Lajmet

​Pendarovski: S’mund të lejojmë që hetimi të zgjasë me muaj, qytetarët meritojnë përgjigje profesionale

Published

5 years ago

on

Presidenti i Maqedonisë së Veriut, Stevo Pendarovski ka thënë së deri tani nuk ka të dhëna që tregojnë se rasti tragjik në spitalin modular të Tetovës të jetë shkaktuar qëllimisht. Ai ka thënë se kjo është situata aktuale, derisa konfirmimet dhe të tjera të dhëna do të dalin në ditët në vijim nga Prokuroria.

Presidenti i Maqedonisë së Veriut ka qëndrua sot në Tetovë, në vendin ku mbrëmë është përfshirë nga zjarri, i cili ka lënë të vdekur dhjetëra pacientë që po trajtoheshin për COVID-19 në spitalin modular.

“Prokurori publik më njoftoi se për një deri në dy orë edhe formalisht do të kryhet hetimi, dhe në kohë më të shkurtër të mundshëm pastaj mund të dalin me raportin e tyre. Procedura është se ata japin urdhra deri te institucionet tjera kompetente, nga obduksioni deri te Ministria për Punë të Brendshme. Prokurori më njoftoi gjithashtu se do t’u jepen nga pesë ditë, që secili institucion të përgjigjet varësisht nga kompetencat e tyre, pas këtyre raporteve prokurori do të del me një raport të kompletuar, fillimisht se cili ishte shkaku i zjarrit dhe se vallë pas kësaj eventualisht ka apo jo ndonjë gabim njerëzor”, u shpreh Pendarovski.

Pendsrovski ka theksuar se hetimet nuk duhet të zgjasin dhe se qytetarët meritojnë përgjigje të shpejtë dhe profesionale.

“Nuk mund të lejojmë që hetimi të zgjat me muaj. Publiku maqedonas meriton përgjigje profesionale, të shpejtë dhe thelbësore pa asnjë pauzë në hetim. Me qenë se diçka zvarritet me vite me vite, tek njeriu i thjeshtë ngjall dyshime që ndoshta diçka nuk është e pastër këtu”, ka shtuar ai.

Mbrëmjen e së mërkurës spitali modular i Tetovës ku po trajtoheshin pacientët për COVID-19, u përfshi nga zjarri ku nga kjo ngjarje tragjike mbetën të vdekur dhjetëra persona dhe të tjerë u lënduan.

Autoritet janë duke punuar në identifikimin e viktimave, ndërsa Tetova ka shpallur tre ditë zie për viktimat e këtij rasti tragjik.

Related Topics:
Continue Reading

Lajmet

Dardanët vazhdojnë me intensitet përgatitjet për miqësoret e qershorit

Published

2 hours ago

on

May 28, 2026

By

Kombëtarja e Kosovës ka vazhduar të enjten përgatitjet intensive për ndeshjet miqësore të muajit qershor ndaj Çekisë dhe Andorrës.

Në stërvitjen e dytë nën drejtimin e përzgjedhësit Franco Foda, futbollistët kanë treguar ritëm të lartë, përkushtim dhe energji në ushtrime, ndërsa fokusi kryesor ka qenë puna taktike, organizimi i lojës dhe koordinimi mes repartesh.

Stafi teknik ka punuar veçanërisht në lëvizjet pa top, tranzicionin sulmues dhe pozicionimin mbrojtës, me synimin për të krijuar një skuadër sa më kompakte dhe konkurruese për sfidat e ardhshme.

Atmosfera në kampin “Dardan” është karakterizuar nga serioziteti dhe konkurrenca mes lojtarëve për të fituar besimin e trajnerit para publikimit të formacionit për ndeshjet miqësore.

Megjithatë, jo gjithçka ka kaluar pa probleme për Kosovën. Mbrojtësi Andi Hoti është detyruar ta ndërpresë stërvitjen para kohe për shkak të një shqetësimi në nyje.

Futbollisti pritet t’u nënshtrohet ekzaminimeve të detajuara nga stafi mjekësor i Kombëtares, për të përcaktuar shkallën e lëndimit dhe gatishmërinë e tij për ndeshjet ndaj Çekisë dhe Andorrës.

Këto dy përballje konsiderohen teste të rëndësishme për Kosovën në ndërtimin e skuadrës dhe identitetit të lojës nën drejtimin e Franco Fodës, para sfidave zyrtare të muajve të ardhshëm.

Continue Reading

Lajmet

Kurti propozon themelimin e Xhandarmërisë për forcimin e sigurisë në Kosovë

Published

3 hours ago

on

May 28, 2026

By

Kryeministri në detyrë i Kosovës, Albin Kurti, ka deklaruar se gjendja e sigurisë në vend dhe në nivel global po ndryshon me shpejtësi, duke theksuar se sfidat aktuale kërkojnë qasje të re dhe më të avancuar institucionale.

Në një konferencë për media, Kurti tha se sfidat e sigurisë nuk janë më të njëjta si në të kaluarën, duke përmendur grupe të armatosura, kontrabandën ndërkufitare dhe përdorimin e teknologjive moderne si faktorë rreziku.

