Lajmet

​Nxënësit dhe prindërit e Pejës përmes një marshi kërkojnë që nesër të nis mësimi

Ky marsh i cili u organizua nga Këshilli i Prindërve në Pejë, u mbajt në qendër të këtij qyteti.

Published

4 years ago

on

Nxënësit dhe prindërit e komunës së Pejës përmes një marshi protestues kanë kërkuar që greva në arsim të ndërpritet sa më shpejt, dhe qysh nga nesër nxënësit të kthehen në bankat shkollore. Ky marsh i cili u organizua nga Këshilli i Prindërve në Pejë, u mbajt në qendër të këtij qyteti.

“Qeveri-SBAShK, duam zgjidhje, duam të fillojmë procesin mësimor”, “Shkollat janë për të mësuar jo për t’i mbushur”, “Zgjidhni problemet ndryshe, jo me grevë“, “SBASHK kërkoni të drejtat tuaja mos na dëmtoni fëmijët, duan shkollë”, ishin disa nga mbishkrimet që nxënësit mbanin në duar.

Arta Kollçaku -Gashi kryetare e Këshillit të Prindërve kërkoi që greva në arsim të ndërpritet dhe qysh nga dita e nesërme të filloj mësimi. Sipas saj, fushëbeteja është në mes të Qeverisë dhe SBAShK-ut.

“Me moton ‘Qeveri dhe SBAShK’ duam nxënësit në shkollë dhe të gjejnë një zgjidhje sa më të shpejt që ne të fillojmë procesin mësimor. Fëmijët ta kenë vendin në shkollë dhe jo në shtëpi, dhe fëmijët mos t’i rrezikojmë t’i nxjerrim në rrugë për qëllimet e dy palëve, për qëllime të Qeverisë dhe SBASHK-ut. Mësimdhënësit i mirëpresin nxënësit në shkollë dhe bëjë apel që Qeveria dhe SBASHK-u që sa më parë të marrin vendim dhe t’i nxjerrin fëmijët nga kjo fushëbetejë e cila është mes dy palëve. Ne jemi që fëmijët të mos humbasin asnjë ditë mësimi, ne jemi që procesi mësimor të filloj qysh nga dita e nesërme”, theksoi ajo.

Kollçaku-Gashi tha se marshe të tjera përmes të cilëve do të kundërshtojnë grevën nuk do të ketë.

Hazir Tigani, kryetar i Këshillit të Prindërve të regjionit të rrafshit të Dukagjinit u shpreh se përmes këtij marshi po kërkojnë nga Qeveria dhe SBAShK-u që nxënësit t’i kthehen shkollës.

Tigani kërkoi që Qeveria e Kosovës dhe SBAShK-u duhet t’i zgjidhin mosmarrëveshjet e tyre në të mirë të fëmijëve.

“Sot me këtë ta quaj marsh besoj se ministrisë dhe SBASHK-ut i kemi dërguar një mesazh të qartë e ai është fëmijët duhet të jenë në shkolla fëmijët duhet t’i kthehen shkollës aty ku e kanë vendin. Ndërsa, mosmarrëveshjet dhe teket le t’i lënë për vete dhe le t’i hedhin anash dhe kjo të bëhet për të mirën e kësaj rinie përreth nesh, për të mirën e ardhmërisë sonë dhe për të mirën e nxënësve tanë….Fëmijët kanë mbetur të ngujuar, prindërit së bashku me ta kanë mbetur në një tunel ku nuk po vërehet asnjë dritë. Fëmijët e kanë të drejtën e vetë për shkollim, kjo e drejtë është e garantuar me Kushtetutë dhe me ligj e kush duhet ta zbatoj Kushtetutën dhe ligjet dihet qeveria është ajo që duhet t’i hap dyer SBAShK….Qysh nesër të hapen dyert për nxënësit tanë, qysh nesër sepse mendoj se edhe nesër është vonë që të ulen sot dhe t’i kryejnë mosmarrëveshjet sepse fundja jemi ne ata që jemi humbësit më të mëdhenj”, u shpreh ai.

Që nga 25 gushti janë në grevë punëtorët e administratës publike, e nga 1 shtatori nuk ka nisur viti shkollor për shkak të kësaj greve. Përkundër, thirrjeve të vazhdueshme nga Qeveria e Kosovës dhe Këshilli i Prindërve që të ndërpritet greva dhe të nis procesi mësimor, SBASHK-u po insiston që greva do të vazhdoj deri në plotësimin e kërkesave të tyre e që janë 100 euro deri në hyrjen në fuqi të Ligjit të Pagave, hyrja në fuqi sa më shpejt e këtij ligji etj.

Përfaqësuesit e BSPK-së gjatë javës së kaluar janë takuar edhe me kryeministrin e Kosovës, Albin Kurti po që nuk u arrit ndonjë dakordim që do të mund të sjell ndërprerjen e grevës. 

Related Topics:
Continue Reading

Lajmet

Gjendet vetura e të dyshuarit për vrasjen e 29-vjeçarit në Pogragjë të Gjilanit

Published

6 minutes ago

on

October 12, 2026

By

Policia e Kosovës ka gjetur veturën e të dyshuarit për vrasjen e 29-vjeçarit që ndodhi të dielën në fshatin Pogragjë të Gjilanit.

Lajmin e ka konfirmuar zëdhënësi i Policisë së Kosovës për rajonin e Gjilanit, Ismet Hashani.

Ndërkaq, i dyshuari për kryerjen e kësaj vrasjeje gjendet ende në arrati, teksa njësitë hetimore po vazhdojnë punën për lokalizimin dhe kapjen e tij.

