Lajmet

​Osmani: Duhet të synojmë që Kosovën ta bëjmë pjesë të paketave turistike të Evropës

Presidentja e Kosovës tha se pozita gjeografike e Kosovës krijon një mundësi të jashtëzakonshme për turistët.

Published

on

Sot, në sallën “1 Tetori” në Prishtinë u hap edicioni i dytë i Panairit Ndërkombëtar të Turizmit – Kosova 2023 (KIFT), i cili do të zgjasë deri më 18 mars. Ky panair theks të veçantë ka promovimin e turizmit të Kosovës si dhe të krijojë lidhje më të forta bashkëpunimi me subjekte të ndryshme të turizmit në Ballkan, por edhe në Evropë.

Me rastin e hapjes së panairit, presidentja e Kosovës, Vjosa Osmani u shpreh se Kosova ka potencial turistik. Sipas saj, pozita gjeografike e Kosovës krijon një mundësi të jashtëzakonshme për turistët.

Osmani potencoi synimi është që Kosova ta bëhet pjesë e paketave turistike të Evropës dhe jo vetëm Ballkanit.

“Turizmi kontribuon ndjeshëm në rritjen ekonomike të shtetit, duke qenë se përfshin lëvizjen e njerëzve nga një vend në tjetrin me qëllim të kalimit të kohës së lirë të bizneseve. Sot, turizmi si industri globale krijon vende të shumta të punës dhe të ardhura për qytetarët tanë…Disa nga komunat e Kosovës e kanë pjesë të planeve të zhvillimit të tyre strategjik edhe turizmin, kjo është tejet përfituese jo vetëm për komunat por edhe për secilin biznes e secilën veprimtari që mund të zhvillohet në vend. Kësisoj Kosova po paraqet një nyje lidhëse tejet të rëndësishme ndërmjet vendeve fqinje. Kosova ka potencial të jashtëzakonshëm turistik me bukuritë e saj natyrore dhe Kosova nuk është më pak e bukur se vendet e shumta që ne vizitojmë, ka bukuri të jashtëzakonshme, mjaftojmë t’i mbrojmë ato dhe t’i promovojë si shtet…Shteti ynë dita ditës po konsolidohet në hartën globale me aktivitete kulturore të cilat i kanë kapërcyer kufijtë tanë…Por, ka ende shumë punë për të bërë në sferën e turizmit, në këtë rrafsh digjitalizimi i destinacioneve turistike, i cili është ndër synimet kryesore të institucioneve të Kosovës. Duhet të synojmë që Kosovën ta bëjmë pjesë të paketave turistike të Evropës dhe jo vetëm të Ballkanit”, tha Osmani.

Osmani përmendi edhe festivalet e ndryshme kulturore që organizohen në Kosovë, derisa tha se kanë shndërruar Kosovën në adresë të pakapërcyeshme e që e sipas saj, e kanë ndryshuar imazhin e Kosovës.

Ndërsa, kryetari i Unionit të Turizmit të Kosovës, Baki Hoti u shpreh i lumtur që edhe në Kosovë po mbahet panair ndërkombëtar me përmasa të tilla.

Hoti tha se janë duke punuar që të ketë sa më shumë turistë, që në këtë formë të promovohet sa më shumë Kosova.

“Qëllimi kryesor i joni është që të bëjmë promovimin e turizmit të Kosovës, të bëjmë promovimin e vlerave, traditës tonë. Kemi bërë një përparim të jashtëzakonshëm, kështu duhet të vazhdojmë me qëllim që të kemi një rritje të numrit që vizitojnë Kosovën dhe kjo arrihet falë bashkëpunimit të cilin ne duhet ta kemi jo vetëm si komunitet por së bashku me gjitha institucionet por edhe me partnerët ndërkombëtar, të cilët janë të arsyeshëm dhe duhet të jenë këtu me qëllim që Kosova të përfshihet sa më shumë në paketa ballkanike”, tha Hoti.

