Lajmet

​Musli Halimi përfundon dëshminë e tij në gjykimin ndaj Salih Mustafës

Dëshmitari i 11-të i mbrojtjes ka thënë se hyrja në qendrën stërvitore ka qenë e kufizuar.

Published

4 years ago

on

Dëshmitari i mbrojtjes së Salih Mustafës në Hagë, Musli Halimi ka përfunduar dëshminë e tij para Dhomave të Specializuara të Kosovës ku ka thënë se gjatë qëndrimit në Zllash nuk ka pasur kontakt me ndonjë anëtarë të njësisë BIA. Halimi ka deklaruar se në fshatin Zllash kishte qëndruar nga janari deri në prill të vitit 1999 dhe se aty ishte në krye të qendrës stërvitore. Ai ka thënë se është marrë vetëm me trajnimin e kadetëve duke shtuar që nuk ka pasur kontakt me ushtarë të tjerë.

Në ditën e dytë të dëshmisë së tij para trupit gjykues në Hagë, dëshmitari i 11-të i mbrojtjes ka thënë se hyrja në qendrën stërvitore ka qenë e kufizuar.

“Jo vetëm BIA por me asnjë person apo ushtar përpos kadetëve nuk kam pasur kontakte në qendrën stërvitore. As me BIA-në por as me ndonjë ushtar tjetër përpos kadetëve nuk kam pasur kontakte në qendrën stërvitore, vetëm kadetët, instruktorët, qasje në qendrën stërvitore nuk ka pasur dikush tjetër, kjo ka qenë edhe e ndaluar nuk ka mundur kushdo të vijë aty të manipulojë apo bashkëpunojë me kadetë, kjo ka qenë e ndaluar, trajnimi është kryer me kadetë, instruktorët janë marrë me kadetë dhe kjo ka qenë e tëra. Edhe me pas dashur nuk u kish lejuar, nuk ka pasur të drejtë dikush të vijë në qendrën stërvitore”, ka thënë dëshmitari.

Halimi, i cili ka qëndruar rreth tre muaj në fshatin Zllash në vitin 1999, ka thënë se detyra e tij ka qenë t’i trajnojë kadetët dhe se lista e tyre u dërgohej nga Brigada 153.

“Kadetët që kanë ardhur në qendrën stërvitore, unë nuk jam marrë me biografinë e tyre apo ardhjen e tyre, kjo është parapërgatitë dhe lista ka ardhur e saktë, kështu që nuk ka qenë detyrë e imja të merrem me të dhënat apo biografinë e çdo njërit kush është çka është, por detyrë e imja ka qenë me i trajnu dhe me iu përmbajt listës që ka ardhur nga Brigada 153”, ka thënë Halimi.

Derisa është përgjigjur në pyetjet e prokurorisë, Halimi ka thënë se për arrestimin e Salih Mustafës nga Specialja është informuar përmes mediave. Mustafa është arrestuar më 24 shtator të vitit 2020 me pretendimin për krime lufte.

Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”. Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.

Salih Mustafa po qëndron në paraburgim në Hagë ndërsa në paraqitjen e tij para trupit gjykues ai është deklaruar i pafajshëm.

Related Topics:
Continue Reading

Lajmet

Pianistja Eni Ademi përfaqëson Kosovën në turneun evropian të International Piano Balkan Academy

Published

4 minutes ago

on

July 23, 2026

By

International Piano Balkan Academy ka njoftuar fillimin e turneut veror evropian të koncerteve, përmes të cilit talentet e akademisë do të prezantohen në disa prej skenave më të njohura të muzikës klasike në Evropë.

Pianistja Eni Ademi do të jetë artistja e parë që do ta përfaqësojë Kosovën dhe International Piano Balkan Academy në këtë turne, me paraqitjen e saj në León Piano Meeting dhe në koncertin e Fundación Eutherpe në León të Spanjës.

Sipas njoftimit të akademisë, ky është vetëm fillimi i një sezoni të pasur artistik. Gjatë gjithë verës, pianistët e International Piano Balkan Academy do të performojnë në skena dhe festivale të njohura ndërkombëtare të muzikës klasike, duke vazhduar turneun me koncerte në Romë, Procida, Madrid dhe Vjenë.

Akademia ka theksuar se këto paraqitje ndërkombëtare dëshmojnë përkushtimin e saj në promovimin e artistëve të rinj dhe në përfaqësimin e Kosovës në arenën ndërkombëtare përmes muzikës klasike.

