Lajmet

Sejdiu nuk kandidoi për kryetar të LDK-së: Isa Mustafa ka dirigjuar të gjitha proceset në parti

Published

5 years ago

March 14, 2021

Betim Gashi

Ish-kryetari i Lidhjes Demokratike të Kosovës, Fatmir Sejdiu ka adresuar një mori kritikash karshi proceseve brenda LDK-së, duke thënë janë procese të degjeneruara brenda partisë, sidomos në mosrespektimin e rregullave statutare.

Sejdiu derisa nuk foli për kandidatët për shkak se nuk ka qëndruar të dëgjojë propozimet, ka thënë se LDK do të duhej që ta bënte një analizë të thellë të faktorëve që kanë ndikuar në rezultatet e 14 shkurtit.

“Duke pasur parasysh që pësoi një goditje në zgjedhjet e para një muajve, dhe aty ka shumë shkaktarë, do të ishte e nevojshme që në këtë etapë të një muaj ditëshit të kapërcyer ta bënte një analizë shumë të thellë të gjitha rrethanave dhe të faktorëve që kanë ndikuar në atë proces dhe sot dëgjoj se ka qenë drejt gjithçka, që është e pakuptimtë sepse rezultati vjen në bazë të punës së suksesshme. E dyta çështje ka të bëjë me proceset e degjeneruara në LDK, sidomos në mosrespektimin e rregullave statutare që ajo i ka. Para më shumë se një viti, LDK ka pasur një proces zgjedhor dhe e ka zgjedhur kryetarin e saj dhe nuk ka lejuar një proces të rregullt me votë të fshehtë të më shumë kandidatëve, ku kam pas edhe unë idenë që të jem në shërbimin e saj për shkak të përvojës, dijes dhe energjisë që kam, por është përjashtuar një mundësi e tillë nga frika e rezultatit me votën e fshehtë, që është e vetmja demokratike. Sot ka një kut tjetër nga i njëjti formacion politik, nga të njëjtat dispozita që ka statuti“, tha ai.

Ai tha se nëpër skuta kanë dërguar se kush do të jetë delegatë në Kuvendin e LDK-së në vitin 2019. Sipas tij, do të duhej të bëhej ndryshimi i statutit të LDK-së.

“Kam propozuar që është tepër e rëndësishme që gjithë ecjen e saj LDK do të duhej ta zhvillonte në bazë të një procesi zgjedhor që do të organizohej, pra të shpallen zgjedhjet në LDK, në të gjitha nivelet, zgjedhje që do të ishin një ristrukturim i thellë i kualitetit që LDK e ka dhe unë besoj në të“, tha ai.

Kurse, Sejdiu tha se nuk pretendon të kandidojë sërish për kryetar të LDK-së.

“Jo unë e kam parë që këto procese kanë qenë të dizajnuara në këtë mënyrë dhe nuk dua të merrem me do elemente të tjera, por dyshoj se në këtë formë të instrukturuar në këtë mënyrë, sepse lobimi është i arsyeshëm, është një diçka që do të ishte jo e udhës, prandaj unë kam ofruar vetën time për gjithçka që është e mundshme në proceset e mëtejshme“, tha ai.

Ai nuk ka dashur të flasë nëse Mustafa është pjesë e këtyre dizajnëve edhe për kryetarin e ri të LDK-së.

“Ka përgjegjësinë më të madhe sepse ka qenë kryetar i partisë, ka qenë njeriu që bashkë me ekipin e tij ka dizajnuar ecjet e deritashme të LDK-së”, tha ai.

Ndryshe, sot LDK-ja po mban Kuvendin Zgjedhor për zgjedhjen e të parit të LDK-së.

Related Topics:ldk Isa Mustafa Fatmir Sejdiu

Up Next

Vrasje e dyfishtë në Prishtinë, prokuroria jep detaje

Don't Miss

Votojnë Lumir Abdixhiku, Lutfi Haziri e Besian Mustafa

Live

Çmimet e naftës bien teksa Trump thotë se lufta do të përfundojë “shumë shpejt”

Published

10 seconds ago

April 1, 2026

UBTNews

Çmimet e naftës kanë rënë këtë të mërkurë me më shumë se 3%, duke zbritur pak mbi 100 dollarë për fuçi, raporton BBC.

