Lajmet

​Për herë të parë cigaret elektronike pritet t’i nënshtrohen normës së akcizës

Me shumicë votash Komisioni ka miratuar këtë projektligj lidhur me akcizën.

Published

on

Ministria e Financave, Punës dhe Transfereve ka paraparë aplikimin e taksës së akcizës në produktet e reja të duhanit dhe zëvendësuesve të tij.

Gjatë arsyetimit të Projektligjit për ndryshimin dhe plotësimin e ligjit për akcizën në produktet e duhanit, ministri i këtij dikasteri, Hekuran Murati ka thënë se kjo formë e akcizës krijon mundësi të gjenerimit të bazës së aplikimit të normës së akcizës, legalizimin dhe mbikëqyrjen e tyre, luftimin e evazionit fiskal, mbrojtjen e shëndetit nga produktet e paregjistruara.

Gjatë shqyrtimit në parim të këtij projektligji në Komisionin për Buxhet dhe Financa, Murati theksoi se në kuadër të këtij projektligji janë përcaktuar njësitë përllogaritëse më të përshtatshme për përllogaritjen e taksës së akcizës për të gjitha produktet e duhanit dhe zëvendësuesit e tij dhe produkteve të reja të duhanit.

“Bëhet fjalë për produktet që janë zëvendësuese të duhanit, në formën e cigareve elektronike, që përmes një lëngu që përmban nikotinë mund ta zëvendësojë duhanin, apo edhe ato produktet e tjera që janë kombinim i duhanit me ndoshta aromatike, ku kemi parë edhe fenomenin që është zgjeruar forma e shisha-bareve përmes avullimit. Pra, ka këtë kuptim dhe përfshirjen edhe të këtyre produkteve që t’i nënshtrohen akcizës meqenëse janë produkte zëvendësuese të duhanit”, tha ai.

Me shumicë votash Komisioni ka miratuar këtë projektligj lidhur me akcizën.

Derisa ministri Murati para Komisionit ka arsyetuar edhe Projektligjin për regjistrimin e popullsisë, ekonomive familjare dhe banesave, i cili tha se projektligji në fjalë mundëson organizimin e regjistrimit të popullsisë.

“Projektligji për regjistrimin e popullsisë duhet të mbështetet duke qenë se mundëson organizimin e një procesi shumë të rëndësishëm në Republikën e Kosovës, i cili edhe do të financohet në përputhje me legjislacionin relevant për ndarjet buxhetore dhe menaxhimin e financave publike”, theksoi Murati.

Ndërsa, nënkryetari i këtij Komisioni, Mërgim Lushtaku nga PDK-ja, edhe përkundër vërejtjeve për projektligjin në fjalë, tha se do të japin komentet e tyre gjatë dy leximeve.

“Ky projektligj ka mangësi, por sigurisht që edhe si parti opozitare e shohim të rëndësishëm regjistrimin e popullsisë, andaj, ne do ta mbështesim dhe do të japim edhe mendimet në amendamentet e propozuara gjatë dy leximeve”, u shpreh Lushtaku.

Përveç këtij Projektligji për regjistrimin e popullsisë, Komisioni ka miratuar edhe Projektligjin për Shitjen e Banesave për te cilat ekziston e Drejta Banesore i Komisionit për Mjedis, Ushqim, Bujqësi, Planifikim dhe Zhvillim.

Lajmet

Osmani takon presidenten e Zvicrës: Po e shkruajmë bashkë kapitullin e ri

Published

on

By

Presidentja Vjosa Osmani, ka nisur vizitën shtetërore në Zvicër, me ftesë të Këshillit Federal të Zvicrës.

Në një postim në Facebook, e para e shtetit tonë ka falënderuar për mikpritjen, miqësinë dhe nderimin presidenten zvicerane Karin Keller-Sutter.

Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë”, ka shkruar Osmani.

Continue Reading

Lajmet

Maqedonia e Veriut pritet të nënshkruajë marrëveshje për partneritetit strategjik me Britaninë

Published

on

By

Maqedonia e Veriut pritet të bëhet vendi i parë nga Ballkani Perëndimor që nënshkruan marrëveshje për partneritetit strategjik me Britaninë e Madhe.

Marrëveshja në vlerë rreth 6 miliardë euro pritet të nënshkruhet të enjten në Londër nga një delegacion i Qeverisë maqedonase, i udhëhequr nga zëvendëskryeministri Aleksandar Nikolovski.

Megjithatë, hollësitë e këtij partneriteti dhe kushtet sipas të cilave Maqedonia e Veriut do të marrë burimet financiare nga Britani, nuk janë bërë të ditura ende.

Autoritetet maqedonase dhe Londra e mohojnë se marrëveshja përfshin pranimin e emigrantëve në Maqedoni, të cilëve nuk u është pranuar azili në Britani.

Është diçka që nuk na ka shkuar kurrë në mendje dhe askush nuk na e ka kërkuar”, u tha kryeministri Hristijan Mickoski anëtarëve të partisë së tij VMRO DPMNE në Shkup, të dielën.

