Lajmet

​Rama: Rruga “Muharrem Fejza” do të përfundojë për 40 ditë

Rama tha se janë marrë masa të menjëhershme për rregullimin e rrugës “Muharrem Fejza”.

Published

4 years ago

on

Komuna e Prishtinës ka filluar zhvendosjen e kioskave në rrugën “Muharrem Fejza”, gjë që u tha se do të mundësojë përfundimin e kësaj rruge brenda 40 ditëve.

I pari i komunës së Prishtinës, Përparim Rama, në mesditën e së enjtes, ka qëndruar në këtë lagje derisa është bërë zhvendosja e kioskave. Nga aty, Rama tha se janë marrë masa të menjëhershme për rregullimin e rrugës “Muharrem Fejza”.

“Jemi duke e bërë zhvendosjen e këtyre kabinave e cila do të na lejojë përfundimin e rrugës ‘Muharrem Fejza’ deri në pikën ku është hap, deri te ajo që është me zhavorr, siç e dini e gjithë rruga lartë ka qenë ashtu gjendje shumë të keqe, gjendje katastrofale, ne kemi marrë masa të menjëhershme për me shtruar me zhavorr sepse gjatë kohës me temperatura përfundi gradë nuk mund të kryesh punë të tjera. Po ashtu gjatë kohës edhe me shi dhe borë, nuk janë kushtet për zhvillim të rrugëve. Tash kur jemi në pranverë që koha ka filluar të përmirësohet, i kemi temperaturat mbi 0 gradë, pra jemi në plus e kemi një tempo të zhvillimit të rrugës ’Muharren Fejza’, një tempo. 40 ditë pra 39 ditë nga sot, kështu që do ta përfundojmë të gjithë rrugën ‘Muharren Fejza’ deri në pikën ku janë të hapura, e më pas do të behet analiza e gjendjes ekzistuese edhe në kanalizime, pra do t’i incizojmë këto që ta dimë saktësisht se çka është instaluar dhe kanalizimet se a punojnë në mënyrë të mirëfilltë”, tha ai

Të gjitha këto punë, Rama tha se do t’i bëjë në bashkëpunim me drejtorinë e infrastrukturës.

Drejtori i infrastrukturës, Krenar Xhaferi, thotë se pas zhvendosjes së kioskave do të bëhet edhe rregullimi i gjithë problemeve që ndodhen në këtë rrugë.

“E gjithë rruga për 40 ditë realisht pqër 40 ditë, ne do t’i trajtojmë edhe skajorët që janë dëmtuar, kubëzat që janë dëmtuar, gjithë rrugën ‘Muharrem Fejza’ ne kemi bërë një plan të hollësishëm dhe do ta respektojmë planin dinamik në rrugën ‘Muharrem Fejza’”, ka thënë ai.

Ne mëngjesin e sotëm grupi i këshillit të Lëvizjes Vetëvendosje ka kritikuar qeverisjen e Ramës, ku ky i fundit i është përgjigjur sot duke thënë se janë marrë më shumë probleme dhe madje kanë bërë edhe mjaftë projekte.

Related Topics:
Continue Reading

Lajmet

Futen ilegalisht nga Serbia në Kosovë, ndalohen nga policia

Published

1 minute ago

on

December 1, 2025

By

Dy persona janë ndaluar në fshatin Novosellë të Kamenicës meqenëse dyshohet që ilegalisht nga Serbia kanë hyrë në territorin e Kosovës.

Të dyshuarit raportohet ta kenë përdorur rrugën ilegale jashtë vendkalimi kufitar.

“Njësiti policor gjatë kontrollit ka ndaluar automjetin me targa të huaja të cilin kishte qenë duke e drejtuar i dyshuari mashkull kosovar, dhe pasagjeri i dyshuar  mashkull shtetas i huaj. Të dyshuarit në mënyrë ilegale përmes rrugës jashtë vendkalimit kufitar dyshohet se nga territori i Serbisë kanë hyrë në territorin e Kosovës. Në konsultim me prokurorin është inicuar lënda e rastit, të dyshuarit janë liruar në procedurë të rregullt”, thuhet në raportin e Policisë së Kosovës./EO

Continue Reading

Lajmet

Hamza njofton për takimet në ShBA: Kosova do të kthehet në Washington më e fortë se kurrë

Published

3 minutes ago

on

December 1, 2025

By

Kryetari i Partisë Demokratike të Kosovës (PDK), Bedri Hamza, ka përfunduar vizitën në Washington.

Hamza ka njoftuar për takimet e tija gjatë kësaj vizita, duke thënë se Kosova do të kthehet në Washington më e fortë se kurrë.

