Lajmet

​Rama i dhuron “Çelësin e Qytetit” ish-kongresistëve DioGuardi

Ky çmim iu dha çiftit DioGuard për t’i nderuar dhe respektuar për kontributin e tyre.

Published

on

Kryetari i Prishtinës, Përparim Rama i ka dhuruar “Çelësin e Qytetit” ish-kongresistit amerikan, Joe DioGuardi dhe bashkëshortes së tij, Shirley Cloyes DioGuardi nga Liga Qytetare Shqiptaro-Amerikane.

Ky çmim iu dha çiftit DioGuard për t’i nderuar dhe respektuar për kontributin e tyre të jashtëzakonshëm për Kosovën dhe kauzën kombëtare në përgjithësi.

Kryetari Rama u shpreh mirënjohës ndaj tyre për kontributin e dhënë ndaj Kosovës në situatat kombëtare në të cilat ishte ndodhur Kosova.

“Përpjekjet tuaja të përbashkëta kanë gdhendur trashëgiminë e unitetit, forcës dhe lidhjeve të pathyeshme. Në kohët e trazuara të luftës së Kosovës, ju qëndruat si fener shprese, duke bërë që bota të njohë gjendjen tonë, për të pranuar vuajtjet tona dhe për të mbështetur luftën tonë për drejtësi. Avokimi juaj nëpërmjet Lidhjes Qytetare Shqiptaro-Amerikane ka qenë një mjet shpëtimi për kauzën tonë….. I dashur Joe, trashëgimia jote shqiptare të rrjedh thellë në vena, dëshmi e thënies shekullore se “Gjaku nuk behet ujë”, ka shtuar Rama

Po ashtu ai u shpreh se populli shqiptarë u jep mirënjohje për çdo hap ish-kongresmenëve që kanë bërë për kombin.

“Është nder im personal, si kryetar i komunës së Prishtinës dhe adhuruesi juaj i zjarrtë që nga fillimi i viteve ’90, t’ju prezantoj simbolin e nderit me duart e mia, dyert e qyteteve tona janë gjithmonë të hapura për ju, ashtu siç kanë qenë dhe mbeten zemrat tuaja të hapura për kauzën tonë. Kongresmeni Joe DioGuardi dhe zonja Shirley Cloyes DioGuardi udhëtimi juaj nuk është vetëm i juaji, është udhëtimi i çdo shqiptari që ka ndjerë ndikimin e avokimit tuaj, udhëtimi i çdo zemre që keni prekur dhe udhëtimi i një kombi që qëndron në këmbë të bashkuar në mirënjohje. Me admirimin më të madh, mirënjohjen e përzemërt dhe respektin e pafund, ju përshëndesim të dyve. Udhëtimi juaj le të vazhdojë të frymëzojë brezat që do të vijnë”, shtoi Rama.

Ish-kongresisti Joe DioGuardi, tha se populli shqiptar ka një tregim të suksesshëm. Ai tha se qyteti këtë vit është zhvilluar dhe ka një ndryshim të madh nga vitet e kaluara.

“Që të ua them këtu gjej inspirim, nuk e kam bërë kurrë për para , kurrë për një gjë tjetër përveç vullnetit dhe dëshirës për inspirimin që e kam marr nga populli i cili ka vuajtur. Fjala e cila më pëlqen më së shumti është edukimi, për këtë arsyeje pse po e them këtë, sepse prindërit e mi kanë qenë refugjatë të cilët kanë ardhur në Amerikë, dhe nuk kanë pasur mundësi të edukohen pra ata kanë shkuar që unë të edukohem. Unë kam qenë në kongres se po te dinin shqiptarët se sa janë të suksesshëm, janë me te vërtet, do të vërenin, se ata kanë blerë pa e ndërruar emrin , kanë bërë shërbim të mrekullueshme ku mendojnë është një tregim i suksesshëm në gjithë Neë York-un, dhe dua të them se edhe këtu që erdha pash një ndryshim të madh dhe zhvillim se unë isha para sa viteve këtu dhe me të vërtet qyteti është zhvilluar për këtë ju falënderoj dhe përzemërsisht ju them se keni krijuar një punë të shkëlqyeshme”, tha Joe DioGuardi.

