Lajmet
Shaqir Totaj merr detyrën e kryetarit të Prizrenit
Totaj bëri të ditura koalicionet e mundshme me partitë tjera politike për të krijuar shumicën në asamblenë komunale.
Published
4 years agoon
By
Betim GashiShaqir Totaj edhe zyrtarisht ka marrë detyrën e kryetarit të Prizrenit. Pa ndonjë ceremoni solemne dhe në mënyrë të thjeshtë është bërë pranim-dorëzimi i pushtetit nga ish kryetari, Mytaher Haskuka.
Në një konferencë të përbashkët për medie, u premtua bashkëpunim i ndërsjellë dhe u tha se shumë shpejtë do të bëhet e ditur koalicioni dhe kabineti qeveritar i udhëheqjes së re.
Kryetari i sapozgjedhur, Shaqir Totaj u shpreh falënderues ndaj ish kryetarit Haskuka dhe tha se ky ndërrim i pozicioneve tregon traditën dhe tolerancën e Prizrenit. Ai u zotua se në krye të qytetit historik të Kosovës do të kenë qasje bashkëpunuese me të gjithë dhe zhvillimore.
“Së pari dua t’iu falënderojë për pritjen që na keni bërë dhe punën që keni bërë. Pasi për katër vjet nuk është e lehtë të udhëheqës një qytet si Prizreni. Jam mirënjohës, po ashtu edhe për mundësinë që të ardhmen kurdo që kemi nevojë me informacione shtesë për projektet t’iu drejtohemi juve, si dhe drejtorët aktual eventualisht të vazhdojnë punën për të siguruar një kontinutet që qyteti ka nevojë. Ne gjithsesi do të vazhdojmë me një përkushtim dhe qasje pak më të ndryshe. Besoj shumë se qyteti i Prizrenit në frymën e një kulture, tradite dhe tolerance do të vazhdojë më tutje. Ky pranim-dorëzim i pushtetit tregon se Prizreni e ka një traditë dhe një kulturë”, tha ai.
Bashkëpunim për shtyrjen e projekteve zhvillimore premtoi edhe ish kryetari Haskuka, i cili u shpreh falënderues ndaj gjithë ish-bashkëpunëtorëve të tij. Ai tha se në projektet si zona ekonomike e Prizrenit, Totaj do të ketë mbështetjen e tij.
“Unë i uroj punë të mbarë në menaxhimin e qytet dhe projekte të reja. Patëm një takim të gjatë, kemi pas edhe javën e kaluar një takim ku i kam shpjeguar projektet dhe disa çështjet më problematike. Dua t’i falënderojë të gjitha punëtorët e administratës për punën gjatë 4 vjetëve në realizimin e projekteve…Çdo drejtor e ka dosjen gati për drejtorët e rinj që do t’i marrin në pranim dorëzimin. Ne jemi të interesuar që Prizreni të zhvillohet, mos të ketë ndërprerje në aspektin e menaxhimit dhe problemeve të tjera që i ka qyteti. Prandaj çdo drejtor do t’i dorëzojë projektet që i ka komuna në mënyrë që mos të ketë ndërprerje të projekteve”, theksoi ai.
Në këtë konferencë, Totaj bëri të ditura edhe koalicionet e mundshme me partitë tjera politike për të krijuar shumicën në asamblenë komunale.
“Jemi në bisedime dhe akoma nuk e kemi të qartë pasi nuk është vetëm një opsion sa i përket raporteve me LDK. Bisedimet janë me ton të mirë dhe presim që ditëve në vijim të kemi situatë më të qartë. Kurse emërimi i kabinetit pritet gjatë muajit dhjetor”, shtoi ai.
Krahas kësaj, në një konferencë të veçantë për medie, Totaj bëri të ditur se të premten do të bëhet betimi i asamblistëve të rinj komunal dhe zgjedhja e kryesuesit. Ai qytetarëve prizenas iu premtoi transparëncë në udhëheqje.
