Sport

​Në dyshim zhvillimi i ndeshjes mes Lille e Chelsea, ja vendimi i UEFA-s

Javën e kaluar, pronari i Chelseat, Roman Abramowich u sanksionua nga Qeveria e Britanisë së Madhe.

Published

4 years ago

on

Organi më i madh qeverisës evropian, UEFA, e ka konfirmuar sot se ndeshja mes kampionit francez Lille dhe kampioni aktual evropian Chelsea do të zhvillohet siç është paraparë.

Javën e kaluar, pronari i Chelseat, Roman Abramowich u sanksionua nga Qeveria e Britanisë së Madhe, për arsye të pushtimit të Rusisë ndaj Ukrainës.

Si pasojë e këtyre sanksioneve, të gjitha asetet e Abramowich janë ngrirë dhe si pasojë nga kjo gjë është prekur edhe klubi i Chelseat, i cili nuk mund të shesë bileta të reja të ndeshjeve ose fanella, dhe tani ka një buxhet të kufizuar për ndeshjet në shtëpi dhe ato si mysafir.

Po ashtu, Bashkimi Evropian sanksionoi Abramowich, gjë kjo që bëri të përhapeshin spekulime që ndeshja e kthimit kundër Lille mund të mos zhvillohej.

Sidoqoftë, skuadra e Thomas Tuchel tani kanë udhëtuar drejt Francës, dhe UEFA e ka konfirmuar që ndeshja do të zhvillohet siç ishte paraparë.

“Si qëndrojnë gjërat, ndeshja do të zhvillohet ashtu siç është paraparë”, shkruante në komunikatën e UEFA-s.

“Ne jemi të informuar që rasti momental është vlerësuar në bazë të kontekstit së licencës së lëshuar nga Britania e Madhe, e cila e lejon Chelsean të vazhdojë aktivitetet e vogla të futbollit, por duke siguruar që nuk do të ketë përfitime për Abramowich”, shkruante më tej në komunikatën e UEFA-s.

Skuadra e Thomas Tuchel kryeson me rezultat 2:0 ndaj Lille nga ndeshje parë, falë golave të Kai Havertz dhe Christian Pulisic në stadiumin “Stamford Bridge” para tre javëve.

Related Topics:
Continue Reading

Sport

Sportet dhe origjina e tyre

Published

7 hours ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

7 hours ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

8 hours ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Lajmet

Stadiumi Nacional përfshihet në buxhetin 2026, ndahen 4 milionë euro

Published

1 day ago

on

January 13, 2026

By

Sekretari i Përgjithshëm i Ministrisë së Sportit, Bislim Bislimi, ka bërë të ditur se ndërtimi i Stadiumit Nacional të Kosovës është përfshirë në projektbuxhetin e vitit 2026, me një fond fillestar prej 4 milionë eurosh.

Sipas Bislimit, ky projekt do të vazhdojë edhe në vitet pasuese dhe vlera totale e investimit pritet të tejkalojë 20 milionë euro.

Ai theksoi se ndërtimi i Stadiumit Nacional konsiderohet një domosdoshmëri për zhvillimin e infrastrukturës sportive dhe për përmbushjen e standardeve ndërkombëtare.

Megjithatë, ende nuk është përcaktuar lokacioni ku do të ndërtohet stadiumi, ndërsa autoritetet kompetente pritet të dalin me vendim në fazat e ardhshme të projektit.

Continue Reading

Të kërkuara