Shëndeti

​Stresi, fajtori kryesor i plakjes së trurit tek adoleshentët

Dhjetra studime kanë zbuluar se adoleshentët kanë vuajtur nga shëndeti mendor gjatë pandemisë.

Publikuar

Truri i adoleshentëve amerikanë ka ndryshuar fizikisht gjatë pandemisë Covid-19, duke u plakur më shpejt se normalisht, thotë një studim i ri.

Pjesëmarrësit e rinj të studimit raportuan gjithashtu simptoma më të rënda të ankthit, depresionit dhe ato që shkencëtarët i quajnë probleme të brendshme që do të thotë ndjenja trishtimi, vetëbesim i ulët dhe frikë dhe probleme me rregullimin e emocioneve të tyre te cilat u vene re pas vitit të parë të pandemisë.

Dhjetra studime kanë zbuluar se adoleshentët kanë vuajtur nga shëndeti mendor gjatë pandemisë. Ata janë larguar nga shkolla, larg miqve të tyre dhe strukturave të njohura mbështetëse dhe duhej të jetonin me pasigurinë dhe frikën që erdhi me koronavirusin. Shumë prindër humbën punën. Miliona fëmijë humbën prindërit dhe gjyshërit për shkak të Covid-19.

Studiuesit krahasuan fëmijët në të njëjtën demografi duke përfshirë gjininë, moshën, ekspozimin ndaj stresit dhe statusin socio-ekonomik. Për të gjetur moshën mesatare të trurit, ata vendosën skanimet MRI përmes një modeli që grumbullon të dhëna nga skanimet e tjera. Studiuesit krahasuan skanimet MRI të 128 fëmijëve. Gjysma e skanimeve janë bërë para pandemisë dhe gjysma tjetër në fund të vitit 2020. Ata zbuluan se fëmijët që kishin jetuar vitin e parë të pandemisë kishin mosha të trurit që ishin më të mëdha se mosha e tyre kronologjike.

Shëndeti

Kura 30 ditore me piper të zi dhe qumësht për tiroiden

Gjëndra e tiroides luan rol kryesor në prodhimin e tiroksinës.

Publikuar

nga

Çrregullimet e gjëndrës së tiroides lidhen me mosbalancimin e duhur të proceseve të metabolizmit në organizmin tonë.

Këto probleme ndikojnë ose në strukturën e tiroides ose në funksionimin e duhur të saj.

Gjëndra e tiroides luan rol kryesor në prodhimin e tiroksinës. Një hormon shumë i rëndësishëm për tretjen, funksionimin e muskujve dhe të zemrës si dhe për zhvillimin e qelizave të trurit dhe kockave.

Veprimtaria e tiroides rregullohet përmes një mekanizmi që përfshin dhe trurin.

Kur hormoni i tiroides është në një nivel të ulët, hipotalamusi që ndodhet në tru lëshon një sinjal që nxit çlirimin e tiroksinës në gjak.

Sipas të dhënave ku bazohet dhe AgroWeb.org, është vënë re një rritje e përqindjes së popullsisë së prekur nga ky çrregullim.

Duke qenë se funksionimi i tiroides varet nga shumë faktorë të tjerë të organizmit, dhe trajtimi i saj është shumë delikat.

Një nga metodat natyrale për trajtimin e saj, është dhe kura me qumësht, piper të zi dhe xhinxher.

Piperi i zi njihet për përmbajtjen e magnezit, hekurit dhe vitaminës K që ndihmojnë në qarkullimin dhe rigjenerimin e qelizave të gjakut.

Nga ana tjetër xhinxheri është i famshëm për agjentët anti-informator që luftojnë prekjen e organizmit nga baktere të dëmshme.

Kjo kurë trajton rastet e hipotiroides (funksioni i ulët i gjëndrës së tiroides, gjendje që karakterizohet me prodhim të ulët të hormoneve nga kjo gjendër).

Hipotiroidja ka si simptoma lodhjen kronike, depresionin, stresin, kollë të mjaftueshme. Kjo sëmundje zbulohet përmes analizave të gjakut dhe tiroides.

Përbërësit
  • 100 g piper i zi kokërr
  • 100 g xhinxher i tharë
  • Qumësht
Përgatitja

Në një grirëse vendosim piperin dhe xhinxherin dhe i lëmë të bluhen. Në momentin që është formuar një pluhur homogjen, përbërja është gati. Mjafton që një lugë çaji nga ky pluhur ta përzieni në një gotë qumësht dhe përbërja natyrale është gati.

Kura duhet të konsumohet dy herë në ditë, një herë para se të flini dhe njëherë në mëngjes me stomakun bosh.