Ndërkaq, kryetari i kryeqytetit, Përparim Rama derisa shpreson që ky panair të shërbejë si mundësi që turistët të eksplorojnë më të mirën që ofron Kosova. Ai potencoi se panairi e vë Prishtinën në një kryeqytet të rëndësishëm të komunikimit botëror.

Rama derisa tha se fokusi primar i panairit është promovimi i turizmit të Kosovës, ai potencoi se Kosova është duke përparuar mjaft shumë në këtë drejtim.

“Ky panair e vë Prishtinën në pozicionin ku ne të gjithë e synojmë ta kemi, pra duke u kthyer në një kryeqytet të rëndësishëm të komunikimit jo vetëm rajonal por të një komunikimi botëror. Shpresojmë se ky panair do të shërbejë si mundësi që të eksploroni më të mirën që ofron vendi ynë, rajoni e po ashtu edhe pjesë të tjera të Ballkanit. Ky panair është edhe dëshmi për rëndësinë e shtuar që industria e turizmit ka në rajonin tonë dhe për rolin e madha që ajo luan në zhvillimin ekonomik të gjithë vendit tonë…Fokusi primar i panairit është promovimi i turizmit të Kosovës dhe jemi të kënaqur që shohim shumë kompani nga vende të ndryshme…15:05 Sa më shumë vizitor që të kemi nga pjesë të ndryshme të botës, po e shohim që Kosova ka përparuar shumë, Kosova po përapron”, tha Rama.

Ndriçim Duka, operator nga disa hotele në Shqipëri tha se panairet e tilla duhet të organizohen më shpesh. Sipas tij, ato ndikojnë në zhvillimin e një shteti e po ashtu edhe në tërheqjen e turistëve të huaj.

“Panairet e tilla duhet të bëhen më shpesh për arsyeje se ndihmojnë shumë dhe ndikojnë shumë në zhvillimin e një shteti, poashtu kanë shumë ndikim në tërheqjen e turistit të huaj. Kam përshtypjen se herave të tjera duhet të jenë panaire akoma më të mëdha dhe më me shumë pjesëmarrës, më shumë operator turistik, hotele, shoqata turistike që të japin kontributet e tyre për t’i dhënë sa më shumë…prioritet”, tha Duka.

Edhe Besnik Gashi, operator i një agjencie turistike u shpreh se panairet e tilla janë të rëndësishme për promovimin e turizimit në vend. I njëjti u bëri thirrje institucioneve të punojnë më shumë në këtë drejtim.

“Kjo është njëra ndër mundesitë më të mira për promovimin e turizmit në Kosovë dhe besoj se Kosova ka kapacitetë të mëdha për zhvillimin e turizimit. Por, ju rekomandoj institucioneve tona që të bëjën pak më shumë për turizimin e Kosovë”, tha Gashi.

Në edicionin e dytë të Panairit Ndërkombëtar të Turizmit – Kosova 2023 (KIFT) po marrin pjesë mbi 200 kompani të ndryshme të turizimit me mbi dhjetë shtete. 

Rajoni

Rektori i UBT-së, Prof. Dr. Edmond Hajrizi, mori pjesë si folës në Samitin Botëror të Klimës COP31 në Antalya

Published

on

By

UBT, një nga institucionet kryesore të arsimit të lartë në Kosovë, u përfaqësua në nivel ndërkombëtar në Konferencën e Kombeve të Bashkuara për Ndryshimet Klimatike (COP31), të organizuar në Antalya të Turqisë. Rektori i UBT-së, Prof. Dr. Edmond Hajrizi, mori pjesë si folës në një panel ndërkombëtar të nivelit të lartë, ku u diskutua roli i universiteteve në përballjen me sfidat globale të ndryshimeve klimatike.

