

Kulturë
Rikthehet “Hardh Fest”, konsiderohet se po e ruan flakën e traditës tonë
Kjo ngjarje konsiderohet si mundësi e mirë për promovimin e produkteve vendore.
Published
3 years agoon
By
UBT.NewsMe sloganin “Ca kokrra rrushi” është rikthyer pas dy vitesh festivali i njohur i rrushit “Hardh Fest” për qytetarët vendorë si dhe turistët ndërkombëtarë të cilët interesohen të shohin nga afër vreshtat dhe pasuritë e tjera të Rahovecit.
Kjo ngjarje gjithashtu konsiderohet si mundësi e mirë për promovimin e produkteve vendore.
I njohur si kryeqyteti i bujqësisë, Rahoveci do të jetë nikoqir në datat 2,3 dhe 4 shtator, gjatë ditës me aktivitete turistike e letrare ndërsa në mbrëmje me koncerte artistike.
Ministri i Bujqësisë, Pylltarisë dhe Zhvillimit Rural, Faton Peci tha se tha se “Hardh Fest” në edicionet e ardhshme duhet të marr mbështetje institucionale më të madhe.
Ai tha se tashmë kanë nënshkruar udhëzimin administrativ për treguesit gjeografikë që lehtësojnë eksportin e produkteve.
“Sektori i verarisë është një ndër shembujt e suksesit në sektorin e bujqësisë, verërat tona janë aq bujqësore sa me lehtësi i gjen në dyqanet në mbarë vendet e rajonit, BE deri në SHBA. Qëllimi im si ministër është që përveç hartimit të politikave të zhvillojnë sektorin e bujqësisë, njëherit t’i promovojë prodhimet vendore, punën e palodhshme të bujqve, vreshtarëve dhe vertarëve tanë dhe në çdo vizitë zyrtare përkujdesem që homologëve të mi t’ua prezantoj verërat tona… Sot me mëngjes kam nënshkruar udhëzimin administrativ për treguesit gjeografikë që është masë lehtësuese për prodhuesit tanë, për vreshtarët dhe vertarët në eksportimin e produkteve tona cilësore në rajon dhe mbarë vendet e BE-së e deri në ShBA”, theksoi Peci.
Liburn Jupolli, këshilltar në MKRS, u shpreh se këtë vit “Hardh Fest” vjen me një program të pasur treditorë.
Sipas tij, ky festival po ruan flakën e traditës duke e bërë trashëgiminë e Kosovës më të gjallë.
“‘Hardh Fest’ po e ruan flakën e traditës tonë, po e bënë trashëgiminë tonë të gjallë dhe të afërt ne publikun dhe po jep njërin prej shembujve më të mirë të kultivimit dhe të zhvillimit të vlerave tona si shoqëri. Sivjet ‘Hardh Fest’ vjen me një program të pasur treditorë, me shumë aktivitete për të cilat duhet duartrokitur angazhimi i palodhshëm i ekipit vendor dhe padyshim të gjithë përkrahësit e festivalit. Qeveria e Republikës së Kosovës, MKRS tashmë ka miratuar koncept dokumentin për art e kulturë, si hap të parë të reformës së plotë ligjore në kulturë dhe do të vazhdojë me zhvillimin e ligjit të ri unik në kulturë dhe masave të tjera të cilat do të fuqizojnë më tutje dhe do të hapin rrugë të reja për të mbështetur dhe zhvilluar kulturën në Kosovë”, tha Jupolli.
