Lajmet

​Pakistan: Forcat e sigurisë lirojnë pengjet e marra nga talibanët

Një zyrtar tha se operacioni kishte përfunduar dhe nuk kishte më rezistencë.

Publikuar

2 vjet më parë

më

Sot, forcat pakistaneze të sigurisë rimorën qendrën antiterroriste në qytetin Banu dhe liruan të gjithë pengjet, dy ditë pasi qendra u kap nga talibanët pakistanezë.

Një zyrtar i forcave pakistaneze të sigurisë tha se operacioni kishte përfunduar dhe nuk kishte më rezistencë.

“Lajmi i mirë është se ne kemi liruar me sukses të gjithë pengjet nga terroristët. “Disa pengje janë lënduar lehtë, por janë mirë”, tha ai.

Forcat e sigurisë dhe ministria e brendshme e Pakistanit nuk ishin të disponueshme për koment, dhe mbeti e paqartë se cili ishte fati i militantëve që pushtuan qendrën antiterroriste.

Më herët sot, forcat pakistaneze rrethuan zonën ushtarake ku ndodhet qendra në qytetin Bannu në veriperëndim të vendit pasi terroristët refuzuan të lirojnë pengjet, u vendos për të përdorur forcën.

Talibanët pakistanezë, të njohur si Tehrik-e-Taliban Pakistan (TTP), kapën një qendër antiterroriste si pjesë e sulmeve të shtuara që filluan pas përfundimit të një armëpushimi me qeverinë pakistaneze.

TTP u themelua për të luftuar shtetin pakistanez dhe për të imponuar pikëpamjen e tij ekstremiste ndaj Islamit, dhe grupi është i lidhur ngushtë me talebanët në Afganistan.

Pakistan: Talibanët e burgosur gjatë marrjes në pyetje u rrëmbyen policëve armët dhe morën peng stafin

Etiketa
Vazhdo të lexosh

Lajmet

Protestuesit izraelitë bllokojnë rrugët duke kërkuar lirimin e robërve

Publikuar

8 minuta më parë

më

26 Qershor, 2024

nga

Aktivistët antiqeveritar izraelitë janë mbledhur pranë sheshit Dizengoff të Tel Avivit dhe kanë bllokuar një kryqëzim të madh pranë Haifës, duke kërkuar nga qeveria të arrijë një marrëveshje për të sjellë në shtëpi robërit izraelitë nga Gaza, raporton faqja e lajmeve Ynet.

Pamjet e postuara në mediat sociale izraelite, shfaqin turmat e protestuesve që mbanin në duar shenja dhe pankarta përmes së cilave bëjnë thirrje për lirimin e robërve.

Për muaj të tërë, protestat antiqeveritare, të mbështetura nga të afërm të shumtë të robërve izraelitë, janë zhvilluar, duke ushtruar presion të jashtëzakonshëm mbi qeverinë e Netanyahut ndërsa lufta në Gaza po zvarritet./UBTNews/

Vazhdo të lexosh

Bota

26 qershori: Dita Ndërkombëtare Kundër Abuzimit të Drogave dhe Trafikimit të Paligjshëm

Publikuar

9 minuta më parë

më

26 Qershor, 2024

nga

26 qershori është “Dita Ndërkombëtare e Luftës Kundër Abuzimit dhe Trafikimit të Drogave”, një datë e caktuar nga Asambleja e Përgjithshme e Kombeve të Bashkuara më 7 dhjetor 1987, me qëllim promovimin e një shoqërie pa drogë.

Sipas Organizatës Botërore të Shëndetësisë (OBSH), mbi 15.3 milionë persona në mbarë botën vuajnë nga probleme të shkaktuara nga përdorimi i narkotikëve. Ndërkohë, të dhënat e Zyrës së Kombeve të Bashkuara për Drogën dhe Krimin (UNODC) tregojnë se rreth 200 milionë persona përdorin drogë të paktën një herë në vit, nga të cilët 25 milionë janë të varur.

Tragjikisht, çdo vit, rreth 200.000 persona humbin jetën nga sëmundje të shkaktuara nga përdorimi i drogave. Kjo ditë shërben si një kujtesë e rëndësishme për nevojën e vazhdueshme për ndërgjegjësim dhe veprim kundër abuzimit dhe trafikimit të drogave./UBTNews/

Vazhdo të lexosh

Bota

Aleatët e NATO-s zgjedhin Mark Rutte si sekretar të përgjithshëm të ardhshëm

Publikuar

24 minuta më parë

më

26 Qershor, 2024

nga

Aleatët e NATO-s zgjodhën këtë të mërkurë kryeministrin holandez, Mark Rutte, si shefin e ardhshëm të NATO-s. Rutte do të pasojë norvegjezin Jens Stoltenberg.

Emërimi i Rutte u bë një formalitet pasi rivali i tij i vetëm për këtë post, presidenti rumun Klaus Iohannis, njoftoi javën e kaluar se ishte larguar nga gara, pasi nuk arriti të fitonte mbështetje. Mandati i Stoltenberg përfundon më 1 tetor.

Pasi deklaroi interesimin e tij për postin vitin e kaluar, Rutte fitoi mbështetje të menjëhershme nga anëtarët kryesorë të aleancës, duke përfshirë Shtetet e Bashkuara, Britaninë, Francën dhe Gjermaninë.

Të tjerët ishin më të rezervuar, veçanërisht vendet e Evropës Lindore, por ata përfundimisht u rreshtuan pas Rutte, një kritik i ashpër i presidentit rus Vladimir Putin dhe një aleat i vendosur i Ukrainës./UBTNews/

Vazhdo të lexosh

Lajmet

Shënohet Dita Ndërkombëtare në Mbështetje të Viktimave të Torturës

Publikuar

41 minuta më parë

më

26 Qershor, 2024

nga

Më 26 Qershor 1987 hyri në fuqi Konventa e OKB-së Kundër Torturës dhe Trajtimeve ose Ndëshkimeve të tjera Mizore, Çnjerëzore ose Degraduese, si një nga instrumentet kryesore në luftën kundër torturës dhe parandalimin e saj.

Në shënimin e kësaj dite, QKRMT edhe njëherë kërkon nga institucionet përgjegjëse ndërmarrjen e masave urgjente për vendosjen dhe trajtimin e kryerësve me çrregullime mendore, pasiqë aktualisht një numër i madh i të paraburgosurve që janë me probleme të shëndetit mendor, në mungesë të institucioneve përkatëse shëndetësore janë të vendosur nëpër Qendrat e Paraburgimit, në kundërshtim me nenin 509 të Kodit të Procedurës Penale si dhe standardet ndërkombëtare.

Andaj QKRMT i bën thirrje Këshillit Gjyqësor të Kosovës, Këshillit Prokurorial të Kosovës, Ministrisë së Drejtësisë, Ministrisë së Shëndetësisë si dhe institucioneve të tjera përgjegjëse që urgjentisht të ndërmarrin masa konkrete për krijimin e kushteve të përshtatshme për vendosjen dhe trajtimin e kryerësve me çrregullime mendore.

Vazhdo të lexosh

Të kërkuara