Ai theksoi se gjendja e sigurisë në nivel global, rajonal dhe në Kosovë po evoluon me shpejtësi, duke shtuar se ndër sfidat kryesore përfshihen grupet e armatosura me organizim paraushtarak dhe kontrabanda e vazhdueshme me armë dhe mallra përgjatë vijës kufitare.

Kurti përmendi gjithashtu forma të reja kërcënimi që lidhen me teknologjinë dhe infrastrukturën kritike, përfshirë përdorimin e dronëve dhe mbikëqyrjen e terrenit.

Ai vlerësoi punën e Policisë së Kosovës, por tha se mandati i saj ka kufizime në përballjen me rreziqe të nivelit më të lartë, pasi fokusohet kryesisht në rendin publik, parandalimin dhe hetimin e krimit.

Kurti përmendi edhe disa sulme të viteve të fundit në veri të vendit, përfshirë sulmin në Banjskë dhe incidente të tjera ndaj institucioneve të Kosovës, Policisë së Kosovës dhe misioneve ndërkombëtare.

Në këtë kontekst, ai propozoi themelimin e një strukture të re të sigurisë, Xhandarmërisë, e cila sipas tij do të plotësonte boshllëkun mes Policisë së Kosovës dhe Forcës së Sigurisë së Kosovës.

Sipas Kurtit, Xhandarmëria do të kishte mandat të qartë në sigurimin e kufirit tokësor, ujor dhe ajror, operacionet kundër grupeve të armatosura, luftimin e kontrabandës ndërkufitare dhe mbrojtjen e infrastrukturës kritike.

Ai tha se modeli i Xhandarmërisë bazohet në praktikat evropiane, duke përmendur Francën, Italinë, Turqinë, Spanjën dhe Portugalinë si shembuj.

Kurti shtoi se grupi punues për këtë iniciativë është duke i analizuar të gjitha aspektet e formimit të Xhandarmërisë dhe se propozimi pritet të dërgohet në Kuvend pas zgjedhjeve të 7 qershorit.

Themelimi i saj, sipas tij, do të bëhet me ligj të veçantë në Kuvendin e Kosovës.

Continue Reading

Lajmet

Kosova merr nën kontroll stacionin hekurudhor në Zveçan, largohen simbolet cirilike

Published

3 hours ago

on

May 28, 2026

By

Ministri i Punëve të Brendshme në detyrë, Xhelal Sveçla, ka deklaruar në Zveçan se marrja nën kontroll e stacionit hekurudhor nuk ka të bëjë me fushatën zgjedhore, por me zbatimin e ligjit dhe vendosjen e rendit në gjithë territorin e Kosovës.

Me praninë e disa ministrave në detyrë dhe asistimin e Policisë së rajonit të veriut, autoritetet e Kosovës kanë marrë të enjten nën kontroll objektin e stacionit hekurudhor në Zveçan, pranë kompleksit “Trepça”.

Gjatë aksionit është larguar mbishkrimi në alfabetin cirilik dhe është vendosur një tabelë e re në gjuhën shqipe dhe serbe, si dhe flamuri i Kosovës.

I pyetur nga gazetarët nëse aksioni lidhej me fillimin e fushatës zgjedhore, Sveçla e ka mohuar një gjë të tillë, duke thënë se bëhet fjalë për detyrë institucionale për garantimin e rendit dhe ligjit në të gjithë vendin.

Ai ka shtuar se çdo institucion që vlerësohet si “ilegal dhe paralel” do të jetë subjekt i veprimeve të institucioneve kompetente.

Ndërkohë, i pyetur për të ardhmen e stacionit hekurudhor dhe mundësinë e funksionalizimit të tij, Sveçla ka thënë se objekti është pjesë e rrjetit hekurudhor të Kosovës dhe do të përfshihet në projektet për rindërtimin e tij.

Edhe ministri në detyrë i Infrastrukturës, Dimal Basha, ka bërë të ditur se pas Zveçanit, veprime të ngjashme planifikohen edhe në Leposaviq dhe Leshak.

Continue Reading

Lajmet

Sulm me thikë në stacionin e trenit në Winterthur, tre të plagosur

Published

3 hours ago

on

May 28, 2026

By

Tre persona kanë mbetur të plagosur pasi një burrë i ka sulmuar me thikë në një stacion treni në qytetin Winterthur, pranë Cyrihut, ka bërë të ditur policia lokale të enjten.

Sipas policisë, sulmi ka ndodhur rreth orës 06:30, ndërsa i dyshuari, një shtetas zviceran 31-vjeçar, është arrestuar në vendin e ngjarjes. Tre viktimat janë dërguar për trajtim mjekësor në spital dhe ndodhen nën kujdes mjekësor.

Mediat zvicerane raportojnë se një video e publikuar nga gazeta “Blick” tregon një burrë duke dalë me vrap nga stacioni, duke bërtitur një frazë arabe që do të thotë “Zoti është i madh”. Po ashtu, një dëshmitar okular ka thënë se autori mbante thikë dhe se njerëzit përreth janë larguar me panik.

Policia ka njoftuar se motivi i sulmit ende nuk është i qartë dhe po hetohet nga autoritetet kompetente.

Continue Reading

Të kërkuara