Ushtria izraelite është e angazhuar për “përballje nga afër” në Libanin jugor, thotë IDF në një deklaratë të re, e cila raportoi për disa operacione në “disa zona”.

“Forcat nga Brigada Komando, duke përfshirë ushtarë nga Njësia Egoz, gjetën dhe shkatërruan një infrastrukturën e sulmit të Hezbollahut”.

“Trupat, në bashkëpunim me Forcën Ajrore izraelite, eliminuan terroristët dhe shkatërruan infrastrukturën përmes municioneve të drejtuara me saktësi dhe angazhimeve me rreze të afërt”.

Ai shton se “më shumë se 150 depo” janë shkatërruar nga sulmet ajrore të fundit, shkruan BBC.

Në kuadër të vizitës në Poloni, kryeministri Albin Kurti ka takuar ministrin polak të Drejtësisë, Adam Bodnar, me të cilin ka diskutuar mbi bashkëpunimin e dy vendeve në çështje të sundimit të ligjit dhe reforma në sistemin e drejtësisë përfshirë vettingun.

Kurti theksoi përparimin që Kosova ka shënuar në sundimin e ligjit dhe luftimin e korrupsionit, që është vlerësuar edhe nga organizata ndërkombëtare, duke përkujtuar raportin Gallup që ka renditur Kosovën në top-10 vendet e botës me vlerën më të lartë të Indeksit global të ligjit dhe rendit.

Kryeministri gjatë takimit falënderoi ministrin Bodnar për kontributin e Polonisë në misionin e NATO-s në Kosovë, i cili vazhdon edhe sot.

“Hapja e Misionit të Kosovës në Poloni është dëshmi e përkushtimit tonë për bashkëpunim edhe më të madh në fusha me interes të përbashkët”, ka thënë ai.

India sot po shënon një ngjarje të rëndësishme historike: 155-vjetorin e lindjes së Mahatma Gandhi, prijësit të lëvizjes për pavarësinë e vendit. Një ceremoni përkujtimore është mbajtur në Rajghat, memorialin që nderon jetën dhe veprën e Gandhi-t, ku homazhe ka bërë edhe kryeministri Narendra Modi.

Gandhi, i njohur si “babai i kombit indian”, luajti një rol kyç në udhëheqjen e luftës jo të dhunshme për pavarësinë e Indisë nga sundimi britanik. Dita e lindjes së tij, 2 tetori, shënohet gjithashtu si “Dita Ndërkombëtare e Jo-dhunës”, një testament për filozofinë e tij të rezistencës paqësore.

Si pionier i mosbindjes civile, Gandhi promovoi metoda paqësore të protestës dhe mobilizimit social, duke inkurajuar indianët të përdorin mjete paqësore për të arritur ndryshime politike dhe sociale. Nën drejtimin e tij, lëvizja për pavarësi arriti kulmin në vitin 1947, kur India shpalli pavarësinë e saj.

Ceremonia e sotme përkujtimore është një rikujtim i trashëgimisë së fortë të Gandhi-t dhe ndikimit të tij në historinë indiane dhe atë botërore. Kryeministri Modi ka theksuar rëndësinë e filozofisë së Gandhi-t në promovimin e paqes dhe harmonisë në shoqëri, duke e shpallur atë një model frymëzues për brezat e rinj.

Në përvjetorin e tij, shumë indiane dhe adhurues të filozofisë së tij në të gjithë botën e kujtojnë Gandhi-n jo vetëm si një lider të lëvizjes për pavarësi, por si një simbol të paqes dhe dhunës. Kjo ditë është një mundësi për të reflektuar mbi mësimet e tij dhe për të rinovuar angazhimin për paqe dhe drejtësi në botë./UBTNews/

Presidentja Vjosa Osmani, në ditën e dytë të vizitës së punës në Gjermani, ka takuar homologun e saj gjerman Frank-Walter Steinmeier, me të cilin ka diskutuar mbi thellimin e marrëdhënieve dypalëshe, zhvillimet aktuale në Kosovë dhe rajon, si dhe avancimin e integrimit të vendit tonë në organizatat ndërkombëtare.

Osmani shprehu vlerësimin e thellë për mbështetjen e Gjermanisë për Kosovën në procesin e lirisë dhe shtet-ndërtimit, por edhe në rrugën euroatlantike.

“Kosova dhe Gjermania kanë një partneritet të fortë dhe të qëndrueshëm të bazuar në vlerat e përbashkëta të demokracisë, paqes dhe progresit. Gjermania është aleate strategjike në rrugëtimin e Kosovës drejt fuqizimit dhe integrimit ndërkombëtar, ndaj presim që ta forcojmë edhe më tej këtë partneritet në vitet në vijim”, tha Osmani.

Procesin e Berlinit, e para e vendit e ka cilësuar shtysë e fuqishme për perspektivën evropiane të Ballkanit Perëndimor. Ajo në këtë kontekst ka ritheksuar mbështetjen e plotë për marrëveshjet e dala nga ky proces.

Osmani ka potencuar rolin dhe kontributin e mërgatës shqiptare në Gjermani, e cila është urë e fuqishme për raportet ndërmjet dy shteteve.

Të dy presidentët diskutuan gjithashtu dhe potencialin për zgjerimin e bashkëpunimit në fusha të interesit të dyanshëm.