Të paktën 132 persona kanë humbur jetën në operacionin e përgjakshëm policor kundër organizatws kriminale Comando Vermelho (Komanda e Kuqe) në metropolin bregdetar brazilian të Rio de Janeiro-s.

Gjatë përleshjeve, kriminelët vendosën barrikada, dogjën autobusë dhe ngritën postblloqe të improvizuara, duke paralizuar trafikun dhe duke përhapur frikë në disa zona të qytetit.

Sipas raportimeve, mijëra anëtarë të grupit kriminal janë përfshirë në përplasje.

Kryebashkiaku i Rio de Janeiros, Eduardo Paes, reagoi ashpër duke theksuar se qyteti nuk mund dhe nuk do të mbahet peng nga kriminelët që duan të mbjellin frikë në rrugë.

Për shkak të situatës së rënduar, autoritetet vendore kanë ngritur nivelin e alarmit në shkallën 2, ndërsa 45 shkolla, klinika dhe qendra shëndetësore në zonat e prekura janë mbyllur përkohësisht, transmeton RTSH.

Operacioni, në të cilin janë angazhuar mbi 2,500 efektivë, vijon ende, dhe autoritetet paralajmërojnë se bilanci i viktimave mund të rritet. Zona e goditur është një nga më të populluarat e qytetit, me rreth 280 mijë banorë, ndërsa frika për shpërthim të dhunës gjatë natës mbetet e lartë./S.K/KP/

Në Mitrovicën e Veriut është vendosur gurthemeli për ndërtimin e Zyrës Rajonale të Administratës Tatimore të Kosovës (ATK).

Ministri në detyrë i Financave, Hekuran Murati, tha se ky projekt do të ofrojë më shumë shërbimet për qytetarë dhe bizneset e kësaj ane, duke ndihmuar edhe zhvillimin ekonomik.

“Ky objekt do t’u ofrojë qytetarëve, tatimpaguesve dhe bizneseve shërbime sa më afër. Njëkohësisht, ndërtimi i aneksit do të gjallërojë këtë zonë dhe do të sjellë edhe shërbime shtesë. Projekti pritet të përfundojë brenda pesë muajve, me një vlerë prej 500 mijë eurosh – pra gjysmë milioni investim,” tha Murati.

Ministri i Administrimit të Pushtetit Lokal, Elbert Krasniqi, e vlerësoi projektin si dëshmi të angazhimit të qeverisë për të investuar në të gjitha komunat e Kosovës, përfshirë edhe veriun.

“Besoj se është një shenjë shumë e mirë që investimet e qeverisë po prekin komunat në të gjithë territorin e Republikës së Kosovës, përfshirë edhe veriun e vendit,” tha Krasniqi.

Edhe drejtori i Administratës Tatimore të Kosovës, Mentor Hyseni, theksoi rëndësinë e zgjerimit të shërbimeve tatimore në këtë pjesë të vendit.

“Për ATK-në është tejet e rëndësishme që shërbimet për tatimpaguesit të jenë të qasshme në çdo rajon të Kosovës. Ne kemi nisur procesin e fiskalizimit të bizneseve edhe në këtë zonë, dhe ky objekt do të ndihmojë që këto shërbime t’i ofrojmë më afër qytetarëve,” u shpreh Hyseni.

Projekti, që pritet të përfundojë brenda pesë muajve, vlerësohet si një hap konkret drejt përmirësimit të qasjes në shërbime publike dhe integrimit institucional në Mitrovicën e Veriut. /S.K/KP/

Kryebashkiaku Jean Bertrand Subrème ka njoftuar se Uragani Melissa vrau 25 persona në Haitin jugor kur një lumë i përmbytur doli nga shtrati.

Njerëzit mbeten të bllokuar në disa shtëpi që u shembën në portin e Petit-Goâve, tha kryebashkiaku.

“Jam i tronditur nga situata,” tha ai, duke shtuar se kishte kërkuar ndihmë nga qeveria në vendin e trazuar ndërsa përballet me dhunë të përhapur të bandave, raporton CNN.

Zona është goditur nga shiu i rrëmbyeshëm si pasojë e uraganit Mesliss, herë pas here për shtatë deri në tetë ditë, me totale të vlerësuara të reshjeve mbi 30 centimetra.

Që nga ora 11:00, Melissa është e përqendruar pranë bregut verior të Kubës dhe ka hyrë zyrtarisht në Oqeanin Atlantik për herë të parë, sipas Qendrës Kombëtare të Uraganeve.

Melissa është shndërruar në uragan të kategorisë 2 me erëra prej 170 km në orë, por mbetet e frikshme pasi po gjeneron shira e erëra të rrëmbyeshme duke vazhduar rrugën e saj drejt ishujve Bahama.

Uragani parashikohet të kalojë midis ose potencialisht mbi Long Island dhe Crooked Island sonte më vonë. Paralajmërimet për uragane janë në fuqi për Bahama, ndërsa Ishujt Turks dhe Caicos janë nën paralajmërim për stuhi tropikale./S.K/KP/

Kryesia e re e Kuvendit do të mblidhet sot, ku në rend të ditës do të diskutohet për dy çështje të rëndësishme.

Në agjendë pikat kryesore janë, funksionalizimi i trupave punuese të Kuvendit si dhe diskutimi rreth miratimit të buxheteve komunale për vitin 2025 për komunën e Prishtinës, Gjilanit, si dhe atë të Zubin-Potokut.

Mbledhja pritet të nis me fillim nga ora 14:00./S.K/EO/