Lajmet

Miliona ton të korra të humbura pas shpërthimit të digës së Kakhovkas në Ukrainë

Shkatërrimi i digës do të përmbysë dhjetëra mijëra hektarë tokë bujqësore në Ukrainën Jugore.

Published

3 years ago

June 9, 2023

Betim Gashi

Ukraina mund të humbasë disa milionë ton të korra për shkak të përmbytjeve të shkaktuara nga shkatërrimi i digës Kakhovka në jug të vendit.

Nga Ministria ukrainase e Bujqësisë kanë thënë se pa një burim të furnizimit me ujë është e pamundur të rriten perimet.

“Gruri dhe farat vajore do të rriten duke përdorur një model të gjerë me rendiment të ulët”, thuhet në deklaratën e kësaj ministrie, shkruan ANSA.

Po aty thuhet se shkatërrimi i digës do të përmbysë dhjetëra mijëra hektarë tokë bujqësore në Ukrainën Jugore dhe mund të shndërrojë të paktën 500 mijë hektarë tokë të paujitur në shkretëtirë.

Sipas ministrisë, toka e përmbytur do të kërkojë një vlerësim gjithëpërfshirës agroekologjik të gjendjes së tokës, dhe në shumicën e rasteve do të duhet të zbatohen metoda speciale për restaurimin e tokës.

Vendi

Të enjten në UBT, promovohet libri “Rezistenca e Materialeve – 2” nga Prof. Ass. Dr. Naser R. Morina

Published

44 minutes ago

May 26, 2026

UBTNews

Profesori universitar, Prof. Ass. Dr. Naser R. Morina, do të promovojë librin e tij më të ri “Rezistenca e Materialeve – 2”, një botim akademik i dedikuar studentëve, inxhinierëve dhe profesionistëve të fushës së ndërtimtarisë.

Libri paraqet vazhdimësi të angazhimit akademik dhe profesional të autorit, me fokus në pasurimin e literaturës universitare dhe avancimin e dijes në fushën e Rezistencës së Materialeve, duke ofruar përmbajtje të rëndësishme teorike dhe praktike për studentët dhe profesionistët e inxhinierisë.

Në promovim do të marrë pjesë edhe Rektori i UBT, Prof. Dr. Edmond Hajrizi, së bashku me akademikë, studentë dhe dashamirë të librit.

Ngjarja do të mbahet të enjten, më 28 maj 2026, duke filluar nga ora 13:00, në Kampusin e UBT-së në Lipjan. Autori ka ftuar të gjithë kolegët, studentët dhe të interesuarit e fushës që të bëhen pjesë e këtij promovimi akademik dhe profesional.

Vendi

Ndalohet në Kllokot një person për transport ilegal të deleve

Published

47 minutes ago

May 26, 2026

UBTNews

Në Policia e Kosovës është raportuar një rast i transportimit ilegal të kafshëve në Kllokot.

Sipas policisë, është ndaluar një i dyshuar i cili po transportonte me traktor dele, për të cilat nuk posedonte dokumentacionin përkatës.

Pas intervistimit, me vendim të prokurorit, i dyshuari është liruar në procedurë të rregullt, ndërsa janë liruar edhe traktori dhe kafshët.

Vendi

Katër raste dhune në familje, disa të arrestuar në Kosovë

Published

51 minutes ago

May 26, 2026

UBTNews

Brenda një dite në Policia e Kosovës janë regjistruar katër raste të dhunës në familje. Rastet janë raportuar në Drenas, Obiliq, Lipjan dhe Gjakovë.

Në rastin e parë në Drenas është arrestuar një burrë pasi dyshohet se ka sulmuar bashkëshorten e tij, ndërsa gjatë kontrollit policia i ka gjetur dhe konfiskuar një pistoletë me 25 fishekë. Me vendim të prokurorit, pas intervistimit, i dyshuari është dërguar në mbajtje.

Një tjetër rast i dhunës në familje është raportuar në Obiliq, ku sipas policisë, pas një mosmarrëveshjeje një grua është sulmuar fizikisht nga një burrë. Palët janë intervistuar dhe me vendim të prokurorit janë liruar në procedurë të rregullt.

Ndërkaq, në Lipjan policia ka njoftuar se pas një mosmarrëveshjeje një grua dyshohet se ka sulmuar fizikisht viktimën, e cila ka pranuar tretman mjekësor. Pas intervistimit, me urdhër të prokurorit, palët janë liruar në procedurë të rregullt.

Rasti i katërt është regjistruar në Gjakovë, ku është arrestuar një burrë i dyshuar se ka sulmuar fizikisht një grua. Sipas policisë, nuk janë raportuar lëndime trupore, ndërsa pas intervistimit i dyshuari është liruar në procedurë të rregullt me vendim të prokurorit.