Kjo vjen pas deklaratave të Presidentit të SHBA-së, Donald Trump, mbrëmë në Zyrën Ovale, se vendi do të largohet nga Irani “shumë shpejt” dhe se aksioni ushtarak mund të përfundojë brenda dy ose tre javësh.

Megjithatë, çmimet e naftës bruto Brent mbeten 39% më të larta krahasuar me 28 shkurtin, kur filloi lufta dhe Irani mbylli efektivisht Ngushticën e Hormuzit, një rrugë vendimtare për furnizimet globale të naftës dhe gazit. /BBC/

Lajmet

Tre të arrestuar dhe një person në kërkim për dhunë në familje

Published

7 minutes ago

April 1, 2026

UBTNews

Në Policin e Kosovës gjatë 24 orëve të fundit janë regjistruar katër raste të dhunës në familje.

Rastete e raportuara vijn nga Drenasi, Graçnica, Kamenica dhe Peja.

Në Drenas, një burrë është arrestuar pasi dyshohet se ka ushtruar dhunë psikike ndaj një gruaje. Pas intervistimit të të dyja palëve, prokurori ka vendosur që rasti të vijojë në procedurë të rregullt.

Në Graçanicë, policia ka intervistuar dy gra të cilat dyshohen se kanë ushtruar dhunë ndaj një burri. Edhe ky rast, me vendim të prokurorisë, po trajtohet në procedurë të rregullt.

Një burrë është arrestuar në Kamenicë nën dyshimin për dhunë në familje. Me urdhër të prokurorit, i dyshuari është dërguar menjëherë në mbajtje.

Në Pejë është raportuar për një sulm fizik dhe kanosje ndaj një gruaje, e cila ka refuzuar ndihmën mjekësore. I dyshuari aktualisht ndodhet në kërkim policor derisa prokuroria është njoftuar për detajet e rastit.

Vendi

Arrestohen tre persona për armëmbajtje pa leje

Published

18 minutes ago

April 1, 2026

UBTNews

Në raportin e fundit njëditor të Policisë së Kosovës janë raportuar disa raste të armëmbajtjes pa leje që kanë çuar në arrestimin e tre personave në qytete të ndryshme.

Rasti i parë është regjistruar në rrugën “Zahir Pajaziti” në Podujevë, ku pas mesnatës është arrestuar një burrë pasi gjatë kontrollit i është gjetur dhe konfiskuar një mjet i mprehtë-thikë, ndërsa po ashtu në Lipjan, gjatë mesditës, policia ka ndaluar një person tjetër në veturën e të cilit u gjet dhe u sekuestrua një pistoletë me një fishek.

Për të dyja këto raste, prokurori ka vendosur që të dyshuarit të lirohen në procedurë të rregullt pas intervistimit.

Ndërkohë, në rrugën “Enver Zymberi” në Prishtinë, policia ka arrestuar një të dyshuar pasi i janë gjetur 15 fishekë të armës me gas, me ç’rast është ushtruar kontroll edhe në shtëpinë e tij, ndonëse aty nuk është gjetur asgjë e dyshimtë.

Lajmet

Shuhet ëndrra e Kosovës për Botëror, Turqia fiton minimalisht

Published

10 hours ago

March 31, 2026

UBTNews

Kombëtarja e Kosovës ka pësuar humbje me rezultat 0-1 ndaj Turqisë duke i dhënë fund shpresave për kualifikim në Kampionatin Botëror.

Golin e vetëm të ndeshjes e realizoi Kerem Aktürkoğlu në minutën e 53-të, një gol që rezultoi vendimtar për fatin e takimit.

Kosova pati përpjekje gjatë gjithë ndeshjes për të barazuar rezultatin, por pa arritur të konkretizojë rastet e krijuara. Në minutat shtesë, loja u tensionua edhe më shumë, ku pati kartonë të verdhë dhe ndërhyrje të shumta nga të dyja skuadrat.

Kjo humbje zyrtarizon eliminimin e Kosovës nga gara për një vend në Botëror, duke shuar kështu një tjetër ëndërr për përfaqësuesen.