Sport

Prishtina do të bëhet me stadium të ri, ky është vendi ku do të ndërtohet

Stadiumi i ri, i cili do të ndërtohet në Bërnicë, do të jetë i kategorisë së katërt dhe do t’i plotësojë të gjitha standardet.

Published

3 years ago

May 23, 2023

Betim Gashi

Presidenti i Federatës së Futbollit të Kosovës, Agim Ademi ka pritur në takim kryetarin e komunës së Prishtinës, Përparim Rama. Në këtë takim ata kanë diskutuar rreth projektit për ndërtimin e stadiumit të ri në kryeqytet. Ky takim kishte për qëllim koordinimin ndërinstitucional për ndërtimin e këtij stadiumi të rëndësishëm për futbollin kosovar dhe komunitetin e Prishtinës në përgjithësi.

Presidenti Ademi dhe i pari i kryeqytetit u dakorduan për të bashkëpunuar në realizimin e këtij projekti të rëndësishëm për sportin kryeqytetas dhe jo vetëm. Stadiumi i ri, i cili do të ndërtohet në Bërnicë, do të jetë i kategorisë së katërt dhe do t’i plotësojë të gjitha standardet dhe kushtet e nevojshme për organizimin e ndeshjeve ndërkombëtare, përkatësisht të ndeshjeve të ekipit kombëtar dhe klubeve në garat evropiane.

Ky stadium gjithashtu do të jetë një vend i përshtatshëm për organizimin e aktiviteteve tjera sportive dhe eventeve të ndryshme.

Ademi dhe Rama kanë rënë dakord që Federata e Futbollit e Kosovës të ketë përgjegjësinë për menaxhimin e stadiumit të ri, në të njëjtën mënyrë siç ndodh me stadiumin “Fadil Vokrri”. Ata diskutuan po ashtu edhe për mirëmbajtjen e stadiumit ekzistues, gjendjen e fushës dhe organizimin e ndeshjeve kombëtare dhe të ekipeve që garojnë në Evropë.

Kryetari Rama ka shfaqur interesimin e tij për zhvillimin e sportit, veçanërisht futbollit në kryeqytet, duke e parë atë si sportin më të popullarizuar në Kosovë. Të dy krerët e institucioneve janë zotuar që të krijojnë kushte sa më të mira për sportin në kryeqytet dhe të përkushtohen bashkërisht në organizimin sa më të mirë të klubeve të kryeqytetit.

Gjatë takimit, presidenti Ademi i ka dhuruar kryetarit Rama fanellën e kombëtares së Kosovës dhe e ka falënderuar për gatishmërinë e tij për të kontribuar në zhvillimin e futbollit kosovar. Ata kanë shprehur vullnetin për të nënshkruar Memorandum të Bashkëpunimit në përputhje me praktikën e krijuar me komunat e tjera të Kosovës. Kjo do të ndihmojë në përmirësimin e futbollit kosovar dhe në ngritjen e nivelit të klubeve në kryeqytet.

Up Next

Zhgënjehet Ronaldo, kërkon largimin nga Al-Nassri

Don't Miss

Shefi i Serie A premton zero tolerancë ndaj racizmit

Sport

Sfida e fortë në Romë për karatistët kosovarë

Published

4 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

4 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

4 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.

Sport

Agim Ademi takohet me Glauk Konjufcën për përgatitjet e kombëtares së Kosovës

Published

1 day ago

March 16, 2026

UBTNews

Kryetari i Federatës së Futbollit të Kosovës, Agim Ademi, zhvilloi sot një takim pune me Glauk Konjufcën,për të diskutuar përgatitjet e kombëtares së Kosovës për ndeshjen e rëndësishme kundër Sllovakisë në kuadër të “play-off”-it për Kupën e Botës 2026.

Në takim morën pjesë edhe anëtari i KE të FFK-së, Samir Ujkani, dhe menaxheri i ekipit kombëtar, Bajram Shala. Ata informuan për përgatitjet e ekipit dhe organizimin e udhëtimit drejt Bratislava.

Konjufca përgëzoi ekipin për rezultatet e arritura deri tani dhe nënvizoi se puna ekipore dhe angazhimi i përbashkët kanë sjellë fitore të rëndësishme, duke përfaqësuar denjësisht Kosovën në arenën ndërkombëtare. Ai gjithashtu siguroi se institucionet shtetërore do të ofrojnë mbështetje të plotë për rrugëtimin historik të kombëtares drejt Kupës së Botës.

Takimi u bë i ditur nga Ademi në faqen e tij zyrtare, duke theksuar rëndësinë e bashkëpunimit mes FFK-së dhe institucioneve shtetërore për suksesin e ekipit kombëtar.