Lajmet

Ministria e Mbrojtjes i ofron mbështetje komunës së Prishtinës për trajtimin e asbestit

Rama theksoi se kjo marrëveshje ka për qëllim mbrojtjen e shëndetit dhe jetës së qytetarëve.

Published

4 years ago

March 25, 2022

Betim Gashi

Komuna e Prishtinës dhe Ministria e Mbrojtjes së Kosovës të premten kanë nënshkruar marrëveshje bashkëpunimi për ofrimin e mbështetjes teknike e profesionale nga Forca e Sigurisë së Kosovës, përmes njësive të saj, në realizimin e aktiviteteve të kësaj komune për trajtimin e materialeve të cilat përmbajnë asbest.

Kryetari i Prishtinës, Përparim Rama theksoi se kjo marrëveshje ka për qëllim mbrojtjen e shëndetit dhe jetës së qytetarëve që mund të cenohen dhe rrezikohen nga prania e asbestit në zonën urbane, sidomos afër shkollave dhe në lagjet e urbanizuara të Prishtinës.

“Sot me ministrin Mehaj ke i nënshkruar një memorandum bashkëpunimi për disa pika me rëndësi për kryeqytetin, për Prishtinën. Siç e dini kemi problem të madh me asbest, me një material I cili është kancerogjen, për cilin deri tash është dashur me kontraktuar ekipe nga jashtë, për arsye se s’ka pasur specialistë këtu, mirëpo tash Forca e Sigurisë së Kosovës, I kanë specialistët e tyre dhe për këtë arritëm këtë bashkëpunim në mënyrë që t’i pastrojmë disa pika kyçe në Prishtinë, si tulltoren, në lagjen Ulpiana dhe disa pika të tjera”, theksoi Rama.

Ministri i Mbrojtjes, Armend Mehaj theksoi se ushtria buron nga populli dhe mbështetja e Komunës së Prishtinës për trajtimin e materialeve të cilat përmbajnë asbest nuk do të mungojë asnjë herë.

Ministri Mehaj dhe se FSK është e gatshme që Prishtinës dhe komunave tjera t’iu dalë në ndihmë për projektet e tyre që janë në të mirë të qytetarëve.

Derisa sot ministri Mehaj është shprehur mirënjohës edhe ndaj komunës së Prishtinës për transportin urban të ushtarëve të FSK-së pa pagesë.

“Ushtria buron nga populli, ushtria është për popullin, ne I mbështesim të gjitha projektet që janë në të mirën e vendit aq sa kemi kapacitete dhe mundësi . Ne si Ministri e Mbrojtës dhe Forcës së Sigurisë së Kosovës do të mundohemi të jemi në mbështetje të të gjitha komunave me ato kapacitete që i kemi në dispozicion[…]Jemi mirënjohës komunës për lehtësimin që ka bërë për pjesëtarët e Forcës së Sigurisë së Kosovës, që udhëtojnë në uniform në transport urban. Pra, një lehtësim që është domethënës, sa më shumë prezencë të uniformës aq më sigurt është edhe vendi, edhe transporti, por edhe populli në përgjithësi. Pra, për çdo projekt që është i nevojshëm, Forca e Sigurisë do të mbështet Prishtinën, por edhe krejt komunat tjera”, tha ai.

Up Next

Profesorë të UBT-së po qëndrojnë për vizitë në Universitetin e Shkencave të Aplikuara “Van Hall Larenstein”

Don't Miss

135 fëmijë u vranë qysh prej fillimit të pushtimit rus të Ukrainës

Kronikë e zezë

Të shtëna me armë në Graçanicë dhe Hajvali, konfiskohen armë e municion

Published

57 minutes ago

February 12, 2026

UBTNEWS

Policia e Kosovës në Raportin një ditor ka njoftuar për dy raste të ndara të të shtënave me armë zjarri që kanë ndodhur mbrëmjen e 11 shkurtit 2026 në Graçanicë dhe në fshatin Hajvali të Prishtinës.

Sipas raportit policor, rreth orës 22:19 në Graçanicë është raportuar për të shtëna me armë. Njësitë policore kanë dalë menjëherë në vendin e ngjarjes, ku gjatë kontrollit janë gjetur dhe sekuestruar dy gëzhoja dhe 71 fishekë. Rasti është iniciuar si “Armëmbajtje pa leje” dhe po hetohet nga organet kompetente.

Ndërkaq, rreth orës 21:52 në Hajvali, pas pranimit të informatës për të shtëna me armë zjarri, policia ka kontrolluar banesën e një të dyshuari mashkull kosovar. Gjatë kontrollit është gjetur dhe konfiskuar një revole me një karikator dhe shtatë fishekë. I dyshuari është arrestuar, ndërsa me vendim të prokurorit është liruar në procedurë të rregullt.

Hetimet lidhur me të dyja rastet janë në vazhdim.

Vendi

Votohet Qeveria Kurti me 66 vota pro

Published

11 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

12 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Lajmet

Osmani cakton Kurtin mandatar për formimin e Qeverisë së re

Published

14 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.