International Piano Balkan Academy ka bërë të ditur se do të vazhdojë të krijojë mundësi të reja për pianistët e saj, duke i zhvilluar ata në skena prestigjioze evropiane dhe duke synuar avancimin e karrierës së tyre artistike në nivel ndërkombëtar./A.K/

Continue Reading

Lajmet

Arrestohen dy zyrtarë të MPB-së, kundërligjshëm lëshonin lejeqëndrimi për shtetas të huaj

Published

44 minutes ago

on

July 23, 2026

By

Tre persona, prej tyre dy zyrtarë të Ministrisë së Punëve të Brendshme, janë arrestuar nën dyshimin se kanë kryer veprat penale “keqpërdorim i detyrës zyrtare” dhe “falsifikim i dokumentit”.

Prokuroria Themelore në Prishtinë ka njoftuar se aksioni është zhvilluar në bashkëpunim me Policinë e Kosovës dhe Agjencinë e Kosovës për Inteligjencë (AKI), pas disa muajsh hetime dhe zbatimit të masave të veçanta hetimore. Me urdhër të Prokurorit të Shtetit, të dyshuarit janë ndaluar për 48 orë.

Sipas Prokurorisë, njëri nga të ndaluarit është zyrtar në Divizionin për të Huaj, ndërsa tjetri në Agjencinë e Regjistrimit Civil (ARC).

Të dyshuarit me inicialet F.Sh. dhe G.J., në cilësinë e personave zyrtarë, dyshohen për keqpërdorim të detyrës zyrtare, ndërsa D.K. dyshohet për falsifikim të dokumenteve.

Sipas hetimeve fillestare, F.Sh. dhe G.J. dyshohet se kanë lëshuar lejeqëndrime për shtetas të huaj, duke u mundësuar atyre pajisjen me dokumentacion përkatës dhe duke përfituar, dyshohet, dobi pasurore në mënyrë të kundërligjshme.

Ndërkaq, D.K. dyshohet se ka falsifikuar dokumente të ndryshme për t’iu mundësuar personave të tjerë aplikimin dhe pajisjen në mënyrë të kundërligjshme me lejeqëndrim në Kosovë.

Për rastin ka reaguar edhe ministri i Brendshëm në detyrë, Xhelal Sveçla, i cili ka mirëpritur aksionin e përbashkët të Policisë së Kosovës dhe AKI-së, duke thënë se çdo dyshim për keqpërdorim të detyrës zyrtare, korrupsion apo cenim të besimit të qytetarëve do të trajtohet me seriozitet të plotë./A.K/

Continue Reading

Lajmet

SHBA heton nëse Rusia ndihmoi Iranin në sulmet ndaj objekteve të CIA-s

Published

50 minutes ago

on

July 23, 2026

By

Shërbimet amerikane të inteligjencës po hetojnë nëse Rusia e ka ndihmuar Teheranin në kryerjen e sulmeve ndaj objekteve të CIA-s, kanë bërë të ditur për agjencinë e lajmeve Reuters katër burime amerikane.

Të paktën dy objekte të CIA-s në Lindjen e Mesme u goditën nga sulme me dronë iranianë në muajin mars.

Sipas burimeve, të cilat folën në kushte anonimiteti, zyrtarët amerikanë ende nuk kanë arritur në përfundime përfundimtare lidhur me përfshirjen e mundshme të Rusisë.

Megjithatë, efikasiteti dhe saktësia e sulmeve mund të jenë tregues se Irani ka marrë nga Rusia të dhëna për shënjestrimin ose teknologji të avancuar për dronë.

Sipas raportimeve, një stacion i CIA-s i vendosur në ambasadën amerikane në Riad të Arabisë Saudite, si dhe një objekt tjetër në lindje të Irakut, u goditën gjatë këtyre sulmeve.

Disa nga burimet i thanë Reuters se janë goditur edhe objekte të tjera të CIA-s, por nuk dhanë detaje të mëtejshme.

Duke dëshmuar para një komisioni të Senatit amerikan në Uashington, sekretari amerikan i Mbrojtjes, Pete Hegseth, la të kuptohet se Rusia po ndihmon operacionet ushtarake të Iranit.

I pyetur nëse Rusia dhe Kina po e ndihmojnë Iranin, Hegseth u përgjigj: “Ka mënyra në të cilat të dyja këto vende, në nivele të ndryshme, po mundësojnë atë që Irani po bën, po”. /Reuters/A.K/

Continue Reading

Lajmet

Moti sot, temperaturat deri në 29 gradë

Published

52 minutes ago

on

July 23, 2026

By

Instituti Hidrometeorologjik bën të ditur se sot në Kosovë do të mbajë mot me diell dhe vranësira të pakta lokale.

IHK njofton se temperaturat minimale do të lëvizin ndërmjet 8 deri 11 gradë Celsius, ndërkaq temperaturat maksimale nga 24 deri 29 gradë.

Era do të fryjë nga veriu dhe verilindja, e lehtë deri mesatare 2–7 m/s./A.K/

Continue Reading

Të kërkuara