I pranishëm në hapjen e “Hardh Fest”-it ishte edhe kreu i AAK-së, Ramush Haradinaj i cili adresoi kritika karshi Qeverisë së Kosovës sa i takon mbështetjes së fermerëve.
Sipas tij, të gjithë duhet të punojnë së bashku e jo të shpallen armiq bujqit, mjekët dhe arsimtarët.
“Së pari është për kritik kushdo që e pengon fermerin dhe vreshtarin, në këtë rast qeveria dhe ministri ynë e di që vitin që shkoi ua ka humbur 1 vit me subvencione i ka vonuar, e dyta është për kritikë qeveria jonë duke e parë se si vepron Serbia në emër të një festivali të verave dhe lavdëron verat e Serbisë që vërtetë janë vera të klasit të dytë, e mungesa e kujdesit të shtetit tonë që të shfrytëzojë edhe një ditë si kjo për t’i lavdëruar verërat tona, kur e dimë që verërat tona janë më të mirat në Ballkan. Nuk ka dikush që se dinë që hardhia në Rahovec është e vjetër aq sa është kjo tokë, verërat e paraardhësve tanë, e ilirëve kanë qenë të respektuara e të çmuara në atë kohë”, theksoi Haradinaj.
Kryetari i komunës së Rahovecit, Smajl Latifi u shpreh se ky festival këtë vit iu është rikthyer qytetarëve me një organizim më të mirë.
Latifi tha se “Hardh Fest” e ka vendosur komunën që ai drejton në hartën e ngjarjeve kulturore-artistike më të rëndësishme në Kosovë dhe botë.
“Sivjet festivali i kthehet qytetarëve me organizimin më të mirë në historikun e tij. ‘Hardh Fest’ është i të gjithëve por më së shumti i bujqve dhe vreshtarëve fisnikë me rrethinë duke iu shërbyer në promovimin e produkteve të rrushit… Komuna e Rahovecit nuk i ka lënë asnjëherë vetëm vit pas viti si financiarisht ashtu edhe për të krijuar rrethanat hapësinore dhe infrastrukturore ka qenë e palëkundur ndërkohë që mbështetja është rritur çdo vit e do të rritet edhe më shumë në vitet në vazhdim. Jam i gëzuar që sivjet kemi gjetur mundësitë për të mbështetur ‘Hardh Fest’-in më shumë se vitet e shkuara. Jam po ashtu i vetëdijshëm se çfarëdo mbështetje që ka ardhur nga MKRS, MBPZHR, nga sponsorët që u jepet ngjarjeve të kësaj peshe si ‘Hardh Fest’ është investim që i kthehet shoqërisë tonë me plotë përfitime si ekonomike ashtu edhe kulturore”, tha ai.
Në këtë edicion u shpallën edhe vreshtarët më të mirë të edicionit të sivjetshëm që janë Agron Haxhimustafa, Samir Hoxha, Refki Kabashi, Veton Haxhimustafa, Miftere Shala, Berat Jupa etj. Në këtë edicion të “Hardh Fest” pritet të numri i pjesëmarrësve të jetë deri në 100 mijë. Për shkak të pandemisë, festivali “Hardh Fest” nuk është organizuar për dy vite me radhë.
You may like

