

Lajmet
Rama iu drejtohet me letër kryetarëve të shteteve anëtare të Këshillit të Evropës
“Kjo çështje ka të bëjë me drejtësinë dhe të drejtat e njeriut, vlera bazë në themel të çdo sistemi demokratik…”
Published
2 years agoon
By
Betim GashiKryeministri i Shqipërisë Edi Rama ka njoftuar se iu është drejtuar kryetarëve të shteteve e qeverive të të gjitha vendeve anëtare të Këshillit të Evropës me një letër.
Rama ka theksuar se letra është vijimësi e përpjekjes së nisur ndërkombëtarisht që nga fjalimi para Asamblesë Parlamentare, për heqjen e njollës së turpit të trafikimit të organeve njerëzore mbi kombin tonë dhe mbi vetë Këshillin e Evropës.
Letra e plotë:
I/E dashur …
Shpresoj që kjo letër t’ju gjejë mirë. Po ju shkruaj për të kërkuar vëmendjen tuaj për një çështje thelbësore, jo vetëm për vendin dhe popullin që përfaqësoj, por për të gjithë ne. Kjo çështje ka të bëjë me drejtësinë dhe të drejtat e njeriut, vlera bazë në themel të çdo sistemi demokratik – ato vlera të cilat i nderojmë në punën tonë të përditshme e që kërcënohen gjithmonë e më shumë në situatën politike aktuale.
Ashtu siç mund të jeni në dijeni, në vitin 2008, një ish-prokurore e Gjykatës Ndërkombëtare Penale për Ish-Jugosllavinë (GjNPIJ), Carla Del Ponte, botoi librin e saj me kujtime, “Zonja Prokurore”. Aty, ajo pretendonte se pjesëtarë të Ushtrisë Çlirimtare Kosovës kishin kryer krime të tmerrshme, përfshi, mbi të gjitha, trafikim të shfrenuar të organeve njerëzore.
Akuzat e saj u mohuan me forcë në Shqipëri, Kosovë dhe tjetërkund në rajon, për arsyen e thjeshtë se hetimet e kryera përgjatë disa viteve nga kryeprokurorja e GjNPIJ-së, përfshi Shqipërinë, kishin qenë tërësisht jobindëse. Kjo duhej të kishte mjaftuar që çështja të mbyllej aty ku kishte nisur: në faqet e një trillimi joletrar. Përkundrazi, ajo u çua më tej nga të tjerë, konkretisht nga anëtarët e partisë “Rusia e Bashkuar” e Putinit në Këshillin e Evropës, të cilët e instrumentalizuan atë për të ushqyer më tej narrativën ruse mbi Kosovën. Më pas, Asamblesë Parlamentare të Këshillit të Europës iu paraqit një raport (sërish, në mungesë provash). Nisur nga raporti dhe serioziteti i akuzave, në janar 2011, Asambleja miratoi rezolutën 1782, titulluar “Hetimi i akuzave për trajtim çnjerëzor të personave dhe trafikimin e organeve njerëzore në Kosovë”.
Njëmbëdhjetë vjet më vonë, të gjitha përpjekjet për hetime të bëra qysh atëherë, kombëtarisht, në rajon a ndërkombëtarisht, për të provuar pretendimet për trafikimin e organeve njerëzore, ia kanë dalë të vërtetojnë atë që dihej: nuk ka absolutisht asnjë provë, qoftë në Shqipëri a gjetkë në rajon, për nxjerrje dhe trafikim organesh, e cila do të mund t’i ngarkohej qoftë edhe një pjesëtari të Ushtrisë Çlirimtare të Kosovës. Për më tepër, aktakuzat e paraqitura nga Dhomat e Specializuara në Hagë nuk përmbajnë as edhe një fjalë të vetme lidhur me nxjerrjen dhe trafikimin e pretenduar të organeve njerëzore.
Sado e çuditshme të duket kjo, nuk ka fakte, nuk ka autorë, nuk ka viktima të trafikimit të organeve njerëzore. Raporti dhe rezoluta që pasoi nga Asambleja Parlamentare e Këshillit të Evropës u mbështetën më tepër në spekulime sesa në fakte, në thashetheme që qarkullonin në vend të provave. Ato tanimë janë kthyer në një njollosje të pamerituar të atyre që janë akuzuar pa të drejtë dhe në një turp për politikën ndërkombëtare.