“Dje e përfundova vizitën time të shkurtër dyditore në Washington D.C. Agjenda ishte intensive dhe e konsiderova jetike të paraqes vizionin tim për zhvillimin e Republikës sonë dhe rindërtimin e partneritetit të thellë mes Kosovës dhe administratës amerikane. Pas takimeve me zyrtarë të lartë të Shtëpisë së Bardhë, Këshillit Kombëtar të Sigurisë dhe Departamentit të Shtetit, isha i ftuar edhe në një takim përmbajtësor nga James Carafano, i sapoemëruar Këshilltar i Lartë i Presidentit dhe E.w. Richardson Felloë pranë Fondacionit “Heritage”, institucion i njohur për afërsinë dhe angazhimin në programin qeverisës të Presidentit Trump. Në takim ishin edhe Anthony Kim, redaktor i Indeksit të Lirisë Ekonomike dhe menaxher i angazhimit global në Qendrën për Liri “Margaret Thatcher”, si dhe Max Primorack, ekspert i lartë i çështjeve të sigurisë në këtë fondacion”, ka njoftuar Hamza.

Ai po ashtu tha se nga këto vizita është pozitiv sa i përket mundësive të bashkëpunimit mes Kosovës dhe SHBA-ve.

“U ktheva jashtëzakonisht pozitiv për mundësitë e pashtershme të bashkëpunimit mes Kosovës dhe SHBA-së, pas një periudhe të vështirë të mungesës së komunikimit dhe pezullimit të dialogut strategjik. Kosova do të kthehet në Washington më e fortë se kurrë, me projekte konkrete, me investime të prekshme dhe me përfshirjen e SHBA-së në zhvillimin e hovshëm të Kosovës në diplomaci, ekonomi, sektorin e energjisë, ushtri dhe inteligjencës”, ka shkruar Hamza./EO

Continue Reading

Lajmet

​Përmbyllet afati i KQZ-së për certifikim të pjesëmarrjes në zgjedhjet e 28 dhjetorit

Published

50 minutes ago

on

December 1, 2025

By

Është përmbyllur afati për deklarim të koalicioneve dhe aplikim për certifikim të pjesëmarrjes në zgjedhjet e parakohshme parlamentare të 28 dhjetorit.

Gjatë periudhës 24 nëntor – 30 nëntor 2025, gjithsej 23 subjekte politike, prej të cilave tri koalicione, 17 parti politike, dy iniciativa qytetare dhe një kandidat i pavarur, kanë plotësuar online formularin e certifikimit për pjesëmarrje në garën zgjedhore, ka bërë të ditur zëdhënësi i KQZ-së, Valmir Elezi.

SUBJEKTET POLITIKE APLIKUESE

“Koalicionet: Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”; Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dheKoalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).

Partitë politike: LIDHJA DEMOKRATIKE E KOSOVËS – LDK; PARTIA DEMOKRATIKE E KOSOVËS – PDK: Kosovaki Nevi Romani Partia; JEDINSTVENA GORANSKA PARTIJA; Za Slobodu Pravdu i Opstanak; KOSOVA DEMOKRATIK TÜRK PARTISI; PARTIA LIBERALE EGJIPTIANE; PARTIA ROME E BASHKUAR E KOSOVËS; SOCIALDEMOKRATSKA UNIJA – SDU; LISTA SERBE; INICIATIVA E RE DEMOKRATIKE E KOSOVËS; FJALA; NOVA DEMOKRATSKA STRANKA – NDS; LËVIZJA PËRPARIMTARE E ROMËVE TË KOSOVËS (LPRK); ALEANCA PËR ARDHMËRINË E KOSOVËS (AAK); KOSOVSKI SAVEZ; NISMA SOCIALDEMOKRATE – NISMA.

Iniciativat qytetare: PËR SOCIALDEMOKRATËT E ASHKALINJËVE; INICIATIVA QYTETARE PËR KOSOVË.

Kandidatët e pavarur: NEDŹMIDIN SEJDILAR”.

Deri më 7 dhjetor 2025, këto subjekte politike (partitë politike, koalicionet, nismat qytetareve dhe kandidatët e pavarur) që kanë aplikuar për certifikim deri në përfundim të afatit, duhet të dorëzojnë përmes platformës listën e tyre me emrat e kandidatëve për deputetë të zgjedhjeve të parakohshme për Kuvendin e Kosovës./S.K/KP/

Continue Reading

Lajmet

Vritet biznesmeni i njohur në Shqipëri

Published

53 minutes ago

on

December 1, 2025

By

Ka humbur jetën tragjikisht biznesmeni E.M, pas disa të shtënave me armë zjarri dje në Elbasan.

Kjo ngjarje e rëndë ka tronditur Shqipërinë, ku sipas burimeve viktima humbi jetën pasi u ekzekutua nga persona të paidentifikuar pranë biznesit të tij në Elbasan.

Siç raportojnë mediat në Shqipëri, viktima kishte marrë dy plumba në kokë ndërsa ndodhej në makinë në biznesin e tij.

Atentati duket se ka qenë i mirë-organizuar, pasi atentatorët janë larguar pasi janë bindur që personi që ishte objektivi ka vdekur./S.K/KP/TCh/

Continue Reading

Të kërkuara