Rajoni
Operacion antidrogë në Berat, arrestohet 27-vjeçari
Published
1 hour agoon
October 28, 2025By
UBT News
Një sasi e konsiderueshme lënde narkotike e llojit kokainë dhe kanabis është sekuestruar nga policia e Beratit gjatë operacionit antidrogë të koduar “Alfa”.
Sipas të dhënave paraprake, në pranga është vënë një 27 vjeçar nga Vlora, i cili e kishte ndarë lëndën narkotike në doza, gati për shitje.
Në fund të operacionit u sekuestruan 1 kilogramë e 530 gramë kokainë, 7.5 kilogramë cannabis, peshore elektronike, municion luftarak, elektroshok dhe aparat celular.
Vijojnë hetimet për dokumentimin e plotë të kësaj veprimtarie kriminale dhe për identifikimin e shtetasve të tjerë të përfshirë në këtë veprimtari, raporton A2CNN./S.K/EO/
Live
KQZ certifikon Listën Votuese dhe vendos numrin e fletëvotimeve për raundin e dytë të zgjedhjeve
Published
1 hour agoon
October 28, 2025By
UBT News
Komisioni Qendror i Zgjedhjeve mbajti mbledhjen e 70-të në këtë vit, të kryesuar nga kryesuesi, Kreshnik Radoniqi dhe vendimet u morën me procedurë qarkulluese.
Në këtë mbledhje, KQZ mori vendim për miratimin e raportit të Listës Votuese për raundin e dytë të zgjedhjeve për Kryetarë të Komunave, i cili, sipas rezultateve preliminare do të mbahet në 18 komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
Sipas kësaj liste, numri i përgjithshëm i qytetarëve me të drejtë vote në raundin e dytë të zgjedhjeve në në këto 18 komuna është 1,346,397 votues. Ky numër, në krahasim me raundin e parë të Zgjedhjeve Lokale të mbajtura më 12 tetor 2025, është më i lartë për 543 votues.
Sipas të dhënave nga Lista Votuese, numri i qytetarëve me të drejtë vote në vendvotimet e këtyre komunave është 1,316,672 votues, ndërkaq numri i qytetarëve të regjistruar për të votuar me postë nga jashtë Kosovës dhe që i takojnë këtyre komunave është 29,725 votues.
Duke u mbështetur në Rregulloren Zgjedhore Nr. 03/2024 për krijimin, kundërshtimin dhe konfirmimin e Listës Votuese, Lista Votuese brenda vendit, e raundit të dytë, është plotësuar me personat që nga data 13 tetor deri më 9 nëntor 2025 arrijnë moshën e votimit, ndërkaq janë larguar personat që nga shtatori i këtij viti kanë hequr dorë nga shtetësa e Kosovës apo që kanë ndërruar jetë.
Raundi i dytë i zgjedhjeve do të organizohet në 525 Qendra të Votimit me gjithsej 1,648 vendvotime, prej të cilave 507 Qendra të Votimit për votimin e rregullt me 1,628 vendvotime dhe 18 Qendra të Votimit për votimin me kusht me gjithsej 20 vendvotime.
Gjithashtu në këtë mbledhje, KQZ mori vendim për numrin e fletëvotimeve që do të shtypen për raundin e dytë të zgjedhjeve për Kryetarë të Komunave, që do të mbahet më 9 nëntor 2025.
Sipas vendimit të KQZ-së, do të shtypn 1,158,015 fletëvotime apo rreth 16% më pak se numri i përgjithshëm i qytetarëve me të drejtë vote në këtë raund.
Në këtë numër përfshihen fletëvotimet për vendvotimet e rregullta, votimin me kusht, Votimin e Personave e Nevoja të Veçanta, fletëvotimet rezervë dhe për votimin me postë./S.K/EO/
Lajmet
Hetimi i OKB-së: Dronët rusë ndjekin dhe përzënë civilë ukrainas
Published
2 hours agoon
October 28, 2025By
UBT News
Sipas një hetimi të fundit të Kombeve të Bashkuara, Rusia i ka ndjekur me dronë civilët që jetojnë pranë vijës së frontit në Ukrainë.
