Lajmet

​Osmani: Burrat dhe gratë e FSK-së nderuan edhe një herë uniformën në Turqi

Ajo ka thënë se FSK po lëviz me shpejtësi drejt zhvillimit të aftësive të specializuara.

Published

3 years ago

on

Komandantja supreme e Forcës së Sigurisë së Kosovës, Vjosa Osmani ka deklaruar sot se burrat dhe gratë e FSK-së kanë nderuar edhe një herë uniformën gjatë misionit në Turqi. Ajo ka thënë se FSK po lëviz me shpejtësi drejt zhvillimit të aftësive të specializuara. Në përmbylljen e ushtrimit ndërkombëtar të kërkim-shpëtimit “Kosova Resolve 2023”, presidentja e vendit është shprehur se po shënohet një moment historik për Kosovën dhe komandën e gardës kombëtare. Ndërkaq, ministri i Mbrojtjes, Armend Mehaj ka theksuar se është i fokusuar në ndërtimin e kapaciteteve luftarake për mbrojtjen e sovranitetit të vendit.

Në përmbylljen ditës së pestë të këtij ushtrimi, Osmani ka thënë se Qendra Ndërkombëtare e Trajnimit të Kërkim-Shpëtimit po bën përparime të mëdha në nivel ndërkombëtar.

“Unë qëndroj para jush e impresionuar dhe me krenari absolute për punën e shkëlqyer që ka kryer ekipi ynë i kërkim-shpëtimit së bashku me kombet partnere, pra, kjo është një ditë e madhe me të vërtetë. Qendra Ndërkombëtare e Trajnimit të Kërkimit dhe Shpëtimit të Kosovës vazhdon të bëjë përparime të mëdha brenda Kosovës në nivel ndërkombëtar, Forca e Sigurisë së Kosovës dhe Qendra Ndërkombëtare po lëvizin me shpejtësi drejt zhvillimit të aftësive të specializuara, ne jemi të bindur se do të kontribuojnë gjithnjë e më shumë në përpjekjet ndërkombëtare për paqen dhe sigurinë ndërsa ne vazhdojmë të ecim në rrugën drejt anëtarësimit në NATO. Pra, sot shënojmë një tjetër moment historik për Kosovën”, ka thënë Osmani.

Presidentja Osmani ka potencuar se ky ushtrim ndërkombëtar është realizuar në bashkëpunim me Asociacionin Evropian të ekipeve vullnetare të mbrojtjes civile “Evolsar”.

Më tej, komandantja supreme e FSK-së ka shtuar se kjo ngjarje ka mbledhur ekipe kombëtare dhe ndërkombëtare nga shumë vende të botës.

“Kjo ngjarje mblodhi së bashku 60 personel nga ekipet kombëtare dhe ndërkombëtare të kërkim-shpëtimit nga Hungaria, Italia, Malta, Irlanda e Veriut, Portugalia, Turqia dhe Mbretëria e Bashkuar, të cilët gjatë gjithë trajnimit të këtij ushtrimi demonstruan ekspertizë profesionale në aftësitë dhe shkathtësitë kritike të kërkim-shpëtimit, ndërsa ndajmë njohuritë dhe praktikat më të mira për të siguruar ndërveprimin aktual dhe të ardhshëm të ekipit të kërkimit dhe shpëtimit në vend dhe kudo në mbarë globin, mund të kërkohet nga ne që të përgjigjemi. Siç treguan ngjarjet tragjike të fundit në Turqi… roli i kërkim-shpëtimit është i paçmueshëm dhe figurativisht dhe jetëshpëtues”, ka thënë ajo.

Derisa ka folur për kontributin e ushtarëve të FSK-së në misionin e kërkim-shpëtimit në Turqi, Osmani është shprehur se të njëjtit kanë nderuar uniformën dhe kombin që i shërbejnë.

