Sport

Mourinho zbuloi pse e mori Romën

Published

5 years ago

May 4, 2021

Betim Gashi

Trajneri portugez, Jose Mourinho foli për herë të parë pas vendimit për të marrë Romën nga sezoni tjetër. Eksperti i trofeve do të drejtojë “ujkonjën” nga vera dhe ai nënshkroi një kontratë trevjeçare.

“Faleminderit familjes Fredkin që më zgjodhën mua për të drejtuar këtë klub të shkëlqyeshëm dhe për të qenë pjesë e vizionit të tyre. Pas takimeve me pronarin dhe Tiago Pinto, unë menjëherë kuptova shkallën e plotë të ambicieve të tyre. Ambicia dhe përpjekja gjithmonë më kanë motivuar. Së bashku ne duam të ndërtojmë një projekt fitues gjatë viteve të ardhshme”, deklaroi Mourinho.

Tekniku portugez është duke pritur fillimin e sezonit të ri.

“Pasioni i pabesueshëm i tifozëve më bindi të pranoja punën. Mezi pres të filloj sezoni tjetër. Në ndërkohë, unë i uroj Paulo Fonseca të gjitha të mirat dhe shpresoj që media të respektojë faktin që unë fitova, nuk do të them më shumë deri në një njoftim tjetër”, tha Mourinho.

Herën e fundit që punoi në Itali, Mourinho fitoi kurorën e trefishtë me Interin.

Vendi

Akil Gjakova mbyll garën pa medalje në Abu Dhabi

Published

14 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

14 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/