Lajmet

​Rashiq kërkon që Qeveria t’u shkruaj vendeve të QUINT-it për ndalimin e Trajkoviqit

Rashiq tha se këshilltarja e tij tash e 14 orë po qëndron në këtë pikë kufitare me Serbinë, derisa i janë marrë edhe dokumentet.

Published

3 years ago

on

Ministri për Komunitete dhe Kthim, Nenad Rashiq ka kërkuar nga Qeveria e Kosovës që t’u dërgoj shkresa shteteve anëtare të QUINT-it në Kosovës pas mbajtjes që po i bëhet këshilltares së tij në pikën kufitare në Merdarë nga autoritetet serbe.

Rashiq tha se këshilltarja e tij tash e 14 orë po qëndron në këtë pikë kufitare me Serbinë, derisa i janë marrë edhe dokumentet.

“Dje këshilltarja ime duke ardhur nga drejtimi i Beogradit në vendkalimin kufitar në Merdarë është ndaluar 4 orë në hyrje ose në dalje nga Serbia. 4 orë i ka kaluar dhe ajo ka pasur takime të caktuara me ambasadorin Howenier dhe pas këtyre jemi parë shkurtimisht. Dhe në hyrje prapë është ndaluar dhe deri në këto momente derisa po flas ende është duke qenë atje e ndaluar… Atje është tekstualisht 14 orë e mbetur atje, arsyetime juridike nuk kanë, i kanë marr dokumentet dhe ajo pret… Mua më vjen keq që zonja Trajkoviq një grua me moral të lartë ajo u ka ndihmua shumë njerëzve për të shpëtuar dhe unë dëshiroj që t’iu lus e di që nuk është në kompetencën tonë, nëse është e mundur qysh sot nga kabineti të dërgoni një shkresë-kërkesë si të doni anëtarëve të grupit të QUINTI-it të shprehni lutjen për të biseduar me kolegët e vet në Beograd që çështjet e tilla të mos ndodhin sepse nga mëngjesi jam i brengosur”, theksoi ai.

Sipas ministrit Rashiq, këshilltarja e tij, Rada Trajkoviq e cila vuan nga diabeti po kalon një gjendje të vështirë pasi i nevojiten edhe insulina.

Ministri për Komunitete dhe Kthim theksoi se me ardhjen e krerëve të rinj të Agjencisë BIA do të jetë një doktrinë e re për ata që kanë mendim ndryshe nga regjimi aktual i Serbisë.

“Një rast i turpshëm ndaljen e gruas që ka sëmundjen e diabetit dhe është e mëshuar dhe tani është duke kaluar një periudhë shumë të vështirë ka sëmundjen e diabetit asaj i nevojitet rregullisht insulina dhe falënderoj policinë kufitare e cila jo vetëm që ka mundësuar ujë dhe kanë shkuar në Podujevë dhe kanë blerë insulinën…Edhe unë kam pasur raste të tilla jam ndalur në kufi, por për fat timin jo tërë natës siç i ka ndodhur zonjës Trajkoviq, por siç duket do të jetë sistematik sepse nga ardhja e përfaqësuesve të rinj në Agjencinë BIA do të jetë një doktrinë e re ndaj nesh që kemi mendim të lirë dhe ndryshe nga regjimi aktual i Beogradit” , u shpreh ai.

E për ndalimin e Rada Trajkoviqit ka shprehur keqardhje edhe kryeministri i Kosovës, Albin Kurti i cili deklaroi se do të shikoj këtë paradite se çka mund të bëjë që Trajkoviq të hyjë në Kosovë.

“Edhe mua më vjen shumë keq që jemi në një situatë të tillë…do të mund të shoh se çka mund të bëjë sot paradite që zonja Trajkoviq të hyjë në Kosovë”, theksoi ai.

Ndërsa, ministrja e Punëve të Jashtme dhe Diasporës, Donika Gërvalla u shpreh se përmes zyrës në Beograd kanë marrë hapat për informim të zyrës së BE-së. Ndërsa shpreson se brenda një kohe të shkurtër këshilltarja Trajkoviq do të lejohet të lëvizë.

“Përmes zyrës sonë në Beograd kemi ndërmarrë të gjithë hapat zyrtar për informimin e Zyrës së BE-së e cila në njëfarë mënyre është njëfarë garance për lëvizjen e lirë të qytetarëve të Kosovës brenda BE-së. Zyra jonë është aktive në përpjekje për të siguruar një lëvizje. Unë e di që edhe ambasadat e QUINT-it të cilat po ashtu i kam kontaktuar janë në lëvizje edhe në Beograd dhe Prishtinë dhe po shpresojmë që është një çështje e një kohe të shkurt kur zonja Trajkoviq do të mund të lëvizë”, theksoi ajo.