Pas suksesit të jashtëzakonshëm global që nga debutimi i tij në 2021, seriali korean “Squid Game” rikthehet me sezonin e tretë dhe të fundit, i cili u publikua sot, më 27 qershor, në platformën Netflix.
Të gjitha gjashtë episodet janë tashmë të disponueshme për shikuesit anembanë botës, duke i dhënë fund një prej sagave më të ndjekura dhe të diskutueshme në historinë e televizionit modern.
Ky sezon përmbyll udhëtimin dramatik të protagonistit Seong Gi-hun dhe përballjen e tij përfundimtare me organizatorët e lojës vdekjeprurëse.
Sipas raportimeve të shumta mediatike dhe vetë krijuesit të serialit, ky kapitull përmbyll historinë kryesore të “Squid Game”. Kjo do të thotë se nuk do të ketë një sezon të katërt.
“Squid Game” u bë një fenomen global që nga lansimi i tij fillestar në vitin 2021, duke kapur vëmendjen e miliona shikuesve dhe duke ndezur debat të gjerë në rrjetet sociale për temat që trajton: pabarazinë sociale, etiken, dhe luftën për mbijetesë.
Suksesi i menjëhershëm i sezonit të parë e shndërroi serinë në një nga prodhimet më të ndjekura në historinë e Netflix.
Kulturë
Gjipe dhe Grama në listën e 50 plazheve më të mira të Europës
Published
8 hours agoon
June 27, 2025By
UBT News
Dy nga plazhet më të bukura dhe autentike të Rivierës Shqiptare, Gjiri i Gramës dhe ai i Gjipesë janë renditur në listën prestigjioze të 50 plazheve më të mira në Europë për vitin 2025.
Ky vlerësim është rezultat i një procesi përzgjedhjeje që përfshin rreth 1,000 profesionistë udhëtimesh, “ambasadorë” të njohur plazhesh dhe një juri të specializuar ndërkombëtare.
Gjiri i Gramës është renditur në vend të 12, ndërsa Gjipe në vend të 30 duke kaluar madje edhe disa prej destinacioneve më në zë në brigjet e Spanjës, Italisë, Greqisë apo Francës, të cilat prej vitesh kanë kryesuar preferencat e vizitorëve nga e gjithë bota.
Kjo përzgjedhje realizohet çdo vit nga “The worlds 50 best beaches”, një nga platformat më të njohura globale për renditjen e plazheve, së cilës i referohet vazhdimisht edhe vetë Forbes. Për t’u renditur plazhet duhet të plotësojnë disa kritere që lidhen me natyrën, qetësinë dhe përvojën që ato ofrojnë.
Kriteri është që plazhi të jetë unik, me peizazh që dallohet nga të tjerët, autentik, larg zonave të mbipopulluara, larg zhurmës, i paprekur, ideal për të forcuar lidhjen me natyrën dhe me pamje mbresëlënëse. Profesionistët që votojnë plazhet duhet të bëjnë një përshkrim bindës që më pas vlerësohet nga ambasadorët e plazheve dhe ekspertët ndërkombëtarë, të cilët e bëjnë renditjen bazuar në kriteret e lartpërmendura.
Gjiri i Gramës që është bërë pjesë është një nga perlat e bregdetit të Jonit, këtu deti hyn mes masiveve shkëmbore duke krijuar një plazh fantastik ku bie në sy uji kristal i pastër me kombinim unik ngjyrash. Gjiri i Gjipesë është i vendosur në hyrje të një kanioni spektakolar duke u bërë simbol i ekoturizmit dhe aventurës në Shqipëri. Me akses si nga bregu dhe nga shtregu, ky gji ofron pamje mahnitëse dhe një natyrë gati të virgjër, shumë pak të eksploruar.
Përfshirja e këtyre dy gjireve në këtë renditje dëshmon edhe njëherë se Shqipëria është një vend që ofron vlera të paçmueshme natyrore dhe po hyn gjithnjë e më shumë në listën e destinacioneve elitare të Mesdheut, kjo falë natyrës së bukur, infrastrukturës gjithnjë e në përmirësim si dhe projekteve ambicioze.
Magazinë
Jeff dhe Lauren po shpenzojnë 50 mijë dollarë për çdo të ftuar në dasmën luksoze në Venecia
Published
8 hours agoon
June 27, 2025By
UBT News
Të ftuarve në dasmën e Jeff Bezos dhe Lauren Sanchez nuk do t’u mungojë asgjë. Çifti sipas raportimeve, po shpenzon rreth 50,000 dollarë për person për dasmën luksoze në Venecia.