Në mënyrë që të shikoni rezultate në balancimin e funksionimit të tiroides, duhet që këtë kurë ta vazhdoni për 30 ditë dhe ta përsërisni edhe për 30 ditë të tjera.

AgroWeb.org ju këshillon që nëse doni të përgatisni më shumë nga ky pluhur, mjafton vetëm që masat e piperit të zi dhe xhinxherit të jenë të barabarta./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.  

Vazhdo të lexosh

Shëndeti

Si ndikon kosi për të luftuar të ftohurën?

Ekspertët thonë se kosi është i mirë kundër të ftohurës për vetë faktin se përmban edhe zink.

Publikuar

nga

Përballja me të ftohurën është e vështirë në çdo stinë.

Disa nga aleatët më të mirë të sistemit imunitar janë vitaminat, mineralet dhe probiotikët.

Një nga ushqimet më të pasura me probiotikë është kosi, i cili sipas ekspertëve është ideal për të luftuar të ftohurën.

Studimet të cilave u referohet AgroWeb.org thonë se probiotikët ofrojnë përfitime të forta në zbutjen e simptomave dhe shkurtimin e kohëzgjatjes së të ftohurës.

A mjafton kosi për të luftuar të ftohurën?

Te kosi gjenden dy nga llojet më mirëbërëse të baktereve.

Këto baktere janë të shëndetshme për të gjithë organizmin, gjë që e bën kosin një aleat të njeriut jo vetëm gjatë të ftohurës.

AgroWeb.org ju këshillon se bakteret janë më efikase te kosi i bërë vetë në shtëpi.

Ekspertët thonë se kosi është padyshim i mirë kundër të ftohurës për vetë faktin se përmban edhe zink.

Ky mineral jo vetëm që forcon imunitetin por edhe shkurton kohëzgjatjen e simptomave të të ftohurës.

Sidoqoftë, sasia e nevojshme e zinkut për të mundur sëmundjen është të paktën 75 miligramë.

Studime të tjera kanë treguar se kur gratë konsumojnë kos çdo ditë për 9 javë, kanë më pak inflamacion në organizëm.

E ftohura në vetvete është një reagim inflamator ndaj bakterit.

Sipas ekspertëve, kosi është një ushqim fantastik për t’u konsumuar gjatë të ftohurës dhe jo vetëm.

Ai gjithashtu përmban vitaminë D dhe kalcium që së bashku me zinkun dhe probiotikët ofrojnë ushqyes të rëndësishëm.

Megjithatë, e ftohura nuk largohet vetëm duke ngrënë kos.

Kosi funksionon kryesisht në kombinim me një regjim të shëndetshëm ushqimor.

Kosi është i butë dhe i lëngshëm ndaj mund të konsumohet lehtë në rastet e acarimit të fytit apo bllokimit të hundëve.

Por ekspertët nënvizojnë që njerëzit e prekur nga e ftohura nuk duhet t’i mbajnë shpresat tek kosi si terapia kryesore kundër sëmundjes

Konsulta me mjekun është kryesorja, bashkë me ushqimin e shëndetshëm./AgroWeb.org

Vazhdo të lexosh

Shëndeti

Si të forconi kockat në mënyrë natyrale?

Sëmundje si artriti, dhimbja e shpinës apo pjesë të tjera të trupit janë shumë të përhapura.

Publikuar

nga

Kockat e forta janë kryesore për shëndet të mirë dhe rezistencë të trupit.

Gjithsesi për shumë njerëz mbeten një shqetësim që ndikon jetën e përditshme. Sëmundje si artriti, dhimbja e shpinës apo pjesë të tjera të trupit janë shumë të përhapura dhe ndikojnë në jetën e përditshme.

Si gjithnjë ushqimet dhe stili i jetesës janë zgjidhja më e mirë për të përballuar çdo shqetësim të organizmit.

Në këtë artikull nga AgroWeb.org ju tregojmë disa prej këtyre mënyrave të cilat do ju ndihmojnë të  forconi kockat tuaja në mënyrë natyrale.

Hani perime

Frutat dhe perimet janë nga burimet më të mira të vitaminës C, e cila stimulon prodhimin e qelizave që formojnë kockat dhe mbron kockat nga dëmtimi.

Studimet tregojnë gjithashtu se konsumimi i shumtë i perimeve në dietën tuaj rrit dendësinë minerale të kockave.

Qepa në veçanti, zvogëlon rrezikun e frakturave në 20%, kundrejt personave që nuk konsumojnë kurrë qepë.

Kale, brokoli dhe spinaqi janë gjithashtu një ndihmë e madhe për kockat, pasi ato përmbajnë vitaminë K.