Këshilltarja e ministrit për Komunitet dhe Kthim, Rada Trajkoviq nga dje policia serbe nuk po e lejojnë lëvizjen e saj. Ndërsa ajo ka njoftuar se sot në mëngjes i janë konfiskuar dokumentet.

Ndryshe, më 1 dhjetor të këtij viti kryeministri Albin Kurti, ka emëruar Nenad Rashiq, ministër për Komunitete dhe Kthim në Qeverinë e Republikës së Kosovës. Ky emërim erdhi pas dorëheqjes së ish ministrit, Goran Rakiq për shkak të vendimit të Qeverisë së Kosovës për të riregjistruar targat ilegale serbe në veri të Kosovës.

Related Topics:
Continue Reading

Lajmet

Nesër ditë zie në Kosovë për nder të akademik Rexhep Qosjes

Published

26 minutes ago

on

April 23, 2026

By

Ushtruesja e detyrës së Presidentes së Republikës së Kosovës, Albulena Haxhiu, ka marrë vendim që dita e nesërme, e premte, 24 prill 2026, të shpallet ditë zie shtetërore në tërë territorin e vendit. Ky vendim vjen si shenjë respekti dhe nderimi për jetën dhe veprën e jashtëzakonshme të akademikut Rexhep Qosja, i cili u nda nga jeta në moshën 89-vjeçare.

Përmes këtij akti zyrtar, institucionet e shtetit shprehin mirënjohjen e thellë për kontributin e pazëvendësueshëm të akademikut Qosja në ndërtimin e autoritetit shkencor dhe kulturor të Kosovës.

“Në nderim të jetës dhe veprës së akademik Rexhep Qosja, dita e nesërme, e premte, 24 prill 2026, shpallet Ditë zie shtetërore në Republikën e Kosovës. Me këtë vendim, shteti ynë shpreh nderimin dhe mirënjohjen për një personalitet që i dha kulturës shqiptare dije, vepër dhe autoritet”, thuhet në njoftimin e Presidencës.

Sipas vendimit të nënshkruar nga u.d. Presidentja Haxhiu, Protokolli i Shtetit është ngarkuar që t’i ndërmarrë të gjitha veprimet e nevojshme për zbatimin e kësaj zije shtetërore. Ky vendim pason lajmin për vdekjen e akademikut dhe përmbylljen e ceremonisë së varrimit, e cila, sipas dëshirës së të ndjerit, u zhvillua në mënyrë private.

Continue Reading

Lajmet

BIOGRAFIA E REXHEP QOSJA

Published

31 minutes ago

on

April 23, 2026

By

Sot është ndarë nga jeta akademiku, shkrimtari dhe studiuesi i njohur shqiptar, Rexhep Qosja.

Rexhep Qosja lindi më 1936 në Vuthaj të Malit të Zi. Shkollimin fillor dhe të mesëm e kreu në Vuthaj dhe në Guci, ndërsa në Prishtinë përfundoi Shkollën Normale dhe më pas studimet për gjuhë dhe letërsi shqipe në Fakultetin Filozofik.

Karrierën akademike e nisi në vitin 1967 si asistent në Institutin Albanologjik të Prishtinës. Studimet pasuniversitare i kreu në Universitetin e Beogradit, ndërsa më 1971 mbrojti doktoratën për jetën dhe krijimtarinë e Asdrenit. Gjatë viteve në vijim, ai u ngrit në një nga figurat më të rëndësishme të studimeve albanologjike, duke qenë profesor ordinar në Universitetin e Prishtinës dhe drejtor i Institutit Albanologjik në periudhën 1972-1981.

Qosja është autor i mbi tridhjetë librave nga fusha e kritikës letrare, studimeve shkencore, si dhe prozës artistike, përfshirë romane, tregime dhe drama. Ai ka botuar gjithashtu qindra artikuj, ese dhe studime, duke dhënë një kontribut të veçantë në zhvillimin e mendimit kritik dhe letërsisë shqipe.

Për krijimtarinë shkencore e letrare është çmuar me Shpërblimin e qytetit të Prishtinës më 1968; me Shpërblimin Krahinor të Dhjetorit më 1969; me dy shpërblime të SHSH të Kosovës, më 1972 dhe 1974 dhe me Shpërblimin e RS të Serbisë “7 Korriku”, më 1975, me Çmimin “Pjetër Bogdani”, 2010 për romanin “Bijt e askujt”, etj.