Më 18 nëntor 2026, në kuadër të COP31, në Zonën Blu (Blue Zone) në Antalya, u organizua paneli ndërkombëtar me temën: “From Universities to a Global Climate Alliance: Shared Vision and Action for Green Transition” (Nga universitetet drejt një aleance globale për klimën: Vizioni dhe veprimi i përbashkët për transformimin e gjelbër).

Paneli u zhvillua nën moderimin e Rektorit të Universitetit Çanakkale Onsekiz Mart dhe Kryetarit të Këshillit Ndëruniversitar të Turqisë, Prof. Dr. Ramazan Cüneyt Erenoğlu, me pjesëmarrjen e përfaqësuesit të Agjencisë Turke për Bashkëpunim dhe Koordinim (TİKA) dhe rektorëve të universiteteve nga vende të ndryshme.

Vizioni i UBT-së për kampuset inteligjente dhe qytetet rezistente ndaj ndryshimeve klimatike u prezantua në COP31

Në kuadër të panelit, Rektori i UBT-së, Prof. Dr. Edmond Hajrizi, realizoi prezantimin me temën: “From Smart Campuses to Climate-Resilient Cities: The 5S Approach to University Living Labs” (Nga kampuset inteligjente drejt qyteteve rezistente ndaj ndryshimeve klimatike: Qasja 5S për laboratorët e gjallë universitarë).

Prezantimi trajtoi vizionin e UBT-së për zhvillimin e kampuseve inteligjente dhe transformimin e tyre në modele të qëndrueshme, të cilat mund të kontribuojnë në krijimin e qyteteve më rezistente ndaj ndryshimeve klimatike.

Në kuadër të konceptit: “UBT Smart City: Integrating Education, Research, Emerging Technologies and Climate Action” (UBT Smart City: Integrimi i arsimit, kërkimit shkencor, teknologjive të reja dhe veprimit klimatik), u theksua rëndësia e ndërthurjes së arsimit, kërkimit shkencor, inovacionit teknologjik dhe veprimeve konkrete klimatike në një model të integruar të zhvillimit të qëndrueshëm.

Qasja UBT Smart City mbështetet në konceptin se kampuset universitare nuk duhet të shërbejnë vetëm si qendra të arsimit dhe kërkimit shkencor, por edhe si laboratorë të gjallë (Living Labs), ku teknologjitë e qëndrueshme mund të zhvillohen, testohen dhe të shndërrohen në zgjidhje praktike për shoqërinë.

Bashkëpunimi me TİKA-n dhe Universitetin Çanakkale Onsekiz Mart në fushën e transformimit të gjelbër

Përfaqësimi i UBT-së në COP31 ka një rëndësi të veçantë edhe në kontekstin e vazhdimësisë së bashkëpunimeve akademike ndërkombëtare të universitetit.

Në vitin 2024, UBT dhe Universiteti Çanakkale Onsekiz Mart nënshkruan një marrëveshje bashkëpunimi akademik, e cila krijoi bazën për zhvillimin e iniciativave të përbashkëta në fushën e arsimit, shkencës dhe qëndrueshmërisë.

Në vazhdim të këtij bashkëpunimi, me mbështetjen e Agjencisë Turke për Bashkëpunim dhe Koordinim (TİKA), në UBT u realizua Projekti i Transformimit të Gjelbër.

Projekti u zhvillua në bashkëpunim me Koordinimin e Transformimit të Gjelbër të Universitetit Çanakkale Onsekiz Mart, me pjesëmarrjen e rreth 30 studentëve të UBT-së.

Në kuadër të projektit, synimi kryesor ishte zhvillimi i njohurive dhe aftësive të të rinjve në fushën e transformimit të gjelbër, zhvillimit të qëndrueshëm dhe përgjegjësisë mjedisore.

Ky bashkëpunim përfaqëson një shembull konkret të mënyrës se si njohuritë shkencore dhe partneritetet ndërkombëtare mund të shndërrohen në aktivitete edukative dhe programe për ngritjen e kapaciteteve njerëzore.

