Lajmet

​Ramadani: Prej mungesës së vaksinës rrezikojmë valën e tretë të COVID-it

Published

6 years ago

on

Gjatë kësaj jave në Kosovë ka pasur një rritje të shifrave të qytetarëve të infektuar me koronavirus, vetëm ditën e djeshme janë raportuar 461 raste të reja.

Shkaktar i shtimit të infeksionit në vendin tonë po konsiderohet fushata elektorale dhe mosrespektimi i masave anit-COVID. Madje infektologu, Hamdi Ramadani ka paralajmëruar edhe një valë të tretë të COVID-19 në vendin tonë.

Sipas ish-drejtorit të Klinikës Infektive edhe prezenca e variantit të ri britanik i cili u konfirmua në fillim të muajit janar, e shton rrezikun për shpërndarje më të madhe të pandemisë në Kosovë.

“Me paraqitjen e rasteve ditëve të fundit, në aspektin tjetër fushata që ndodhi ditët e kaluara deri më datën 12 apo 13, e ka bërë që gjendja e situatës epidemiologjike dhe pandemike në vendin tonë do jetë jo e mirë. Ose më mirë me thënë e përkeqësuar. Të gjitha këto masa po e shihni se edhe ditët në vijim, por edhe tash e tutje nuk janë duke u respektuar nuk janë duke u zbatuar dhe kjo e bënë të mundur që ky virus, marr parasysh edhe një variant të ri të COVID-19 në Kosovë, ka filluar dhe e dini që është identifikuar një variant i ri i COVID-19, dhe që mund të kemi edhe një variant tjetër e bënë të mundur që ky virus të shpërndahet edhe më shumë edhe në shpejtësi më të madhe dhe të bëhet shpërndarja më e madhe. Dhe kjo po ndodh. Ju e dini që në vendin tonë ende nuk ka filluar vaksinimi dhe imunizimi kundër sëmundjes COVID-19 me vaksinën specifike edhe kjo e bënë të mundur që situata ende të jetë e keqe, e rëndë dhe mund të jetë e mundshme edhe fillimi i një vale të tretë të sëmundjes COVID-19”, theksoi Ramadani.

Infekologu Ramadani thekson se është e nevojshme që Kosova të ketë masa më rigoroze të cilat duhet të zbatohen.

“Është e nevojshme që masat rigoroze anti-COVID-19 sikurse në të gjithë botën që po bëhen me rigorozitet të madh të vazhdojnë dhe të implementohen dhe të jenë të zbatueshme edhe në vendin tonë. Në të kundërtën nëse masat anti-COVID, ato që ne i kemi potencuar maskat obligative, distanca dhe kufizimi i njerëzve e bëjnë të mundur që pandemia të vazhdojë me përhapjen e saj edhe deri tek ndërlikimet dhe pasojat me vdekshmëri. Është i nevojshëm që të bëhet kufizimi dhe masa më rigoroze dhe më shtrënguese në kuptimin e masave që duhet të zbatohen në një kohë pandemie. Nuk duhet të ndalemi në relaksim të këtyre masave sepse kjo është gabim”, theksoi Ramadani.

Ish-drejtori i Klinikës Infektive, Hamdi Ramadani thotë se arma më e mirë për të luftuar koronavirusin është vaksina, por që Kosova është vonuar shumë në sigurimin e saj. Ai akuzon institucionet përgjegjëse për mos punë në këtë drejtim.

“Është dashur shumë më herët që të mendohet në këtë drejtim dhe normalisht unë mendoj se është dashur që deri më sot vendi ynë të ketë edhe vaksinë dhe të fillojë vaksinimi dhe imunizimi sikurse në vendet e tjera. Nuk ka asnjë dilemë që ne jemi vonuar në kuptimin e dhënies ose sigurimit të kësaj vaksine nga cilado kompani, por që vaksina ka qenë dashur të jetë deri më sot në vendin tonë. Autoritetet zyrtare nuk e kanë bërë punën në këtë drejtim ashtu siç është dashur, nuk e di ku është defekti, me siguri vonesa kemi nuk ka asnjë dilemë”, tha ai.

