Lajmet

​Strategjia e Sigurisë së Kosovës 2022-2027 dërgohet për miratim në Kuvend

Shqyrtimi dhe votimi i dokumentit është bërë pa praninë e mediave.

Published

4 years ago

on

Komisioni për Çështje të Sigurisë dhe Mbrojtjes i ka rekomanduar Kuvendit për miratim Strategjinë e Sigurisë së Kosovës 2022-2027, me pesë vota për, dy kundër dhe një abstenim.

Shqyrtimi dhe votimi i dokumentit është bërë pa praninë e mediave ndërsa pas mbledhjes së komisionit është thënë se presin që javën e ardhshme të jetë pikë e rendit të ditës në seancë plenare.

Deputeti nga radhët e Lëvizjes Vetëvendosje, Enver Dugolli tha se ky është një prej dokumenteve më të rëndësishme që identifikon rreziqet e ndryshme, por edhe udhëzon institucionet se si t’i adresojnë ato.

“Në fund me 5 vota për dhe 2 kundër, një abstenim, komisioni mori vendim që t’i rekomandojë Kuvendit miratimin e kësaj strategjie…. Pas këtij takimi, procedohet për seancë dhe besoj që javën e ardhshme kjo pikë e rendit të ditës do të jetë për votim”, ka thënë Dugolli.

Sipas tij, deputetët kanë treguar qasje konstruktive në shqyrtimin e kësaj strategjie.

“Deklarimet e javës së kaluar kanë qenë të nxituara, sepse edhe deputetët e pranuan që nuk e kanë analizuar sa duhet dokumentin e strategjisë së sigurisë. Në këtë takim ka pasur një qasje konstruktive dhe problemet janë adresuar në mënyrë profesionale. Është kërkuar një koordinim pak më i mirë ndërinstitucional. Edhe sa i përket komisionit, u kërkua të ketë vazhdim të hartimit me koordinim më të mirë dhe edhe komisioni të jetë sa më shumë i përfshirë në dhënien e rekomandimeve në hartimin e këtij dokumenti”, ka thënë ai.

Ndërsa deputeti i Lidhjes Demokratike të Kosovës (LDK), Anton Quni tha se një prej vërejtjeve me të cilat janë pajtuar të gjithë anëtarët e komisionit ka qenë se ky komision nuk është përfshirë në hartimin e këtij dokumenti.

“Kam dhënë disa vërejtje të mia, të cilat besoj që Këshilli i Sigurisë do të duhej t’i merr në konsideratë… Do të shfrytëzojmë mundësinë tonë që të gjitha që u folën në komision t’i prezantojmë edhe në parlament. Shpresoj në parlament të ketë reflektim më pozitiv dhe të merren në konsideratë… Ne jemi duke përballur edhe me migrimin e madh të qytetarëve. Është paradoks të flasim për zhvillimin e Forcës së Sigurisë së Kosovës, Policisë së Kosovës, pasi është shqetësuese largimi i rinisë nga Kosova dhe këto institucione nuk ofrojnë për të rinjtë e Kosovës një atraktivitet që ata ta gjejnë veten brenda këtyre institucioneve. Është edhe gjendja sociale ekonomike, varfëria, që do të duhej të merreshin në konsideratë para se të hartohej ky draft”, ka thënë Quni.

Në mbledhjen e komisionit ku u votua Strategjia e Sigurisë morën pjesë edhe përfaqësues nga Këshilli i Sigurisë dhe Forca e Sigurisë së Kosovës.

Javë me parë Qeveria e Kosovës e ka miratuar Strategjinë e Sigurisë 2022-2027 e cila është e dyta që prej shpalljes së pavarësisë së Kosovës.

Related Topics:
Continue Reading

Lajmet

Kuriozitetet e ditës

Published

12 minutes ago

on

September 2, 2026

By

Lexoni pesë kuriozitete. Mund të mos i keni ditur:

 

  1. Mund t’i shihni yjet siç ishin 4,000 vjet më parë me sy të lirë. Pa teleskop, të gjitha yjet që mund të shohim ndodhen rreth 4,000 vite dritë larg nesh. Kjo do të thotë që në maksimum po i shihni yjet ashtu siç ishin 4,000 vjet më parë, rreth kohës kur po ndërtoheshin piramidat në Egjipt.

 

  1. Bimët erdhën para farave. Sipas të dhënave fosile, bimët e hershme i ngjanin myshkut dhe u riprodhuan me spore njëqelizore. Farat shumëqelizore nuk evoluan për 150 milion vjet të tjera.

 

  1. Qelizat tona të ngordhura hahen nga qelizat e tjera në trupin tonë. Mos u shqetësoni; kjo është e destinuar të ndodhë. Kur qelizat brenda trupit tuaj vdesin, ato pastrohen nga fagocitet – qelizat e bardha të gjakut, puna e të cilave është të tretin qelizat e tjera.

 

  1. Aromat mund të kalojnë përmes lëngut. Ju lutemi mos provoni të nuhasni nën ujë (hunda juaj nuk do ta vlerësojë), por aroma del përmes lëngut.

 

  1. Lakuriqët e natës nuk janë të verbër. Pavarësisht idiomave të famshme, lakuriqët e natës me të vërtetë mund të shohin, por ata ende përdorin ekolokacionin e tyre edhe më të famshëm për të gjetur pre.

Continue Reading

Vendi

Humb jetën një 29-vjeçar në Zubin-Potok pas lëndimeve në një kantier ndërtimi, ndalohet një i dyshuar

Published

42 minutes ago

on

September 2, 2026

By

Një 29-vjeçar ka ndërruar jetë të martën si pasojë e lëndimeve të rënda të marra gjatë punimeve në një kantier ndërtimi në Zubin-Potok. Ngjarja ka ndodhur rreth orës 10:00 në vendin ku po ndërtohet stacioni i ri i Policisë së Kosovës.