Continue Reading

Lajmet

Maqedonci merr pjesë në Forumin e Sigurisë në Varshavë

Published

26 minutes ago

on

October 12, 2026

By

Ministri i Mbrojtjes, Ejup Maqedonci, po merr pjesë në “Warsaw Security Forum 2026”, që po mbahet më 12 dhe 13 tetor në Poloni, ku do të diskutohet për të ardhmen e NATO-s, forcimin e kapaciteteve mbrojtëse evropiane dhe luftën në Ukrainë.

Gjatë këtij forumi ndërkombëtar të sigurisë, i cili bashkon liderë ushtarakë, diplomatë e përfaqësues shtetërorë, Maqedonci pritet të zhvillojë takime me homologë e partnerë ndërkombëtarë për fuqizimin e kapaciteteve mbrojtëse të Kosovës.

Continue Reading

Lajmet

Kuvendi mblidhet të enjten: Në rend dite zgjedhja e anëtarëve të BQK-së dhe Bordit të RTK-së

Published

38 minutes ago

on

October 12, 2026

By

Seanca e radhës plenare e Kuvendit të Kosovës do të mbahet të enjten, më 15 tetor, me fillim nga ora 10:00.

Vendimi u mor gjatë mbledhjes së sotme të Kryesisë së Kuvendit me kryetarët e grupeve parlamentare, të udhëhequr nga kryetarja Albulena Haxhiu.

Në rend të ditës të kësaj seance, përveç deklarimeve jashtë rendit të ditës dhe pyetjeve parlamentare, përfshihen një sërë pikash me rëndësi:

  • Bordi i BQK-së: Zgjedhja e dy anëtarëve joekzekutivë të Bordit të Bankës Qendrore të Kosovës.
  • Bordi i RTK-së: Formimi i Komisionit Ad-Hoc për përzgjedhjen e kandidatëve për anëtarë të Bordit të Radiotelevizionit të Kosovës (dy nga komuniteti shqiptar, një nga komuniteti serb dhe një nga komunitetet tjera joshumicë).
  • Projektligje dhe komisione: Shqyrtimi i dytë i Projektligjit për Parandalimin e Pastrimit të Parave dhe Luftimin e Financimit të Terrorizmit, si dhe propozimi i Listës Serbe për emërimin e deputetëve në komisionet parlamentare.

Përveç caktimit të seancës, Kryesia mori vendim edhe për shpalljen e konkursit për anëtarë të Këshillit të Pavarur Mbikëqyrës për Shërbimin Civil të Kosovës (KPMSHCK).

 

Continue Reading

Lajmet

Nënshkruhet marrëveshja 41-milionëshe për modernizimin e infrastrukturës shëndetësore në Kosovë

Published

50 minutes ago

on

October 12, 2026

By

Qeveria e Kosovës ka nënshkruar një marrëveshje financimi në vlerë prej 41 milionë eurosh me Bankën Evropiane të Investimeve (BEI) dhe Bankën për Zhvillim të Këshillit të Evropës (CEB), e cila ka për synim modernizimin e infrastrukturës mjekësore dhe sigurimin e pajisjeve të avancuara në sistemin shëndetësor publik.

Financimi do të ndahet në mënyrë të barabartë mes dy bankave evropiane dhe do të përfshijë investime direkte në Qendrën Klinike Universitare të Kosovës (QKUK) në Prishtinë, si dhe në spitalet rajonale të Prizrenit, Pejës, Gjakovës dhe Gjilanit. Projektet përkojnë me objektivat e Strategjisë Sektoriale të Shëndetësisë 2025–2030 për digjitalizimin dhe ngritjen e cilësisë së shërbimeve dytësore dhe terciare.

Ministri i Financave, Hekuran Murati, theksoi se ky investim do të përmirësojë drejtpërdrejt kushtet e punës për profesionistët shëndetësorë dhe shërbimet ndaj pacientëve:

“Marrëveshja e kredisë me BEI dhe CEB në vlerë prej 41 milionë eurosh do të sigurojë pajisje mjekësore moderne dhe do të ndikojë në infrastrukturën përcjellëse në QKUK dhe spitalet rajonale në Prizren, Pejë, Gjakovë e Gjilan.”

Ndërkaq, Ministri i Shëndetësisë, Arben Vitia, nënvizoi se ky projekt përbën një shtyllë kyçe të reformës shëndetësore:

“Strategjia Sektoriale e Shëndetësisë 2025–2030 i jep një rëndësi të veçantë përmirësimit të infrastrukturës fizike dhe furnizimit me pajisje moderne mjekësore për një periudhë afatgjatë.”Nga ana e institucioneve financiare ndërkombëtare, nënkryetari i BEI-t, Robert de Groot, dhe zëvendësguvernatori i CEB-it, Johannes Böhmer, vlerësuan se investimi do të garantojë diagnostikim më të saktë dhe trajtim më efektiv për qytetarët e Kosovës.

“Përmes këtij operacioni po ndihmojmë që profesionistët shëndetësorë dhe pacientët në mbarë Kosovën të kenë qasje në pajisje dhe lehtësira moderne për një kujdes më të mirë mjekësor”, u shpreh de Groot.

“Mund të thoshim se pa shëndet, çdo gjë është asgjë. Popullata pret një sistem të fortë shëndetësor si shërbim bazë që qeveritë duhet ta sigurojnë”, shtoi Böhmer. /Ekonomia Online/

 

Continue Reading

Të kërkuara