UBT vazhdon të zhvillojë aktivitete në fushën e qëndrueshmërisë, jo vetëm përmes konceptit të kampuseve inteligjente, por edhe përmes kërkimeve shkencore dhe zhvillimit të teknologjive inovative mjedisore.

Pjesëmarrja e universitetit në renditjen ndërkombëtare UI GreenMetric World University Rankings pasqyron angazhimin institucional për vlerësimin dhe përmirësimin e performancës në fushën e qëndrueshmërisë mjedisore dhe menaxhimit të kampuseve universitare.

 

Gjithashtu, UBT ka zhvilluar projekte kërkimore në fushën e teknologjive mjedisore, përfshirë projektin që synon prodhimin e karbonit aktiv nga mbetjet bujqësore dhe përdorimin e tij për largimin e ndotësve nga ujërat e ndotura.

Kjo iniciativë shkencore përfaqëson një shembull të rëndësishëm të orientimit të universitetit drejt ekonomisë qarkore, shfrytëzimit të qëndrueshëm të burimeve natyrore dhe zhvillimit të teknologjive miqësore me mjedisin.

Një hap i rëndësishëm drejt forcimit të bashkëpunimit akademik ndërkombëtar

Gjatë panelit ndërkombëtar në kuadër të COP31 u diskutuan përgjegjësitë që universitetet mund të marrin në përballjen me ndryshimet klimatike, transferimin e teknologjive të gjelbra, diplomacinë shkencore dhe zhvillimin e projekteve të përbashkëta ndërkombëtare.

Pjesëmarrja e Rektorit të UBT-së, Prof. Dr. Edmond Hajrizi, si folës në këtë panel ndërkombëtar përfaqëson një mundësi të rëndësishme për promovimin e vizionit të universitetit në fushën e qëndrueshmërisë, teknologjive inovative dhe bashkëpunimit shkencor në një platformë globale.

Përmes këtij përfaqësimi, UBT dëshmon përkushtimin e tij për të kontribuar në diskutimet ndërkombëtare mbi sfidat klimatike dhe për të forcuar lidhjet ndërmjet arsimit të lartë, kërkimit shkencor, inovacionit dhe zhvillimit të qëndrueshëm.

UBT mbetet i përkushtuar ndaj integrimit të arsimit, shkencës, teknologjisë dhe bashkëpunimit ndërkombëtar, me synimin për të kontribuar në ndërtimin e një të ardhmeje më të gjelbër, më të qëndrueshme dhe më rezistente ndaj ndryshimeve klimatike.

 

Continue Reading

Lajmet

UBT bëhet Qendër e Autorizuar e Testimit Pearson VUE, duke ofruar qasje në certifikime ndërkombëtare nga Microsoft, AWS, Google, Cisco, PMI dhe kompani të tjera globale

Published

on

By

UBT ka shënuar një tjetër arritje të rëndësishme në zgjerimin e shërbimeve profesionale dhe ndërkombëtarizimin e arsimit, duke u bërë zyrtarisht Qendër e Autorizuar e Testimit Pearson VUE (Pearson VUE Authorized Test Center).

Përmes këtij autorizimi, UBT bëhet pjesë e rrjetit ndërkombëtar të qendrave të testimit Pearson VUE, një nga ofruesit kryesorë globalë të shërbimeve të testimit dhe certifikimit profesional.

Ky zhvillim u mundëson studentëve, profesionistëve, institucioneve dhe kompanive në Kosovë qasje në provime për certifikime profesionale ndërkombëtare, duke reduktuar nevojën për të udhëtuar jashtë vendit për certifikime të caktuara.

Mbi 90 organizata dhe programe ndërkombëtare të certifikimit

UBT ka marrë autorizimin për administrimin e provimeve për më shumë se 90 organizata dhe programe ndërkombëtare, përfshirë disa nga emrat më të njohur në industrinë globale të teknologjisë, menaxhimit dhe zhvillimit profesional.

