Lajmet

Rreth 680 profesionistë shëndetësorë vaksinohen në sallën “1 Tetori”

Published

4 years ago

April 1, 2021

Betim Gashi

Sot është dita e tretë që në qendrën kryesore të vaksinimit në sallën “1 Tetori” në Prishtinë po vazhdon vaksinimi me dozën e parë AstraZeneca të profesionistëve shëndetësorë.

Për dallim nga ditët tjera kur në këtë qendër u vaksinuan kujdesi parësor shëndetësor, tashmë në hyrje të kësaj salle është vendosur një njoftim me orarin për stafin mjekësor të klinikave të Qendrës Klinike Universitare.

Që nga dita e martë kur edhe zyrtarisht nisi vaksinimi i mjekëve dhe infermierëve të Kosovës, në sallën “1 Tetori” janë vaksinuar rreth 679 persona.

Koordinatori i qendrës së vaksinimit, Niman Bardhi tha se vetëm deri në mesditë janë vaksinuar 58 persona, ndërsa presin që deri në orën 19:30 kur mbyllet qendra të vaksinohen edhe të tjerë. Ai tha se procesi i vaksinimit po shkon shumë mirë, dhe se nuk është raportuar ndonjë shqetësim nga ata që janë vaksinuar.

“Deri më tani nga këta profesionistët shëndetësorë që e kanë pranuar vaksinën kanë qenë gjithsej 679 në total, ndërsa vetëm sot kanë arritur në 58 aktualisht. Nëse nuk gabohem, e keni parë edhe listën që e kemi vendosur te dera jashtë që janë të renditura klinikat që sot do të kryejnë vaksinimin me qëllim që të mos kemi mbipopullim brenda. Por për shkak të orarit të punës që kanë presim ndërkohë që sapo të lirohen nga puna apo të përmbyllin orarin zyrtar të jenë këtu për vaksinat. Deri tani procesi ka shkuar si është më së miri, nuk kemi pasur ndonjë ballafaqim apo problem eventual. Siç kam deklaruar edhe dje, po ashtu edhe sot deri në këtë çast që po flasim, asnjë shqetësim, asnjë ndonjë reaksion i mundshëm për më vonë apo shqetësim deri më tani nuk kemi marrë. Sipas listës që kemi paraparë, jemi diku te 750 për sot, tani sa do të jenë në gjendje të na vijnë jemi në pritje, por ne jemi të përgatitur për 750 persona për klinikat që kemi paraparë”, theksoi Bardhi.

Me vaksinat AstraZeneca është paraparë të bëhet edhe vaksinimi i kategorisë mbi 80-vjeç dhe atyre me sëmundje kronike, por sipas Bardhit për këtë do të vendoset më vonë.

“Aktualisht, siç e dini, ata veçse kanë filluar aplikimin e tyre në linkun e paraqitur nga ana e jonë, por nga momenti kur bëhet gjenerimi i të dhënave me automatizëm do të na informojnë neve dhe pastaj vetë qendra e thirrjes do të jenë ata që do të bëjnë informata për aplikimin e kësaj vaksine. Kur do të realizohet, mbetet çështje për të cilën do të vendoset pak më vonë”, u shpreh Bardhi.

Mjekët e infermierët që tashmë e kanë marrë vaksinën po apelojnë te të gjithë që të vaksinohen.

Mirishahe Rexhepi vetëm 15 minuta nga momenti që u vaksinua, tha se po ndihet mirë që tashmë e mori vaksinën. Rexhepi e cila është infermiere e pensionuar apelon që posa të krijohen mundësitë vaksinën, ta marrin të gjithë qytetarët e Kosovës pasi kjo është mbrojtja më e sigurt ndaj COVID-19.

“Që 15 minuta shumë mirë, do t’iu preferoja të gjithëve ta marrin. Sezonale e kam marrë gjithmonë. E kam marrë pa kurrfarë dileme. Gjithsesi të vaksinohen, sepse kjo është mbrojtja e sigurt”, tha ajo.

Sot dozën e parë të vaksinës AstraZeneca e mori edhe Turkane Sylejmani, mami në Klinikën Gjinekologjike, e cila pati lëvdata për organizimin e shpërndarjes së vaksinës. Ajo kërkoi që sa më parë të nisë vaksinimi masiv me qëllim të krijimit të imunizimit kolektiv.

“E morëm vaksinën që 15 minuta. Për besë, nuk kam hezituar se e di që duhet marrë ku është një e mirë që t’i jepet të gjithë popullatës dhe me u kalua kjo situatë. Iu kisha rekomanduar me marr të gjithë qytetarët sa më shpejt e bë një imunizim të popullatës se pa vaksinë nuk hiqet virusi. Procesi më ka pëlqyer shumë, por po më duket është herët, shpresoj të shkoj kështu gjithë, njëherë për njëherë mirë ishte”, tha ajo.

Edhe infermierja Safete Berisha, e cila nuk e ka kaluar COVID-in shprehet e lumtur që i erdhi momenti të vaksinohet.

“Mirë tani sa e mora mirë shumë. Jam e kënaqur që e mora. Mua më është dukur shumë mirë tani sa erdhëm përfundoi si më së mirë. Kam pasur pak dilema, por më mirë. Jo, nuk kam qenë e infektuar as nuk e kam pasur familjen”, tha Berisha.

Kosova dozat e para të vaksinës AstraZeneca i mori më 28 mars si donacion nga COVAX-i. Me këto 24 mijë vaksina është planifikuar të vaksinohen mantel-bardhët si personat mbi moshën 80-vjeç dhe ata me sëmundje kronike.

Related Topics:covid-19 Turkane Sylejmani

Up Next

Konjufca: Drejtësia të ndëshkojë ata që kryen krimet në Lybeniq të Pejës

Don't Miss

Vitia dhe Kosnett s’përjashtojnë masat e reja antiCOVID

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.