Lajmet

Presidentja Osmani: Anëtarësimi i Ballkanit Perëndimor në BE, NATO – Shtyllë e paqes dhe stabilitetit

Interesi gjeostrategjik i BE-së dhe NATO-s është që Ballkani Perëndimor të jetë pjesë e të dy aleancave, sipas saj.

Published

3 years ago

December 1, 2022

UBT news

Anëtarësimi i Ballkanit Perëndimor në BE dhe NATO nuk është vetëm në interes të vendeve tona, por do të jetë edhe shtyllë e paqes dhe stabilitetit për të gjithë kontinentin tonë, tha presidentja e Kosovës Vjosa Osmani- Sadriu në fjalimin e saj akademik të titulluar “Busulla strategjike e Evropës Juglindore: stabilizimi i paqes dhe prosperitetit përmes integrimit euroatlantik”, të cilën ajo e mbajti të enjten në Universitetin e Sofjes.

Ajo theksoi se kur arkitektura e sigurisë në Evropë dhe më gjerë është nën kërcënim për shkak të luftës në Ukrainë, interesi gjeostrategjik i BE-së dhe NATO-s është që Ballkani Perëndimor të jetë pjesë e të dy aleancave.

Vjosa Osmani- Sadriu, e cila ndodhet për një vizitë zyrtare në Bullgari, në një ceremoni në Aula të Rektoratit të Universitetit, është nderuar me Distinktivin e Nderit të Universitetit të Sofjes. Çmimi është ndarë me sugjerim të Fakultetit Juridik dhe është dhënë në lidhje me aktivitetet e saj si juriste udhëheqëse në vendin e saj me njohje ndërkombëtare.

Për shekuj me radhë, ka qenë në interesin e Rusisë të sigurohen që të kenë sukses në përhapjen e ndikimit të tyre keqdashës në Ballkanin Perëndimor. Fatkeqësisht, duke përdorur një nga vendet e rajonit tonë si përfaqësim, si ndërlidhës, tha Osmani-Sadriu. Ajo shtoi se ky interes rus vazhdon edhe sot, sipas saj, jo se janë të interesuar konkretisht për Kosovën, por sepse besojnë se duke sulmuar atë që është arritur në Kosovë, duke sulmuar stabilitetin në Ballkanin Perëndimor, po sulmojnë vlerat dhe sistemet mbi të cilat bazohen BE-ja dhe NATO-ja. Këto janë sulme ndaj BE-së dhe NATO-s, sepse ata e dinë, sikurse ne, se Ballkani Perëndimor i destabilizuar do të thotë një Evropë e destabilizuar, tha ajo. Për këtë arsye, shtoi Osmani-Sadriu, është e rëndësishme që Ballkani Perëndimor, vendet tona demokratike, të besojnë në sundimin e ligjit, të drejtat e njeriut dhe demokracinë, dhe të jenë në gjendje të anëtarësohen në BE dhe NATO. Ajo shtoi se kjo do të thotë se Evropa do të jetë e tërë, e bashkuar dhe e lirë, gjë që nuk do të jetë e mundur nëse një pjesë e Evropës destabilizohet sepse Ballkani Perëndimor është gjithmonë nën kërcënim edhe nëse një pjesë e Ballkanit Perëndimor mbyllet në vakum, tha Osmani- Sadriu.

Ajo theksoi se nuk ka asnjëherë vakum, gjithmonë ka kush të vijë dhe të marrë hapësirën e mbetur të lirë, theksoi ajo. Presidentja e Kosovës tha se boshti euroatlantik dhe bashkëpunimi i ngushtë ndërmjet BE-së dhe SHBA-së është çelësi për të siguruar që kjo hapësirë të mos u lihet akterëve dashakeq, ky është çelësi i stabilitetit afatgjatë në rajonin tonë dhe më gjerë.

Osmani- Sadriu tha gjithashtu se Bullgaria është partner dhe aleat strategjik i Kosovës dhe vendi i saj është i përkushtuar për thellimin e bashkëpunimit bilateral mes dy vendeve. Bullgaria ka dëshmuar se qëndron për liri dhe është shtyllë kyçe e bashkëpunimit rajonal dhe euroatlantik, tha presidentja e Kosovës. Ajo falënderoi Bullgarinë për mbështetjen e saj, për qëndrimin pranë Kosovës si në momente të vështira ashtu edhe në momente të mira./BTA

Vendi

Votohet Qeveria Kurti me 66 vota pro

Published

38 minutes ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

1 hour ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

3 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

5 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.