Ndër organizatat dhe programet për të cilat UBT është autorizuar të ofrojë shërbime testimi përfshihen:

  • Microsoft – certifikime në teknologjitë dhe platformat Microsoft.
  • Amazon Web Services (AWS) – certifikime në teknologjitë cloud.
  • Google Cloud – certifikime në infrastrukturën dhe shërbimet cloud.
  • Cisco – certifikime në rrjete kompjuterike dhe teknologji informacioni.
  • Project Management Institute (PMI) – certifikime ndërkombëtare në menaxhimin e projekteve.
  • CompTIA – certifikime profesionale në teknologji informative dhe siguri kibernetike.
  • Oracle dhe IBM – certifikime në teknologji dhe sisteme ndërmarrjesh.
  • Fortinet, EC-Council dhe GIAC – certifikime në siguri kibernetike.
  • Salesforce, ServiceNow dhe Snowflake – certifikime në platforma dhe teknologji të avancuara.
  • Autodesk – certifikime në projektim dhe teknologji inxhinierike.
  • Linux Professional Institute (LPI) – certifikime në sistemet Linux.

Autorizimi përfshin gjithashtu organizata dhe programe të tjera nga fushat e financave, menaxhimit të rrezikut, shëndetësisë, privatësisë së të dhënave dhe administrimit profesional.

Mundësi të reja për studentët dhe profesionistët në Kosovë

Hapja e kësaj qendre përfaqëson një hap të rëndësishëm në krijimin e mundësive për zhvillim profesional dhe avancim në karrierë.

Certifikimet profesionale ndërkombëtare janë gjithnjë e më të rëndësishme në tregun global të punës, veçanërisht në sektorët e teknologjisë informative, sigurisë kibernetike, menaxhimit të projekteve, inxhinierisë dhe biznesit.

Përmes Qendrës së Autorizuar të Testimit Pearson VUE, UBT synon të mbështesë zhvillimin e kompetencave profesionale dhe të kontribuojë në rritjen e konkurrueshmërisë së fuqisë punëtore në Kosovë dhe më gjerë.

UBT vazhdon zgjerimin e shërbimeve profesionale dhe certifikuese

Ky autorizim është pjesë e strategjisë së UBT-së për të ndërlidhur arsimin akademik me kërkesat e industrisë dhe standardet ndërkombëtare të kompetencave profesionale.

Duke integruar programet akademike, trajnimet profesionale dhe certifikimet ndërkombëtare, UBT vazhdon të fuqizojë rolin e tij si institucion i arsimit të lartë dhe qendër për zhvillim profesional, inovacion dhe teknologji.

Përmes bashkëpunimit me Pearson VUE, UBT zgjeron mundësitë që studentët dhe profesionistët në Kosovë të dëshmojnë njohuritë dhe kompetencat e tyre përmes certifikimeve të njohura ndërkombëtarisht.

Informata dhe regjistrimi

Kandidatët e interesuar për provime certifikuese mund të informohen për programet, kushtet dhe procedurat e regjistrimit përmes platformës zyrtare të Pearson VUE:

https://home.pearsonvue.com/Test-takers.aspx

Disponueshmëria e provimeve varet nga programi përkatës i certifikimit dhe terminet e ofruara nga qendra.

Continue Reading

Vendi

Marta Kos kërkon falje për incidentin me këngën nacionaliste serbe

Published

on

Incidenti me interpretimin e melodisë së këngës nacionaliste serbe në një aktivitet të organizuar nga Komisioni Evropian në Bruksel është diskutuar edhe në Senatin e Belgjikës, ku komisionerja për Zgjerim e BE-së, Marta Kos, ka shprehur sërish keqardhje për atë që ndodhi.

Ajo është pyetur për këtë çështje nga senatori belg Michel De Maegd, ish-gazetar që në të kaluarën ka raportuar edhe nga Kosova.

