Lajmet

Rritja e parashikuar ekonomike në Maqedoni do të korrigjohet nga 4.3% në 3.5%

Me ribalancin e paralajmëruar, boshllëku buxhetor do të rritet për rreth dy për qind, shtoi zëvendëskryeministri.

Published

4 years ago

April 23, 2022

UBT news

As ekonomia maqedonase nuk do të mbetet imune ndaj luftës në Ukrainë. Qeveria tashmë është duke llogaritur se sa do të jetë ndikimi në prodhimin e brendshëm bruto.

Në një intervistë për 360 Gradë në Alsat, Fatmir Bytyqi, përgjegjësi i qeverisë për politikat ekonomike, tha se nga rritja ekonomike e parashikuar fillimisht prej 4.3%, tani parashikimi jozyrtarisht është ulur në 3.5%.

Me ribalancin e paralajmëruar, boshllëku buxhetor do të rritet për rreth dy për qind, shtoi zëvendëskryeministri.

Kjo në shifra absolute është 200 milionë euro, që janë planifikuar të shpenzohen dhe mungojnë në arkën e shtetit.

“Edhe Banka Popullore po punon në korrigjimin e normës së rritjes ekonomike për Maqedoninë. Pritjet e Bankës Qendrore që ekonomia vendase të ketë rritje prej 3.9 për qind nuk do të realizohet, dhe do të ketë ulje të parashikimit të rritjes së PBB-së për vitin e ardhshëm”, tha Fatmir Bytyqi- Zëvendëskryeministër për Ekonomi.

“Projeksionet makroekonomike janë duke u përgatitur nga banka qendrore. Ne me grupin e fundit të projeksioneve makroekonomike, që datojnë nga tetori i vitit të kaluar, prisnim rritje prej 3.9 për qind për këtë vit, por duke pasur parasysh goditjen e re dhe rreziqet që lidhen me të, aktualisht po punojmë në projeksione të reja, dhe probabilitet që do të ketë një revizion negativ”, u shpreh Anita Angelovska-Bezhoska -Guvernatore e Bankës Popullore.

Pas rritjes së vitit të kaluar të ekonomisë botërore prej 6,1 për qind, institucionet financiare ndërkombëtare për shkak të luftës në Ukrainë ndryshuan në mënyrë drastike parashikimin për këtë vit. Në nivel global, sipas Bankës Botërore, rritja prej 4.1 për qind do të jetë më së shumti 3.2 për qind, FMN parashikon 3.6 për qind./ Alsat.mk/

Lajmet

Tri raste të dhunës në familje brenda 24 orëve

Published

3 minutes ago

May 20, 2026

UBTNews

Në raportin 24 orësh të Policisë së Kosovës janë regjistruar tri raste të dhunës në familje.

Rastet kanë ndodhur në Lipjan, Rahovec dhe Malisheve.

Në rastin e parë në Rahovec është arrestuar një person pasi kishte sulmuar nenën e tij dhe me pas kishte tentuar të vetëvritet.

Pas marrjes së tretmanit mjekësor me vendim të prokurorit i dyshuari është dërguar në mbajtje.

Ndërsa në Pagarushë të Malishevës, lidhur me rastin e datës 18.05.2026, për dhunë në familje është arrestuar një i dyshuar dhe i njëjti pas intervistimit me vendim të prokurorit është dërguar në mbajtje.

Ndërkaq në Lipjan dyshohet se bashkëshorti i viktimës kishte ushtruar dhunë psikike ndaj saj.

Nga i dyshuari është konfiskuar një revole me leje të skaduar. Pas intervistimit me vendim të prokurorit rasti shkon në procedurë të rregullt.

Lajmet

Zhduket një grua në Prishtinë, po qëndronte në QKUK

Published

37 minutes ago

May 20, 2026

UBTNews

Në raportin njëditor te Policisë së Kosovës është raportuar se është zhdukur një grua e cila ishte duke qëndruar në Repartin e Psikiatrisë në QKUK.

Rastin e ka raportuar nënë e viktimës, sipas raportit.

“Ankuesja f/k ka raportuar se vajza e saj viktima f/ke është larguar nga Reparti i Psikiatrisë-QKUK dhe nuk di për vend ndodhjen e saj. Rasti nën hetime”, thuhet në raport.

Ndërsa rasti po vazhdon të hetohet nga Policia.

Lajmet

Arrestohen disa qytetarë serb në Graçanicë për dyshime për presion ndaj votuesve

Published

2 hours ago

May 20, 2026

UBTNews

Ministri në detyrë i Punëve të Brendshme, Xhelal Sveçla, ka reaguar pas arrestimit të shtatë qytetarëve të nacionalitetit serb në Graçanicë, të cilët dyshohet se kanë ushtruar presion dhe kërcënime ndaj votuesve me qëllim ndikimin në procesin zgjedhor.

Sveçla tha se zgjedhjet në Kosovë, pavarësisht sfidave dhe bllokadave politike që kanë ndodhur në raste të caktuara, vazhdojnë të vlerësohen pozitivisht në raportet ndërkombëtare për standardin e organizimit dhe garantimin e shprehjes së lirë të vullnetit të qytetarëve.

Ai përshëndeti veprimin e institucioneve të sigurisë për arrestimin e të dyshuarve në Graçanicë, duke theksuar se ata “përmes kërcënimeve, presionit dhe shantazhit kanë tentuar të ndikojnë në vullnetin e lirë të votuesve”.

Sipas Sveçlës, veprime të tilla që targetojnë qytetarët e komunitetit serb në Kosovë janë rezultat i “direktivave të orkestruara nga Serbia”, të cilat, sipas tij, synojnë të cenojnë pluralizmin politik dhe rendin demokratik në vend.

“Institucionet e Republikës së Kosovës do të veprojnë me vendosmëri ndaj çdo përpjekjeje për të frikësuar qytetarët dhe për të deformuar vullnetin e tyre politik”, deklaroi ai.

Në fund, ministri në detyrë theksoi se institucionet do të garantojnë që procesi zgjedhor të mbetet i lirë dhe i paprekur nga ndërhyrjet e jashtme.

Lajmet

Diell dhe vranësira të shpërndara, temperaturat deri në 21 gradë sot në Kosovë

Published

3 hours ago

May 20, 2026

UBTNews

Mot me diell dhe vranësira të shpërndara do të mbajë sot në Kosovë.

Sipas Instituti Hidrometeorologjik i Kosovës, vranësira më të dendura priten kryesisht në zonat malore të vendit.

Temperaturat minimale do të lëvizin ndërmjet 6 dhe 9 gradë Celsius, ndërsa ato maksimale nga 18 deri në 21 gradë Celsius. Era do të fryjë nga verilindja me shpejtësi prej 1 deri në 6 metra në sekondë.