Lajmet

Ministri i Jashtëm italian në Moskë: Armët t’i lënë hapësirë diplomacisë

Di Maio ka thënë se paqja largon çdo dramë nga efektet e saj të pakontrolluara.

Published

5 years ago

February 17, 2022

Betim Gashi

Ministri italian i Punëve të Jashtme, Luigi Di Maio ka deklaruar se për të shmangur një konflikt që mund të gjenerojë pasoja shkatërruese për të gjithë kontinentin duhet të mbizotërojë diplomacia dhe mirëkuptimi.

Di Maio në konferencën për shtyp në Moskë, me homologun rus Sergei Lavrov, ka thënë se paqja largon çdo dramë nga efektet e saj të pakontrolluara.

”Paqja largon çdo dramë nga efektet e saj të pakontrolluara… ajo është udhëzimi që duhet ndjekur, është e vetmja mënyrë që mund të na çojë drejt stabilitetit të qëndrueshëm. Armët duhet t’i lënë vend diplomacisë. Italia është ndër vendet më të rëndësishme aktive për të arritur këtë qëllim”, ka thënë ai, raporton atsh.

“Të gjithë duhet të punojmë së bashku për një zgjidhje diplomatike që do të thotë të shmangim çdo lloj sanksioni”, shtoi ai duke iu përgjigjur pyetjes se “si do të veprojë qeveria italiane në rast të avancimit të sanksioneve për krizën në Ukrainë”.

“Javët e fundit kryeministri Draghi ka pasur biseda të përsëritura telefonike me presidentin Putin, në një frymë të sinqertë dhe të hapur. Të ndryshme ishin edhe bisedat e mia me ministrin Lavrov për të riafirmuar pozicionin tonë. Italia është, ishte dhe do të jetë gjithmonë vendi i dialogut”, theksoi Di Maio.

Related Topics:MOSKA Luigi Di Maio konflikti pasoja

Up Next

Zelensky e pranon se anëtarësimi në NATO ka “ngecur”

Don't Miss

Osmani në Ditën e Pavarësisë: Për drejtësi thërrasim çdo ditë

Lajmet

Miratimi i Ligjit për Parandalimin e Pastrimit të Parave, BE: Kosova një hap para drejt anëtarësimit në SEPA

Published

14 minutes ago

October 16, 2026

Safet Zejnullahu

Bashkimi Evropian në Kosovë ka reaguar pas miratimit të Ligjit për Parandalimin e Pastrimit të Parave në lexim të dytë nga Kuvendi i Kosovës.

Në njoftimin e BE-së thuhet se me këtë Kosova shënon një hap para drejt anëtarësimit në SEPA.

“Me miratimin e Ligjit për Parandalimin e Pastrimit të Parave në lexim të dytë nga Kuvendi dje, Kosova ka bërë një hap tjetër drejt anëtarësimit në Zonën e Vetme të Pagesave në Euro (SEPA) dhe integrimit gradual në Tregun e Përbashkët të BE-së”, tha Ambasadori i BE-së në Kosovë, Dirk Schuebel.

“Ky është një lajm i mirë! Pasi Kosova të anëtarësohet në SEPA, pagesat dhe transferet e parave drejt dhe nga vendet e zonës SEPA do të bëhen më të lehta, më të shpejta dhe më të lira, duke u kursyer bizneseve dhe qytetarëve kohë dhe para”.

Burimi: Ekonomia Online

Lajmet

Sulmon nënën – arrestohet

Published

40 minutes ago

October 16, 2026

Safet Zejnullahu

Një person ka sulmuar nënën e tij në Lipjan.

Sipas Policisë së Kosovës, “është arrestuar i dyshuari mashkull kosovar-me probleme psikike, pasi që kishte sulmuar fizikisht nënën e tij”.

Viktima ka pranuar tretman mjekësor. Me vendim të prokurorit i dyshuari është dërguar në mbajtje.

Lajmet

Narkotikë në oborrin e QKUK

Published

40 minutes ago

October 16, 2026

Safet Zejnullahu

Pas hapësirave rreth shkollave, droga po gjen shtrirje edhe në hapësirat rreth institucioneve të tjera, si ato shëndetësore, për shembull. Një rast i tillë është regjistruar në oborrin e Qendrës Klinike Universitare të Kosovës.

“Është arrestuar i dyshuari mashkull kosovar, pasi që gjatë kontrollit i janë gjetur dhe sekuestruar 24.8 gramë substancë narkotike e llojit kokainë, 1.3 gramë substancë narkotike e llojit marihuanë dhe 1100€. Me vendim të prokurorit i dyshuari është dërguar në mbajtje”, njoftoi Policia.

Lajmet

Një person i zhdukur në Fushë Kosovë

Published

42 minutes ago

October 16, 2026

Safet Zejnullahu

Policia e Kosovës ka njoftuar për një rast personi të zhdukur në Fushë Kosovë.

“Raportohet se viktima mashkull kosovar është larguar nga shtëpia dhe nuk është kthyer më. Dyshohet se viktima ka probleme mendore. Rasti është duke u hetuar”, njoftoi Policia.