Lajmet

​Sa orë duhet të flini sipas moshës?

Kohëzgjatja dhe cilësia e gjumit janë faktorë thelbësorë për funksionimin e duhur të trupit.

Published

on

Të jeni në gjendje të flini një numër të mirë orësh gjumë është e rëndësishme, por shpesh nuk arrini të flini numrin e duhur të orëve për shkak të angazhimeve të jetës së përditshme. Gjumi është një element jetik për shëndetin dhe mirëqenien e përgjithshme. Kohëzgjatja dhe cilësia e gjumit janë faktorë thelbësorë për funksionimin e duhur të trupit. Nevoja për gjumë ndryshon në varësi të moshës, stilit të jetesës, periudhës së vitit dhe kushteve shëndetësore. Sipas Fondacionit Kombëtar të Gjumit ka një kohë të mjaftueshme për të fjetur sipas moshës.

Të porsalindur (0-3 muaj)

Kohëzgjatja aktuale e rekomanduar është 14-17 orë në ditë, më parë ishte 12-18 orë.

Foshnjat (4-11 muaj)

Kohëzgjatja e rekomanduar është 12-15 orë, por shkalla është më e gjerë dhe mund të ndryshojë nga 10 në 18 orë.

Fëmijë të vegjël (1-2 vjeç)

Kohëzgjatja e rekomanduar është 11-14 orë, diapazoni është gjithashtu më i gjerë dhe varion nga 9 në 16 orë.

Fëmijët parashkollorë (3-5 vjeç)

Kohëzgjatja e rekomanduar është 10-13 orë, me një shkallë më të madhe nga 8 deri në 14 orë.

Fëmijët e moshës shkollore (6-13 vjeç)

Kohëzgjatja e rekomanduar është 9-11 orë, me një shkallë 7-12 orë.

Adoleshentët (14-17 vjeç)

Kohëzgjatja e rekomanduar është 8-10 orë, me një shkallë 7-11 orë.

Të rinjtë (18-25 vjeç)

Kohëzgjatja e rekomanduar është 7-9 orë, me një shkallë 6-11 orë.

Të rriturit (26-64 vjeç)

Kohëzgjatja e rekomanduar është 7-9 orë, me një shkallë 6-10 orë.

Të rriturit e moshuar (65+)

Kohëzgjatja e rekomanduar është 7-8 orë, me një shkallë 5-9 orë.

Aktualitet

Studime në nivelin Master me orar fleksibil dhe bursë 20 për qind për punonjësit bankarë në programin MBE në UBT

Published

on

Nëse jeni duke punuar në një institucion bankar dhe synoni të avancoheni në karrierë me një diplomë masteri, UBT ju ofron mundësinë ideale përmes programit Master në Menaxhment, Biznes dhe Ekonomi (MBE). Të gjithë kandidatët nga sektori bankar publik dhe privat përfitojnë 20% bursë studimi.

Programi MBE ofron katër orientime kryesore: Financa, Banka dhe Kontabilitet; Marketing dhe Shitje; Menaxhment, Ndërmarrësi dhe Inovacion; si dhe Logjistika dhe Menaxhimi i Prokurimit.

Me orar fleksibil, mobilitete ndërkombëtare dhe qasje praktike, ky program i përgatit studentët për role udhëheqëse dhe përballjen me sfidat e tregut global.

UBT thekson se qëllimi i programit është të përgatisë liderë të rinj që kombinojnë njohuritë akademike me praktikat më të mira ndërkombëtare, duke hapur rrugë për karrierë ndërkombëtare ose vazhdim të studimeve në doktoratë.

APLIKO TANI ONLINE!

Continue Reading

Lajmet

Punonjëses së OSBE-së që akuzohet për spiunazh i vazhdohet paraburgimi edhe për 2 muaj

Published

on

By

Punonjëses së misionit të OSBE-së në Kosovë, e akuzuar si spiune e Serbisë, Jelena Gjukanoviq, i është vazhduar paraburgimi edhe për dy muaj. 

Nga gjyqtari jemi njoftuar se ndaj të pandehurës J.Gj. është vazhduar masa e paraburgimit edhe për dy muaj”, thuhet në përgjigjen e Gjykatës për Kohën.

