Presidenti i Rusisë, Vladimir Putin propozoi Andrei Belusov për të zëvendësuar ministrin aktual të Mbrojtjes, Sergei Shoigu, njoftoi Këshilli i Federatës të dielën.

Shoigu, i cili mban postin e ministrit të Mbrojtjes qe nga viti 2012, është emëruar sekretar i Këshillit të Sigurisë Kombëtare të Rusisë, njoftoi Kremlini. Deri më tani këtë detyrë e mbante Nikolai Patrushev, oficeri i parë i sigurimit të Rusisë. Se kur do të emërohet Patrushev do të bëhet e ditur më vonë, tha zëdhënësi Dmitri Peskov.

Peskov tha se Putin mori një vendim për të drejtuar Ministrinë e Mbrojtjes me një civil, sepse ajo duhet të jetë e hapur për inovacione dhe ide të avancuara.

Sipas njoftimit, ministri i Jashtëm, Sergei Lavrov do të mbajë postin e tij. Të premten Putin nënshkroi një dekret për riemërimin e Mikhail Mishustin si kryeministër të Federatës Ruse.

Kryetari i Aleancës për Ardhmërinë e Kosovës, Ramush Haradinaj, ka kujtuar heroizmin e familjes Meha me rastin e 43-vjetorit të rënies heroike të Tahir e Nebih Meha.

I pari i AAK-së Ramush Haradinaj ka thënë se ata ranë në përballje të pabarabartë me qindra forca jugosllave.

“Në 43-vjetorin e rënies, kujtojmë heroizmin e familjes Meha në Prekaz. Me nder e respekt, përulemi para trimërisë së Tahir e Nebih Mehës, që ranë në përballje të pabarabartë me qindra forca jugosllave. Rezistencën dhe trimërinë e Tahirit dhe Nebihut, e pasoi UÇK-ja për dëshmi para historisë, se ka kush i del zot atdheut, sakrificë që u kurorëzua me liri dhe shtet të pavarur. Lavdi të gjithë trimave të Kosovës!”, ka thënë Ramush Haradinaj.

Sot mbushen 25 vjet nga “Dita e Martirëve” në Korishë të Prizrenit, e njohur si masakra e tmerrshme nga ushtria e policia serbe ndaj popullatës së pafajshme shqiptare të kësaj ane.

Më 13 maj 1999, forcat serbe ndaluan civilët e fshatrave Korishë, Budakovë, Bllacë, Reshtan, Mushtisht dhe Grejkoc, duke vrarë 77 prej tyre.

Në nderim të të rënëve në Korishë pas luftës është ngritur Memoriali i Martirëve.

Kryeministri i Kosovës, Albin Kurti do të zhvillojë një takim pune me kryetarin e Partisë Demokratike të Kosovës, Memli Krasniqi.

Takimi i kryeministrit Kurti me kryetarit e partisë opozitare, Memli Krasniqi do të mbahet në njërin nga hotelet në Prishtinës, duke nisur nga ora 18:30. Ndërkohë këtë takim e kanë refuzuar kryetari i Lidhjes Demokratike të Kosovës, Lumir Abdixhiku dhe ai i Aleancës për Ardhmërinë e Kosovës, Ramush Haradinaj, me arsyetimin se për temat e parapara që do të diskutohen, i kanë shefat e grupeve parlamentare në Kuvend të cilët japin kontributin e tyre në Kuvend.

Partia Demokratike e Kosovës ka pranuar ftesën e kryeministrit Albin Kurti për takim, por ka paralajmëruar se pjesëmarrja e kryetarit Memli Krasniqi do të jetë në funksion të diskutimit mbi mundësinë e caktimit të datës për zgjedhje të reja.

Kryeministri Albin Kurti ka komentuar përgjigjet e partive opozitare për ftesën e tij për darkën e punës, ku temë diskutimi është paralajmëruar agjenda e Kuvendit për sesionin pranveror.