Kujtojmë që Kosova po vazhdon t’i pres 100 mijë e 800 dozat e vaksinave të AstraZenecas përmes programit të Organizatës Botërore të Shëndetësisë, COVAX, që ka për qëllim të shpërndajë vaksina në vende të varfra.

Related Topics:
Continue Reading

lajme

Real Madridi triumfon sërish në fund ndaj AEK-ut të Athinës me golin e Valverdes

Published

1 minute ago

on

November 5, 2026

By

Real Madridi ka regjistruar një tjetër fitore dramatike në minutat e fundit, duke triumfuar si mysafir me rezultatin 2-3 përballë AEK-ut të Athinës në kuadër të Ligës së Kampionëve.

Skuadra greke shkaktoi befasi në pjesën e parë duke kaluar në epërsi përmes një supergoli nga distanca të shënuar nga Koita (12′). Përgjigja e madrilenëve erdhi në minutën e 32-të, kur Jude Bellingham barazoi shifrat me një gol fantastik me thembër, pas një asistimi nga Cucurella.

Megjithëse Reali pati disa raste të mirëfillta për të kaluar në avantazh gjatë pjesës së dërguar, ishte AEK-u që gjeti sërish golin me anë të Stavros Pilo (75′) nga afërsia. Gëzimi i vendësve megjithatë zgjati vetëm tre minuta, pasi Kylian Mbappe u tregua i saktë në minutën e 78-të për të barazuar sërish rezultatin, pas një asistimi të Dumfries.

Kur ndeshja po shkonte drejt fundit, në skenë doli Federico Valverde (90+2′), i cili me një goditje të fuqishme dhe precize nga distanca mposhti portierin vendas, duke siguruar tri pikët e arta për “Los Blancos”.

Me këtë fitore të re, Real Madridi ngjitet në kuotën e 12 pikëve në tabelë, ndërsa AEK-u mbetet me tri pikë të grumbulluara. /E.A/

 

Continue Reading

Lajmet

Zemra rrah për Kosovën: Florent Hajdini refuzon Austrinë dhe zgjedh “Dardanët”

Published

5 minutes ago

on

November 5, 2026

By

Talenti i futbollit Florent Hajdini ka marrë vendimin përfundimtar rreth së ardhmes së tij ndërkombëtare, duke zgjedhur që të përfaqësojë ngjyrat e Kosovës dhe duke refuzuar ofertën nga Përfaqësuesja e Austrisë.

Duke dëshmuar lidhjen e fortë emocionale me vendin e origjinës, futbollisti ka përcjellë një mesazh të qartë për vendimin e tij: “Faleminderit për gjithçka, por zemra rrah për Kosovën”.

Me këtë zgjedhje, Hajdini i bashkohet listës së talentëve të shquar diasporikë që i përgjigjen pozitivisht thirrjes së “Dardanëve”, duke shtuar opsione të rëndësishme për strukturat e ardhshme të Përfaqësueses së Kosovës në arenën ndërkombëtare. /Telegrafi/

Continue Reading

Vendi

Muriqi pas fitores ndaj Liverpoolit: I treguam Evropës sa e madhe është Fenerbahçe

Published

9 minutes ago

on

November 5, 2026

By

Sulmuesi kosovar Vedat Muriqi ka vlerësuar lart fitoren me përmbysje të Fenerbahçes ndaj Liverpoolit me rezultat 3-2, duke deklaruar se ky triumf i tregoi mbarë Evropës madhështinë e gjigantit turk.

