Kulturë

Promovohet libri “Deçani nëpër shekuj”

Published

4 years ago

January 26, 2021

Betim Gashi

Qytetit të Deçanit i është shtuar edhe një libër që flet për historinë e tij. Gjatë së martës, në këtë qytet është promovuar libri “Deçani nëpër shekuj” i autorit Faton Mehmeti, që u vlerësua si një dëshmi dhe arkivë e gjallë e kohës për Deçanin.

Pjesë e këtij promovimi ishte edhe kryetari i Aleancës për Ardhmërinë e Kosovës (AAK), Ramush Haradinaj, i cili shprehu fjalë të mira për botimin e të njëjtit.

“Faton Mehmetajn kemi për ta njohur gjatë edhe si ai që na ke sjell në dorë, të shkruar, botuar dhe ilustruar Deçanit tonë të dashur. Vërtet të falënderoj. Faleminderit shumë”, tha ai.

Ndërsa kryetari i komunës së Deçanit, Bashkim Ramosaj tha se ky libër do të jetë një udhërrëfyes për deçanasit.

“I cili për neve do të jetë një udhërrëfyes dhe po ashtu është pasaporta më e sigurt e Deçanit që i ka munguar deri tash. I uroj sukses edhe autorëve të tjerë të cilët janë duke kryer punë dhe vepra që shfaqin potencialin edhe në aspektin e trashëgimisë kulturore të Deçanit”, tha ai.

Kurse, recensenti i librit, Bekim Vishaj tha se ky libër është dëshmi e kohës dhe arkivë e gjallë për Deçanin.

“Kjo trevë ende ka mbetur e paeksploruar dhe që kudo herë është ndjerë nevoja për shkrime dhe hulumtime që e ndriçojnë historikun dhe të kaluarën tonë”, u shpreh ai.

Në fund, vet autori, Faton Mehmetaj tha se qëllim i botimit të librit ka qenë grumbullimi i materialeve për historinë në trevën e Deçanit.

“Libri im është një pjesë e vogël e historisë së Deçanit sepse Deçani ka një histori të madhe dhe të begat. Jo pak herë Deçani ishte pjesë e historisë si ndër qytetet që ka dhënë më shumë për vendin. Qëllimi im ka qenë të grumbullojë një material për historinë dhe trevën e Deçanit, pa e ndarë as Junikun”, tha ai.

Krahas qytetarëve të shumtë, pjesë e promovimit të këtij libri ishin edhe kandidatët për deputetë të AAK-së nga qyteti i Deçanit.

Kulturë

Profesori i UBT-së, Blerim Emerllahu, performon në Kongresin e 13-të Europian të Klarinetës

Published

2 hours ago

December 4, 2024

UBT NEWS

Në kuadër të Kongresit të 13-të Europian të Klarinetës, që u mbajt këtë vit, profesori i UBT-së në Fakultetin e Muzikës Moderne, Prodhimit Digjital dhe Menaxhimit, Prof. Blerim Emerllahu, një ekspert i njohur në fushën e muzikës moderne, prodhimit digjital dhe menaxhimit muzikor, mori pjesë në këtë ngjarje të rëndësishme muzikore.

Ky kongres, një ndër ngjarjet më të mëdha dhe prestigjioze të muzikës klasike në Evropë, mblodhi muzikantë dhe artistë të shquar nga e gjithë bota për të shkëmbyer ide dhe përvojë, si dhe për të performuar për publikun ndërkombëtar.

Ky edicion i Kongresit ofroi mundësi të shumta për shkëmbim përvoje dhe performancë, dhe Prof. Emerllahu mori pjesë në një moment të veçantë të ngjarjes: ai u prezantua me një duet solistik me klarinetisten e njohur ndërkombëtare, Prof. Barbara Borowicz.

Performanca e tij u realizua nën shoqërimin e Ansamblit të Klarinetës të Akademisë “Krzysztof Penderecki” të Polonisë, një trupë muzikore me renome ndërkombëtare, e cila i shtoi më shumë shpirt dhe emocion interpretimit të tyre.

Kulmi i natës koncertale ishte prezantimi i premierës botërore të kompozicionit të ri të titulluar “Fountains”, i shkruar nga kompozitori i njohur shqiptar, Prof. Valton Beqiri. Ky veprim muzikor, i cili është një krijim modern për klarinetë dhe ansambël, pasqyron mjeshtërinë e Beqirit në bashkimin e elementeve klasike dhe atyre moderne, duke krijuar një përvojë të veçantë për auditorin. Kompozicioni është frymëzuar nga figura të natyrës dhe tingujt e ujit, që i japin një dimension të ri dhe freskues konceptit të muzikalitetit. Prezantimi i kësaj vepre botërore është një moment kyç në karrierën e kompozitorit dhe një mundësi për të promovuar krijimtarinë shqiptare në skenën ndërkombëtare./UBTNews/

Kulturë

Festa Kombëtare e Forcave të Armatosura Shqiptare

Published

4 hours ago

December 4, 2024

UBT NEWS

Më 4 dhjetor 1912, me propozimin e Isa Boletinit, Mehmet pashë Dërralla u zgjodh ministër i Luftës në Qeverinë e Përkohshme të Shqipërisë, duke fituar 42 vota dhe duke u renditur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota.