Gjatë debatit, De Maegd ka kujtuar përvojën e tij si gazetar në Kosovë, ku tha se kishte parë nga afër pasojat e regjimit të Sllobodan Millosheviqit, përfshirë pastrimin etnik, kampet e refugjatëve dhe krimet ndaj civilëve, si dhe hyrjen e forcave çlirimtare në Prishtinë dhe arritjen e shtetësisë së Kosovës.

Ai e ka cilësuar si të dëmshëm interpretimin e këngës “Oj Kosovo, Kosovo” gjatë hapjes së Forumit të Zgjerimit të BE-së, duke theksuar se ajo përmban pretendime territoriale serbe ndaj Kosovës.

Senatori ka kërkuar sqarime se si ishte lejuar një përzgjedhje e tillë pa miratimin e shërbimeve evropiane, duke pasur parasysh historinë e Kosovës. Ai gjithashtu ka kërkuar që institucionet evropiane të ndërmarrin hapa për të parandaluar përsëritjen e rasteve të tilla dhe të dërgojnë një sinjal mbështetjeje për Kosovën, e cila nuk ishte e përfaqësuar në forum.

Në përgjigjen e saj, Kos ka përsëritur keqardhjen për incidentin, duke shpjeguar se Komisioni Evropian i kishte dhënë grupit muzikor udhëzime për programin, por nuk kishte miratuar individualisht secilën këngë.

“Kur është fjala për pjesën muzikore, siç e thashë, ne i dhamë grupit muzikor udhëzime se çfarë donim, por nuk e miratuam secilën këngë në mënyrë individuale. Më vjen shumë keq që ndodhi kjo, sepse Kosova e meriton gjithë mbështetjen tonë dhe do ta ketë atë mbështetje”, ka deklaruar ajo.

Komisionerja ka bërë të ditur se për këtë çështje ka biseduar edhe me kryeministrin e Kosovës, Albin Kurti, të cilit i ka shprehur keqardhje për atë që ndodhi.

“Unë isha në kontakt edhe me kryeministrin dhe i shpreha keqardhjen, duke thënë se kjo nuk është dashur të kishte ndodhur. Pra, Komisioni Evropian dhe unë personalisht jemi qartë të zotuar se do ta mbështesim Kosovën tutje”, ka thënë Kos.

Pavarësisht sqarimeve dhe kërkimfaljeve nga muzikanti slloven që interpretoi këngën, incidenti vazhdon të diskutohet mes diplomatëve dhe përfaqësuesve politikë evropianë./A.K/

Continue Reading

Lajmet

Kuvendi mblidhet nesër, rishqyrtohet Ligji për Specialen

Published

on

By

Kuvendi i Kosovës do të mbajë nesër dy seanca plenare, duke nisur në orën 10:00 me vazhdimin e punimeve të mbetura në gjysmë të premten e kaluar, ndërsa në orën 11:00 është caktuar të fillojë një seancë e re.

Gjatë vazhdimit të seancës së parë, ligjvënësit do të trajtojnë tri çështje të rëndësishme që kanë mbetur pa u përmbyllur. Fillimisht, deputetët pritet të hedhin në votim Propozim-Rezolutën e dalë nga interpelanca me ministrin e Shëndetësisë, Arben Vitia, e cila lidhet me mungesën e barnave onkologjike dhe rastin e vdekjes së pacientes me kancer të gjirit që kishte mbetur katër muaj pa terapi.

Më pas, në rend dite është votimi i Propozim-Rezolutës nga mocioni përmbajtjesor mbi gjendjen në sektorin energjetik, duke përfshirë planifikimin, çmimin dhe furnizimin me energji elektrike në vend.

Pika e fundit dhe më e ndjeshme e këtij vazhdimi do të jetë rishqyrtimi i Ligjit nr. 11/L-001 për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i cili është rikthyer në Kuvend nga Presidentja e Republikës së Kosovës. Pas përfundimit të këtyre pikave, Kuvendi do të vijojë me agjendën e seancës së re të paraparë për në orën 11:00. /E.A/

Continue Reading

Të kërkuara