Lajmet

​Qeveria pret ndryshime pozitive për liberalizimin e vizave, optimizëm për pjesën e parë të vitit 2022

Kryeziu thotë për KosovaPress se Kosova ka plotësuar të gjitha kriteret për liberalizim të vizave.

Published

5 years ago

on

Qeveria e Kosovës është duke pritur ndryshime pozitive të vendeve skeptike të Bashkimit Evropian për liberalizimin e vizave. Në ekzekutiv shprehën të bindur se në shtatë muaj qeverisje kanë treguar qëllimet e tyre të qarta për luftimin e krimit, korrupsionit dhe reformën e sistemit të drejtësisë. Megjithëse në Qeveri nuk dhanë ndonjë datë, njohësit e integrimeve evropiane si mundësi reale për liberalizim të vizave e shohin gjashtë mujorin e parë të vitit 2022, pikërisht atëherë kur presidencën e Këshillit të BE-së, e merr Franca, e cila është një ndër vendet skeptike.

Zëdhënësi i Qeverisë Kurti, Përparim Kryeziu, thotë për KosovaPress, se Kosova ka plotësuar të gjitha kriteret për liberalizim të vizave.

Megjithatë, ai tregon se janë në komunikim me vendet hezituese dhe se të njëjtat janë në dijeni për zhvillimet pozitive në Kosovë.

“Ky është një vendim i cili i takon BE-së, përkatësisht vendeve që vazhdojnë të shprehin një dozë skepticizmi ndaj Kosovës, sa i përket çështjes së liberalizimit të vizave. Kjo qasje, ky qëndrim dhe këto vendime përcaktohen nga dinamikat e brendshme politike të këtyre vendeve. Pavarësisht kësaj, vazhdimisht janë në komunikim me këto shtete dhe përfaqësuesit e këtyre shteteve. Ato kanë misione diplomatike në Kosovë ku janë në dijeni për çdo zhvillim pozitiv që shënohet në Kosovë. Ne shpresojmë se BE-ja do të tejkalojë këtë hezitim, përkatësisht këto shtete karshi Kosovës dhe të ndryshojnë qëndrimin e tyre, pasi në Kosovë kanë ndodhur ndryshime. Kemi një qeveri të re që gëzon legjitimet të madh popullor dhe politik që ka qëllime të qarta për luftimin e krimit, korrupsionit dhe reformën e sistemit të drejtësisë… Kjo qeveri brenda 7 muajve tashmë ka miratuar strategjinë për sundimin e ligjit, një dokument tejet i rëndësishëm për reformën e sistemit të drejtësisë. Njëjtën kohë ka miratuar koncept-dokumentin për vetingun që është domosdoshmëri për të krijuar një shtet të mirëfilltë”, thotë ai.

Lajme të mira për liberalizim të vizave pret profesori universitar, Afrim Hoti, i cili thotë për KosovaPress, se në pjesën e parë të vitit 2022 mund të ketë lëvizje pozitive për Kosovën. Derisa shprehet skeptik se një gjë e tillë do të ndodhë gjatë këtij viti.

“Nuk besoj se do të ketë diçka të re brenda këtij viti, sepse definitvisht Sllovenia përkundër dëshirës, nuk mendoj se e ka potencialin ta shtyjë këtë çështje, që eventualisht të marrim liberalizimin e vizave. Ndërkohë, Parlamenti Evropian tash e sa kohë po trumbeton, bile është i vetmi institucion i BE-së qe njeh Kosovën dhe me të njëjtën ka konstituar marrëdhëniet kontraktuale. Sido që të jetë, çështja e liberalizimit të vizave tashmë ka mbet çështje e Këshillit të Ministrave. Disa vende hezitojnë sot e kësaj dite të japin dritën e gjelbër për këtë çështje. Mbase lajme të mira dhe tone optimiste priten në pjesën e parë të vitit të ardhshme, kur udhëheqjen e këshillit do ta merr Franca. Nisur nga fakti se edhe Franca është vendi që deri tani ka shkaktuar më shumë problem”, thekson Hoti.