Për të, marrëveshja është “historike”, sepse qasja në 6 miliardë euro kredi të favorshme, “do të sjellë një revolucion investimesh në vend, një cikël investimesh vërtet historik, që do të thotë punë, ndërtim, zhvillim”, tha Mickoski, duke përmendur ndërtimin e hekurudhave, autostradave, spitaleve dhe konvikteve studentore.

Ambasadori britanik në Shkup, Mattheë Laëson, gjithashtu mohoi spekulimet për dërgimin e emigrantëve në Maqedoni, duke theksuar se bashkëpunimi në këtë fushë do të lidhet me luftën kundër rrjeteve kriminale dhe shkëmbimin e informacionit të inteligjencës./REL/

Continue Reading

Lajmet

Presidentja Osmani nis vizitën në Zvicër, pritet nga presidentja zvicerane

Published

on

By

Presidentja e Republikës së Kosovës, Vjosa Osmani, është pritur sot nga Presidentja e Konfederatës Zvicerane, Karin Keller-Sutter, në Lohn Manor – rezidenca zyrtare e Këshillit Federal të Zvicrës.

Kjo pritje u zhvillua në kuadër të vizitës shtetërore që Presidentja Osmani po realizon këto ditë në Zvicër.

Në takim me Presidenten Osmani janë edhe kryetari i Drenasit, Ramiz Lladrovci, kryetari i Obiliqit, Xhafer Gashi dhe Qemajl Aliu, kryetari i Komunës së Shtimes.

Pas takimit bilateral, Presidentja Osmani do të pritet me nderime ushtarake në Sheshin Federal në Bernë. Më pas, të dyja presidentet do të japin deklarata për media nga Ndërtesa e Parlamentit/Këshilli Federal.

Vizita do të vazhdojë me një konferencë të përbashkët për media të dy lidereve, ku pritet të diskutohen marrëdhëniet dypalëshe, bashkëpunimi ndërkombëtar dhe roli i diasporës kosovare në Zvicër.

Gjatë qëndrimit në Zvicër, Presidentja Osmani do të zhvillojë gjithashtu një takim me mërgatën shqiptare në qytetin e Gjenevës.

Continue Reading

Lajmet

Kryediplomatja evropiane Kallas këtë javë viziton Serbinë dhe Kosovën

Published

on

By

Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, do ta vizitojë Kosovën më 22 maj, në kuadër të një turneu që do ta nisë më 21 maj në Ballkanin Perëndimor, ka bërë të ditur Shërbimi Diplomatik i BE-së.

Kallas do të udhëtojë edhe në Serbi dhe në Maqedoninë e Veriut gjatë vizitës së saj të dytë në rajon, ka njoftuar Brukseli, të mërkurën.

Në Kosovë, përfaqësuesja e Lartë Kallas do të takohet me përfaqësues të partive politike dhe të organizatave të shoqërisë civile”, thuhet në një njoftim të BE-së.

Shefja e diplomacisë evropiane ka planifikuar të mbajë edhe një konferencë për media, më 22 maj.

Kallas do ta vizitojë Kosovën në kohën kur autoritetet kosovare po përsërisin thirrjet për heqjen e masave ndaj vendit nga ana e BE-së, madje kanë kërkuar që kjo të ndodhë para vazhdimit të dialogut për normalizim marrëdhëniesh me Serbinë.

BE-ja, në anën tjetër, ka kërkuar shtensionim situate në Kosovë, teksa Kosova po vazhdon me mbylljen e institucioneve paralele serbe në veri të vendit, gjë që ka nxitur reagimin e Brukselit.

Në Prishtinë, Kallas pritet të vizitojë edhe Misionin e BE-së për Sundim të Ligjit (EULEX), si dhe komandantin e misionit paqeruajtës të Organizatës së Traktatit të Atlantikut Verior (NATO) në Kosovë – KFOR, Enrico Barduani.

Vizita e Kallasit në Prishtinë këtë javë ishte paralajmëruar nga presidentja e Kosovës, Vjosa Osmani, e cila ka thënë se për shkak të vizitës së saj të planifikuar zyrtare në Zvicër nuk do të mund ta priste kryediplomaten evropiane në Kosovë.

Para vizitës në Kosovë, Kallas do të qëndrojë në Serbi.

BE-ja ka njoftuar se Kallas do ta takojë në Beograd presidentin Aleksandar Vuçiq, kryeministrin Gjuro Macut, si dhe ministrin e Jashtëm, Marko Gjuriq, atë për Integrime Evropiane, Nemanja Staroviq, dhe kryetaren e Kuvendit, Ana Bërnabiq, dhe grupet parlamentare opozitare.

Ndërkaq, kryediplomatja evropiane në Shkup do ta takojë kryeministrin Hristijan Mickoski, ka bërë të ditur Brukseli.

Në kryeqendrën maqedonase, Kallas “do ta hapë Dialogun e parë për Siguri dhe Mbrojtje ndërmjet BE-së dhe Maqedonisë së Veriut me ministrin për Punë të Jashtme dhe Tregti, Timço Mucunski”, ka njoftuar Shërbimi Diplomatik i BE-së./REL/

Continue Reading

Të kërkuara