“Shumë nga anëtarët e ekipit të kërkim-shpëtimit këtu sot dhe ata të Forcave të Sigurisë së Kosovës që ishin në Turqi për atë qëllim dhe mision, na kanë bërë të gjithëve krenarë për përpjekjet e tyre. Lutjet tona mbeten me të gjitha viktimat dhe të mbijetuarit në Turqi. Gjeneral brigade Haziri, nën udhëheqjen tuaj dhe me zinxhirin tuaj komandues, burrat dhe gratë e Forcës sonë të Sigurisë kanë nderuar edhe një herë uniformën që mbajnë dhe kombin, të cilit i shërbejnë. Për burrat dhe gratë e “EVOLSAR” dhe vendeve të ndryshme që dërgojnë ekipe këtu kemi besim se nëse na kërkohet të takohemi përsëri në terren, secili prej jush do të gjejë të zhdukurit dhe do të shpëtojë të mbijetuarit së bashku me ne si një ekip i vërtetë Ndërkombëtar i Kërkim-Shpëtimit. Shpresojmë që nuk do të ndodhë, por nëse ndodhë, ne mundemi dhe do ta bëjmë”, ka theksuar ajo.

Edhe ministri i Mbrojtjes, Armend Mehaj është shprehur se FSK përmes kësaj stërvitjeje ka dëshmuar përvojën dhe njohuritë e marra nga partnerët.

Sipas tij, ky ushtrim ndërkombëtar ka rol të rëndësishëm për Gardën Kombëtare dhe gjithë vendin.

“Forcat e Sigurisë së Kosovës, përmes kësaj stërvitjeje dhe shumë aktiviteteve të tjera që po i zhvillojmë çdo ditë e më shumë me partnerët tanë, dëshmuan se janë një forcë jo vetëm me përvojë dhe njohuri të marra ndër vite nga partnerët tanë, po jep rezultate duke treguar kontributin, mënyrën më të mirë të përfitimit të qytetarit apo vendit dhe funksionit për rritjen e ndërveprimit me partnerët tanë. Kosova po bëhet eksportues i paqes dhe sigurisë, eksportues i mbështetjes humanitare, duke dhënë kontribut aktiv në përpjekjet ndërkombëtare për mjedisin e sigurisë edhe në nivel global. Kjo u dëshmua gjatë operacionit të fundit të kërkim-shpëtimit që njësitet e Forcës së Sigurisë së Kosovës po bënin pas pasojave të tërmetit në Turqi, ne ishim ndër vendet e para që u përgjigjëm”, ka deklaruar Mehaj.

Ministri Mehaj ka theksuar se është i fokusuar në mbështetjen e FSK-së por edhe në ndërtimin e kapaciteteve luftarake, për mbrojtjen e sovranitetit.

“Si ministër i mbrojtjes, jam plotësisht i fokusuar në mbështetjen e vazhdueshme të Forcës së Sigurisë së Kosovës në mbajtjen dhe mbështetjen ndaj autoriteteve civile, por edhe në ndërtimin e kapaciteteve luftarake, për të mbrojtur sovranitetin tonë dhe mbrojtjen territoriale të vendit tonë. Këto dy fusha fokusi janë edhe një nga objektivat kryesore”, ka përfunduar ai.

Related Topics:
Continue Reading

Lajmet

Rasti i 53 milionë eurove, Lekaj dhe të tjerët në gjykatë

Published

25 minutes ago

on

November 17, 2025

By

Në Gjykatën Themelore në Prishtinë është duke u mbajtur seanca e radhës e rigjykimit në rastin e njohur si “53-milionëshi” ndaj të akuzuarve Pal Lekaj, Eset Berisha, Nebih Shatri dhe Besim Tahiri, të akuzuar për keqpërdorim të detyrës lidhur me autostradën “Arbën Xhaferi”.

Sot do të jap dëshminë e tij si dëshmitar Lutfi Zharku.

Gjykata Themelore në Prishtinë më 31 janar 2024 i shpalli fajtorë dhe i dënoi me 10 vjet e 3 muaj burgim (së bashku): Pal Lekajn, Eset Berishën, Nebih Shatrin dhe Besim Tahirin për rastin e njohur si “53-milionëshi”.

Sipas aktgjykimit të Themelores, Pal Lekaj u dënua me 3 vite e 8 muaj burgim efektiv. Ndaj tij, gjykata shpalli edhe dënim plotësues, ndalimi i ushtrimit të funksionit publik në administratë publike ose në shërbimin publik në kohëzgjatje prej 3 vite e 6 muaj.