Më i rezervuar në afate kohore shprehët zëdhënësi Kryeziu. Ai thotë se Qeveria Kurti nuk do të bëjë gabimet e qeverive paraprake kur kanë folur në emër të BE-së.

“Kjo qeveri nuk mund të bëjë gabimet që kanë bërë qeveritë paraprake kur kanë folur në emër të BE-së. Ky vendim nuk i takon Kosovës, ndonëse ne punojmë dhe zotohemi se çfarëdo lloj hezitimi që këto shtete kanë në raport me Kosovën t’i adresoj në kohën dhe mënyrën më të mirë”, shton Kryeziu.

KosovaPress ka kontaktuar edhe eurodeputetën, njëherësh raportuesen për Kosovën në Parlamentin Evropian, Viola von Cramon, por e njëjta kësaj radhe nuk ka qenë e qasshme për të treguar pritshmëritë e saja rreth këtij procesi.

Të paqasshëm kanë qenë edhe në partitë opozitare, PDK dhe LDK.

Kosova ka plotësuar gjitha kriteret për liberalizim të vizave qysh në vitin 2018. Mirëpo disa vende të BE-së, veçmas Franca, Holanda dhe Danimarka kanë shprehur rezervat e tyre për ndërmarrjen e një hapi të tillë.

Related Topics:
Continue Reading

Lajmet

Nis rikonstruktimi i rrugës Arllat–Malishevë, investim prej 1.85 milionë eurosh

Published

1 minute ago

on

June 16, 2026

By

Kanë nisur punimet për rikonstruktimin e rrugës rajonale Arllat–Malishevë, një projekt infrastrukturor që lidh komunat e Drenasit dhe Malishevës dhe që kap vlerën e rreth 1.85 milionë eurove.

Sipas autoriteteve, projekti do të përmirësojë qarkullimin e qytetarëve, do të rrisë sigurinë në trafik dhe do të krijojë kushte më të mira për zhvillimin ekonomik dhe transportin e mallrave.

Kryeministri në detyrë, Albin Kurti, tha se segmenti rrugor me gjatësi rreth 11.8 kilometra nis në Arllat dhe përfundon në hyrje të Malishevës, duke lidhur disa fshatra përgjatë këtij aksi.

Ai bëri të ditur se projekti përfshin ndërtimin e trotuareve në zonat e banuara, vendndalesa për autobusë dhe sinjalizim horizontal e vertikal sipas standardeve evropiane.

Ndërkaq, ministri në detyrë i Infrastrukturës dhe Transportit, Dimal Basha, deklaroi se ky është investimi i dytë i madh rrugor në Malishevë brenda dy muajve, duke shtuar se investimet e Qeverisë në këtë komunë kanë arritur mbi 4.2 milionë euro.

Afati për përfundimin e punimeve është 150 ditë pune.

/A.K/

Continue Reading

Lajmet

Nis rikonstruktimi i rrugës Arllat–Malishevë, investim rreth 1.85 milionë euro

Published

3 hours ago

on

June 16, 2026

By

Kanë nisur punimet për rikonstruktimin e rrugës rajonale Arllat–Malishevë, segment që lidh komunat e Drenasit dhe Malishevës.

Ky projekt kap vlerën prej rreth 1.85 milionë euro dhe synon të lehtësojë lëvizjen e qytetarëve, të rrisë sigurinë në komunikacion dhe të përmirësojë kushtet për qarkullimin e mallrave dhe zhvillimin ekonomik.

Në ceremoninë e fillimit të punimeve, kryeministri në detyrë Albin Kurti tha se projekti do të sjellë përfitime si për qytetarët ashtu edhe për bizneset, duke përfshirë rehabilitimin e një segmenti prej rreth 11.8 kilometrash që lidh disa fshatra të zonës.