Zëdhënësi i Policisë për rajonin e veriut, Ermir Osmani, konfirmoi se viktima, punëtor i një kompanie private, fillimisht u dërgua në shtëpinë e shëndetit në Zubin-Potok dhe më pas u transportua me urgjencë në Spitalin Rajonal në Mitrovicën e Veriut. Për shkak të gjendjes së rëndë, mjeku kujdestar ka konstatuar vdekjen e tij rreth orës 11:00.

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion. Për këtë rast, policia ka intervistuar dhe ndaluar për 48 orë një person me inicialet B.B. (viti i lindjes 1977) në cilësinë e të dyshuarit.

Continue Reading

Vendi

PDK dhe AAK edhe sot para Qeverisë me kërkesën për konstituimin e institucioneve

Published

48 minutes ago

on

September 2, 2026

By

Partia Demokratike e Kosovës (PDK) ka vijuar edhe sot aksionin e saj protestues para ndërtesës së Qeverisë së Kosovës, e mbështetur nga deputetë të Aleancës për Ardhmërinë e Kosovës (AAK).

Aksionit të sotëm iu bashkuan edhe asamblistë e aktivistë nga Komuna e Drenasit. Kjo protestë është vazhdimësi e aksioneve të zhvilluara gjatë javëve të kaluara nga PDK-ja dhe AAK-ja, përmes të cilave po kërkohet thirrja e menjëhershme e seancës parlamentare dhe konstituimi i institucioneve të reja të Kosovës. /E.A/

Continue Reading

Live

Teherani sulmon me raketa dhe dronë objektivat e SHBA-së në Jordani, Kuvajt, Irak dhe Bahrein

Published

56 minutes ago

on

September 2, 2026

By

Teherani ka ndërmarrë sulme me raketa dhe dronë kundër objektivave të SHBA-së në Jordani, Kuvajt, Irak dhe Bahrein, pasi forcat amerikane rifilluan goditjet ajrore kundër Iranit të martën.

Gjysmëhëna e Kuqe Iraniane njoftoi se pesë persona, përfshirë një fëmijë, mbetën të vdekur dhe më shumë se 50 të tjerë u plagosën kur fragmentet e një rakete amerikane goditën një shtëpi ku po mbahej një ceremoni dasme në Sirik, në jug të Iranit.

Ushtria e SHBA-së deklaroi se është në dijeni të këtyre raportimeve, por theksoi se kurrë nuk ka pasur në shënjestër civilët.

Komanda Qendrore e SHBA-së (Centcom) sqaroi se goditjet amerikane ndaj Iranit erdhën pas “përpjekjeve të fundit për sulme” nga Korpusi i Gardës së Revolucionit Islamik të Iranit (IRGC) kundër anijeve tregtare në Strakun e Hormuzit dhe forcave amerikane në rajon.

Garda Revolucionare e Iranit u shpreh se SHBA-ja “do t’i mesoj” këto goditje. Sipas agjencisë gjysmë-zyrtare iraniane të lajmeve Tasnim, deri në orët e para të së mërkurës, IRGC lëshoi një breshëri raketash balistike ndaj një baze të Marinsave amerikanë në Akaba të Jordanisë, si hakmarrje për sulmin në Sirik.

Forcat e Armatosura të Jordanisë njoftuan se kishin kapur 13 raketa balistike, 10 prej të cilave u shkatërruan në ajër, ndërsa tre ranë në zona të thella e të izoluara. Nga ky sulm nuk u raportua për të vdekur apo të plagosur.

Veçmas, ushtria e Kuvajtit deklaroi se mbrojtja e saj ajrore iu përgjigj sulmeve me raketa iraniane në orët e para të së mërkurës. Ndërkohë, sipas medias shtetërore iraniane, disa shpërthime u raportuan edhe në Bahrein.

Agjencia e lajmeve Irna raportoi gjithashtu se IRGC kishte goditur bazat amerikane në rajonin autonom të Kurdistanit në Irak, duke shkatërruar një qendër mirëmbajtjeje, depo dhe pajisje ushtarake.

Pas një pauze pothuajse njëmujore, SHBA-ja rifilloi sulmet ndaj Iranit në fillim të kësaj jave, kur njoftoi se kishte goditur dy lëshues raketash që përdoreshin për vendosjen e minave në Strakun e Hormuzit. Teherani u hakmor duke lëshuar raketa ndaj bazave ajrore në Jordani dhe një dron drejt Emirateve të Bashkuara Arabe.

Centcom njoftoi se sulmet e fundit kundër objektivave të IRGC-së kishin nisur në orën 12:00 ET (16:00 GMT) dhe kishin përfunduar deri në orët e para të së mërkurës.

Media shtetërore iraniane raportoi se projektilët kishin goditur zonat e Chabahar dhe Konarak si dhe një aeroport në Jiroft, ndërsa shpërthime u dëgjuan edhe në ishullin Qeshm dhe në Bandar Abbas.

Media shtetërore iraniane dhe Gjysmëhëna e Kuqe Iraniane raportuan se objektet civile në bregdetin jugor të Iranit u bombarduan, ku mes të vrarëve në ceremoninë e dasmës në rrethin e Sirikut, i cili shtrihet në Strakun e Hormuzit, ishte edhe një fëmijë.

Kapiteni i Flotës Detare të SHBA-së, Tim Hawkins, duke folur në emër të Centcom, tha për BBC-në se ushtria amerikane është në dijeni të raportimeve nga media shtetërore iraniane për sulmin në Sirik.

/BBC/

Continue Reading

Të kërkuara