Nebih Shatri u dënua me 1 vit e 8 muaj burgim, kurse Besim Tahiri u dënua me 1 vit e 8 muaj burgim. Ndaj tyre u shpall edhe dënim plotësues, ndalim i ushtrimit të funksionit publik në administratë publike ose në shërbimin publik në kohëzgjatje prej 2 vitesh. Ndërsa, Eset Berisha u dënua me 3 vite e 3 muaj burgim.

Po ashtu, ndaj Berishës u shpall edhe dënimi plotësues ndalimi i ushtrimit të funksionit publik në administratë publike ose në shërbimin publik në kohëzgjatje prej 3 vitesh.

Por, Gjykata e Apelit e ka kthyer në rigjykim rastin ndaj Pal Lekajt, Eset Berishës, Nebih Shatrit dhe Besim Tahirit,

Sipas aktakuzës së ngritur më 4 shkurt 2022 nga Prokuroria Speciale e Republikës së Kosovës, Pal Lekaj, në cilësinë e ministrit të Ministrisë së Infrastrukturës (MI), Eset Berisha, këshilltar i lartë politik i tij, Nebih Shatri, si sekretar  i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri, drejtor i Prokurimit Publik në MI, akuzohen për keqpërdorim të detyrës zyrtare me rastin e ndarjes së 53 milionë eurove për konsorciumin “Bechtel &Enka”, për ndërtimin e autostradës Prishtinë – Hani i Elezit apo e njohur ndryshe si autostrada “Arbën Xhaferi”./EO

Continue Reading

Lajmet

Zyra e presidentës sqaron deklaratën e Osmanit: Është menduar për rastet dhe jo për numrin e bandave

Published

42 minutes ago

on

November 17, 2025

By

Presidentja e Kosovës, Vjosa Osmani, në një intervistë për Politico në Berlin ka folur për shumë çështje, në mesin e tyre edhe luftimin e krimit të organizuar dhe korrupsionit.

Osmani gjatë intervistës tha se Kosova ka çmontuar mbi 900 banda kriminale, teksa zyra e presidentës përmes një reagimi sqaroi se në fakt ishte fjala për raste dhe jo për banda kriminale.

“Në fakt, është menduar për raste e jo për numër bandash.Siç e dini, disa banda serbe të veriut kanë qenë të involvuara në qindra raste të veprave penale.Në asnjë moment Presidentja nuk e ka paraqitur Kosovën si vend të krimit, por si vend të rendit e ligjit dhe si vend ku respektohen në vazhdimësi vlerat evropiane të të drejtave të njeriut dhe sundimit të ligjit“, thuhet në komunikatën nga zyra e presidentës.

Osmani ka thënë se pret mbështetjen e Gjermanisë për Kosovën edhe në të ardhmen, duke përmendur aplikimin për anëtarësim në Këshillin e Evropës.

“Nëse Gjermania merre një rol udhëheqës, unë mendoj se mund të ndodhë sikurse ka ndodhur në çdo proces të mirë që ka nisur deri më tani”, ka thënë Osmani./KP

Continue Reading

Lajmet

Shqipëria hap të gjithë kapitujt e negociatave me Bashkimin Evropian

Published

1 hour ago

on

November 17, 2025

By

Shqipëria dhe Bashkimi Evropian do të mbajnë sot në Bruksel Konferencën e 7-të Ndërqeveritare.

Takimi do të shërbejë për të hapur negociatat me Shqipërinë mbi grup-kapitullin 5 “Burimet, bujqësia dhe kohezioni”, duke përfshirë Kapitullin 11 (bujqësia dhe zhvillimi rural), 12 (siguria ushqimore, veterinaria dhe fitosanitaria), 13 (peshkimi dhe akuakultura), 22 (politika rajonale dhe koordinimi i instrumenteve strukturore) dhe 33 (dispozitat financiare dhe buxhetore), shkruan ATSH.

Ky është grup-kapitulli i fundit i negociatave që vendi ynë hap me bashkimin Evropian në rrugëtimin drejt anëtarësimit në BE.

Konferenca e 1-rë Ndërqeveritare Shqipëri-BE

Më 19 korrik 2022 u mbajt Konferenca e parë Ndërqeveritare Shqipëri-BE, që shënoi zyrtarisht hapjen e negociatave me Shqipërinë.

