurisë Azi-Paqësori me Shtetet e Bashkuara dhe Britaninë.

Sidoqoftë, Stoltenberg nuk mbështeti asnjëren palë, dhe në një intervistë me AP, ai theksoi unitetin rreth qëllimeve kryesore të Aleancës.

“Unë e kuptoj plotësisht zhgënjimin e Francës. Në të njëjtën kohë, aleatët e NATO-s bien dakord për gjërat më të rëndësishme, dhe kjo është se ne duhet të jemi të bashkuar në mënyrë që të përballemi me sfidat e përbashkëta, përfshirë ndryshimin e ekuilibrit global të fuqisë”, tha ai.

Stoltenberg shprehu besimin se Franca, Britania e Madhe dhe Shtetet e Bashkuara “do të gjejnë një rrugë përpara dhe nuk do të lejojnë që mosmarrëveshjet të krijojnë probleme të përhershme për aleancën”.

Zyrtarët francezë kanë dënuar vazhdimisht përfundimin e marrëveshjes dhe partneritetin e ri strategjik të tre vendeve, duke e konsideruar atë një tradhti.

Ministrat e Jashtëm të BE-së shprehën mbështetje për Francën pas takimit në margjinat e sesionit të Asamblesë së Përgjithshme të OKB-së.

Australia pretendon se marrëveshja nëndetëse i referohet mbrojtjes së interesave të saj strategjikë mes shqetësimeve të përgjithshme për rritjen e ndikimit të Kinës.

Kanbera zyrtare anuloi blerjen e 12 nëndetëseve franceze me naftë, me vlerë 66 miliardë dollarë, dhe në vend të kësaj vendosi të blinte të paktën tetë nëndetëse bërthamore teknologjikisht të përparuara nga Britania e Madhe dhe SHBA.

Britania e Madhe dhe Shtetet e Bashkuara këmbëngulin që mosmarrëveshja nuk duhet të prishë marrëdhëniet e tyre të përgjithshme me Francën.

Vazhdo të lexosh

Aktualitet

​Sot Dita Ndërkombëtare pa Makina

Publikuar

nga

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin dhe si një përpjekje për të kontribuar në mbrojtje të mjedisit.

Që prej vitit 1988 në Paris ka filluar të festohen kjo ditë dhe brenda katër viteve ka arritur të bëhet Dita Botërore e Lëvizjes pa Makina në të gjithë botën.

Edhe në Kosovë kjo ditë do të shënohet me aktivitete nga Ministria e Mjedisit në bashkëpunim me Policinë e Kosovës dhe OJQ-të.

Vazhdo të lexosh

Bota

Kinë: Fëmijëve u caktohet 40 minuta përdorim të Douyin – versioni kinez i TikTok

Kjo lëvizje vjen teksa Kina po ndalon përdorimin e teknologjisë nga adoleshentët.

Publikuar

nga

Douyin, versioni kinez i TikTok, do të kufizojë përdorimin e platformës për fëmijë në 40 minuta në ditë, trasnmeton UBT News.

Rregullat do të zbatohen për përdoruesit nën 14 vjeç, të cilët janë vërtetuar duke përdorur emrat e tyre të vërtetë, dhe të cilët do të jenë në gjendje të kenë qasje në të nga 06:00 deri në 22:00.

Kompania mëmë Bytedance njoftoi në një postim në blog, duke thënë se është kompania e parë e videove të shkurtra në industri që ka këto kufizime.

Sipas marrëveshjes së përdoruesve të Douyin, nuk ka moshë minimale në platformë, por nën 18 vjeç duhet të marrë pëlqimin e një kujdestari ligjor. Ndërsa në aplikacionin TikTok mosha minimale është 13 vjeç.

Përmbajtja e re edukative – përfshirë eksperimentet shkencore, ekspozitat muzeale dhe shpjeguesit historikë – është lansuar nga Douyin.

“Po, ne jemi më të rreptë me adoleshentët. Ne do të punojmë më shumë për të siguruar përmbajtje cilësore në mënyrë që të rinjtë të mësojnë dhe të shohin botën”, thuhet në postim.

Kujtojmë se muajin e kaluar, personat nën moshën 18 vjeç në Kinë u ndaluan të luajnë video lojëra gjatë javës dhe koha e tyre në lojëra u kufizua në vetëm një orë të premteve, fundjavave dhe festave./UBTNews

Vazhdo të lexosh

Të kërkuara