Sport

​Osmani zbulon arsyet e shkarkimit të Munishit dhe emrin që mund ta zëvendësojë atë

Osmani zbulon se ka pasur mospajtime ndërmjet aksionarëve brenda klubit.

Published

3 years ago

on

Klubi i futbollit Prishtina është futur edhe njëherë në një krizë si në aspektin financiar ashtu edhe në atë sportiv. Derisa skuadra po kalon nëpër një seri të rezultateve në Superligë, të hënën u shkarkua trajneri Imet Munishi, ndërsa ka dhënë dorëheqje edhe kryetari Hakif Gashi.

Këto zhvillime të jashtëzakonshme, Drejtori Gjeneral i klubit, Arton Osmani i konsideron të kalueshme, por që kanë ndikuar për keq brenda ekipit. Në një intervistë, ai thotë se në zhgënjimin e aksionarëve po ndikojnë edhe faktor të jashtëm, siç janë edhe gabimet e gjyqtarëve në dëm të Prishtinës.

“Nuk ka diçka të jashtëzakonshme, ne një periudhe qetësie, një periudhë te rikuperimit edhe financiar edhe sportiv, ndërkohe kishe zhvillime të cilat nuk janë në kontrollin tonë siç ishte licencimi i Federatës së Futbollit të Kosovës, ose moslicencimin në këtë rast që ndikoi keq, pastaj patëm edhe probleme sportive, rasti me Dukagjinin, rasti me Ballkanin barazimi në minutat e fundit, pakënaqësi me referim. Ato po ndikojnë edhe në entuziazmin e aksionarëve sepse po e shohin që realisht një pjesë e parave që po i japin nuk po i japin rezultatet e pritura dhe jo vetëm për shkak të skuadrës, për shkak të kapaciteteve të ekipit, por edhe për shkak të faktorëve të jashtëm”, theksoi ai

Në lidhje me dorëheqjen e Gashit, Osmani zbulon se ka pasur mospajtime ndërmjet aksionarëve brenda klubit.

“Sa i përket aksionarëve nuk është që është mosmarrëveshje, është më shumë zvarritje. Tashmë ish-kryetarin e kam lutur që të qëndroj të paktën deri në qershor. Ka prezantuar një plan zhvillimore, një plan të reformave edhe të brendshme edhe në raport me jashtë në një afat të zbatimit të caktuar dhe të shkurt. Ndërkohë pati disa zvarritje, pati disa hezitime nga ana e disa aksionarëve për t’i pranuar këto reforma për ta filluar zbatimin e tyre në afat të shpejtë edhe për rrjedhojë dha dorëheqje”, theksoi më tutje ai.

Shkarkimi i Ismet Munishit erdhi si një lajm i papritur, por Osmani thotë se ky vendim erdhi pas diskutimeve të gjata në klub. Ai shton se skuadra nuk po i përgjigjet më urdhrave të trajneri dhe skemave të tij.

“Ai ka qenë vendim i bordit me drejtorin sportiv sepse realisht çështjen e trajneri e kemi diskutuar është diçka që e vendos bordi dhe drejtori sportiv…Ka qenë një konsensus i përgjithshëm që më e mira për të gjithë, duke përfshirë edhe trajnerin do të ishte ndërprerja e bashkëpunimit sepse e kemi parë në disa raste që nuk është përgjigjur ekipi ndaj trajnerit, ndaj strategjive që i ka përgatitur, formës së lojës dhe kanë ardhur në përfundim që opsioni më i mirë është ndërprerja e bashkëpunimit…Ai ka qenë i vetëdijshëm për objektivat edhe çfarë pritet në bazë të kapaciteteve financiare edhe erdhëm në një situatë që gjithnjë e më shumë po i largoheshim objektivave dhe u desh ta merrnim këtë veprim gati, gati në fund”, bëri të ditur Osmani.

Për ta zëvendësuar Munishin, Osmani thotë se në tavolinë janë dy emra, Ramiz Krasniqi dhe Ardian Nuhiu, me ish-trajnerin e Dritës të cilin e konsideron si kandidatin më serioz për stolin bardh e kaltër.

“Kemi pasur diskutime, në disa prej tyre kam marr pjesë edhe unë, natyrisht është konsultuar edhe stafi i klubit, disa prej tyre janë prezent këtu kanë preferenca të ndryshme. Një prej tyre që ka qenë më i zëshëm, që e kemi pjesëtar të klubit për shumë vite ka qenë për Ramiz Krasniqin, është Ardian Nuhiu. Do të thotë këta dy emra janë përmendu pak më shpesh…Sipas pjesës së sportit, sepse i kemi të ndara gjërat, mos të hyjë në territor të tjetër kujt, po, është kandidat serioz”, tha në fund ai.

Pas 25 xhirove, Prishtina pozicionohet në vendin e katër me 32 pikë në tabelën e Superligës së Kosovës.

Related Topics:
Continue Reading

Sport

Arijanet Muriç konfirmon largimin nga Italia: “Nuk do të luaj më për Sassuolon”

Published

4 hours ago

on

May 13, 2026

By

Portieri i Kombëtares së Kosovës, Arijanet Muriç, ka bërë të ditur se aventura e tij në Serie A do të mbyllet këtë verë. Përmes një deklarate të prerë për mediat italiane, Muriç konfirmoi se nuk e ka ndërmend të vazhdojë te Sassuolo sezonin e ardhshëm, duke i dhënë fund huazimit nga skuadra angleze, Ipswich Town.

27-vjeçari, i cili ishte një prej shtyllave kryesore të klubit italian këtë sezon me 32 paraqitje dhe mbi 100 pritje vendimtare, theksoi se vendimi i tij është përfundimtar dhe lidhet me motive personale. “E kam njoftuar klubin se nuk dua të qëndroj pas këtij sezoni.

