Lajmet

​Prindërit protestojnë për klasët e vogla, drejtoresha e shkollës “Ismail Qemali” tregon se ka bërë ndërrimin e klasave

Nga nesër kjo paralele do të mbajë mësimin në një klasë tjetër.

Published

3 years ago

on

Mbi 30 nxënës numëron çdo klasë e shkollës Fillore të Mesme të Ulët “Ismail Qemali” në Prishtinë. Përveç numrit të madh të nxënësve, problem për disa paralele vazhdon të mbeten edhe klasët e vogla. Gjatë së mërkurës, prindërit e një paraleleje të klasës së tretë kanë protestuar që të bëhet një zgjidhje për fëmijët e tyre. Ndërkaq drejtoresha ka njoftuar se ka bërë ndërrim të klasave dhe që nga nesër kjo paralele do të mbajë mësimin në një klasë tjetër.

Kryetarja e prindërve të paraleles së tetë të klasës së tretë, Diellza Gjinovci ka deklaruar se tash e sa kohë po kërkojnë nga drejtoresha që të gjendet një mundësi dhe fëmijët të mos vijojnë mësimin në atë klasë, ku sipas saj është shumë e vogël.

“Ne konkretisht kemi kërkuar një klasë më të madhe, sepse fëmijët kanë qenë në klasë shumë të vogël. Kanë qenë të detyruar që të ulen nga tre nxënës. Kështu që procesi mësimor nuk ka vijuar si duhet, si në çdo klasë tjetër. Dhe kemi kërkuar që të na mundësohet një klasë më e madhe. Fëmijët të kenë shëndet e të mos u përkeqësohet dhe që të zhvillohet procesi mësimor në formë të rregullt”, ka thënë ajo.

E sipas drejtoreshës së shkollës, Mimoza Krasniqi ka një ngarkesë të madhe të fëmijëve të regjistruar.

“Jemi në këto kushte që jemi shumë të ngarkuar. Ka shumë fëmijë të cilët me siguri nuk i kanë as adresat e sakta, bëjnë falsifikime, i bijnë dokumentet dhe ne nuk jemi inspektorët që të inspektojmë. Kjo është mundësia që shkolla Ismail Qemali, i ka në të gjitha klasat mbi 35 nxënës në një klasë”, ka theksuar ajo.

Megjithatë Krasniqi ka njoftuar se kanë bërë një zgjidhje të përkohshme dhe prej nga nesër bëhet ndërrimi i klasave.


“Prej nesër ajo klasë shkon te klasa e autizmit, ku i kam dërguar parashkollorët. Parashkollorët i sjellim në dy zyre këtu deri në momentin e rregullimit të aneksit për parashkollorët. Kjo është një zgjidhje e përkohshme që besoj se rregullohet ditëve në vazhdim”, ka njoftuar drejtoresha e kësaj shkolle.

Më tej drejtoresha e shkollës “Ismail Qemali” ka njoftuar se janë në proces të punimeve dhe të njëjtat janë zvarritur për shkak të grevave.


“Ne kemi qenë në proces të punimeve që kanë filluar qysh në fund të korrikut. Për shkak të grevave, nënshkrimi i kontratave është vonuar. Puna e nënshkrimit të kontratave neve na i ka zvarritur punimet. Punimet veç kanë filluar. Ne një zgjidhje e kemi bërë të përkohshme. Për momentin e kemi hequr klasën e autizmit e kemi dërguar në një zyre. Që nuk është mirë t’i dërgojmë, por e kemi bërë një zgjidhje të përkohshme. Në momentin që rregullohen, klasa e parashkollorëve vijnë në vendin e vet. Edhe mësuesja që ju ka ndërruar klasa për arsyeje të një fëmije me nevoja të veçanta, i cili ka probleme në lëvizje, në boshtin kurrizor dhe ka një sëmundje shumë të rëndë, ajo më ka detyruar mua që të ndërrojë klasën”, ka përfunduar Krasniqi.

Related Topics:
Continue Reading

Lajmet

Arrestime në Fushë Kosovë dhe Ferizaj për posedim dhe shitje të narkotikëve

Published

6 minutes ago

on

October 29, 2025

By

Policia e Kosovës ka bërë të ditur se ka arrestuar katër shtetas të Turiqsë në Fushë Kosovë.

Të njëjtit dyshohen për posedim dhe shitje të narkotikëve teksa gjatë bastisjes siç bën të ditur Policia ka sekuestuar 1,482 gramë substancë narkotike të llojit marihuanë.

“Janë arrestuar katër të dyshuar meshkuj shtetas të Turqisë, pasi që gjatë kontrollit të vendbanimeve të tyre janë gjetur dhe sekuestruar 1482 gram substancë narkotike e llojit marihuanë, 590€, 8 telefona mobil, një automjet (fugon), një laptop, si dhe disa gjësende të tjera që lidhen me rastin. Me vendim të prokurorit të dyshuarit janë dërguar në mbajtje”, thuhet në raportin 24-orësh të Policisë.