Kjo Konferencë vjen pas një vendimi të Këshillit të ministrave të çështjeve Evropiane më 25 mars 2020 për të hapur negociatat e pranimit, i cili u miratua nga anëtarët e Këshillit Evropian më 26 mars 2020, si dhe miratimit nga Këshilli më 18 korrik 2022 të Kornizës Negociuese për negociatat me Shqipërinë, në përputhje me metodologjinë e rishikuar të zgjerimit.

Konferenca e 2-të Ndërqeveritare Shqipëri-BE

Më 15 tetor 2024 u mbajt Konferenca e dytë Ndërqeveritare Shqipëri-BE.

Takimi shërbeu për të hapur negociatat me Shqipërinë mbi Grup-kapitullin 1: Themeloret, duke përfshirë fushat dhe kapitujt negociues: Funksionimi i institucioneve demokratike; Reforma e administratës publike; Kapitulli 23 – Gjyqësori dhe të drejtat themelore; Kapitulli 24 – Drejtësia, liria dhe siguria.

Kriteret ekonomike: Kapitulli 5 – Prokurimi publik; Kapitulli 18 – Statistikat; Kapitulli 32 – Kontrolli financiar.

Konferenca e 3-të Ndërqeveritare Shqipëri-BE

Më 17 dhjetor 2024 u mbajt Konferenca e tretë Ndërqeveritare Shqipëri-BE.

Takimi shërbeu për të hapur negociatat me Shqipërinë mbi Grup-kapitullin VI: Marrëdhëniet e Jashtme, duke përfshirë kapitujt negociues: Kapitulli 30 – Marrëdhëniet e Jashtme; Kapitulli 31 – Politika e Jashtme, e Sigurisë dhe e Mbrojtjes.

Konferenca e 4-t Ndërqeveritare Shqipëri-BE

Më 14 prill 2025 u mbajt Konferenca e katërt Ndërqeveritare. Takimi shërbeu për të hapur negociatat me Shqipërinë mbi Grup-kapitullin II: Tregu i brendshëm, duke përfshirë kapitujt negociues: Kapitulli 1 – Lëvizja e lirë e mallrave, Kapitulli 2 – Liria e lëvizjes së punëtorëve, Kapitulli 3 – E drejta e themelimit dhe liria për të ofruar shërbime, Kapitulli 4 – Lëvizja e lirë e kapitalit, Kapitulli 6 – E drejta e shoqërive tregtare, Kapitulli 7 – E drejta e pronësisë intelektuale, Kapitulli 8 – Politika e konkurrencës, Kapitulli 9 – Shërbimet financiare, Kapitulli 28 – Mbrojtja e konsumatorit dhe shëndetit.

Konferenca e 5-të Ndërqeveritare Shqipëri-BE

Më 22 maj 2025 u mbajt në Bruksel Konferenca e pestë Ndërqeveritare për anëtarësimin e Shqipërisë në Bashkimin Evropian.

Kjo konferencë shërbeu për të hapur negociatat me Shqipërinë mbi grup-kapitullin III: Konkurrueshmëria dhe rritja gjithëpërfshirëse. Në këtë grup-kapitull përfshihen: Kapitulli 10 – Transformimi digjital dhe media; Kapitulli 16 – Taksat; Kapitulli 17 – Politika ekonomike dhe monetare; Kapitulli 19 – Politika sociale dhe punësimi; Kapitulli 20 – Politika për ndërmarrjet dhe industrinë; Kapitulli 25 – Shkenca dhe kërkimi; Kapitulli 26 – Arsimi dhe kultura; Kapitulli 29 – Bashkimi doganor.

Konferenca e 6-të Ndërqeveritare Shqipëri-BE

Më 16 shtator 2025 u mbajt Konferenca e gjashtë Ndërqeveritare Shqipëri-BE që iu kushtua grup-kapitullit IV: Agjenda e Gjelbër dhe Ndërlidhja e Qëndrueshme, i cili përmban fusha me rëndësi të posaçme për ekonominë dhe biznesin.