Ky emërim i rëndësishëm i shënoi një moment të veçantë në historinë e Shqipërisë së re, pasi Dërralla, një ushtarak i njohur dhe me përvojë, mori detyrën që do të ishte kyçe për mbrojtjen e Pavarësisë së Shqipërisë. Ndonëse ishte në moshën 69-vjeçare, Mehmet pashë Dërralla e pranoi me përgjegjshmëri të plotë detyrën e ministrit të Luftës, duke e angazhuar veten me pasion dhe përkushtim në organizimin e ushtrisë shqiptare.

Me përvojën e tij 40-vjeçare në drejtimin dhe komandimin e forcave ushtarake, ai u angazhua menjëherë në krijimin e Komandës së Përgjithshme dhe Shtabit Madhor, duke strukturuar ushtrinë dhe duke krijuar një kuadër të mirëorganizuar për luftën e shtetit të sapoformuar shqiptar.

Puna e tij e rëndësishme nuk u kufizua vetëm në strukturimin e ushtrisë, por gjithashtu kontribuoi në hartimin e “Rregullores për organizimin e përkohshëm të Ministrisë së Luftës” dhe të “Rregullores së përkohshme mbi formimin e strukturës së Milicisë Shqiptare”.

Ai mori gjithashtu masa për ruajtjen e rendit dhe qetësisë publike, një detyrë po aq e rëndësishme në këto ditë të pas-luftës për konsolidimin e shtetit shqiptar.

Ushtarët që ai drejtonte ishin të shumtë nga shkollat ushtarake dhe nga radhët e ushtrisë turke, që kishin kaluar një edukim dhe disiplinë të ashpër ushtarake.

Për nder të punës dhe kontributit të tij të jashtëzakonshëm në forcimin e shtetit shqiptar, 4 dhjetori u caktua si Festë Kombëtare e Forcave të Armatosura Shqiptare, duke e shënuar përjetësisht Mehmet pashë Dërrallën si ministrin e parë të Luftës së shtetit shqiptar, një figurë të rëndësishme dhe simbol të luftës për liri e pavarësi./UBTNews/

Magazinë

Vjen filmi i “Borëbardhës”, ja detajet që duhet të dini

Published

6 hours ago

December 4, 2024

Albina Zeneli

Rachel Zegler dhe Gal Gadot duan të jenë më të bukurat nga të gjitha në “Borëbardha”, filmin e përshtatur nga një ndër filmat e animuar më të njohur. Të martën, më 3 dhjetor, Disney nxorri një trailer të plotë për risjelljen e filmit klasik të animuar të vitit 1937, me Zegler, 23 vjeç, si princesha Borëbardhë.

Traileri tregon Gadot, 39 vjeç, si njerka e Borëbardhës, e njohur si Mbretëresha e Keqe, me një pasqyrë magjike në mur dhe një mollë helmuese në mëngët e saj. Gjithashtu shfaqen shtatë xhuxhat e Borëbardhës: Bashful, Doc, Dopey, Grumpy, Happy, Sleepy dhe Sneezy.

Marc Webb drejtoi “Snoë White”, i cili përmban këngë të reja origjinale nga Benj Pasek dhe Justin Paul.

Zegler, e njohur për aktrimin dhe vokalin e saj në filma si ‘West Side Story’ dhe ‘The Hunger Games: The Ballad of Songbirds and Snakes’, këndon këngën “Waiting on a Wish” në trailer, i cili gjithashtu tregon luftën e saj kundër Mbretëreshës së Keqe për të rimarrë mbretërinë e saj.

Aktualisht duke luajtur në ‘Romeo + Juliet’ të Broadway, Zegler i tha Variety në tetor se “një nga pikat thelbësore” në këtë “Borëbardhë” është që “për çdo grua të re apo burrë të ri të kujtojë se sa i fortë është në të vërtetë.”

Regjisori Webb i tha gazetës se pse Zegler ishte e përkryer për rolin: “[Ajo] ka hir, ekuilibër dhe mirësi të natyrshme që më kujton aq shumë atë që është thelbësore për Borëbardhën.” Gadot i tha më parë PEOPLE se ky rol i ‘së ligës’ ishte diçka që ajo e merrte shumë seriozisht.

Aktorja e Wonder Woman shtoi: “Për mua ishte e rëndësishme të sigurohesha që mbretëresha të mos ishte vetëm e keqe për hir të të qenit e keqe. Ka një kompleksitet. Mes dy personazheve, është si një marrëdhënie nënë-bijë në një mënyrë të çuditshme. Kjo është ajo që i ndodh një gruaje kur ndihet sikur nuk është më relevante, çfarë mund të dalë prej saj”.

Borëbardha shfaqet në kinema më 21 mars.