Hetimi ka gjetur se Rusia i ka gjahtuar civilët duke i detyruar mijëra njerëz t’i braktisin tërësisht zona të tëra, një veprim që përbën krim kundër njerëzimit.
Raporti i Komisionit të Pavarur Ndërkombëtar dhe Hetimor për Ukrainën tha se civilët janë ndjekur në distanca të gjata nga dronë me kamera të montuara, dhe më pas janë sulmuar me bomba ndezëse ose eksplozivë derisa po përpiqeshin të strehoheshin.
“Këto sulme janë kryer si pjesë e një politike të bashkërenduar për t’i dëbuar civilët nga ato toka, dhe përbëjnë krim kundër njerëzimit për zhvendosje të detyruar të popullsisë”, thuhet në raportin 17-faqësh që pritet t’i paraqitet Asamblesë së Përgjithshme të Kombeve të Bashkuara këtë javë.
Gjetjet e raportit bazohen në intervista me 226 njerëz, përfshirë viktima, dëshmitarë, punonjës ndihme dhe autoritete lokale, si dhe në qindra video të verifikuara online.
Sulmet e përshkruara në raport ndodhën në tri rajone në Ukrainën jugore, pranë vijës së frontit dhe përtej lumit Dnipro, dhe u kryen nga forcat ruse gjatë një periudhe prej më shumë se një viti.
Rusia e mohon se shënjestron civilët në Ukrainë, megjithëse forcat e saj kanë vrarë mijëra civilë qëkurse nisi pushtimi i plotë tri vjet e gjysmë më parë./S.K/EO/
Lajmet
Ish-deputetët austriakë vizitojnë UBT-në
Published
2 hours agoon
October 28, 2025By
Driton Iseni
Një grup i ish-deputetëve të Parlamentit Federal të Austrisë, bashkë me politikanë dhe ekspertë të angazhuar në fushën e arsimit dhe çështjeve sociale, vizituan Parkun Shkencor, Inovativ dhe Teknologjik të UBT-së.

Rektori i UBT-së, Prof. Dr. Edmond Hajrizi, e mirëpriti delegacionin dhe theksoi rëndësinë e vazhdimit të bashkëpunimit me universitetet austriake, duke u angazhuar për të forcuar edhe më tej lidhjet akademike dhe shkencore. Ai gjithashtu falënderoi për ndihmën dhe mbështetjen që Austria ka ofruar për zhvillimin e arsimit dhe kërkimit në Kosovë.
Delegacioni austriak ishte i udhëhequr nga prof. Josef Höchtl dhe përfshinte personalitete të rëndësishme si dr. Ernst Wurz, Stefanie Zobl, dhe Franz Fuchs, ndërsa takimi u zhvillua në praninë e drejtuesve të UBT-së, si dhe të stafit akademik dhe administrativ të universitetit.
Delegacioni u informua për sukseset dhe arritjet e UBT-së, si institucioni më inovativ në Kosovë, që ka një pozicion të fortë si lider në fushën e arsimit dhe kërkimit shkencor, si dhe për angazhimin e tij në zhvillimin e teknologjisë dhe bizneseve inovative.


Shkenca sfidon mitin e moshës, truri më i fortë në 55 deri 60 vjeç
‘Art’, një shfaqje që sfidon miqësinë dhe perceptimin e vlerave në Teatrin Kombëtar të Kosovës
Operacion antidrogë në Berat, arrestohet 27-vjeçari
A mund të kalojë vetvetiu alergjia ndaj frutave arrore te fëmijët, apo zgjat gjithë jetën?
KQZ certifikon Listën Votuese dhe vendos numrin e fletëvotimeve për raundin e dytë të zgjedhjeve
Statistika shqetësuese, miliona përdorues flasin me ChatGPT për plane vetëvrasjeje
Hetimi i OKB-së: Dronët rusë ndjekin dhe përzënë civilë ukrainas
Ish-deputetët austriakë vizitojnë UBT-në
Gjendet pa shenja jete një person në shtëpinë e tij në Veri
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet5 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
