Sport

​Owen emëron skuadrën favorite për ta fituar Premier Ligën

Sipas tij, Arsenali është favorit për titull.

Publikuar

Në Premier Ligë, derisa janë zhvilluar 24 xhiro, lufta për titull është bërë më interesante se kurrë më parë me Arsenalin dhe Manchester Cityn që po luftojnë kokë më kokë, por aty është edhe Manchester United që po qëndron shumë afër dy liderëve.

Skuadra e Mikel Artetas e mban vendin e parë me 54 pikë dhe ka një ndeshje më pak të zhvilluar, kurse Manchester City pozicionohet i dyti me 52 pikë, të ndjekur nga “Djajtë e Kuq” në vendin e tretë me 49 pikë.

Për këtë luftë të ashpër mes gjigantëve anglezë ka folur ish-sulmuesi i Manchester United, Michael Owen, i cili ka deklaruar se të tri këto skuadra nuk duhet të përjashtohen nga gara për titull, por shton se është Arsenali që po i prin më bindshëm garës dhe si rrjedhojë edhe është favorit për titull.

“Gara për titull është bërë e mahnitshme në Angli. Manchester United nuk duhet të përjashtohert pasi është aty dhe po ecën shumë mirë. Arsenali, edhe pse ka pasur luhatje në ndeshjet e fundit, ata janë në pozitën më të mirë tani. Pra ka një luftë mjaftë të fortë, por po e them prapë që Arsenali është skuadra që ka timonin në dorë”, tha ish-reprezentuesi anglez.

Sport

Konfirmohen negociatat, Mourinho me klub të ri

Publikuar

nga

José Mourinho së shpejti do të rikthehet në stolin e trajnerit. 61-vjeçari është gati të nënshkruajë me klubin më të mirë turk, Besiktas. Hüseyin Yücel, nënkryetar i klubit, konfirmoi se ata kanë zhvilluar një takim tashmë me portugezin.

“Ne u takuam me José Mourinhon në Stamboll një muaj më parë dhe ai ishte i lumtur për ofertën tonë”, ka thënë Yucel.

“Ne kemi sqaruar tashmë kushtet ekonomike dhe do të udhëtojmë në Itali javën e ardhshme për t’u takuar personalisht”, ka shtuar ai.

Mourinho u shkarkua nga Roma në muajin janar. Që atëherë, portugezi ka mbetur pa klub. Megjithatë duket se kjo do të ndryshojë së shpejti. Do të ishte pozicioni i tij i parë si trajner në Turqi.

Vazhdo të lexosh

Sport

Tifozat Kuq e Zi protestojnë ndaj kandidaturës së Shqipërisë me Serbinë për EURO 2027

Publikuar

nga

Tifogrupi i kombëtares së Shqipërisë të njohur me emrin si ‘Tifozat Kuq e Zi’ kanë reaguar ndaj vendimit të Federatës së Futbolit të Shqipërisë për të shpallur kandidaturën e përbashkët me Serbinë për organizimin e Euro 2027 për grupmoshat U21.

Presidenti i FSHF-së, Armando Duka, javë më parë kishte konfirmuar kandidaturën e përbashkët të Shqipërisë me Serbinë për organizimin e Kampionatit Evropian 2027 për grupmoshat U21.

Arsyetimi i të parit të Federatës Shqipëtare të Futbollit ishte se Shqipëria nuk i plotëson kushtet elementare për organizimin e kësaj ngjarje.

Ndër të tjerash, ai kishte thënë se duhet angazhim i madh i dy qeverive të dy vendeve respektive, madje e kishte cilësuar si “lajm të mirë” për të dy popujt fqinj.

Ky njoftim nuk ishte pritur aspak mirë nga tifozët shqiptarë anembanë botës dhe tani “Tifozat Kuq e Zi” kanë ndërmarrë një nismë për të shprehur mllefin e tyre ndaj këtij.

Përmes një videoje të publikuar në rrjetet sociale, shihet se si ‘Tifozat Kuq e Zi’ kanë ngjyrosur me të kuqe rrugët pranë zyrave të FSHF-së, si dhe kanë ngjitur disa fotografi të luftës dhe gjenocidit që ushtria serbe ka ushtruar në popullin e Kosovës.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, thuhet në postimin e tyre në Instagram./UBTNews/

 

View this post on Instagram

 

A post shared by Tifozat Kuq e Zi (@tifozatkuqezi)

Vazhdo të lexosh

Sport

Moment historik, skuadra franceze siguron pjesëmarrjen në Champions për here të parë në histori

Publikuar

nga

Këtë të diel kampionati francez ka mbyllur sezonin 2023/24 duke dhënë edhe verdiktet e fundit të këtij sezoni. Me Monaco-n dhe Brest që i bashkohen PSG-së për një vend në Champions League, ndërsa Lille përmes eliminatoreve do të provojë të futet në garën më të madhe për klube.

Padyshim që surpriza e këtij sezoni ishte Brest, të cilët u pozicionuan në vendin e tretë dhe me këtë ata do të jenë pjesëmarrës në Champions sezonin e ardhshëm.

Një ngjarje historike kjo për skuadrën franceze që feston gjithashtu edhe fitoren e 200-të të të gjitha kohërave në elitën e futbollit francez. Kjo shifër u sigurua pas triumfit të fundit, 0-3 ndaj Toulouse në transfertë./UBTNews/

Vazhdo të lexosh

Sport

Mësohet vendi se ku do të zhvillohet finalja e Kupës së Kosovës në futboll

Publikuar

nga

Finalja e madhe e Kupës së Kosovës në futboll po afron, ku kanë mbetur më pak se një javë deri te zhvillimi i saj.

Të mërkurën e 22 majit Ballkani do të përballet me Prishtinën për trofeun e Kupës së Kosovës, teksa tanimë është mësuar edhe vendi se ku do të luhet ndeshja.

Stadiumi “Rexhep Rexhepi” do të jetë nikoqir i kësaj finaleje mes dy finalistëve, Ballkanit dhe Prishtinës.

Ndeshja pritet të zhvillohet me fillim nga ora 15:00.

Fituesi i Kupës së Kosovës kualifikohet për kompeticionin UEFA Europa League në sezonin e ardhshëm, 2024/2025./UBTNews/

Vazhdo të lexosh

Të kërkuara