Lajmet

​Parlamenti Evropian aprovon Ligjin për shkëmbimin e të dhënave në fusha të ndryshme

Ligji u propozua nga Komisioni Evropian vitin e kaluar.

Published

5 years ago

on

Negaciatorët e Parlamentit Evropian dhe vendet anëtare të Bashkimit Evropian (BE) kanë rënë dakord për një qëndrim të përbashkët mbi të ashtuquajturin “European Data Governance Act” (DGA), me qëllim të promovimit të inovacionit të inteligjencës artificiale. Ligji u propozua nga Komisioni Evropian vitin e kaluar.

Objektivi i Aktit është të promovojë inovacionin në inteligjencën artificiale, mjekësinë dhe lëvizshmërinë përmes përdorimit më të madh të të dhënave, raporton atsh.

Në shëndetësi, për shembull, të dhënat mund të kontribuojnë në një kujdes më të mirë, të mundësojnë trajtime të personalizuara dhe të ndihmojnë në gjetjen e trajtimeve për sëmundje të rralla ose kronike.

Ligji synon gjithashtu të sigurojë që qytetarët të mbajnë kontrollin mbi të dhënat e tyre. Kjo duhet të zbatohet edhe për ata që japin vullnetarisht të dhënat e tyre.

Nënpresidentja e Komisionit Evropian, Margrethe Vestager ka deklaruar se kjo ka të bëjë me krijimin e kushteve të duhura për ndarjen e besueshme të të dhënave në përputhje me vlerat evropiane dhe të drejtat themelore.

“Ne po krijojmë një mjedis të sigurt ku të dhënat mund të ndahen midis sektorëve dhe shteteve anëtare për të mirën e shoqërisë dhe ekonomisë”, theksoi ajo. 

Related Topics:
Continue Reading

Lajmet

Armë, granata dhe municion sekuestrohen në Pejë e Deçan

Published

33 minutes ago

on

September 24, 2026

By

Policia e Kosovës ka raportuar për dy raste të ndara të armëmbajtjes pa leje në Pejë dhe Deçan.

Në Pejë, gjatë kontrollit të një lokacioni më 23 shtator, janë gjetur një armë AK-47, dy mitralozë të lehtë, një pushkë përsëritëse, pesë granata dore, shtatë karikatorë dhe rreth 510 fishekë. Armët dhe municioni janë tërhequr nga njësiti i FSK-së për shkatërrim.

Ndërsa në Deçan, një person është identifikuar pasi në një video-incizim shihet duke shtënë me armë zjarri në ajër. Gjatë kontrollit në shtëpinë e tij është sekuestruar një armë AK-47 me një karikator të zbrazët.

Të dyja rastet janë iniciuar në konsultim me prokurorin dhe mbeten në procedurë hetimore./A.K/

Continue Reading

Lajmet

Aksident fatal në Prizren, humb jetën drejtuesi i motoçikletës

Published

35 minutes ago

on

September 24, 2026

By

Një person ka humbur jetën si pasojë e një aksidenti trafiku mes një veture dhe një motoçiklete në Prizren.

Aksidenti ka ndodhur më 23 shtator rreth orës 18:20. Vdekja e drejtuesit të motoçikletës është konstatuar nga ekipi mjekësor në Spitalin e Prizrenit.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesja e dyshuar e veturës është arrestuar dhe dërguar në mbajtje./A.K/

Continue Reading

Lajmet

Tentim-vrasje në Obiliq, i dyshuari në kërkim policor

Published

38 minutes ago

on

September 24, 2026

By

Një person dyshohet se ka shtënë me armë zjarri në drejtim të një personi tjetër në Obiliq, më 23 shtator rreth orës 18:20.

Sipas Policisë së Kosovës, njësitë policore kanë dalë në vendin e ngjarjes, ku kanë gjetur tri gëzhoja.

Në konsultim me prokurorin, është kontrolluar edhe shtëpia e të dyshuarit, i cili aktualisht ndodhet në kërkim policor.

Rasti është duke u hetuar për veprat penale “Vrasje në tentativë”, “Kanosje” dhe “Armëmbajtje pa leje”./A.K/

Continue Reading

Lajmet

Tre persona arrestohen në Prishtinë për fajde dhe kanosje

Published

45 minutes ago

on

September 24, 2026

By

Tre persona janë arrestuar në Prishtinë nën dyshimin se kanë kryer veprat penale “Fajde” dhe “Kanosje”.

Sipas Policisë së Kosovës, hetimet lidhen me periudhën 2021–2026, ndërsa arrestimi i të dyshuarve është bërë më 23 shtator 2026.

Gjatë kontrolleve në dy lokacione, policia ka sekuestruar tre telefona celularë dhe prova të tjera materiale që do të përdoren në procedurën penale.

Me vendim të prokurorit, të dyshuarit janë dërguar në mbajtje./A.K/

Continue Reading

Të kërkuara