Më 13 tetor 2022, i paraqita këto argumente përpara Asamblesë Parlamentare të Këshillit të Evropës, për t’i bërë thirrje për hartimin e një raporti vijues. Çështja ka një rëndësi sipërore, jo vetëm për të mbrojtur të drejtat e individëve të akuzuar padrejtësisht për krime që nuk i kanë kryer kurrë. Ajo nuk ka thjesht të bëjë me mbrojtjen e procesit të rregullt ligjor përmes procedurave të gjykatës, një proces i rregullt që duhet të jetë i drejtë e i pa të meta. Por ka të bëjë me qytetarët e vendit tim, Shqipërisë, që vazhdojnë të jenë shënjestër e stereotipeve të rrezikshme e të pabaza si ky dhe viktima të armiqësisë e të ksenofobisë që akuza të tilla ushqejnë. Ka të bëjë gjithashtu me të vërtetën dhe drejtësinë, pa të cilat minohet vetë integriteti e besueshmëria e politikës ndërkombëtare dhe e institucioneve të saj.
Për dijeninë tuaj, po ju bashkëlidh një kopje të fjalës sime të mbajtur përpara Asamblesë Parlamentare të Këshillit të Evropës, si dhe një kopje të rezolutës së miratuar për këtë çështje nga Kuvendi i Shqipërisë.
Shpresoj në mbështetjen tuaj personale dhe atë të anëtarëve të delegacionit të vendit tuaj në Asamblenë Parlamentare të Këshillit të Evropës për miratimin e kërkesës sonë, për nisjen e procedurës që do të çojë në një raport vijues, si korrigjim i ndershëm dhe i domosdoshëm i një gabimi tragjik, pasojat e të cilit vazhdojnë të na përndjekin.
Më lejoni t’ju falënderoj paraprakisht nga zemra për ndihmën.
Aktualitet
Sot fillon numërimi i votave të kandidatëve për deputetë
Published
35 minutes agoon
February 11, 2025
Komisioni Qendror i Zgjedhjeve (KQZ) sot në Qendrat Komunale të Numërimit, do të fillojë procesin e numërimit të votave të kandidatëve për deputetë.
Valmir Elezi, zëdhënës i KQZ-së, tha se gjatë këtij procesi, ashtu siç parashihet edhe me Rregulloren Zgjedhore të KQZ-së 16/2024 për Qendrat Komunale të Numërimit, do të bëhet verifikimi i rezultateve të subjekteve politike.
“Pas përfundimit të këtyre procedurave, numërimit të votave jashtë Kosovës, votave me kusht, votave të personave me nevoja të veçanta dhe aspekteve tjera që parashihen me Ligjin për Zgjedhjet e Përgjithshme, KQZ do shpall rezultatet përfundimtare për subjektet politike dhe kandidatët për deputetë”, tha Elezi për EO.
Lajmet
Numërohen 100% të votave në Prishtinë: VV fiton kryeqytetin me 46%, LDK e dyta me 29%
Published
15 hours agoon
February 10, 2025By
UBTnews
Ka përfunduar numërimi i të gjitha votave në vendvotimet e kryeqytetit.
Sipas rezultateve preliminare nga Komisioni Qendror i Zgjedhjeve, në Prishtinë parti e parë është Lëvizja Vetëvendosje me 54.696 vota apo 46.91 për qind.
Në vendin e dytë është Lidhja Demokratike e Kosovës me 25.63% apo 29,889 të votave.
Ndërsa PDK radhitet e treta me 18.29% apo 21,326 vota.
Lajmet
Emërllahu largohet nga Ballkani, karrierën do ta vazhdojë në Rumani
Published
16 hours agoon
February 10, 2025
Futbollisti i kombëtares së Kosovës, Lindon Emërllahu do të largohet nga Ballkani për ta vazhduar karrierën në Rumani.