Më shumë kalium

Kaliumi është miku më i mirë kur bëhet fjalë për mbrojtjen e shëndetit të kockave tuaja.

Aftësia e tij për të neutralizuar acidet metabolike që shkatërrojnë kockat është e jashtëzakonshme.

Bananet janë veçanërisht të pasura me kalium, si dhe magnez, prandaj bëjini pjesë të dietës tuaj të përditëshme.

Më pak alkool dhe kafeinë

Nisja e ditës pa kafeinë mund të duket si një mision i pamundur, por nëse doni të mendoni për shëndetin e kockave tuaja duhet të hiqni nga kjo substancë.

Studimet tregojnë se pirja e tre ose më shumë flixhanëve me kafe në ditë zvogëlon thithjen e kalciumit nga trupi, gjë që mund të ndikojë negativisht në densitetin e kockave tuaja.

Alkooli bën gjithashtu të njëjtën gjë për organizmin tuaj prandaj provoni të konsumoni ndonjë çaj bimor ose më shumë lëng frutash.

Merruni me aktivitet fizik

Ushtrimet fizike janë kryesore për të ndërtuar kocka të forta.

Vrapi, ecja apo sportet në përgjithësi që përfshijnë stërvitje rezistente siç janë palestra apo ushtrime ditore mund të jenë një alternativë e mirë.

Merrni Vitaminë D

Vitamina D funksionon paralelisht me kalciumin për zhvillimin e kockave dhe kur këto të dyja mungojnë mund t’i bëjë më shumë dëm sesa mirë shëndetit tuaj.

Një mënyrë e shkëlqyeshme për të luftuar mungesën tuaj të vitaminës D është të bëni një shëtitje në diell. Jo vetëm që do të stërviteni, por do të merrni edhe rreze.

Pini qumësht

Këshilla e përhershme, konsumoni qumësht për të përfituar më shumë kalium.

Qumështi është një burim i shkëlqyeshëm i kalciumit që është një nga përbërësit kryesorë në ndërtimin e kockave më të forta.

Alternativat e qumështit të pasur me kalcium që variojnë nga qumështi i bajameve deri tek ai normali që konsumoni çdo ditë.

Ushqime të tjera të pasura me kalcium janë djathi me pak yndyrë, kosi natyral, sardelet, salmoni dhe bajamet./AgroWeb.org

Vazhdo të lexosh

Shëndeti

​Këto veprime të përditshme janë shkaktarët kryesorë të gjendjes së ankthit

Janë disa faktorë që ndikojnë në çrregullimin e humorit të cilat mund t’i lexoni më poshtë.

Publikuar

nga

Të gjithë ndonjëherë kemi një ndjenjë shqetësimi, depresioni, ankthi apo frike, që në fakt është një emocion normal, i përditshëm. Megjithatë çrregullimet e ankthit janë të ndryshme.

Janë disa faktorë që ndikojnë në çrregullimin e humorit të cilat mund t’i lexoni më poshtë.

Anashkalimi i vakteve

Shmangia e vakteve ul nivelin e sheqerit në gjak, gjë që krijon një ndjenjë lodhjeje, marramendjeje, dridhje duarsh. Të gjitha këto mund të jenë një shkak për rritjen e ndjenjave të ankthit.

Dehidratimi

Nëse ju nuk pini mjaftueshëm ujë në ditë, atëhere trupi juaj dehidratohet. Kjo është në vetvete stresuese për trupin dhe është një shkak potencial për njerëzit në ankth. Ajo që duhet të bëni është që të pini ujë edhe kur nuk keni etje.

Të mendosh më shumë seç duhet mbi problemet

Hiqni dorë nga analizimi i vazhdueshëm i situatave, pa ndërmarrë veprime konkrete për të marrë përgjigje. Në vend të kësaj, zgjidhni disa hipoteza që ju duken më realiste dhe përqendrohuni në to. Jini të durueshëm, nuk mund t’i merrni të gjitha përgjigjet menjëherë dhe nuk keni kapacitet t’i pranoni të gjitha menjëherë.

Aktiviteti fizik

Aktiviteti fizik është jashtëzakonisht i rëndësishëm. Shëtitjet e gjata konsiderohen kura më e mirë për ankthin. Nëse ulemi ose shtrihemi, ankthi rritet.

Kafeina

Kafeina mund të çojë në një rritje të presionit të gjakut, e cila shoqërohet me rrahje të shpejtë të zemrës që është gjithashtu një nga simptomat e ankthit dhe mund të jetë një shkak për një atak paniku.

Vazhdo të lexosh

Të kërkuara