Lajmet

​Sot takimi në Bruksel, BE-ja pret konstruktivitet nga Kurti e Vuçiq

U kërkua nga ata të tregohen konstruktiv për gjetjen e një zgjidhjeje për de-eskalimin e situatës në veri.

Publikuar

1 vit më parë

më

Përfaqësuesi i lartë i Bashkimit Evropian për Politikë të Jashtme, Josep Borell, sot (e enjte) do të zhvillojë takime në Bruksel me kryeministrin e Kosovës, Albin Kurti dhe presidentin e Serbisë Aleksandër Vuçiq. Megjithatë, ende nuk dihet nëse do të ketë takim trepalësh për të diskutuar për deeskalimin e situatës në veri të Kosovës. Këtë e ka konfirmuar, zëdhënësja e Bashkimit Evropian, Nabila Massrali, në një konferencë për media.

“Sapo kemi publikuar tashmë komunikatën për media dhe shpresoj ta keni parë, takimi duhet të fillojë në orën 14:00 dhe siç thuhet në komunikatën për media, diskutimet do të fokusohen në gjetjen e rrugës për të de-përshkallëzuar tensionet aktuale për t’iu rikthyer zbatimit të marrëveshjeve të dialogut, në veçanti marrëveshjes për rrugën drejt normalizimit”, tha ajo.

Përfaqësuesja e BE-së kërkoi nga Kurti dhe Vuçiq të tregohen konstruktiv për gjetjen e një zgjidhjeje për de-eskalimin e situatës në veri.

“Shikoni, ajo që mund të them në këtë fazë është se të dy liderët do të jenë sot në Bruksel për diskutime. Unë nuk do të paragjykoj se si do të shkojnë gjërat. Është pak herët. Diskutimet e pasdites së sotme janë një mundësi që u ofrohet të dy liderëve për të treguar gatishmërinë për të qenë konstruktiv dhe për de-përshkallëzim, dhe përgjegjësia për të gjetur zgjidhje është e palëve dhe ne presim që ato të angazhohen në mënyrë konstruktive, kjo është ajo që mund të them tani… Ajo që po them është se nuk mund të paragjykoj se si takimi do të shkojë. Është pikëpyetje. Në këtë pikë, mendoj se duhet të fokusohemi te takimi, të shohim se çfarë do të ndodhë në këtë takim dhe pastaj t’i përgjigjemi pyetjes suaj. Por le të ndalemi te takimi i sotëm”, shtoi ajo.

Pas takimeve është paralajmëruar që Borrell të prononcohet për mediat. Pjesëmarrjen në takimin e sotëm kryeministri Kurti e ka konfirmuar ditë më parë, ndërsa presidenti serb, Vuçiq, ka qenë hezitues për takim trepalësh edhe me kryeministrin Kurti në Bruksel.

Etiketa
Vazhdo të lexosh

Lajmet

UNRWA ka fonde deri në fund të gushtit

Publikuar

14 orë më parë

më

25 Qershor, 2024

nga

Kreu i agjencisë së Kombeve të Bashkuara që mbështet refugjatët palestinezë tha të martën se ka siguruar fonde deri në fund të muajit gusht.

“Ne kemi të ardhura deri në fund të gushtit”, tha Philippe Lazzarini, kreu i UNRWA-së, i cila koordinon pothuajse të gjithë ndihmën në Gaza, porse është përballur me një krizë të ardhurash që nga muaji janar, kur shumë vende pezulluan fondet pasi Izraeli akuzoi diku 13 mijë punonjës të Gazës për përfshirje në sulmin e 7 tetorit nga Hamasi./UBTNews/

Vazhdo të lexosh

Lajmet

Policia apel mërgimtarëve: Respektoni rregullat e trafikut!

Publikuar

15 orë më parë

më

25 Qershor, 2024

nga

Policia e Kosovës u ka dëshiruar mirëseardhje të gjithë bashkatdhetarëve që do të kalojnë pushimet verore në Kosovë.

Bashkë me urimin e mirëseardhjes, Policia ka lëshuar edhe një apel për ta, duke u kërkuar që të respektojnë rregullat e trafikut për sigurinë e tyre dhe të familjeve.