Mesfushori me tipare defanzive do të bëhet pjesë e Clujit dhe do të prezantohet si lojtar i tyre sapo t’i përfundojë testet mjekësore.
Emërllahu tashmë ka marrë rrugë për në Rumani për t’iu bashkuar ekipit të tij të ri.
Është bërë e ditur se Cluji do të paguajë rreth 800 mijë euro për të siguruar nënshkrimin me Emërllahun, teksa Ballkani do ta ruajë 20 për qind të kartonit të tij për shitjen e radhës.
Kujtojmë se Emërllahu kishte kontratë me Ballkanin deri në vitin 2026 dhe paraqitjet e tij të mira kishin bërë që ai të merrte ftesën edhe nga kombëtarja e Kosovës.
Debutimin me ‘Dardanët’ ai e ka bërë në shtator të vitit 2022 dhe deri më tani numëron gjashtë paraqitje.
Emërllahu po largohet nga Ballkani me pesë trofe të fituar, tre tituj kampioni, një kupë dhe një Superkupë të Kosovës.
Lajmet
Socialistët dhe demokratët evropianë urojnë Kurtin për fitore
Published
16 hours agoon
February 10, 2025By
UBT NEWS
Shefja e Grupit të Socialistëve dhe Demokratëve në Parlamentin Evropian, Iratxe Garcia Perez, ka uruar kryeministrin e Kosovës, Albin Kurti, për fitore në zgjedhjet e zhvilluara të dielën, duke e cilësuar atë një “fitore të madhe”.
Përmes një postimi në rrjetet sociale, Garcia Perez ka shprehur mbështetje të fortë për qëndrimet e Kurtit dhe partisë së tij, Lëvizjen Vetëvendosje, veçanërisht për angazhimin e tyre të vendosur kundër korrupsionit dhe për një agjendë sociale të qëndrueshme. Ajo theksoi se grupi i socialistëve dhe demokratëve është plotësisht i angazhuar për t’u mbështetur në këtë luftë kundër korrupsionit dhe për të promovuar politika sociale të avancuara.
Në postimin e saj, Garcia Perez e theksoi gjithashtu rëndësinë e kësaj fitoreje për Vetëvendosjen, duke e lidhur këtë parti me grupin politik të qendrës së majtë evropiane, i cili ka një platformë të përbashkët për zhvillimin e politikave progresiste dhe të qëndrueshme. Ajo shprehu bindjen se qeverisja e Kurtit do të vazhdojë të kontribuojë për një Kosovë më të fuqishme dhe të barabartë, duke u mbështetur në parimet demokratike dhe të drejtat e njeriut.
Kjo urim ka theksuar angazhimin e Bashkimit Evropian për të mbështetur zhvillimin dhe avancimin e proceseve demokratike në Kosovë, duke siguruar që vendi të vazhdojë të ecë përpara me reforma dhe integrim në strukturat evropiane./UBTNews/

A është çokollata e mirë për shëndetin e zemrës?

Sot fillon numërimi i votave të kandidatëve për deputetë

Më e lumtur se kurrë, Selena Gomez ekspozon unazën e fejesës në Festivalin e Filmit në Santa Barbara

Empoli i bëri ofertë marramendëse, por Ardian Ismajli ende i pavendosur për të ardhmen

Parashikimi i motit për sot

Numërohen 100% të votave në Prishtinë: VV fiton kryeqytetin me 46%, LDK e dyta me 29%

Emërllahu largohet nga Ballkani, karrierën do ta vazhdojë në Rumani

Socialistët dhe demokratët evropianë urojnë Kurtin për fitore

Nga shoqëria civile në politikë, karriera e Erion Veliajt që nga viti 2003
Të kërkuara
-
Lajmet3 months ago
Rektori Hajrizi: Çdo sukses i joni është një sukses për Kosovën!
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota2 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks ago
Fluturimet e dëbimit kanë filluar, thotë Shtëpia e Bardhë