Ai theksoi se projekti parasheh edhe ndërtimin e trotuareve në zonat e banuara, vendndalesa për autobusë, si dhe vendosjen e sinjalizimit rrugor sipas standardeve evropiane.

Ministri në detyrë i Infrastrukturës dhe Transportit, Dimal Basha, tha se ky është investimi i dytë më i madh rrugor në Malishevë brenda dy muajve, duke theksuar se në total investimet në këtë komunë kanë kaluar mbi 4.2 milionë euro.

Sipas autoriteteve, afati për përfundimin e punimeve është 150 ditë pune.

/A.K/

Continue Reading

Lajmet

Shtyhet seanca ndaj të akuzuarit për krime lufte në Burim të Malishevës

Published

3 hours ago

on

June 16, 2026

By

Është shtyrë seanca gjyqësore ndaj të akuzuarit për krime lufte në Burim të Malishevës, Ramadan Morina, pas kërkesës së avokatit të tij, Arianit Koci.

Prokurori i rastit, Armend Zenelaj, ka kundërshtuar shtyrjen, duke theksuar se Gjykata e kishte obliguar PSRK-në të pajiset me deklaratën e dëshmitares anonime D1.

Sipas aktakuzës së Prokurorisë Speciale, Morina dyshohet se gjatë viteve 1998–1999, në bashkëkryerje me persona të tjerë, ka marrë pjesë në vrasje, dëbime, arrestime dhe keqtrajtime fizike në fshatin Burim të Malishevës.

Në aktakuzë thuhet se 35 burra civilë shqiptarë janë ndarë nga gratë dhe fëmijët, janë rreshtuar me forcë, ndërsa më pas një pjesëtar i forcave serbe ka shtënë me armë, duke vrarë 34 civilë.

I akuzuari është arrestuar në gusht të vitit të kaluar në Prishtinë për veprën penale “krime lufte kundër popullatës civile”.

Gjatë seancës, avokati Arianit Koci ka ngritur shqetësim edhe për një gabim në dokumentacion, ku ai dhe i pandehuri janë cilësuar si serb, çështje që ka nxitur debat në sallën e gjyqit. Kryetari i trupit gjykues, Rrahman Beqiri, e ka cilësuar këtë si gabim teknik.

Trupi gjykues ka vendosur shtyrjen e seancës, ndërsa seancat e radhës janë caktuar për muajt shtator dhe tetor.

Burimi: KOHA

/A.K/

Continue Reading

Lajmet

Yll Limani falënderon fansat pas dy netëve koncert në Tiranë

Published

4 hours ago

on

June 16, 2026

By

Pas dy netëve të mbushura me emocione, muzikë dhe mijëra fansa, këngëtari Yll Limani ka reaguar me një mesazh falënderues në rrjetet sociale për publikun që e ka mbështetur në koncertet e mbajtura në Tiranë.

Artisti ka ndarë emocionet e përjetuara gjatë këtyre dy mbrëmjeve, duke i cilësuar si momente të paharrueshme.

“Hala jam tu i jetu emocionet e dy netëve n’Tirane. Shqipni, faleminderit për dashninë që ma dhatë. Janë dy net që s’kom me i harru kurrë. Faleminderit secilit që keni ardhë e keni knu bashkë me mu”, ka shkruar ai.

Limani ka shprehur mirënjohje për mbështetjen e vazhdueshme nga fansat, duke theksuar se dashuria dhe energjia e tyre janë motivi kryesor i karrierës së tij artistike.

“30.000 herë faleminderit. Për kohën, energjinë, besimin dhe dashninë që ma jepni vazhdimisht”, ka shtuar ai.

Në fund të mesazhit, këngëtari ka theksuar se shpesh emocionet e momentit nuk e lejojnë të kuptojë menjëherë shkallën e mbështetjes që merr nga publiku, duke përfunduar me një mesazh për fansat: “Deri herën tjetër! Ju du shuuuuume.”

/A.K/

Continue Reading

Të kërkuara