Edhe ish-kongresistja Shirley Cloyes DioGuardi tha se në kohën kur Kosova është përballur me okupimin, edhe vet ajo është përballur me realitetin e vuajtur të Kosovës. Ajo u shpreh se Kosovën e cilëson si shtëpi të dytë.

“Është dashur 20 vjet punë dhe përkushtim që Shtetet e Bashkuara të Amerikës të njohin Kosovën si shtet të pavarur dhe sovran. Pra vendimi prej vitit 1984 deri në viti 2009 kemi ardhur dy herë në vit, pra kemi parë dhe jemi ballafaquar me realitetin e Kosovës, dhe për këtë e kemi bërë një raport me Kongresin për Kosovën dhe realitetin e saj. Kështu Kosova ka qenë shtëpia ime e dytë”, është shprehur Shirley Cloyes DioGuard.

Ditë më parë, kryetari i Prishtinës, Përparim Rama i ka dhuruar “Çelësin e Qytetit” edhe ish-ministrit të Mbrojtjes, Armend Mehaj. 

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

on

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

on

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

on

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Lajmet

FFK-ja shpërndan defibrilatorë modernë për klubet

Published

on

Federata e Futbollit e Kosovës, në kuadër të një projekti të mbështetur nga programi UEFA HatTrick, ka ndërmarrë një iniciativë të rëndësishme që synon rritjen e sigurisë në fushat e futbollit.

Nëpërmjet këtij projekti, të gjitha klubet e Superligës, Ligës së Parë dhe Ligës së Dytë, si dhe klubet e vajzave, janë pajisur me defibrilatorë të teknologjisë më të avancuar, të cilët mund të bëjnë ndryshimin mes jetës dhe vdekjes në rastet e urgjencave shëndetësore.

Në dekadën e fundit, raste të rënda shëndetësore të ndodhura në fushën e gjelbër kanë nxjerrë në pah rëndësinë e pajisjeve mjekësore si defibrilatori, i cili mund të shpëtojë jetë në rast të arresteve kardiake.

Përveç shpërndarjes së pajisjeve, projekti është shoqëruar edhe me organizimin e trajnimeve dhe fushatave për ndërgjegjësim rreth përdorimit të saktë dhe të shpejtë të defibrilatorëve, ku ligjërues ishte stafi mjekësor i Kombëtares A të Kosovës, duke ndarë eksperiencat e marra nga trajnimet e UEFA-s.

Trajnimet në fushën e shëndetit në futboll do të vazhdojnë dhe FFK do të punojë ngushtë me klubet për të siguruar që çdo ekip të ketë personel të trajnuar që di të reagojë menjëherë në raste emergjente.

Ky projekt është një hap domethënës jo vetëm për sigurinë, por edhe për profesionalizimin e mëtejshëm të futbollit kosovar, duke ndjekur standardet evropiane të kujdesit shëndetësor në sport.

Mbështetja e UEFA-s përmes programit HatTrick është një konfirmim i mëtejshëm i besimit dhe përkushtimit që ky institucion ka ndaj zhvillimit të futbollit në Kosovë.

Presidenti i FFK-së, Agim Ademi, e vlerësoi këtë projekt jo vetëm si investim në pajisje, por edhe si investim në jetë, në siguri dhe në të ardhmen e futbollit kosovar, meqë futbolli ynë është përballur me humbje jetësh në fushat e gjelbërta.

“Në një kohë kur sporti gjithnjë e më shumë po konsiderohet jo vetëm si argëtim, por edhe si një aktivitet që kërkon kujdes të madh për mirëqenien fizike dhe psikologjike të sportistëve, ky projekt tregon qartë që siguria dhe shëndeti i lojtarëve janë prioritet absolut për Federatën e Futbollit të Kosovës”, tha ai.

Mjeku i Kombëtares A të Kosovës, Amir Vejseli, theksoi se defibrilatori është pjesë jetike dhe urgjente që duhet të jetë i pranishëm në çdo ndeshje futbolli.

“Defibrilatorët janë kërkesë urgjente, meqë kjo pajisje mund të jetë jetike për rastet e sulmeve kardiake që mund të ndodhin gjatë ndeshjeve dhe seancave stërvitore. Pjesa e organizimit mjekësor në një ndeshje futbolli është po aq e rëndësishme sa edhe organizimi sportiv”, u shpreh ai./S.K/EO/FFK/

Continue Reading

Të kërkuara