Me përfundimin e huazimit, mbaron edhe koha ime këtu”, u shpreh portieri kosovar, duke shuar shpresat e Sassuolos për blerjen e kartonit të tij për rreth 10 milionë euro.

Ky njoftim ka shkaktuar habi në opinionin sportiv në Itali, duke pasur parasysh formën e lartë që tregoi Muriç në luftën e skuadrës për mbijetesë. Ish-nxënësi i akademisë së Manchester Cityt, i cili ka pasur një karrierë të pasur në vende si Holanda, Turqia, Spanja dhe Anglia, pritet të rikthehet te Ipswich Town, ku ka kontratë të vlefshme deri në vitin 2028.

Megjithëse destinacioni i tij i ri nuk dihet ende, paraqitjet e tij solide në Serie A pritet të nxisin interesimin e shumë klubeve evropiane gjatë afatit kalimtar të verës.

Continue Reading

Sport

UEFA gjobit Fenerbahçen me 10 milionë euro: Nën llupë kontratat e Mourinhos dhe Akturkoglu

Published

4 hours ago

on

May 13, 2026

By

Shtëpia e futbollit evropian, UEFA, ka ndëshkuar sot zyrtarisht klubin turk Fenerbahçe me një gjobë prej 10 milionë eurosh, pas konstatimit të një sërë parregullsish dhe manipulimesh në operacionet financiare.

Ky vendim erdhi nga departamenti special i UEFA-s për qëndrueshmëri financiare, i cili pas një monitorimi të rreptë të shpenzimeve dhe të ardhurave, gjeti parregullsi në pagat e lojtarëve, tarifat e agjentëve dhe transferimet e fundit.

Në qendër të hetimit ishin artikujt e dyshimtë në kontratat e emrave të mëdhenj si trajneri Jose Mourinho dhe lojtarët Milan Skriniar, Diego Carlos e Kerem Akturkoglu. Vëmendje e veçantë iu kushtua rastit të yllit turk, Kerem Akturkoglu, transferimi i të cilit nga Benfica verën e kaluar nxori në dritë praktika të dyshimta të pagesave.

Akturkoglu, i cili për vite me radhë ishte shtylla e rivalëve të Galatasarayt me një pagë modeste, u transferua te Benfica në vitin 2024, ku pas shkëlqimit të tij dhe eliminimit që i bëri pikërisht Fenerbahçes nga Liga e Kampionëve, u ble menjëherë nga këta të fundit për 22.5 milionë euro.

Edhe pse shifra prej 10 milionë eurosh nuk e kalon rekordin e gjobave të vëna ndaj klubeve si Chelsea apo PSG, ajo konsiderohet një goditje e rëndë për financat e klubit nga Stambolli.

Ky ndëshkim shërben si një paralajmërim i qartë nga UEFA për respektimin e rregullave të “Fair Play-it Financiar”, duke vënë në pah se as emrat e mëdhenj të stolit apo fushës nuk mund t’i mbrojnë klubet nga sanksionet në rast të mashtrimeve me kontratat.

 

Continue Reading

Sport

KFF Dukagjini dhe KFV Prishtina ballafaqohen në kuadër të Kupës së Kosovës

Published

4 hours ago

on

May 13, 2026

By

Sot, me fillim nga ora 17:00, vëmendja e futbollit të vajzave do të përqendrohet në Kampin Nacional të Federatës së Futbollit të Kosovës në Hajvali, ku do të zhvillohet ballafaqimi ndërmjet KFF Dukagjinit dhe KFV Prishtinës.

Kjo ndeshje, e vlefshme për garën e Kupës së Kosovës, pritet të sjellë një rivalitet të lartë sportiv, duke pasur parasysh synimet e të dyja klubeve për të ecur tutje drejt finales së madhe.

Organizatorët kanë njoftuar se hyrja për këtë ngjarje sportive do të jetë falas, duke u bërë thirrje adhuruesve të futbollit dhe mbështetësve të klubeve që të jenë të pranishëm në tribuna për t’i përkrahur vajzat në këtë rrugëtim të rëndësishëm.

 

Continue Reading

Lajmet

Kosova shënon 10-vjetorin e anëtarësimit në FIFA

Published

7 hours ago

on

May 13, 2026

By

Sot futbolli i Kosovës feston një moment historik, 10-vjetorin e pranimit në FIFA, ditën kur Federata e Futbollit e Kosovës u bë anëtarja e 210-të e shtëpisë më të madhe të futbollit botëror.

Ky përvjetor jubilar shënon fundin e një rruge të gjatë plot sakrifca dhe fillimin e një epoke të re, duke kurorëzuar përpjekjet e shumë gjeneratave që e mbajtën gjallë futbollin tonë edhe në kohët më të vështira.

Në këtë ditë të veçantë, FFK ka kujtuar me mirënjohje të thellë kontributin e jashtëzakonshëm të legjendës Fadil Vokrri dhe të gjithë bashkëpunëtorëve që bënë të mundur këtë triumf diplomatik e sportiv.

Një falënderim i veçantë i është drejtuar edhe presidentit të FIFA-s, Gianni Infantino, për mbështetjen dhe miqësinë e vazhdueshme që ka treguar ndaj Kosovës gjatë këtij rrugëtimi njëdekadash.

Sot, pas dhjetë vitesh, institucioni i futbollit është modernizuar, infrastruktura po zhvillohet vazhdimisht, ndërsa ekipet kombëtare dhe klubet tona po e përfaqësojnë me dinjitet shtetin e Kosovës në arenën ndërkombëtare, duke vazhduar përpara me krenari dhe përgjegjësi për të ardhmen e sportit më të popullarizuar në vend.

Continue Reading

Të kërkuara