Në apel, Policia ka bashkëngjitur edhe gjobat për secilën shkelje të rregullave të trafikut, siç parashikohen me Ligjin e ri të trafikut.

Vazhdo të lexosh

Lajmet

Konfirmohet nga Apeli, shtyhet ekzekutimi i Regullores për organizimin e brendshëm dhe Sistematizimin e Vendeve të Punës së SHSKUK-së

Publikuar

15 orë më parë

më

25 Qershor, 2024

nga

Konfirmohet nga Apeli, shtyhet ekzekutimi i Regullores për organizimin e  brendshëm dhe Sistematizimin e Vendeve të Punës së SHSKUK-së

Avokati Ardian Bajraktari, ka deklaruar se Gjykata e Apelit ka konfirmuar ligjshmërinë e vendimit të Gjykatës së Shkallës së parë, e cila e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores për Organizimin e Brendshëm dhe Sistematizimin e Vendeve të Punës së SHSKUK-së.

Bajraktari ka shprehur bindjen se epilogu përfundimtar i këtij procesi gjyqësor do të jetë në favor të tyre.

“Sot pranova Aktvendimin e Gjykatës së Apelit, ku kjo e fundit e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores me numer 1024 dates 08.04.2024 për Organizimin e Brendshëm dhe Sistematizimin e Vendeve të Punës së SHSKUK-së, si dhe e ka vërtetuar Aktvendimin e Gjykatës Themelore në Prishtinë  – Departmenti për Çështje Administrative A. nr. 1795/2024, të datës 13.5.2024. I bindur dhe shpresëplotë se i tillë do të jetë edhe epilogu përfundimtar i këtij procesi gjyqësor. Besimi në drejtësi rritet me vendime të drejta”, ka shkruar ai.

Vazhdo të lexosh

Lajmet

OBSH kërkon hapjen e pikëkalimit në Rafah për evakuime mjekësore

Publikuar

16 orë më parë

më

25 Qershor, 2024

nga

Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSH), duke bërë thirrje që Rafahu dhe rrugë të tjera të rihapen.

Para mbylljes, “afër 50 pacientë kritikë janë larguar nga Gaza çdo ditë… Do të thotë, që nga 7 maji të paktën 2.000 persona nuk kanë mundur të largohen nga Gaza për të marrë trajtim mjekësor”, tha Rik Peeperkorn, përfaqësues i OBSH-së për Gazën dhe Bregun e pushtuar Perëndimor.

Pikëkalimi në Rafah ishte rruga kryesore për evakuime, por edhe për kalimin e ndihmës humanitare, në fillim të luftës mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Megjithatë, ky pikëkalim u mbyll pasi Izraeli nisi një operacion në Rafah në maj.

Javën e kaluar, SHBA-ja, Egjipti dhe Katari zhvilluan bisedime me synim që të rihapet ky pikëkalim dhe të rriten dërgesat me ndihmë humanitare. Por Rafahu, ku Egjipti dëshiron që trupat izraelite të tërhiqen dhe të rivendoset prania palestineze, vazhdon të jetë i mbyllur.

Ndërkaq, ka lëvizje në pikëkalimin e afërt të Kerem Shalomit që kontrollohet nga Izraeli, por sipas Peeperkorn ky pikëkalim është i pasigurt.

Të paktën 10.000 persona kanë nevojë të evakuohen nga Gaza, tha Peeperkorn.

“Na duhen më shumë rrugë për evakuime emergjente mjekësore. Ne duam që Karem Shalom dhe rrugë të tjera të hapen po ashtu për evakuime mjekësore dhe pacientët të mund të dërgohen në spitale në Jerusalemin Lindor dhe Bregun Perëndimor”, tha ai.

Lufta në Gazë nisi pas sulmit të paprecedent të Hamasit në jug të Izraelit më 7 tetor, kur u vranë afër 1.200 persona dhe u rrëmbyen 250 të tjerë. Ndërkaq, si pasojë e ofensivës izraelite, në Gazë deri më tani janë vrarë më shumë se 37.000 persona./REL

Vazhdo të lexosh

Të kërkuara