Sport

​Mourinho kandidat për të marrë drejtimin e Portugalisë

Sipas raporteve, ai nuk do të japë dorëheqje nga Roma.

Published

on

Portugalia po konsideron shkarkimin e Fernando Santos pas eliminimit të tyre nga Kupa e Botës dhe thashethemet sugjerojnë se Jose Mourinho mund të marrë këtë pozitë, por që nuk do të jap dorëheqje nga Roma.

Trajneri 59-vjeçar portugez u rikthye në Itali vitin e kaluar, duke nënshkruar një kontratë trevjeçare me “Giallorossët” dhe ai gjeti menjëherë suksesin në kryeqytetin italian, duke e udhëhequr klubin drejt titullit të tyre të parë evropian në Ligën e Konferencës.

Pavarësisht disa pengesave, Roma po lufton për t’u futur në top katërshen e Serie-A këtë sezon nën drejtimin e Mourinhos.

Siç raportohet nga “Corriere dello Sport”, presidenti i Federatës së Futbollit në Portugali, Fernando Soares Gomes da Silva po shqyrton shkarkimin e trajnerit Fernando Santos pas eliminimit zhgënjyes të skuadrës nga Kupa e Botës në Katar.

Një opsion për ta zëvendësuar është Rui Jorge, ish-trajneri U-21, por një tjetër ide është Mourinho. Ky skenar do të shihte ish-trajnerin e Chelseat dhe Interit të mbante një rol të dyfishtë, duke udhëhequr Romën dhe ekipin kombëtar portugez në të njëjtën kohë.

Ndonëse një ide intriguese, është e vështirë të imagjinohet që kjo të ndodhë, me Mourinhon që duket se i kushton fokus të plotë projektit në rritje të Romës.

Sport

​Ademi takon Fodën: Ishte bisedë e frytshme

Published

on

By

Sot në Vjenë, kryetari i Federatës së Futbollit të Kosovës, Agim Ademi, ka zhvilluar një takim të rëndësishëm me përzgjedhësin e Kosovës Franco Foda, raporton KosovaPress.

Sot në Vjenë, një kafe dhe një bisedë e frytshme për të ardhmen e kombëtares me përzgjedhësin Franco Foda”, ka shkruar Ademi në ‘Facebook’.

Kjo lëvizje vjen në një kohë kur emri i Fodas është përmendur në media si një trajner që mund të largohet, për shkak të interesimit nga disa klube arabe. Megjithatë, takimi i sotëm duket të jetë sinjal se FFK po tenton ta mbajë strategun gjerman në krye të ekipit dhe të qartësojë planet afatshkurtra e afatgjata për përfaqësuesen.

Continue Reading

Sport

​Malisheva përforcohet me një sulmues të ri

Published

on

By

FC Malisheva ka prezantuar sulmuesin Xhemajl Ibishi si përforcimin e parë të këtij afati kalimtar, transmeton KosovaPress.

Ibishi ishte një nga më të mirët me FC Shkupi në Maqedoni të Veriut, ndërsa vije tek Malisheva për të qenë vlerë e shtuar në skuadrën e drejtuar nga Bekim Isufi për garat evropiane dhe për edicionin e ri në Albi Mall Superligë.

Ibishi njihet për cilësitë e tij fizike dhe ‘vrasës’ para portës, andaj pritet që me kualitetin e tij të dhuroj spektakël, shumë gola dhe asiste.

Klubi po ashtu ka bërë të ditur se do të punohet edhe më tutje për të rritur vlerat dhe konkurrueshmërinë përbrenda skuadres, për të qenë sa më të gatshëm për sfidat që i presin dhe realizimin e objektivave në të gjitha drejtimet.

Continue Reading

Sport

Ademi e konfirmon: Foda nuk largohet!

Published

on

Kryetari i Federatës së Futbollit të Kosovës, Agim Ademi, ka konfirmuar se përzgjedhësi Franco Foda, do të qëndrojë te Kosova.

Pak pasi dha shenja në Facebook me një foto ai ka deklaruar se Foda nuk ka thënë asnjëherë që do të largohet.

“Ishte një bisede normale. Biseduam për ndeshjet e radhës. Nuk ka pasur diçka. Ai nuk ka thënë asnjëherë që do të shkojë. Thjeshtë ka pasur një ofertë shumë të mirë”, ka thënë ai.

Agim Ademi jep shenja se Foda do të mbetet në krye të Kosovës

Kryetari i FFK-së, Agim Ademi, ka zhvilluar të mërkurën takim me selektorin e Kosovës, Franco Foda, pati raportime të shumta që Foda mund të marrë drejtimin e një skuadre në Emiratet e Bashkuara Arabe.

Por Ademi ka dhënë sinjale se Foda do të mbetet edhe më tutje në krye të Kosovës.

“Sot në Vjenë, një kafe dhe një bisedë e frytshme për të ardhmen e Kombëtares me përzgjedhësin Franco Foda”, ka shkruar kryetari i FFK-së.

Continue Reading

Sport

Daku e pret prezantimin tek Zeniti, rroga e tij do të jetë e hatashme për një lojtar shqiptar

Published

on

Dita zero erdhi. Mirlind Daku ka mbërritur në Shën Peterburg, për të qenë lojtari më i ri i Zenitit.

Futbollisti shqiptar është fotografuar në aeroportin e kryeqytetit të dytë rus këtë të hënë, në shoqëri të futbollistit tjetër kosovar, Bernard Berisha.

Berisha ka luajtur për Ahmatin e Groznit në Premier Ligën ruse, ndërsa Daku ka qenë për dy sezone pjesë e Rubinit, në të njëjtin kampionat.

Sulmuesi kuqezi është tashmë pjesë e Zenitit, ekipit 11 herë kampion të Rusisë dhe Bashkimit Sovjetik, që fitoi titullin gjashtë vjet radhazi deri në 2024, ndërsa këtë sezon u mund vetëm për një pikë nga Krasnodari.

Kontrata e Dakut është 4-vjeçare, dhe pagesa për të jepet deri në 3.5 milionë euro në sezon, që është rroga e dytë më e lartë e Premier Ligës së Rusisë.

Besohet se transferimi i tij do të arrijë deri në 10 milionë euro, ndërsa pagesa e parë është 8.5 milionë euro, shkruan abcnews.

Në dy sezone, sulmuesi i kombëtares shqiptare shënoi 25 gola dhe shërbeu 12 asistë në 53 ndeshje të kampionatit, duke qenë më i miri tek Rubini dhe më i miri në elitën ruse për kontributin për rrjetat.

Continue Reading

Të kërkuara