Lajmet

Në grevë të përgjithshme hyjnë edhe punëtorët e administratës së Prishtinës

Mbarëvajtjen e grevës e kanë vëzhguar nga afër edhe anëtarët e Këshillit Grevist të BSPK-së.

Published

3 years ago

August 25, 2022

Betim Gashi

Grevës së përgjithshme të iniciuar nga Bashkimi i Sindikatave të Pavarura të Kosovës i janë përgjigjur edhe punëtorët e Administratës Komunale të Komunës së Prishtinës.

E mbarëvajtjen e grevës e kanë vëzhguar nga afër edhe anëtarët e Këshillit Grevist të BSPK-së, të shoqëruar nga anëtarët e Këshillave Greviste të Federatave Sindikale anëtare të BSPK-së.

Ahmet Gashi, kryetari i Shoqatës Sindikale në komunën e Prishtinës u shpreh se grevës së përgjithshme i janë përgjigjur edhe shërbyesit civil të kësaj komune, dhe se gjithçka po shkon mirë.

“Greva është duke shkuar mirë dhe mbarë. Shumica e shërbyesve civil të komunës të Prishtinë na janë përgjigjur, kështu që jemi në grevë. Greva është duke vazhduar dhe është shumë mirë duke shkuar”, tha ai.

Ali Gashi, kryetar i Sindikatës së Pavarur të Administratës të Kosovës, u shpreh se kjo grevë ka ardhur si rezultat i pakënaqësisë së shërbyesve civil për mënyrën se si po trajtohen nga Qeveria e Kosovës. Ai renditi disa nga kërkesat e tyre që po synojnë t’i realizojnë përmes kësaj greve.

“Qeveria nuk ka gjetur kohë apo nuk ka pas disponim që t’i dëgjoj kërkesat tona të cilat konsideroj se janë kërkesa të ligjshme. Kërkesa jonë ka qenë në mënyrë konsistente hartimi sa më parë dhe fillimi sa më parë i zbatimit të ligjit të pagave i cili që 1 vit zvarritet nëpër sirtarë. Si kërkesë tjetër jo e parëndësishme, por konsideroj se përpos rëndësisë është në raportin human që ne kemi kërkuar vazhdimisht të bëhet plotësim-ndryshimi i ligjit mbi skemat pensionale, konkretisht eliminohet kriteri diskriminues prej 15 viteve dhe tu pranohet të gjithëve stazhi i punës të larguar dhunshëm nga ish regjimi i Serbisë. Si kërkesë tjetër që ka qenë edhe kërkesa për fillimin e zbatimit të ligjit të sigurimeve shëndetësore. Duke parë situatën me të cilën jemi dhe duke parë situatën ekonomike së fundmi dhe çmimet që pothuajse janë marramendëse ka dal si imperativ i kohës edhe të shihet mundësia deri në fillim të zbatimit të ligjit të pagave t’i ndahet 100 euro një shumë për të gjithë të punësuarit zyrtarëve publik të Kosovës”, tha Gashi.

Kryesuesi i Këshillit Grevisët të BSPK-së, Rrahman Jashari tha se do të jenë zëri edhe i zjarrfikësve dhe policëve të cilët nuk mund tu bashkohen në grevë.

Kreu i SBASHKU-ut njëherit i bëri thirrje edhe qeverisë së Kosovës të nisë dialogun me ta për të gjetur zgjidhje për kërkesat e tyre.

“BSPK-ja do t’i prezantoj dhe do të luftoj edhe për kërkesat e tyre sepse janë kërkesa të njëjta si në arsim, administratë dhe polici, si në doganë dhe të tjera…Unë po uroj dhe bashkë të gjithë sindikalistët dhe të gjithë grevistët që qeveria të filloj me dialogun dhe me apelin që nuk po e përsërisë sa për të bërë reklamë edhe këtu në këtë ndërtesë të institucionit e lus kryeministrin, Albin Kurti që së paku për hir të djemve dhe vajzave që po shërbejnë me dinjitetit në Policinë e Kosovës, shkaku i atyre dhe gjithë neve të filloj me realizim të kërkesave duke filluar me këtë 100 euro deri të bëhet ligji”, u shpreh Jashari.

Këshilli Grevist i BSPK-së sot ka vizituar edhe grevën në çerdhen publike “Yllkat” si dhe shkollën fillore “Gjergj Fishta”.

Lidhur me këtë grevë kryeministri i Kosovës, Albin Kurti ka thënë dje se nuk është koha e kërcënimeve dhe bojkoteve nga ana e sindikatave dhe punëtorëve.

Related Topics:prishtina greva BSPK administrata

Up Next

Qeveria planifikon t’ua ndalë pagat grevistëve

Don't Miss

Jasharaj: Sa do të zgjasë greva, varet nga Qeveria

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

3 hours ago

October 21, 2025

UBTnews

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

3 hours ago

October 21, 2025

UBTnews

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

3 hours ago

October 21, 2025

UBTnews

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Lajmet

Vdes në moshën 29-vjeçare kampioni amerikan i shahut

Published

4 hours ago

October 21, 2025

UBT News

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/