Kapitujt përfshinin: politikat e transportit (Kapitulli 14), energjia (Kapitulli 15), rrjetet trans-europiane (Kapitulli 21), mjedisi dhe klima (Kapitulli 27), të cilat prekin drejtpërdrejt jetën e përditshme të qytetarëve dhe janë faktor transformimi për zhvillimin afatgjatë të vendit./KP

Continue Reading

Lajmet

Partia Demokratike e Kosovës sot zgjedh kryetarin e ri

Published

2 hours ago

on

November 17, 2025

By

Partia Demokratike e Kosovës (PDK)sot do të mbajë Konventën e Përgjithshme, në të cilën do të zgjidhet kryetari i ri i kësaj partie, meqenëse me 12 nëntor në një konferencë për media, Memli Krasniqi kumtoi lajmin se ka dhënë dorëheqje nga drejtimi i këtij subjekti politik.

“Sot, pas shumë kohe reflektimi, ka ardhur momenti i duhur, prandaj sot kam vendosur të jap dorëheqje nga pozita e kryetarit të partisë. Ky vendim nuk është as i momentit dhe nuk lidhet vetëm me zhvillimet e fundit. Është reflektim i gjatë i imi mbi atë se çfarë i duhet më shumë partisë në fazën e ardhshme’, tha Krasniqi në konferencën për media.

Ai tha edhe preferencën e tij, ndonëse tentoi të tregohej i rezervuar kur u pyet për emrin e ri në këtë pozitë.

“Preferencën time për Bedri Hamzën nuk e fshehi, përkundrazi me kënaqësi e bëj publike”, tha ai.

E një ditë pas, nëpërmjet një shkrimi në “Facbook”, Bedri Hamza zyrtarizoi kandidaturën e tij për kryetar të PDK-së.

“Sot, me përgjegjësi dhe besim në të ardhmen e partisë sonë, e shpalli kandidaturën time për Kryetar të PDK-së. Unë besoj se PDK-ja ka forcën për t’u unifikuar, reformuar dhe rikthyer si partia kryesore në vend. Nga lufta për liri, deri te shtetndërtimi, demokratizimi dhe integrimi, PDK-ja ka lënë gjurmë të pashlyeshme në historinë e Kosovës. Me mirënjohje të thellë për themeluesit tanë, Hashim Thaçin, Kadri Veselin e Jakup Krasniqin, të cilët uroj të jenë së shpejti mes nesh, unë angazhohem për një PDK që ruan vlerat dhe krijon rrugë për gjeneratat e reja. Falënderim i veçantë edhe për dy miqtë e mi, Enver Hoxhajn dhe Memli Krasniqin, për udhëheqjen e tyre me dinjitet në kohë sfidash”, pati shkruar Hamza.

Por është Enver Hoxhaj ai i cili kërkoi që Konventa e paraprë të mbahet më 17 nëntor të shtyhet. Madje ai gjatë një intervistë në “Rubikon” deklaroi se do të jetë kandidat për kryetar të PDK-së, por kandidaturën e kushtëzon me shtyrjen e Konventës së partisë.

“Konventa e ardhshme nuk është një konventë ku unë garoj për karrigen e kryetarit. Unë po ftoj kryesinë e PDK-së që të ma japë të drejtën që të marr besimin e delegatëve, që të ketë një proces politik, që të ketë një javë më shumë. Çka ndryshon një javë më shumë: që të ketë debat politik, që të ketë prezantim të platformave”, deklaroi Hoxhaj.

Ndërsa në “Facebook”, shkroi se “Konventa e PDK-së për të zgjedhur kryetarin e partisë duhet të shtyhet, sepse një parti serioze nuk mund të mbajë një konventë politike dhe përmbajtjesore në një kohë kaq të shkurtër. Kërkoj nga Kryesia e PDK-së shtyrjen e Konventës për të paktën deri të dielën e ardhshshme, sepse kështu do u jepej mundësia anëtarësisë dhe delegatëve të njihen me kandidaturat dhe platformat për zhvillimin e partisë dhe për çështje serioze që prekin vendin. Kjo do ta rriste cilësinë e kandidaturave dhe konkurrencën ndërmjet platformave, pasi zhvillimet e fundit kanë qenë të befasishme”.

Madje Hoxhaj e ftoi Hamzën në një përballje televizive

Kujtojmë që Memli Krasniqi ka qenë pjesë e PDK-së për gati dy dekada, fillimisht si kryetar i të rinjve të partisë e më pas nënkryetar i partisë para se të zgjidhej kryetar më 2021./EO

Continue Reading

Të kërkuara