Në seancën e shqyrtimit fillestar avokati i Gjukanoviqit ka kërkuar që masa e paraburgimit t’i zëvendësohet me masën e arrestit shtëpiak, që që ishte kundërshtuar nga prokurori i rastit.

Në seancën fillestare Gjukanoviq është deklaruar e pafajshme.

Prokuroria Speciale e akuzon atë se ka kryer veprën penale deri në momentin e arrestimit të saj, në shkurt të këtij viti.

Sipas aktakuzës, Gjukanoviq si zyrtare e misionit të OSBE-së në Kosovë me vetëdije të plotë ka kryer veprime të përsëritura duke përcjellë informacione të dokumentuara për agjentin rezident të BIA-së, Aleksandër Vllajiq, të cilat informacione pastaj janë transmetuar te zyrtarët e lartë të BIA-s.

Përveç komunikimeve me të dënuarin për spiunazh, Aleksandër Vllajiq, në aktakuzë thuhet se Gjukanoviq ka komunikuar edhe me zyrtarë të tjerë të BIA-s serbe.

Ajo akuzohet se ka ndihmuar edhe në krijimin e një narrative armiqësore ndaj institucioneve të Kosovës.

Gjukanoviq është arrestuar më 28 shkurt të këtij viti, nën akuzën se ka shpërndarë dokumente dhe informacione të ndjeshme tek Agjencia e Inteligjencës dhe Sigurisë e Serbisë./D.B/EO

Continue Reading

Lajmet

Reagimi i parë i Dembélé pasi fitoi Topin e Artë

Published

on

Ousmane Dembélé ka shprehur emocionet e tij të para pas triumfit historik në ceremoninë e Topit të Artë 2025, ku u shpall lojtari më i mirë në botë.

Ka shumë gëzim, krenari dhe emocione. Ëndrra ime u bë realitet,” u shpreh ylli francez menjëherë pas marrjes së çmimit prestigjioz.

Ai nuk harroi të falënderonte ata që kanë qenë pranë tij gjatë gjithë rrugëtimit.

Ky është Topi i Artë i parë në karrierën e Dembélés, një arritje që vulosi një sezon spektakolar për sulmuesin e Francës dhe PSG-së./S.K/KP/

Continue Reading

Lajmet

Vazhdon dëshminë ish-këshilltari i NATO-s Duncan

Published

on

By

E përditësuar

10:51 – Ish-këshilltari i Wesley Clark, John Stewart Duncan, po dëshmon sërish para Dhomave të Specializuara të Hagës.

Gjatë seancës, prokurori i ka treguar Duncan-it një fotografi nga viti 1999 dhe e ka pyetur nëse e njeh personin në qendër të imazhit.

Duncan ka thënë se nuk e di emrin, por e di se kush është.

Nuk e di emrin e tij, por e di kush është. Siç kujtoj unë, është një nga njerëzit me funksione të larta në funksionimin policor dhe të zbulimit”, tha Duncan.

Ai ka shtuar se, sipas kujtesës së tij, personi është një nga njerëzit me funksione të larta në strukturat policore dhe të zbulimit të UÇK-së.

Kur është pyetur si e di këtë, Duncan është përgjigjur se nuk mund ta tregojë.

Ndërkohë i pyetur nëse ka arsye për ta kundërshtuar nëse është Kadri Veseli në fotografi, ish-diplomati britanik tha se nuk ka arsye.

Ish-këshilltari i Wesley Clark,  John Stewart Duncan, është ulur sërish në bankën e dëshmitarit para Dhomave të Specializuara të Hagës.

Ish-diplomati britanik po vazhdon dëshminë e tij që e kishte nisur ditën e djeshme të thirrur nga mbrojta e ish-presidentit Hashim Thaçi.

Siç kishte dëshmuar ish- diplomati amerikan, James Rubin, e më pas Paul Williams.

Duncan, po ashtu si dëshmitar i tretë, konfirmoi atë që kishin thënë edhe paraprakët e tij: ish-presidenti Hashim Thaçi kishte një rol politik dhe nuk kishte kompetenca për vendime ushtarake brenda UÇK-së./D.B/EO

Continue Reading

Të kërkuara