Ky numër marramendës vjen nga një raport i publikuar nga Brides.com… dhe me një listë të ftuarish pak më poshtë se 200 persona, kostoja minimale e dasmës shkon në të paktën 10 milionë dollarë. Kjo është vetëm “para xhepi” për dikë që “noton” në pasuri.
Mos harroni… themeluesi i Amazon-it vlerësohet të ketë një pasuri prej 230 miliardë dollarësh, sipas Bloomberg.
Ka gjasa që Bezos të shpenzojë edhe më shumë për këtë përvojë martesore madhështore… me disa burime që pretendojnë se kostoja mund të arrijë deri në 20 milionë dollarë. Përsëri – asgjë për t’u shqetësuar për një njeri që propozoi me një unazë fejese prej 30 karatësh.
Dasma e Bezos-Sanchez është gati të kthehet në ngjarjen e vitit… duke mirëpritur një mori yjesh, përfshirë Orlando Bloom pa të fejuarën Katy Perry – në qytetin e Vencias për të dëshmuar kurorëzimin e dashurisë. U zbulua se edhe ish-partneri i Lauren, Tony Gonzalez, do të udhëtojë drejt Venecias për dasmën.
Sipas TMZ, çifti i ardhshëm Bezos do të qëndrojë së bashku me të ftuarit e tyre në hotelin super luksoz Aman Venice. Burimet tona thonë se godina historike – ku çmimet për një dhomë variojnë nga 2,000 deri në 10,000 dollarë nata – është e rezervuar plotësisht nga e mërkura deri të dielën.
Ndërsa të pasurit dhe të famshmit përgatiten të zbarkojnë në Venecia… organizatorët e dasmës së Jeff dhe Lauren po përballen me një mori sfidash – kryesisht protestues të zemëruar, të cilët po detyrojnë ndryshime të shpejta në planin e sigurisë për të garantuar një ngjarje pa të papritura.
Lifestyle
Kundër plakjes: Çfarë ofron joga e fytyrës dhe pse konsiderohet një eliksir i rinisë?
Published
8 hours agoon
June 27, 2025By
UBT News
Joga e fytyrës është një metodë natyrale, si edhe efektive kundër plakjes për fytyrën e qafën.
Metoda e jogës është masë efektive parandaluese. Sa më herët ta fillojmë, aq më pak ka gjasa të shohim shenja plakjeje dhe tensioni në fytyrën e qafën tonë.
“Kjo ndodh sepse përmes ushtrimeve fillojmë të bëhemi të vetëdijshëm dhe të kontrollojmë shprehjet tona të fytyrës”, shpjegon ekspertja Areti Kafantari.
Ashtu si në trup, edhe në fytyrën tonë, kur bëjmë lëvizje në mënyrën e duhur shmangim dëmtimet, dhe në rastin e fytyrës, dëmtimi do të thotë rrudha.
Nëse shihni shenjat e para të plakjes, keni vija ose edhe rrudha, teknikat dhe ushtrimet e jogës së fytyrës do t’ju japin zgjidhje natyrale, brenda 6-8 javësh.
Si funksionon joga e fytyrës?
Ushtrime: Ndërsa 57 muskujt e fytyrës dhe qafës forcohen, lëkura mbi to bëhet më e fortë, më elastike dhe rrudhat zvogëlohen. Dhe lajmi i mirë është se, për shkak se muskujt janë shumë më të vegjël dhe më të hollë në krahasim me trupin, ato janë më të lehta për t’u ushtruar.
Masazh: Teknikat e masazhit rrisin qarkullimin e gjakut, aktivizojnë limfën, rrisin prodhimin e kolagjenit dhe elastinës dhe largojnë toksinat. Kjo zvogëlon ënjtjen dhe zbehjen, duke lënë një pamje rinore dhe të shëndetshme.
Akupresura: Një metodë e lashtë që bëhet duke aplikuar presion në pika specifike në fytyrë dhe qafë, duke rritur rrjedhën e energjisë në fytyrë, duke zvogëluar tensionin dhe duke dhënë shkëlqim.
Relaksimi: Duke mësuar se si të relaksojmë tensionin e fytyrës, ne shmangim linjat e theksuara të shprehjes dhe rrudhat.
Mirëqenia: Ndjenja e mirëqenies që ndiejmë kur i kushtojmë kohë vetes reflektohet edhe në fytyrën tonë.

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Kurti: Serbia mund të shfrytëzojë elemente destruktive për të nxitur incidente në Gazimestan

Bajrami: LDK do të marrë pjesë në takimin e nesërm

Izraeli kryen sulme ajrore në zonat pyjore dhe malore në Libanin jugor

Limaj konfirmon pjesëmarrjen në takimin me Kurtin, rithekson nevojën e arritjes së një marrëveshje politike

VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore