Lajmet

​Osmani: Gjysmëzgjidhjet në mes Kosovës e Serbisë nuk sjellin paqe afatgjatë

Osmani ka thënë se Serbia duhet të pranojë realitetin e Kosovës së pavarur dhe sovrane.

Published

4 years ago

on

Presidentja Vjosa Osmani ka thënë se dialogu në mes të Kosovës dhe Serbisë duhet të përqendrohet në njohje reciproke dhe se çfarëdo gjysmëzgjidhje midis vendeve nuk do të sjellë paqe afatgjate në rajon.

Nga Sllovenia, Osmani ka thënë se njohja reciproke është e vetmja zgjidhje që sjellë paqen e dëshiruar dhe i afron shtetet me Bashkimin Evropian.

Pas Samitit të Brdo-Brionit, Osmani ka theksuar se Kosova është e përkushtuar për dialog.

“Ka shumë gjëra në të cilat nuk pajtohemi por gjithsesi dialogu midis Kosovës dhe Serbisë duhet të përqendrohet te njohja e ndërsjellë dhe shpresojmë që nëse Serbia angazhohet në mënyrë konstruktive, sa më shpejt që është e mundur të mund të arrijmë një marrëveshje përfundimtare që fokusohet te njohja e ndërsjellë, por çfarëdo gjysmëzgjidhje nuk do të sjellë paqen afatgjatë, njohja e ndërsjellë është e vetmja gjë që sjell paqen aq të dëshiruar në rajon dhe përtej dhe na bën më të afërt me Be-në që është edhe synim i yni”, ka thënë Osmani.

Osmani ka thënë se Serbia duhet të pranojë realitetin e Kosovës së pavarur dhe sovrane.

“Nuk kemi pasur ndonjë bisedë bilaterale, sigurisht që kemi shumë mospajtime me presidentin Vuçiq dhe këto mospajtime janë publike, sepse Serbia ende nuk e pranon realitetin e Kosovës së pavarur dhe sovrane, që është realitet i pakthyeshëm. Besoj fuqimisht që sa më shpejt që Serbia ta kuptojë që ky realitet është i pakthyeshëm, do të jetë më mirë për të, por edhe për gjithë rajonin, paqen dhe stabilitetin afatgjatë”, ka thënë Osmani.

Presidentja Osmani ka folur edhe për procesin e liberalizimit të vizave për Kosovën, për çka ka theksuar edhe njëherë se shteti i ka përmbushur të gjitha kriteret.

Ajo ka thënë se në këtë samit është folur njëzëri që Kosovës duhet t’i hiqet regjimi i vizave.

E para e shtetit ka thënë se aktualisht nuk ka asnjë vend në Bashkimin Evropian që thotë se është kundër liberalizimit të vizave për Kosovën.

“Kemi biseduar me aleatë tanë çekë, pastaj shtete anëtare të caktuara në BE, nuk ka vend në BE aktualisht që na thotë se janë kundër liberalizimit të vizave dhe besoj që e kemi momentumin më të mirë në këto katër vjetët e fundit. Pra momentumi është i shkëlqyeshëm, kemi mbështetjen e vendit nikoqir për këtë takim dhe takimet ministrore kështu e me radhë. Shpresojmë që gjatë tetorit do të ketë takim të grupit punues për viza, për ta shtyrë çështjen përpara dhe pastaj në Samitin e ardhshëm BE-Ballkan Perëndimor që pritet të mbahet pak më vonë pas tetorit. Ajo që është me rëndësi, që gjatë Presidencës Çeke të merret ky vendim, gjatë këtij viti pra”, ka thënë ajo.

Osmani ka thënë se Kosova ka zgjedhur rrugëtimin euroatlantik dhe ka theksuar se këtë vit do të aplikojë për statusin e vendit kandidat.

Ndryshe, sot ka përfunduar samiti i Brdo-Brionit në Slloveni, ku mori pjesë edhe presidentja Vjosa Osmani. Për shkak të mospajtimeve, deklarata e përbashkët e presidentëve të rajonit nuk është miratuar, megjithatë dritë e gjelbër iu dha disa konkluzioneve, mes tyre, liberalizimi i vizave për Kosovën dhe dhënia e statusit kandidat për Bosnjë-Hercegovinën. Ndërkohë, u kërkua nga BE që të ndihmojë Ballkanin Perëndimor për krizën energjetike dhe sigurimin e ushqimit.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

16 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

17 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Lajmet

Vizitë zyrtare e presidentit të Shqipërisë në Kosovë, priten masa të përkohshme në trafik

Published

19 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Nis edicioni i 8-të i “Mitrovica Guitar Days”

Published

19 hours ago

on

June 12, 2026

By

Ka nisur edicioni i tetë i festivalit “Mitrovica Guitar Days”, i cili po sjell në Mitrovicë artistë dhe kitaristë të njohur ndërkombëtarë, koncerte dhe aktivitete të ndryshme artistike që po e pasurojnë jetën kulturore të qytetit.

Festivali është hapur me një performancë nga artistja me renome botërore Carlotta Dalia, e cila ka sjellë një mbrëmje të veçantë me interpretime mbresëlënëse për publikun.

“Mitrovica Guitar Days” vazhdon të afirmohet si një prej festivaleve më të rëndësishme të kitarës në vend, duke krijuar hapësirë për shkëmbim artistik, zhvillim profesional dhe promovim të muzikës.

Ngjarja mbështetet nga Ministria e Kulturës përmes një financimi trevjeçar, me synim zhvillimin dhe qëndrueshmërinë afatgjatë të festivalit. Në koncertin hapës ka marrë pjesë edhe zëvendësministrja Nora Arapi-Krasniqi./A.K/

Continue Reading

Të kërkuara