Në mars të vitit 2025 Qosja u nderua me çmimin “Letërsia shqipe” nga Ministria e Kulturës, si njëri prej ndikuesve më të mëdhenj të letërsisë shqipe. Është marrë edhe me veprimtari politike. Në periudhën 1998-2000 drejtoi një parti politike në Kosovë. Në vitin 2000, kryetari i Republikës së Shqipërisë i dha çmimin “Nderi i Kombit”.

Ndarja e tij nga jeta përbën një humbje të madhe për kulturën, shkencën dhe mbarë kombin shqiptar.

Continue Reading

Lajmet

Miratohet Ligji për Lojërat Mesdhetare mes përplasjeve për transparencën dhe rolin e BE-së

Published

2 hours ago

on

April 23, 2026

By

Kuvendi i Kosovës, me 64 vota për, ka miratuar Projektligjin për organizimin e Lojërave Mesdhetare “Prishtina 2030”. Megjithatë, miratimi u shoqërua me debate të ashpra mes opozitës dhe udhëheqjes së Kuvendit, kryesisht për shkak të vërejtjeve të Zyrës së Bashkimit Evropian lidhur me menaxhimin e parasë publike.

Deputetja e PDK-së, Blerta Deliu-Kodra, kritikoi ashpër nxitimin për kalimin e këtij ligji, duke cituar shqetësimet e ndërkombëtarëve për mungesë transparence.

“Është e padrejtë forma si neglizhoni amendamentet e deputetëve dhe se si nuk i respektoni kërkesat e BE-së që kërkon ruajtje të transparencës, llogaridhënies dhe parasë publike. Është e çuditshme si po mundoheni ta eskivoni këtë”, u shpreh ajo, duke shtuar se PDK nuk është kundër lojërave, por kundër shkeljes së rregullave në emër të afateve politike.

Kryetarja e Kuvendit, Albulena Haxhiu, iu përgjigj këtyre kritikave duke vënë theksin te sovraniteti i institucionit dhe urgjenca e situatës politike, duke pasur parasysh afatin për zgjedhjen e presidentit.

“Ne i respektojmë partnerët tanë, por nuk mund ta marrë më tepër parasysh një letër të Zyrës së BE-së sesa vullnetin e qytetarëve të shprehur në Kuvend. Nëse ky Kuvend nuk e zgjedh deri më 28 prill presidentin, shpërndahet me automatizëm. Paramendoni, Kosova ka marrë përgjegjësi t’i organizojë lojërat dhe ne jemi shumë vonë”, deklaroi Haxhiu.

Ajo madje u bëri thirrje deputetëve të opozitës që të mos bëhen “zëdhënës të Zyrës së BE-së”, por të përfaqësojnë interesat e qytetarëve që presin suksesin e këtij organizimi sportiv.

Përveç Lojërave Mesdhetare, seanca e sotme përmbylli edhe disa nisma të tjera ligjore

U miratua Projektligji për financimin e menaxhimit të resurseve ujore.

Në lexim të dytë kaluan me nga 69 vota Projektligji për Banim Social dhe të Përballueshëm si dhe Projektligji për Shtetësinë e Kosovës.

 

Continue Reading

Lajmet

Bogujevci takon përfaqësuesit e OKB-së, në fokus bashkëpunimi për kulturën dhe turizmin

Published

2 hours ago

on

April 23, 2026

By

Ministrja e Kulturës dhe Turizmit, Saranda Bogujevci, ka pritur në takim Koordinatorin për Zhvillim në Kosovë të Kombeve të Bashkuara, Stephen O’Malley, së bashku me përfaqësues të agjencive të OKB-së në vend. Gjatë këtij takimi, palët diskutuan mundësitë e koordinimit ndërmjet Ministrisë së Kulturës dhe Turizmit dhe organizatave në kuadër të Kombeve të Bashkuara, me theks të veçantë në zhvillimin e projekteve në fushën e kulturës, trashëgimisë kulturore dhe turizmit.

Sipas njoftimit, të dyja palët shprehën gatishmëri për thellimin e bashkëpunimit dhe për koordinimin e iniciativave të përbashkëta në të ardhmen, me synim avancimin e sektorëve përkatës dhe rritjen e ndikimit të projekteve zhvillimore në vend.

Continue Reading

Të kërkuara