Prizrenasi u fut në lojë në pjesën e dytë si zëvendësues i Romelu Lukakut dhe pas vetëm pak minutash realizoi golin e fitores. Përveç golit vendimtar, paraqitja e tij u vlerësua lart nga platforma e specializuar Sofascore, e cila i dha notën 7.5 – ndër më të lartat e ndeshjes.

“Jam shumë i lumtur. Ky gol është një dhuratë për tifozët tanë. Po kalojmë disa kohë të vështira, por sot i treguam të gjithëve se sa e madhe është Fenerbahçe,” tha Muriqi pas takimit.

Ai shtoi se skuadra e nisi ndeshjen mjaft mirë dhe tregoi karakter për t’u rikthyer nga disavantazhi 1-2: “Të gjithë e ndjenë këtë energji. E nisëm mirë, goditëm shtyllën dhe pësuam një gol të pafat, por ia dolëm të riktheheshim. Kjo është madhështia e këtij klubi. Shpresoj me shpirt që ky triumf të shërbejë si pikë kthese për ne.”

Sulmuesi shtatlartë do të paraqitet me Fenerbahçen edhe në ndeshjen e këtij vikendi në kampionat, përpara se të udhëtojë drejt Kosovës për t’u grumbulluar me kombëtaren për dy sfidat e muajit nëntor ndaj Izraelit dhe Irlandës. /E.A/

Continue Reading

Lajmet

Kuvendi mblidhet sot për seancë, në rend dite tri projektligje dhe raporti i Auditorit

Published

16 minutes ago

on

November 5, 2026

By

Kuvendi i Kosovës sot me fillim nga ora 12:00 do te nis seancën plenare, ku sipas njoftimit të Kuvendit në rendin e ditës janë paraparë deklarimet jashtë rendit të ditës, pyetjet parlamentare, si dhe shqyrtimi i disa projektligjeve.

Deputetët fillimisht do të shqyrtojnë propozimet e grupeve parlamentare për zëvendësimin dhe emërimin e anëtarëve në komisionet parlamentare, si dhe miratimin e fushëveprimit të këtyre komisioneve për Legjislaturën XI.

Në këtë seancë është paraparë gjithashtu edhe shqyrtimi i parë i tri projektligjeve: Projektligjit për Agjencinë e Menaxhimit të Emergjencave, Projektligjit për Regjistrimin e Bujqësisë dhe Projektligjit për Inspektoratin Qendror të Bujqësisë, Sigurisë Ushqimore, Veterinës dhe Pylltarisë.

Po ashtu, në rend dite është edhe shqyrtimi i raportit të Auditorit të Përgjithshëm për Raportin Vjetor të Auditimit të Buxhetit të Republikës së Kosovës për vitin 2025.

Seanca do të nisë me miratimin e procesverbalit nga seanca e kaluar, ndërsa më pas do të zhvillohen deklarimet jashtë rendit të ditës dhe pyetjet parlamentare.

RENDI I DITËS

  1. Miratimi i procesverbalit nga seanca e mëparshme,
  2. Deklarimet jashtë rendit të ditës,
  3. Pyetjet parlamentare,
  4. Propozimi i grupeve parlamentare për zëvendësimin dhe emërimin e deputetëve në komisionet parlamentare,
  5. Miratimi i Fushëveprimit të komisioneve parlamentare për Legjislaturën XI.
  6. Shqyrtimi i parë i Projektligjit nr.11/L-021 për Agjencinë e Menaxhimit të Emergjencave,
  7. Shqyrtimi i parë i Projektligjit nr.11/L-019 për Regjistrimin e bujqësisë,
  8. Shqyrtimi i parë i Projektligjit nr.11/L-022 për Inspektoratin Qendror të Bujqësisë, Sigurisë Ushqimore, Veterinës dhe Pylltarisë,
  9. Shqyrtimi i Raportit të Auditorit të Përgjithshëm për Raportin vjetor të Auditimit të Buxhetit të Republikës së Kosovës për vitin 2025.

Continue Reading

Të kërkuara