Ferizaj

Edhe në Ferizaj, dy persona janë arrestuar pasi që gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Policia gjeti edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin. Me vendim të prokurorit të dyshuarit janë dërguar në mbajtje./S.K/PK/

Continue Reading

Lajmet

Gjenden eshtra në Veri, dyshohet se i përkasin luftës së fundit

Published

9 minutes ago

on

October 29, 2025

By

Disa mbetje eshtrore janë gjetur në veri të Mitrovicës, të cilët dyshohet se i përkasin luftës së fundit në Kosovë kanë thënë njësitet policore të Departamentit për Hetimin e Krimeve të Luftës.

Rasti ka ndodhur derisa një familje e cila po gërmonte te një varr për një familjar të tyre, ka hasur në një batanije.

Njësitet policore të Departamentit për Hetimin e Krimeve të Luftës në koordinim me Institutin e Mjekësisë Ligjore dhe Komisionin Qeveritar për Persona të Zhdukur, kanë dalë në vendin e ngjarjes.

Mbetjet eshtërore janë tërhequr nga IML-ja për ekzaminime të mëtejshme, thuhet në njoftimin e policisë.

Lidhur me rastin është informuar edhe prokurori./S.K/EO/

Continue Reading

Lajmet

Nga sot nis pushimi vjeshtor 2025/26

Published

1 hour ago

on

October 29, 2025

By

Nxënësit e bankave shkollore në Kosovë për pak ditë do të shkëputen nga mësimi sepse nga sot ata janë në pushimin vjetor të paraparë me ligj.

Ndërkaq, sipas kalendarit zyrtarit, mësimi do të nisë sërish të hënën më datë 3 nëntor.

Njoftim

Sipas Kalendarit Zyrtar të Vitit Shkollor 2025/2026, pushimi vjeshtor për nxënësit e shkollave të Kosovës do të zgjasë nga data 29 tetor deri më 31 tetor 2025. Ky pushim tre-ditor u jep nxënësve një periudhë të shkurtër relaksi para se të vazhdojnë me pjesën e dytë të gjysmëvjetorit të parë. Pas përfundimit të pushimit, procesi mësimor do të rifillojë të hënën, më 3 nëntor 2025, në të gjitha institucionet arsimore të vendit.

/S.K/EO/

Continue Reading

Lajmet

Kurti nga Franca: Kosova ka luftuar korrupsionin dhe ka shënuar rritje të qëndrueshme ekonomike

Published

2 hours ago

on

October 29, 2025

By

E përditësuar: 

10:45

Në kryeqytetin e Francës, në Paris, Kryeministri në detyrë i Republikës së Kosovës, Albin Kurti, mori pjesë në diskutimin e organizuar nga Instituti francez, Jacques Delors e ku u prit nga Drejtorja e Institutit, Sylvie Mattelly.

Nga zyra e kryeministrisë thonë se tema kryesore e diskutimit ishte situata gjeopolitike në Evropë dhe ndikimi i Ballkanit Perëndimor.

Tema tjera të diskutimit ishin mbrojtja, të drejtat e njeriut, përfshirë ato të pakicave, si dhe zhvillimet e fundit në vend.

I pranishëm në këtë tryezë ishte edhe i Dërguari i Posaçëm i Ministrisë së Punëve të Jashtme të Francës për Ballkanin Perëndimor, René Troccaz.

“Në fjalën hyrëse të tij, ai theksoi se po jetojmë në një kohë kur Evropa është e begatë, dhe në të njëjtën kohë thellësisht e sfiduar, duke shtuar se aftësia jonë për të planifikuar në terme afatgjate vazhdimisht po vihet në hije nga realitete të menjëhershme gjeopolitike. Për dekada, jemi udhëhequr nga dëshira për homeostazë, por ky më nuk është realiteti ynë, tha më tej. “Sistemet që lulëzojnë, qofshin ato institucione, organizata apo shoqëri, evoluojnë përmes cikleve të rendit, çrregullimit dhe rirregullimit, dhe për Evropën, ky ekuilibër i ri kërkon një qëndrim të qartë kundër autoritarizmit dhe përfshirje e qartë e atyre vendeve që mbështesin demokracinë”, citohet të ketë thënë Kurti.

Kurti është shprehur edhe se që prej shpalljes së pavarësisë në 2008-ën me mbështetje ndërkombëtare Kosova ka krijuar institucione të forta demokratike.

Ai është ndalur edhe te qeverisja e tij, e ku thekson se është luftuar korrupsionu dhe është shënuar rritje e qëndrueshme ekonomike./S.K/EO/

08:40

Sot fillon Forumi i Paqes të Parisit, ngjarja ndërkombëtare vjetore që mbahet në Paris, e krijuar për të promovuar bashkëpunimin global dhe qeverisjen shumëpalëshe përballë sfidave botërore.

Kryeministri në detyrë i Republikës së Kosovës, Albin Kurti, ka udhëtuar dje për në kryeqytetin e Francës, ku do të marrë pjesë në këtë forum me ftesë të Presidentit francez, Emmanuel Macron.

Gjatë qëndrimit në Paris, krahas pjesëmarrjes në Forumin e Paqes, kryeministri Kurti do të zhvillojë takime bilaterale në margjina të Forumit.

Ndërkaq, mbrëmë Kurti ishte i ftuar nderi në darkën e shtruar nga Qarku diplomatik i Parisit./S.K/EO/

Continue Reading

Të kërkuara